星林居酸辣米線餐廳

营业中

休息中

之前同朋友食過呢間米線今日行開附近唔知食咩好 就黎食過同車仔麵一樣 係剔紙仔叫餸既 仲可以揀酸辣程度叫左2個餸 腩肉魚腐 普通酸 同小辣 小鍋米線點知出到黎 個樣....食落仲好鬼酸 

好恐怖嘅經歷琴日肚餓經過想買個米線食下 心諗唔會伏得去邊 叫咗個腩肉魚腐油麥菜湯米線我外賣 我無叫分湯 因為行去目的地路程唔洗5分鐘就會食 廢時分湯點知打開變左撈米線啲米線發脹哂 無哂湯 好恐怖😱我未試過食啲咁伏嘅野伏到我食左啲餸 同少少發脹米線就dum左我平時唔會做大嘥鬼 但真係難食到講粗口就算你話我冇分湯所以先會索左啲湯都冇理由成碗野變咗撈米線㗎嘛？佢唔係剩返少少湯喎係連淨番嘅液體都變咗汁 係濃縮嗰種唔通佢落錯單幫我落咗做撈米線？好驚嚇啊？🥶🤪

朋友介紹呢間出名食酸辣米線，鋪頭喺3樓，出面有好多個牌寫住係最好食嘅米線，所以自己都有少少期待。但係想到去完全冇人招呼，同個侍應講兩位，佢完全望都唔望我哋一眼，之後我哋就自己搵位，但係上面啲衛生情況非常之差，地下好多水仲有啲好似嘔出黎既野，估計係湯汁，但無人清理，好多張枱都無人執。呢度係自助形式自己寫亦都唔會有侍應幫你落單，最後我哋寫好咗之後交比個收銀，但係佢同樣望都唔望一眼亦都唔收張紙有得佢擺喺枱上面，咁嘅服務態度真係令我們非常之不滿。我哋兩個人都帶咗個三餸麵仲有加蔥同埋加芫荽，但係你都嘅餸呢就每人都錯咗一樣，而且亦都冇沖同芫荽，我哋睇返張幾印單係啱嘅，但係廚房就真係整到錯晒囉。跟住我哋就問個侍應，佢望一望就幫我整返俾我哋，其實真係令人覺得幾唔舒服囉。講返個面先其實啲餸真係冇咩特別，我湯底就得個酸字，叫咗小辣但係一啲都唔辣，同朋友一樣都係叫小辣，但係佢個碗就真係小辣，證明呢度啲品質真係好參差。食食吓仲發現有一舊米線，真係心諗食第二間米線都冇去呢咁嘅服務同埋水準囉，真係唔知點解佢會出名。可能都係食遊客生意，因為見到好多都係遊客，但係佢哋同樣好迷惘，因為佢哋都冇人serve，甚至可能佢哋

收工時間到尖沙咀 好多餐廳都full哂基於趕時間 是但搵左間唔洗排隊又可快食既餐廳點知食完好sad...！一入餐廳有怪味 似烏煙障氣感覺...叫左碗涼拌米線加豬腩肉 小酸 一上桌，豬腩肉得3小塊 仲要係凍既！！成碗野都無味 米線勁林...食左幾啖俾錢走人 實在太難食！！！

下午三點到去食下午茶，叫左個三餸酸辣米缐，等左15分鐘終於來，米線只是暖但不夠熱，一看少了一樣餸，立即告知職員，佢一句話都冇覆就走了，等多數分鐘仍未補返，再告知職員，她只看碗上的電腦單話我冇落過個樣餸，我再話我手圈單上是有圈但她並沒冇查看只話我冇落，態度十分差，格理桌下單叫了三次也沒有人理會，另一桌客人叫唔該也沒有人理會，最後那桌客人氣沖沖走了，但那時客人並不多，就算味道可以下次也不會再去幫襯。失望

老實講啲嘢食唔係好食，啲人又唔係咁好禮貌，尤其是着紫色衫帶黑色眼鏡送食物出嚟嗰個男仔 :叫極都唔應 望住你掂行掂過 等碗米線等左25分鐘 對面對情侶食完仲走埋我個碗都未到 問幾時到就話好快到 叫cut單又唔比cut單 雖然食碗米線唔算係啲咩 但至少大家互相尊重 我亦都冇第一時間態度差去吹叫佢即刻攞碗麵 我淨係問面有啲耐可能要跟下。星期六食嘢就諗住放鬆啲 冇諗到有個咁不愉快嘅經歷😥下次唔會再嚟食👎🏻👎🏻👎🏻

1. 服务态度差到好像刚掘完他们家的祖坟2. 员工漫不经心 加菜叫了好多次完全无反应，一个个堪比丧尸3. 食物口味不定，大辣上最清汤，叫了浓酸上最清淡的。厨师由店里的工作人员轮番上岗，无固定厨师，做菜风格仿佛梦游4. 之前经常到他家吃 现在不会了。垃圾中的战斗机

