星加坡餐廳 (已結業)

重複網友Cary 的comments 就夠啦差唔多exactly 一樣我同fd 兩個人七點幾八點去食遇到的情況同想法同Cary 一模一樣打死我都唔再去差到極

同二個fd去allshey road食lunch, 間間都咁多人, 走左入去新加坡餐廳, 等左15分鐘就有個卡位啦, 呢度有個好處, 冷氣強勁不特止, 兩個人都可以坐四人卡位, lunch time都可以咁, 真係少有啦!! 坐底叫左個set lunch$35, 蒜蓉雞扒跟意粉, 咖哩羊肉跟薯菜, 葡汁雞焗飯先來個白湯, 咦.............個顯好杰啊, 有d漿糊feel同埋好淡, no good, 但個飽就好熱好軟, 正!!! 蒜蓉雞扒跟意粉, 塊雞扒超大塊, 有成半隻碟咁大, 不過煮過時, 舊雞鞋晒同有d位硬左啦, 茄汁意粉好味道喎, 雖然涷左d, 但軟硬適中, 個味調得唔錯喎咖哩羊肉跟薯菜, 薯菜份量多, 有一大碟, 有椰菜, 蘿蔔同炸薯條, 一定佢平日個d多好多, 羊肉多同汁都多, 但我唔知好無食, 葡汁雞焗飯, 又話係焗但係上時就知佢好明顯係將汁加上白飯啦, 不過賣相ok第一次黎呢度, 原來間鋪係咁大架, 不過lunch就人多同嘈, 茶餐廳feel啦, 都係快快手唔停口咁食個lunch咁囉

去過兩次,佢ge裝修好唔知點咁,門面平平,裡面茶餐廳感覺+西西地,燈光暗暗,但係唔分非吸煙區,'羅'命~奇怪係好多人幫襯,我諗佢有自己出名ge招牌菜,野食都好大份.佢ge東南亞菜會好好多,唔知做乜佢要有咁多西餐,仲要味道=茶餐廳,上次食海南雞飯真係好好味~所以食西餐就唔揀呢間lu~

一定要試星加坡老字號!佢d裝修又懷舊,另有一番風味!呢類餐廳相信香港冇幾多間!次次去無論午餐,下午茶,晚餐都要排隊!仲有午餐,下午荼真係又抵又大碟又好食!而家D服務比以前好好多!可能而家因為D年青人做WAITER! D海南雞飯同沙爹好好味!D咖喱又夠味又香!我個個禮拜都會去食,又抵又好食!可能食咗好多年有個情意結啩!Strongly recommend~

星期日晚來dinner，大約七時半左右，唔算多人，去到就有。要了蕃茄牛，由於不是餐，所以等候期間看見侍應捧一份份鐵板，好香好吸引，尤其是那些金黃色的炸薯條，搞到心思思好想食，便要了一客。不消5分鐘薯條便送到，雖然份量不多，但吃得出即叫即炸，好脆好香口，吃了大約半碟牛來了，單看賣相已覺得十分滿足，紅紅的蕃茄鋪滿三大塊牛，牛炆得好腍身，雖然不玫於入口即溶，但口感極佳，加上配有薯蓉和棷菜作伴，吃完整碟也夠飽肚，不過薯蓉不夠滑，而且凍冰冰的，好像擺o左好耐。埋單時，才知那碟薯條要$30，可是份量仲細過下午茶set，早知咁貴就唔會叫，下次咪搞。

星期六上學完畢，諗唔到去邊度食，於是便決定再來星加坡吃她的超抵下午茶。與同學2個女仔，要了一客炸魚薯條和一碟干炒豬扒意粉。 今次覺得冇上次咁好，炸魚薯條o的薯條凍冰冰的，好明顯是放o左好耐，要求侍應換過，幸好他們都好好禮貌，沒有微言；換來的真是即炸，熱辣辣，極香脆，炸魚係龍(月利)柳，都唔錯，至少唔會炸o的肉柴晒，意粉炒得不俗，味道幾好，但幾油，豬扒嫌切得太大舊，最欣賞加了一量芽菜和九菜，好有中西fusion菜feel。

