星海．譽宴 (鱷魚恤中心)

营业中

休息中

媽媽生日，放工回家極度帶兩老到觀塘「譽宴.星海」慶祝。 這家酒家是好同事介紹的，說它們的冰鎮鮑魚及花膠雞湯非常抵食，所以坐下後，我便第一時間落單~ 椰汁燉花膠雞湯天氣有點冷，喝點燉湯可以暖暖身，椰汁燉花膠雞湯湯底鮮甜滋潤，既有椰汁的芳香，亦有濃郁雞味，花膠份量足，入口帶點黏黏的膠原味，推介！ 冰鎮花雕5頭南非鮑魚鮑魚勝價比高，送上來時噴出白色冰鎮煙霧，仙氣十足，而鮑魚鮑味濃郁、肉厚帶嚼勁，吃時加點醬汁就已經非常惹味。 脆皮燒乳鴿私心推介！ 乳鴿炸至金黃色，能夠真正做到皮脆肉嫩，鴿肉肉汁豐富，帶有滷水香味，我一個人就吃了半隻～ 美國龍蝦上湯伊麵龍蝦份量極多，入口啖啖肉，肉質集鮮、甜、爽於一身，以上湯來調配更加能突顯龍蝦的鮮味，而伊麵吸收了滿滿湯汁，味道剛剛好，不會過鹹。 醬汁烤燒脆皮雞脆皮雞和乳鴿一樣，同樣都是外層酥脆，內層雞肉嫩滑多汁，絕不會烤得過火，令外皮變黑，而半隻份量亦足夠我們3人享用。 沙拉脆蝦球蝦球隻隻都又圓又大，份量十足，蝦球外層香脆，而蝦肉爽彈，加上沙拉醬調味，入口酸酸甜甜，配上洋蔥及菠蘿等清新配料，令整個餸變得甜而不膩，令人越食越開胃。

同老公仲有他的同事到公司附近飲茶食個late lunch。二點鐘來到，已經差不多座無虛席。瑤柱花膠灌湯餃 $42.8灌湯餃湯底乾瑤柱，濃濃雞湯，花膠，仲有金華火腿。好蟹茶樓已經無得叫，今次見到，一定要一人叫一份。鮑魚汁炆雞腳 $58鮑汁濃濃，雞雞炆得入味，仲有好多花生。 雞腳份量都唔少。蟹粉小籠包 $28小籠包皮薄，一拎起見到晶瑩通透充滿湯汁。 加入蟹粉作餡更把味道昇華，一口咬開伴隨蟹香。墨汁金箔蝦餃 $34黑色的外皮，加上金箔，派頭十足，入面蝦肉爽口彈牙。蜜燒黑豚肉 $68黑豚肉肉質鬆化，沒有肥膩感，無肉臊味。配到蜜汁，燒到香口。蔥花海蜇 $52海蜇爽口，有麻油香。少少辣味，以及蔥蔥香氣撲鼻。楊枝甘露 $20.8芒果香甜，西米有口感唔會煮得太林。好滑香濃，可以encore。

今天下午在觀塘工作，約了好友一起吃中午飯，看到食評，這裏的點心不錯，便來到了。蔥花海蜇：海蜇夠粗，爽口彈牙，麻油味道香濃，份量十足。蟹粉小籠包個皮都算薄，肉汁能夠鎖住喺入邊，吃的時候要很小心，因為包內的湯汁十分熱。桂花蟹肉炒粉絲：好多蛋而蟹肉份量比較少，粉絲爽口彈牙。豉蒜虎皮青椒，虎皮椒正常，蒜頭分量十足，不過炸到過火，有少少苦味。😂涼伴雞絲粉皮，淨係睇張相都知大量芝麻醬，粉皮都夠滑。蜜燒黑豚肉，叉燒味道鮮甜，熱到十足，不過切得比較薄，蜜汁偏濃。春風得意腸，內有油炸鬼、蝦肉，香脆可口，腸粉嫩滑。

