星海．譽宴 (鱷魚恤中心)

营业中

休息中

同屋企人食飯多數都去酒樓~ 最近試左間位於觀塘既星海薈，質素相當唔錯，價錢相宜，屋企人都大讚好味又抵食😆 我地一行3人叫左幾個餸，每款都份量十足，食到要打包走添😂 下次有家庭聚會必定會再黎encore呀~星海薈位置方便，就係apm隔離既鱷魚恤中心2樓，佔地全層，環境非常闊落！比起傳統既酒樓，呢度既裝修更有時尚感，樓底夠高，天花吊飾簡潔高貴，牆邊仲有一排珊瑚同熱帶魚，賞心悅目！店員服務好好，態度友善，不時主動加水﹑換碟，值得一讚👍🏻♢ 🥣川貝海底椰燉鱷魚肉花膠湯 $98呢度有多款滋補湯水，我地叫呢碗湯試下，唔係度度都有架🤭 湯頭清澈入味，唔少得鱷魚肉同花膠，非常足料！♢ 🐖脆皮冰燒腩肉 $68燒腩仔肥瘦均勻，好出色，必試呀🌟 外皮燒到脆卜卜，同時保持肉質軟腍，配埋芥末口感更豐富！♢ 🦞孖寶 ‧ 澳洲龍蝦上湯伊麵 $568孖寶超抵食✅ 必點！成碟龍蝦超巨型，多件龍蝦肉，連蝦頭﹑蝦尾都一齊上菜，超震撼❗️龍蝦目測都有斤半重，啖啖肉鮮甜爽口。上湯龍蝦汁配伊麵簡直絕配🤤 餐廳仲落左唔少芝士提味，醬汁沾滿每條伊麵，令人食指大動~♢ 🐓孖寶 ‧ 醬汁烤燒脆皮雞 (半隻)熱辣辣﹑新鮮烤起既脆皮雞，雞皮燒

約咗好耐嘅 #飯聚 呢晚終於成行😉 難得人齊，梗係要食好啲啦🤤 可能大家都知我對 #中菜 同 #海鮮 情有獨鍾，朋友就建議去 #星海 · #星海薈 試吓佢哋嘅 #小菜 同 #上湯龍蝦，話味道都唔錯㗎🤤 既然朋友都比like，梗係要試吓啦😉餐廳以紫色為主調，天花佈滿閃令令嘅水晶燈飾，好吸晴呀💕 服務員知我第一次嚟幫襯，叫我一定要試吓佢哋個 #瓦罉煎焗大魚頭，#小秘書 離遠已經聞到一陣 #爆葱蒜 嘅香氣，燒熱嘅 #瓦煲 放上金黃色嘅 #大魚頭，魚頭炸到脆香，配埋啲葱蒜一齊入口，非常惹味🤤 朋友話知我呢排做嘢辛苦，仲特登叫咗盅 #川貝海底椰燉鱷魚肉花膠湯 比我補一補，一上枱見到大大舊 #花膠 喺面，未食落肚已經夠晒滋補🤭 而且啖湯真係唔錯㗎🤤另外我哋又叫咗個 #上湯龍蝦 配 #脆皮雞 套餐，#龍蝦 啖啖肉，碟底嘅 #伊麵 剛好索晒啲龍蝦汁，好鮮味🤤 而隻 #雞 都做得唔錯，皮脆肉嫩嘅口感，啱晒我哋呢班食肉獸🤭 最後我哋加咗個 #西蘭花炒帶子，大大粒嘅 #帶子 同 #西蘭花 確係天作之合，菜式清淡得嚟又不失海鮮嘅鮮味🤤 仲諗住食埋粒帶子就收手嘅我… 點知服務員仲細心到裝咗幾碗 #紅豆沙 出嚟請

難得放假同屋企人到觀塘APM行完街就到隔離鱷魚恤中心飲返個下午茶先，今次就黎到星海. 星海薈，入到酒樓有室內和室外，環境華麗寛敞好適合在這裏舉辦婚禮🥰餐紙上亦有多款小菜及點心選擇，價錢好合理👍點心拼盤有燒賣、粉果、蝦餃和黃金糕等，熱辣辣即叫即蒸，樣樣都好新鮮好好食🤤原隻鮮蝦腸，這款點心是用新鮮的蝦肉製成，口感鮮甜彈牙，非常美味。蜜汁叉燒包，這款點心的叉燒餡料非常入味，而且甜度適中，不會太甜。包子皮薄而有彈性，口感不錯。黑椒金錢肚，黑椒的味道好突出，醃制得好入味。鮑魚燒賣，這款點心中的原隻鮑魚非常鮮甜，燒賣皮薄而有彈性，豬肉同蝦比例適中。蜜汁叉燒酥每次去酒樓必點的點心，外皮鬆軟，叉燒甜甜地味道一流。鮮蝦炸雲吞外皮炸至金黃色好香脆，蝦肉爽口，加入甜酸醬味道更加提升。