聽講呢間D 野抵食夾好食至試下,但係除左星洲炒米比較好D之外,其他野食例如豬扒炒意粉D豬扒又乾又硬;沙爹牛肉湯米粉D牛肉超韌似雪藏貨!海南雞飯D飯冇雞油味但就似糯米飯咁好滯.地方極之咁好,地板好滑有水,又冇非吸煙區,搞到我地D非煙民焗住食隔籬的D二手煙!侍應態度認真麻麻.睇黎都唔會有下次!!

早兩日同細妹去食晚餐,時間早約六時,去到入面都幾full,先知原來佢地下午荼去到六時半,但因太餓,都係揀食扒我食鑊仔牛柳跟薯菜,落order時冇問我要幾成熟,點知黎到D 扒有成9成熟,又乾又冇肉汁,很難吃,薯條得幾條,仲比d汁浸諗晒,勁難食,平時去cheap cheap地扒房餐廳都問下要幾成熟啦.唉~~,仲差過茶餐廳d港式扒細妹食燒雞沙律,勁多沙律醬打晒格咁淋喺塊雞扒面,Ｄ沙律又出水,白矇矇一碟,幾恐佈D伙計態度差就預左啦,話晒是舊餐廳,但眼見有幾枱外國客,服務都應該要好番少少掛,免得影衰香港地下又濕又跣,感覺不乾淨,d伙計抹完枱執完野就黎手拿個餐包比人食law埋單$106, ok啦但下次我寧願去茶餐廳law

星期六收下午來吃下午茶，因為出名抵食夠飽肚。要了炸薯條、牛燴意粉同咖喱牛腩飯，全部都好好味，尤其是咖喱，果然名不虛傳，微辣帶少少椰香，牛腩炆得夠腍，不過牛燴意粉就失色了，太多汁有點溜，薯條炸得香口夠脆，三個女仔食到飽飽，抵呀！

食完lunch buffee,行左幾個鐘,有d餓,求其搵間野食平均$50~80幾一個set有很多款選擇坐得ok,食物都不錯不過真的很多人來吃

一字曰之：「差！」一入去，地板超冼，如果有人跌親，都唔知佢點賠喇！D位超迫，凳背貼凳背，拉開張凳坐都撞到人。服務差，D阿叔完全無禮貌，隻手污糟仲要抹落張檯布度！上菜快呀，快到個湯先飲左兩啖就上，趕人走咩？野食，唔得！茶餐廳咁o既水準，又唔夠熱，咁快上檯，就知你一早整定啦.又唔係平，都唔知點解咁多人食……

去完唔敢去!我order o左o個叫天虹吧o非做甜品,由8:30等到9:30,等死人!

一行4人，大約6點o黎食飯。原來呢度仲有下午茶餐(供應時間由2:00到6:30)，有各式炒粉麵飯加飲品，都係$20。於是叫o左一個$20下午茶，揀秘制貴刁；另外仲叫o左客招牌海南雞飯，同埋$48一客咖喱牛腩飯晚餐。個炒貴刁又大碟又多料，好抵食o播！今次o既海南雞飯就麻麻地，雞都尚算嫩滑；但飯太硬，而且冇o左雞什湯，轉o左個冇味火腿菜菜湯，好唔掂！咖喱牛腩飯就非常好，牛腩入味，咖喱香口，唔錯！可能當晚時間尚早，冇乜人，招呼都唔錯。除海南雞飯失準之外，其他都唔錯；而且碟碟都鬼咁大碟，卒之4個人食3個餐都食唔晒～埋單$120，抵食o丫！

佢就係我試過"港式俄國牛柳絲飯"o既地方啦!超唔好食!有牛肉絲就當俄式...呃人...呢個故事教訓我去適當o既地方叫適當o既食物

海南雞飯無左又香又甜既黑色杰撻撻豉油, 雞油飯無乜油又涷左D, 同食一碟涷左既白切雞飯分別唔大.