星林居酸辣米線餐廳

营业中

休息中

想食唔熱又難食,環境又污糟, 食完仲會痾既米線既話,即管黎試啦!呢間係比較新開既分店啦應該, 之前去話樂道嗰間,因為太熱壞冷氣,無食過, 隔左好多年,無啦啦見到係金馬倫道有間上樓店,咪去試囉。 去到又係無咩冷氣, 裝晒好多部風扇, 唔知係老闆唔捨得處理好冷氣問題,定咁岩兩個舖位既冷氣都唔得啦! 招呼就無嫁啦, 啲人仲好似有小小問題, 以為係良心老闆,請啲有小小問題既員工啦! 坐低睇完食咩, 嗌埋,都無諗住抹下枱,要出聲叫,但抹完好似無抹咁, 成塊玻璃面都係油既, 摸邊到都係立立咁!我地一個就叫左過橋米線, 另一個就叫左豬腸,墨丸冬姑呢個就係叫三餸嗰碗, 墨丸好似未解凍咁,成碗野上枱時,都只係有溫度,無熱度既,個墨丸有小小就(叔)既味, 食左半粒,都要吐返出黎。對面嗰碗過橋, 同啲餸分開上, 更差既一碗, 凍既, 唔可以太誇張,但真心只係暖暖地, 仲要執牛展, 頂! (叔)既!!即刻同佢講啦, 已經搵左個正常啲既男人黎膚,佢都話要搵負責人。。。等左6分鐘,搵左知阿毛出黎。。。唉。。。生意係咁做既咩。。但都肯扣十蚊,淨係扣返呢塊牛既餸錢!有一個好處,要多莞茜佢真係比多你既!點知食完夜晚返到

如果去開 TST 想求其搵d 野食，我都幾常去星林居，好簡單只因為碗麵真係好味，特別係湯底，濃味，係第二度食唔到的。同埋，我都幾中意佢點菜係自己圈紙，可幾一目了然，自己慢慢揀同圈，再交紙比侍應就可以等食啦。不過，星林居愈來愈多遊客，晚市通常都比較full ，所以服務都比較一般，比如侍應有d 忙，煮麵速度較慢，但都接受到嘅。如果可以的話，希望坐可以鬆動d , 有時多人要搭台，如果唔係坐卡位個邊都幾麻煩，連袋都冇位放。

本身米線一個錢米線正常湯底一直偏咸味道是幾香的叫左加十蚊大腸黎到得三舊問過員工（收銀的一位女士）佢話好似係得三舊勁唔抵食無下次食過無數米線就算幾少都唔會得三舊好騙財

一入到去1分鐘都無已經話要3個坐埋一邊一陣多人又乜又剩之後我地話 一陣有先算啦好無？座位放面真係好有問題態度好差其實您地都唔算平 做乜仲要用呢啲態度去對人算啦 失望 貼錢買難受仲要俾人鬧 哈哈

每次去尖沙咀都會食星林居，以前去開樂道果間，以前有樓上店可以坐得舒服啲，不過樓上冇左之後要落樓下食，坐得勁逼同隔離好close，最緊要係個收銀態度差，不知所謂，所以近呢兩年轉左金馬倫道果間，發覺改左名喎，一問收銀伯伯原來係分拆左出黎，我估類似譚x有冇三哥嘅分別啦，開頭都好驚轉埋廚師唔同左味，不過好彩味道冇變，同以前一樣咁好味，呢間價錢比樂道平，收銀伯伯態度正常有問有答，由於我係外賣，返到屋企掛住開餐唔記得左影相，只有點心紙比大家參考下價錢~

食碗麵足足等左50分鐘，同個侍應追單，佢竟然問我’你等左幾耐？隔離枱等左一個鐘都係咁’，追杯凍檸茶第二個侍應又話’我唔係負責冲野飲，幫你唔到’，真係反白眼反到去後腦，以後都唔會再來呢間星林居。最大問題係佢地覺得自己無問題！

職員態度極差叫野食等左半個鐘都唔黎，催過兩次都無人理。去櫃臺收銀姐姐幫手問有野食未？ 個呀叔淨係答「唔知」。想去食野都要受氣！ 唔想做生意咪唔好開門囉！一行入去又話呢到唔比坐果到唔比坐⋯食碗麵食完就走啦！做左成日野想坐得舒服小小食碗麵啫⋯⋯DO NOT go to this restaurant cause their staff are super rude. We placed the order at 6:30 and waited for half an hour but still nothing to eat!! We asked the staff to check the order twice and their answer was “I don’t know”. We left without eating anything but they asked us to pay the bill.🤬🤬