帶位阿姐態度惡劣， 欺負d 婆婆伯伯等位時，在旁邊見到短髮帶位阿姐，對阿婆阿伯態度極差，趕客咁，唔識尊重人，大家都唔駛對呢間酒樓有好大期望。本身間酒樓嘢食都唔係特別好食，而家加上職員態度惡劣，本身係依頭附近返工，平時間中都會同同事嚟飲茶。 今日同班同事一齊見證呢間酒樓職員的態度，所以我同埋d 同事，都決定以後都唔會再幫襯佢。希望之後再有人想去呢間酒樓嘅客人，如睇到我呢篇評論會有定心理準備先，以免有同樣遭遇。

Happy Friday，同一大班同事去飲茶，上到去已經見到人頭湧湧，好彩同事醒目一早book定位，所以一上到去已經有位唔使等！今次我哋叫咗燒賣，蝦餃，牛肚，春卷，牛肉腸，蝦腸，蝦米煎腸粉，石鍋炒腸粉，叉燒包，燒腩仔，鮮竹卷，口水雞，鳳爪，最後再叫咗個肉絲炒麵。見到蝦餃黑色嘅，好特別即刻食下，同普通蝦餃分別唔大，不過個皮就再煙靭一啲，餡料嘅下就彈牙爽口好食！口水雞都有驚喜！個石鍋炒腸粉就係因為聽到隔籬枱，吱吱聲，好大香味，好似好好食，咁所以就叫咗，味道係唔錯，不過啲腸粉比較林左啲。叉燒包鳳爪，同埋其他點心質素都好好。炒麵亦都好夠火喉，炒到脆卜卜，好好食！

星海．星海薈 📍觀塘開源道79號鱷魚恤中心2樓今晚同屋企人來食晚餐🤤見佢地出左新龍蝦菜式🦞一於試下。鐵板白胡椒煎焗澳洲龍蝦 $598大大隻澳洲龍蝦🦞～有成斤半重非常厚肉～肉質彈牙配製白胡椒汁好香濃～用左鐵板上～保持到龍蝦嘅熱度上碟時新鮮熱辣～😁✨值得一試。黃金海皇炒飯 $128 係鹹蛋黃蝦仁炒飯～做到飯粒🍚粒粒分明好香鹹蛋黃味😋。脆皮冰燒腩肉 $68 來酒樓一定要食燒腩仔外皮香脆～肥瘦均勻🤤配埋芥末～非常惹味。七味脆豆腐粒 $48酥脆下皮包裏住滑緻豆腐炸粉做到非常好～✨裝修好有氣派～樓底高～配埋天花燈同埋現場裝飾♥️非常岩擺酒搞婚禮👰🏼🤵🏻‍♂️👏🏻而且店員服務好好～會主動幫手換碟、加水#星海星海薈 #星海 #星海薈 #酒樓 #擺酒#婚宴場地

同屋企人經過觀塘apm附近，想食中菜於是就揀咗譽宴星海，整體感覺不錯，環境安靜，服務態度好。我哋一行三人嗌咗幾個餸，款款都幾好味。1. 上湯澳洲龍蝦伊麵龍蝦十分鮮甜，亦很彈牙，亦都看得出份量很多，上湯龍蝦汁配上伊面亦係最佳配搭， 龍蝦味道很濃， 不禁一啖錫一啖。2. 古法蒸蝴蝶斑蝴蝶斑上到嚟熱辣辣，蒸氣騰騰， 這是十分重要，食魚最緊要新鮮，魚肉十分嫩滑，食得出蒸煮時間恰當，不會過老或者太生。3. 譽宴脆皮雞半隻脆皮雞不夠一陣時間就食曬， 雞肉很嫩滑，雞皮脆脆的， 所以咬落去有兩種口感層次， 十分豐富， 就算係雞胸，味道口感都很不錯，值得一讚。4. 蒜蓉通菜 最後都想飲食均衡，叫返碟菜，蒜蓉味很重，很正 ，通菜新鮮，爽脆，不錯。平日夜晚去食，價錢亦都十分合宜， 菜品款式多，有機會再試其他味道。