想同朋友傾計坐耐啲，搵到呢間富麗堂皇的酒家，環境服務都唔錯。見有優惠推介，椰青燉花膠雞湯 $98，向來鍾情燉湯，仲要花膠，即時叫兩盅，燉花膠雞湯永遠係最夾，滋補養顏。再見有個孖寶優惠價＄288，係上湯焗美國龍蝦伊麵，美國龍蝦都有幾件唔算細隻，肉質新鮮彈牙，鮮味掛在伊麵上。第二寶係脆皮雞半隻，外脆肉嫩，帶著陣陣醬汁香味。杭州香醋一口骨$98，醋味好搶，醬汁酸酸甜甜，最緊要係脆口，肉質都淋。另一道係綠島雜菌煲$98，上枱時熱㷫㷫，有鑊氣，綠島原來係西蘭花，主角係大量菇，有牛肝菌，又香又有嚼口。最後酒樓送了我最喜愛的甜品紅豆沙，紅豆大粒起沙。

連鎖酒家食晚飯大酒樓嘅嘢食其實都唔會點失準，多數食呢啲晚宴飯都食到好飽，由頭食到落尾都唔係好食得落後面嗰啲大多都好味，講啲特別少少嘅俾大家知燜鮑魚，鮑魚好味👍🏻又淋又入味生菜都有鮑汁，索晒汁好好味👍🏻炸子雞外皮好脆👍🏻👍🏻薑汁紅棗糕 超多薑味，不過我食到，都好味芝心百花炸蝦球 中間有芝士 幾特別

觀塘食肆林立，酒樓亦很多，環境靚，但食物質素亦很緊要，這間滿足洒兩個要求樓底很高，一入內被花花佈景板吸引著，還有戶外地方，很適合用作結婚飲宴場景點心很多選擇，全部即叫即蒸下午茶很優惠媽咪喜歡紅燒乳鴿$68烤得皮脆，內裡肉汁鮮嫩，正呀點心拼盤 $42燒賣x2, 蝦餃x2, 潮州粉果x2,燕麥糕 x2超級抵食！ 尤其是燒賣味到很出色蟹粉小籠包 $28內裏湯汁加蟹膏很香濃，肉汁很juicy, 真心值得推介鮑魚汁炆雞腳 $58雞腳炆得很淋入味，鮑汁很香濃瑤柱花膠灌湯餃 $42.8大大粒乾瑤柱，竹笙，材料豐富，用上雞湯，食得出沒有加味精整體環境好，下午茶很抵食，觀塘飲茶好去處

下班後與幾位友人飯聚，有段時間未有吃中菜，剛好大家都位於九龍東，就選在譽宴•星海晚飯。餐牌上特別在幾款抗疫價特惠食品，亦有不少經濟之孖寶等等，一行四人可以多點幾款試試。先點了抗疫價的椰青燉花膠雞湯。分量不少，內有雞、瘦肉、花膠及原個起了肉的椰青。湯頭清甜無味精，秋風剛起確是十分合適的滋潤湯水。餐前小食點了一份青瓜拌海蜇，口感爽脆調味帶酸，很開胃。另外脆皮燒腩仔皮很脆，亦是好吃。大家都喜歡吃海鮮，點了一個孖寶，選了上湯美國龍蝦伊麵及脆皮燒雞。龍蝦較細隻但肉質不錯，反而伊麵有驚喜，一般都會煮得軟爛，這個伊麵保留了爽口之餘亦吸收了汁的精華。脆皮燒雞真正做到皮脆肉嫩，吃了2塊雞胸肉仍保持嫩滑，非常不錯。另外也點了一份蒸扇貝，剛好一人一隻，扇貝新鮮，粉絲吸盡精華，很美味。另外有一條沙巴龍躉班仔，約一斤，蒸的火候剛剛好，很滑，豉油汁亦剛好提鮮。總要吃點青菜，點了碟濃湯野菌浸翡翠菜苗，份量十足，菜苗新鮮，雖是青菜但也鮮味，證明濃湯做得好，亦帶來晚飯帶來一點清新。食物質素不錯之餘，服務亦有溫度，姐姐主動換碟之餘，留意到茶水可能放久了，亦主動提出更換新的熱茶。於吃飽後坐著有點冷的時候更主動問要不要糖水，

原約定五人到酒樓茶聚😊最後有一位朋友因事未能出席，埋單前跟服務員講我地減一人茶錢，服務員回答態度非常差，令整個氣氛非常不好，今時今日嘅服務態度🤪下次係唔會選擇呢間酒樓啦👋👋記得留意告示🥴費事唔開心👈🏻