總結: 服務極差 食物質素普通 份量少 唔抵食 唔會再黎兩個人星期日中午1點半左右黎到店裡面無乜人 諗住可以舒舒服服食個米線點知中哂伏一入到黎 店員已經呼呼喝喝咁叫我地坐低 好似同佢有仇咁依個只係開始米線一黎到就出哂事湯唔熱 米線同食物都非常少腩肉5元只有兩小片最過份係豬軟骨10元只有一細舊 仲唔知邊到黎一大舊薑係碗米線到同店員反映豬軟骨同薑嘅問題 佢地仲話"係得一舊架啦" 我地再佢地幾個店員反映先肯將舊薑換番豬軟骨一開始明顯就係比錯左舊豬軟骨仲要好鹹 好難食成世人都未食過咁差嘅米線 真係比錢我都唔會再黎🙄

星期日下午 叫左碗豬紅貢丸豬軟骨米線 三餸驚太多叫左少米線碗米線一黎到 貢丸兩粒 豬紅六小粒 豬軟骨...哇 得一舊！？十蚊得舊？仲有一舊扮豬軟骨嘅薑...我忍唔住叫個侍應黎問下 豬軟骨係咪得一舊？佢竟然答我係😵 然後我話另外一舊係薑黎㗎喎 佢話你叫咪有囉！🤔🤔第一 我冇見到有一個餸係薑 第二 會唔會叫一舊薑做餸呀？然後個侍應走去同其他侍應黎睇舊薑 好似當展覽咁 然後個呀嬸黎睇完講左個「哇！真係好大舊薑喎！」就走開左🤨好費解 咁姐點呢？再隔多分鐘又有個呀叔攞個碗黎 話俾番舊薑佢換番一舊豬軟骨俾我 心諗點解要換嘅？佢要擺番舊薑入去淆湯？😵定怕益左我所以要一換一？算啦 快食快走啦諗住！食啦 少米線又真係少到食幾啖就冇晒 豬軟骨又咸 炸醬又凍冰冰 湯又唔熱....我真係未試過食米線會唔飽 今次係第一次 亦都會係最後一次！🤬

一行三人，晚上八時入座落單，苦苦等候半小時，先上第一碗米線，已經少咗腩肉,同侍應伯伯反應，伯伯反應極為不佳，首先說腩肉一齊煮，撩下先。朋友撩左幾下仍不見有腩肉蹤影，竟然俾伯伯"嘖"左下，話唔係咁樣撩。借問聲點樣撩呢？？第二碗上菜，四個送錯咗兩個餸，我地order 左生菜，蘿蔔，豬肚，炸醬。點知送來竟是蘿蔔生菜豬大腸，豬紅同金菇，點知伯伯又"嘖"一下指着豬大腸說是豬肚，還要擺出一個不耐煩的態度，便衝走了。5分鐘後拎住落單紙質問誰tick 的，逐樣送對發現真的錯了然後再"嘖"多兩下再拿走碗米線。5分鐘後送回正確的埋線，餸是對了，配菜卻又錯了要蔥沒蔥，走芫茜變多芫茜，中辣變清湯。再過一會兒再掉低個碟仔話俾返第一碗個腩肉你。第三碗米線算正常。呢間野冇下次了。

自從朋友介紹後，時不時係尖沙咀諗唔到食咩，就會去星林居食碗酸辣米線，因為個酸辣湯底真係好出色，食極都唔厭，而我覺得小中辣普通酸既比例係最好，易入口得嚟又酸酸辣辣，令到本身唔太鐘意食米線既我，都覺得米線好食咗。食酸辣米線既其中一個好處，就係有花多眼亂既餸菜比我揀，次次都心大心細，而今次就揀左豬紅、蘿蔔、蟹籽包同豬腩肉。豬腩肉份量雖然唔多但好夠味，蘿蔔好甜無渣夠大舊，酸辣湯配豬紅味道好夾，再加罐汽水咁就一餐。雖然話酸辣湯令到米線好食咗，但如果有得轉其他粉麵類就會更加好啦。睇真啲間野好似改左名，但應該都係同一間？