觀塘鱷魚恤中心2樓的星海．譽宴 ，裝修環境氣派，天花有花瓣吊燈盡顯貴氣，平日飲茶食飯人潮不斷，超多人幫襯。侍應服務態度不錯，落單、上菜有效率冇錯漏。午市茶位10蚊一位。潮州粉菓（中點）現叫現蒸，一籠3粒，粉皮Q彈，餡料飽滿，食落口煙煙韌韌好滿足。安格斯牛肉腸（特點）賣相不錯，份量十足，安格斯牛肉質地嫩滑，食落冇渣，腸粉熱辣辣新鮮出爐，好味！瓦撑煎焗大魚頭（2隻起叫）每隻💰58HKD呢個系順德風味一大煲端上枱，熱辣辣發出滋滋聲，要翻動一下，爐幾分鐘就可以食，魚頭營養豐富，非常惹味。蒜茸粉絲蒸聖子王(2隻起叫)每隻💰40HKD聖子王鮮甜夠新鮮，大大隻質素不俗，蒜茸粉絲蒸夠晒入味。粟米鮮龍躉斑塊 💰168HKD佢系粟米羹同龍躉斑塊分開上，咁樣就可以食到更香口嘅龍躉斑塊，口感扎實，魚肉嫩滑。

呢間餐廳職員一向無禮貌無服務！只是家中長輩鐘意先黎食飯！之前試過收銀呀姐計漏數定未碌到卡俾錢，態度好差咁問我地拿返張信用卡去俾錢！今次bk左位同家人一齊食慶生飯～訂座時店家無講低遲到會cancel bking,以為係留座十分鐘啦，點知遲左5分鐘到，已經將我地訂張枱俾左人，又要等一陣先俾返張枱～因為家中長輩很喜歡吃這裡的菜苗，特地點了套餐，因為菜單上無得單點，上菜時發現變左白菜仔，以為上錯菜，同職員講返先知因為無哂菜苗，所以無通知我地就自把自為換左白菜仔，上菜時都無同我地講聲，咁我地當然話唔要呢道菜啦，因為我地本身係為左菜苗而點呢個套餐。最離譜的是，有個職員粗聲粗氣大大聲問我地一係就要哂全個套餐，一係就唔要哂成個套餐，唔要就即刻拿走個套餐拿去扔掉，本身我地唸住唔要菜苗就算，費事哂野，但對方好堅持一定要全部扔哂d菜，無得唔要一道菜，ok咁我地唯有選擇全部唔要，本身套餐個湯都裝左在碗度準備飲，個職員要我地將碗湯都要倒返落去拿去扔掉，驚死益我地咁樣，明明餐廳自己自把自為，迫我地硬食d我地無點的菜，由頭到尾無職員道歉，仲要當我地乞兒咁樣，呢餐飯食到好嬲成肚氣！無下次！就算d野幾好食都唔會再俾錢黎

這家中菜館位於銅鑼灣，地鐵站旁邊，大型商場之內，環境舒適，瑰麗堂皇。蜜汁炒燒豬仔骨，如叉燒一般的味道，但卻帶有燒骨的香味，骨和肉的比例剛剛好，外皮帶點焦香，帶點蜜糖的甜，為生活打打氣。蟹米燒賣皇，是我必點的選擇，入口味道帶層次，肥瘦比例適中，配搭恰當，配搭蟹籽，令口感更加豐富，但最重要的還是新鮮熱辣制作。招牌酥皮焗大蛋達，超出我的想像，足足平常蛋撻的兩倍，不太甜，外皮鬆脆，不知不覺越吃越多。金瑤蛋白炒絲苗，綠綠分明的感覺就是這樣的出色，加上不油膩，健康的選擇。

今日放假，同屋企人去了觀塘鱷魚恤中心星海譽宴飲下午茶，下午茶時間果然少好多人，唔使等位就梗係開心，而且茶錢同點心都比假日平，抵食好多。食點心最好就係樣樣都可以趁熱食，呢間酒樓每款點心都係熱辣辣上枱，非常好。首先香脆百味豆腐，粒粒都外脆內軟，脆皮燒腩肉，啲皮係脆㗎，連姑丈都讚好。點心價錢就由10幾蚊都30幾蚊都有，平時啲蝦餃白色嘅，呢個夠晒特別，墨汁金箔蝦餃皇，外皮用墨汁整黑蚊蚊，蟹籽燒賣王又夠大隻。黑松露野菌餃，黑松露味好香，令到平時冇乜特別嘅野菌餃非常好食。蟲草花棉花雞，我就最鍾意食呢個棉花，所以次次都叫棉花雞。好耐冇食過鮮蝦炸雲吞，脆卜卜嘅雲吞沾上酸汁好懷舊的點心。仲有香煎蘿蔔糕、蜜汁叉燒腸、金珠鹹水角、荔蓉帶子盒，呢度嘅點心選擇都真係好多。甜品鬆化脆麻花非常大碟，又鬆脆，養顏薑汁糕係我自愛，每次必叫，好喜歡煙靭的口感。