午後相約了朋友一起喝茶吃點心，第一次來到譽宴星海的觀塘分店。午後時間人山人海，幸好最後可以入座，環境寬敞。下午茶時段，點心都有不少優惠。晚間小菜也很吸引，下次會再來。我們點了蒜香蝦春卷和家鄉咸水角兩款點心都甘香鬆脆，春卷蒜香味十分突出，都是即叫即炸。墨汁金泊蝦餃皇，蟹籽燒賣皇墨汁蝦餃皮別出心機，值得一試。燒賣餡料亦足料。蟹粉小籠包，一籠一隻，小小的，除了賣相，味道也很好。豬肉混入了不少蟹粉，一咬開流心流汁。楊枝甘露、香芒凍布甸當然要點酒樓必吃的甜品，加了花奶，味道不會太甜，作為甜品一流。魚湯野菌浸翡翠苗翡翠苗加了上湯，除了健康之外也有調味。瑤柱花膠灌湯餃這個是必點的點心，有瑤柱和花膠，已經十分足料，湯底濃郁，每一口十分滿足。醬皇鳳瓜大大隻，十分入味。

今日同家人到觀塘辦理手續及到工廈買小電器，攪完差唔多2點肚仔餓要開餐，一行三人便在譽宴飲茶。酒樓裝修幾靚，特別係側邊一排勁大個魚缸。可以一邊嘆茶，一邊欣賞珊瑚魚。我哋叫咗個午市三寶非常抵食。淨係嗰煲老火湯都值回票價，好足料，鍾意飲湯嘅仔仔添左兩次湯。嗰餐仲跟咗燒味拼盤、蔬菜，而主食就叫咗乾炒牛河，乾炒牛河炒得相當出色，牛肉夠晒多，又香又林，河粉炒得夠入味但又唔會好油。亞仔最鍾意食流沙奶皇包、包住好多汁嘅小籠包，質素相當唔錯。仲有海蜇都好夠爽口彈牙。

譽宴星海飲下午茶, 下午茶嘅食品價錢優惠，同屋企人黎食。 首先叫了個澱粉，金銀蒜排骨蒸陳村粉， 賣相吸引又大盤， 排骨都好入味。呢個餸仲包個菜。再叫了個XO醬豆苗鮮蝦餃 ， 皮薄蝦肉彈牙。棉花雞驚雞肉都好滑，豬皮就浸得好琳好入味。鵪鶉蛋燒賣係傳統嘅味道， 依家係茶樓好多都唔供應。再叫了原隻鮮蝦腸， 腸粉係必食， 又滑又香。金牌流沙包， 時間啱啱好，流沙滑而不太甜。再叫咗個燒腩仔和譽宴脆皮雞， 全部都烤得好香口又夠味。 呢間茶樓食物真心不錯， 下午茶價錢好大眾化， 好味！

10月9號同家人一齊去飲茶，有個送菜上枱的姐姐送完梘水粽後，咁我就話：靚姐，可否俾啲白沙糖？個姐姐當聽唔到咁，我又大聲小小話：靚姐，可否俾啲白沙糖？個姐姐又係當聽唔到，就咁慢慢行走咗。咁我就叫另外一個服務員，問佢：她是什麼意思？咁樣嘅服務態度？這位服務員就話：你搵店長啦。之後仲好笑，店長過嚟，問咩事後，佢不是第一時間講對唔住，而係講：你就係要白沙糖姐。當時，我就愣住了，話：你咁樣的態度，唔怪之得手下的人都係咁嘅態度啦。之後，佢就行開咗，一啲禮貌都冇，本來開開心心同家人飲下茶，之後仲要受氣，仲話大公司，這樣的店長都可以？上梁不正下梁歪，今時今日的服務態度，我真係第一次見嘍，應該就冇下次啦。