啲侍應態度差到一個點，落單時候一句野吾講都算，上菜嘅時候，有個待應揸吾穩個碗，倒瀉左湯落我條裙，sorry都無句，仲要同我講，”係咁架啦”，個下我真係啞左，我黎食野係為比你地倒湯係我身上？！條友求其塞d紙巾比我然後就繼續做野，但發現佢比嘅麵原來都係錯嘅，吾係我個碗，我叫佢黎收翻，條友望住我，竟然”嘖”左一聲，然後話”又要再整過”.......係我嘅問題？！總之一句，垃圾餐廳，連d麵都吾係話好好食，配菜得兩細舊，懷疑呢間係咪真係好多人打卡嘅星林居！可能係我期望太高！

服務態度：已經出咗名唔會好～食品：只能說飽肚，不能說好食！$10的豬大腸，只得兩舊，令人汗顏～之前食過樂道店，味道比較好！但以後都不會再光顧「星林居」～請都唔會去！

不得了！從來未食過一間咁差嘅米線1. 一碗米線等半個鐘， 成間鋪係唔full,都有90%人都係坐係度等。2. 等咁耐梗係睇下野啦，一車幾堆野咁推出黎，有時可能啲侍應都覺得過分，拎碗米線比客人之前都會用匙撈返下架車啲嘢再放返上碗米線咁。碗碗都有啲米線飛下出黎。3. 餸可以咁離譜到唔個點係邊，我只係叫咗三樣餸，菜肉餃係怪味，魚腐其實係雪魚豆腐，唔緊要，只要煮到佢熱都冇咁嬲，仲硬硬地，豬潤仲係紅紅地。而男友個碗連一隻雞翼尖都食唔落，又硬又甜4.服務就算吧啦，我冇諗過食碗米線要有咩服務，所以我覺得冇問題走嘅時候，男友只係講左一句嘥quota,我只希望我唔好肚痛🙏🏻

其實食物係好食 一向由中學到出黎工作都好中意食星林居，可惜服務態度唔單止退步，更可以話係最港之冠既最差服務態度😫-短短20分鐘 已經見到幾件事 唔開冷氣，可能想慳錢，客人食到身水身汗真係好咩之後就係罵客人 叫人等等都可以態度好D 🙄對隻狗都溫柔d啦大佬 比錢買難受！！！真係好鬼慘 每個都係咁 無一倖免啊陰公最後叫人開冷氣既母女cancel 單 唔要因為檸檬茶疑似比人加料 話完全唔同味 仲話要打去食環💀💀💀 Um 總括而言 去另一間星林居 Never come back again !

食過好多次喇，但第一次打呢間食評。今日一個人黎食，呢到燈光較暗，座位比較迫。聽住歌一個人食星林居好寫意😃🎵🎶叫左碗小鍋米線 🍜 魚腐，蘿蔔，配料有芽菜，芫茜，蔥，肉碎，要煮林啲。個湯底真系我至愛，又濃又香，好惹味。但魚腐唔夠熱，入面有少少涷。蘿蔔好清甜，好林，好入味，完全沒有筋架👍🏻👍🏻👍🏻👍🏻野食黎得比較慢，不過我能我要個米線林啲，同埋唔夠職員👨‍💼👩‍💼個個都好忙甘🤭

很久沒有到星林居，於是今天經過尖沙咀便上去一趟， 因為時間尚早的關係，沒有很多客人 。我叫了一個小鍋米線，配料叫了紅腸和雞翼 。原先想點的 台式響鈴 ，下單後才告知沒有。下單之後，因為原本坐的位置冷氣頗大，於事見沒有客人便想調去隔離枱，但是侍應知道後便說要埋了單才可以轉枱，所以迫於無奈才回原處。米線來了，紅腸不知何故是瘀黑色的，雞翼有兩隻，米線的分量頗少，湯底味道還算可以。突然間侍應走過來問我和友人兩人是否點了兩碗麵。來我們回答說當然啦，原來好戲在後頭,當我們出去櫃面埋單的時候,一看單,原來計了我們三碗米線和三杯汽水 !! 個侍應好鬼祟，如果我哋無check單就俾多了錢 !

去到職員已經態度唔好...明明有枱都要叫人搭枱，之後落咗單，等咗4個字都仲未有，之後吹佢，佢先拎出嚟。重點嚟喇，叫咗10蚊腩肉得個“3塊”唔完整嘅肉塊，係唔完整，好似餸頭餸尾個啲咁。叫人討論喇，佢竟然同我講10蚊係咁㗎喇....咩態度呀!?我唔會再嚟，亦都叫咗啲同事朋友唔好嚟。係你地自己做衰自己招牌，影衰緊自己。仲有唔該訓練吓你啲伙計呀…真係好冇禮貌 係好冇禮貌。雖然係食平平地嘅碗麵唔好奢求什麼，但唔該都比少少服務態度呀""""10蚊係咁㗎喇""""

超級差 ！星期六4:15 入座，成場人無人食野個個等緊，個個都等起碼等左40分鐘先有得食，我問個女侍應廚房係咪有野壞左，佢話：「唔係，太多人！」（坐唔滿架喎）「今日星期六！」（4點幾你都搞成咁，peak hour 你點算？太多人做唔掂，不如唔好做生意！等到5點無癮走人。