幾星期前和家人到沙田石門的譽宴吃了個白胡椒蟹四人套餐，他們讚不絕口又口果，趁聖誕節便和他們再吃一次當慶祝聖誕。招牌白胡椒肉蟹重量級的肉蟹比上次更香味撲鼻，鐵板盛載的胡椒蟹更能保持熱度，隨意淋上胡椒汁，隨即發出咋咋聲響，更顯香味，急不及待把蟹肉送進嘴裏。這巨蟹依然是超級多肉的，蟹鉗超大隻又鮮甜，蟹肉清甜新鮮，滿口都是享受，連蟹腳都有不少肉。鐵板上的胡椒醬汁，辣度輕微，惹味非常，鮮甜肥美的客戶蕉肉蟹果然色香味俱全!!!雪梨無花果燉花膠湯這是其中一個我最回味的燉湯，每碗都有雪梨，無花果，花膠，因為非常足料，所以才夠美味。花膠夠軟滑，還有無花果和甜美的雪梨燉製，超級鮮甜，很滋潤，入口熱辣辣，喝了非常暖和。冰鎮花雕五頭南非鮑魚由花雕酒醃製的鮑魚很特別，花雕酒味濃郁，鮑魚厚肉爽口，廚房還把鮑魚切開三份，比較容易入口，冰鎮的食法令整體更吸引，醮上芥末，味蕾更刺激。日式芥末牛柳粒在中菜酒家吃到日式牛柳粒也挺特格的，牛柳粒肉味濃郁，火喉拿捏得剛好，保留了肉的韌性。西芹爽脆，吸收了牛肉汁，醮上芥末醬又是另一種味道，感覺不奇怪的，出奇地夾。

Lunch time黎呢度食過，覺得都算平靚正平日晚市黎到差唔多滿座，侍應嘅服務都幾好，會主動幫手換碟見到人哋食龍蝦🦞超大隻，跟著就叫咗個鐵板白胡椒煎焗澳洲龍蝦，真係超厚肉，超大隻，雖然係好大隻，但肉質都唔會韌，味道香辣，就算連我唔食得辣都食到呢個冰鎭花雕5頭南非鮑魚煮得十分入味，切開一片片上碟，食落好香花雕嘅味道，口感爽滑第一次食新鮮魚卜煲，味道香滑，配菜西芹十分嫩口，不過如果容易有胃病嘅朋友就最好少食魚卜足三兩嘅紅燒煲仔翅都算大片，加埋芽菜一齊食就更美味，芡汁味道拿捏得好好，一啲腥味都冇最後仲送埋紅豆沙糖水，紅豆煮到起沙，味道唔會過甜

以前經常同家人去譽宴飲茶，晚飯就少啲適逢近日有時間，睇睇夜晚有咩好食🥣雪梨無花果花膠湯💰$68超清甜滋潤嘅感覺，一人一碗絕對唔過份，有雪梨同無花果嘅甜味，花膠養顏，一定要飲🉐🦀招牌白胡椒蟹💰$598好大隻‼️足足一斤半重‼️大隻易食好多肉，肉質鮮甜超正‼️最讚係極濃郁白胡椒味辣得好過癮，有少少通鼻塞+行氣活血感覺，食完即刻暖咗，超惹味🉐🥢金銀蒜蓉蒸大元貝💰$36/隻（兩隻起）鐘意食海鮮嘅我點會錯過蒸扇貝😍貝蒸得啱啱好唔會韌，最正係金銀蒜蓉粉絲，加啲豉油生油蔥花好索味🥬蟹粉扒豆苗💰$188豆苗一向好食，加埋蟹粉更香更好食😋💰$1068/2ppl🚩星海．譽宴 (鱷魚恤中心) (觀塘) 📍 觀塘開源道79號鱷魚恤中心2樓

星海 譽宴 ［觀塘］趁今朝得閒少少，去咗嘆返個早茶，第一次去依間飲茶，竟然有驚喜。兩個人唔係食得好多，但都印象深刻，未試過啲點心上枱既時候係噴晒煙，好夠熱好新鮮既感覺，味道都在水準以上，兩個人埋單178蚊，環境亦都唔算迫，難得有時間，慢慢坐嘆返個早茶，原來慢活係咁開心既😊