約咗兩位長輩飲茶，因為平時比較少去茶樓所以由長輩選擇，佢哋揀咗連住apm商場位於鱷魚恤中心嘅譽宴•星海！由於位置方便所以都有唔少客人，好彩餐廳好大好多座位，我哋等咗唔係好耐就可以入座！蔥花海蜇：份量都唔少，爽脆嘅海蜇配上麻油、辣油、蔥花簡直絕配😍美味滷水鵝掌翼：滷水味道鹹甜適中，掌翼滷得入味又唔會太鹹！😋蜜燒黑豚肉：黑豚肉肉質鬆化，邊位燒至微焦，蜜糖充足，入口熱辣辣軟嫩又香甜！春風得意腸：薄薄嘅腸粉皮包住飽滿嘅餡料，一啖就食齊滑、脆、爽嘅口感層次好豐富👍🏻鮮蝦炸雲吞：雲吞皮薄又香脆完全唔會油膩不過可惜餡料太少🍤蝦餃之王：粒粒都好飽滿， 蝦肉大隻又彈牙，名副其實嘅皮薄餡靚🦐瑤柱花膠灌湯餃：一人一盅剛剛好，入面除咗有江瑤柱同大塊花膠之外仲有一片金華火腿！未落醋之前飲咗兩啖湯，湯頭非常鮮甜❤魚湯浸白菜苗：食咗咁多肉類，當然都要食啲蔬菜中和一下！呢度環境幾靚而且坐得舒服，下次都會再約長輩嚟呢度飲茶😊

家人收到消費券要作東道，請家人外出晚膳。早前我與幾位朋友在「譽宴．星海」茶聚，點心很不錯，於是建議在「譽宴．星海」享用晚飯，大家都贊成。晚飯有震撼價$68的冰鎮花雕五頭南非鮑魚，非吃不可，冰鎮鮑魚很爽口，有很重的酒香。另一款震撼價$98的椰青燉花膠雞湯，湯味清甜，材料豐富有椰青肉、花膠、雞肉、響螺肉。脆皮咕嚕大蝦球，咕嚕肉吃得多，轉轉口味，脆皮咕嚕大蝦球外脆肉鮮嫩爽口，甜酸咕嚕汁開胃之選。蒜香五色菜，一次過嘗五款蔬菜，口感豐富。黑椒薯仔牛仔粒，色香兼冶味，很受歡迎。豉油王炒麵，炒得夠鑊氣，香味濃，豉油王夠味道，簡單又好吃。原籠蔗糖馬拉糕，熱騰騰、清甜又大件，最宜分享。奉送陳皮紅豆沙，吃到陳皮的香濃，紅豆沙質感綿密，為晚飯劃上完美句點。

感恩越來越多人打咗疫苗，食肆都開始放寬，難得一家人可以開開心心吃晚飯慶祝，中菜始終是我們最愛。冰鎭花雕5頭街非飽魚 $68，全日震撼價 十分抵食，可惜未夠 8:00pm 已經售罄，留待下次品嚐。椰青燉花膠雞湯 $98幸運的還有另一晚市震撼價，燉花膠雞湯滋潤無比。秋天必備的潤肺湯水，一年四季都喜歡花膠滋補、椰青潤肺清甜，原盅上賣相絕不失禮。孖寶優惠價＄288上湯焗美國龍蝦伊麵美國龍蝦壹隻配上湯伊麵，美國龍蝦新鮮彈牙，肉味鮮嫩，可口多汁，而且份量足夠，龍蝦啖啖肉。上湯烹調的龍蝦放在伊麵上，龍蝦鮮甜肉汁流落伊麵，伊麵充分吸收上湯龍蝦的精華。譽宴脆皮雞半隻醬汁烤燒脆皮雞，外皮微酥帶有炭烤香氣，濃郁醬汁香，雞肉本身的原汁香嫩表露無遺。黑椒薯仔牛仔粒 $118小炒鑊氣夠，炸過的薯仔混合牛仔粒，以黑椒調味炒出特別香口惹味，薯仔外脆內軟，牛仔粒 軟腍適中，黑椒汁的濃香很適合撈飯。蜜汁叉燒皇（例）$138賣相實在漂亮，飽滿光澤透出紅油光，肥瘦相間的厚實叉燒，香氣迷人，外層香內裡甜，回味無窮，極品！楊枝甘露 $30最後吃我最喜愛的消暑甜品，新鮮芒果加入葡萄柚、西柚，清新美味。