星加坡餐廳 (已結業)

今日又要食late lunch, 見個個食家都話呢度o既下午茶餐足料又抵食, 一於入o黎呢度食tea.<br /><br />入到o黎座無虛席, 有嘆茶o既, 買完o野o黎歇腳o既, 蛇王o既, 吹水o既, 應有盡有. 睇o黎我無揀錯地方. 茶餐我叫o左一碟星州炒米連一杯凍奶茶($20, 飲品冷熱同價), 真係好抵播.<br /><br />星州炒米同其他食家所食到o既下午茶炒粉麵飯一樣, 落足料, 夠鑊氣, 味道比一般茶餐廳o既星州米高出幾皮, 應該話係有佢自己o既特色, 肉絲係豬軟骨, 咖喱味夠, 份量都唔少, 一般食客都會飽肚出街. 杯凍奶茶甜o左o的, 但20蚊能夠食到個咁有水準o既茶餐, 我冇任何怨言.<br /><br />呢度o的伙記o既服務唔算突出, 但夠爽快, 我要埋單時佢即刻叫我出去櫃檯找數, 唔洗我等. 掂!<br /><br />有食家話呢度o的七十年代音樂老土, 我覺得咁樣幾有feel播, 因為咁先至襯得起呢度o既老店情懷o丫嘛! ;

呢度環境暗D﹐皮膚狀況差嘅時候黎可以做保護色﹐哈哈。食過佢地個海南雞飯﹐好大份食唔晒﹐雞油飯幾好但雞肉肉質同味道都麻麻﹐提唔起勁再食第二次。如果可以淨叫雞油飯又唔錯。上次叫咗個GadoGado﹐上面D蝦片有D辣辣地﹐幾醒神﹐又係份量足。雖然大大話話都食過好多唔同地方整嘅加多加多﹐有D地方用嘅一D材料稍有差異﹐不過自己仲係唔知邊隻味道至叫「正宗」﹐所以唔識得話佢地整得係咪地道﹐只能話﹐唔係我食過最好食嘅。食唔晒﹐有阿叔話﹕「打包返去比屋企人啦﹐唔好晒丫嘛﹗」幾得意~

無錯,佢地既下午茶真係幾抵食,d 炒野平得黎又大碟又好味..不過建議唔好要炸薯條,因為係炸定,所以又淋又凍~

佢既下午茶比其他餐廳早開始(2點)，如果等得當食個遲來的午餐感覺仲抵，由$20至$25。我有時星期六放工後與男朋友行陣街等食個下午茶當午餐，唔好睇佢係茶餐，一樣好大碟，同正價一樣架。d炒野多數係$20，咖哩或扒類就$25，仲連凍飲。佢個乾炒牛河唔錯架，好有鑊氣，濕牛河都好好味。我亦幾鐘意食佢既咖哩豬扒飯，d豬扒會切開細細塊。d扒就差左少少，有d un。服務一般啦，老字號係咁上下。有時都要吹下單架，位置比較迫，不過依然好旺，可能要等一陣先有位。總之，兩人埋單$50就鬆人勒，好飽。

上完course, 同男友黎呢度開飯.叫左海南雞飯$4x. 雞皮好厚.數埋有七大件雞厚切. 油飯ok.不過唔夠椰味; 另叫左"加多加多".睇menu見價錢$70.唔通好好好大碟? 點知上檯時我真係嚇一跳.真係超級大碟.不過個碟底好濕.應該係炒菜的汁趕唔切晾乾.Well,D菜水影響(溝希)左沙爹沙律汁的濃度.唔係好得...最後就係沙爹雞串.配埋一大碟青瓜點沙爹醬.幾正呀.服務可以啦~ 檯就迫d. 黎呢度開飯都係因為"情意結"嘛.唔奢求得咁多呢~

雞好油水，幾嫩滑，份量足。湯幾甜，多料，飯不多油。四十幾蚊個set，好抵下。

星加坡餐廳的海南雞飯﹐在香港來說算是比較正宗的了﹐起碼不會像某些餐廳海南雞跟白飯這麼離譜。飯夠味(不過我食的那碗飯好像油多了一點)﹐撈了薑蓉後變了主角﹗如果有雞飯濃醬油就更好﹐但為甚麼沒有呢﹖我在新加坡吃的雞飯(新加坡人一般只叫雞飯﹐不會稱為“海南”的) 也有濃得像膏的醬油啊。湯亦算鮮甜﹐雞算不過不失﹐勝在價錢合理份量足。而我覺得他們的咖喱也做得很好﹐很有南洋咖喱風味﹐不知不覺間就整碟飯連咖喱都倒進肚裡面去了﹗當然﹐吃慣日式咖喱的﹐會覺得南洋咖喱不夠濃﹐吃慣印度咖喱的則會覺得不夠香(料)。但對我來說﹐南洋的咖喱吃多幾次也不會厭﹐可能是因為椰香吧。講價錢﹐星加坡餐廳是抵食的﹐特別是午餐﹐30~40就有午市套餐﹐雖然唔係樣樣都好味但一定夠飽。下午茶我則未試過﹐如試過再跟各位討論。服務嘛﹐一班老伙記都去到無欲無求的年紀﹐而人老了反應慢亦是理所當然。。那麼你又要求甚麼呢﹐哈哈。起碼肯定不會像“和民”的年輕人般肯半跪在地上替你落單吧。。

其實呢度個海南雞飯都係一般。雖然個雞油飯幾好味，幾香而又唔太油膩，雞什湯味精又唔算好重；不過D雞味道一般，唔夠滑同香，今日見到D雞仲有幾條雞毛，有D核凸。不過以$43呢個價錢，睇在個雞油飯o既份上，總算抵食。其他食物都好大份；D鐵板扒、炒飯都好大碟，味道不過不失。招呼同環境都非常懷舊，而且最好唔好祈望D阿伯侍應會有D乜o野service。若果抱住去茶記食o野o既心態，都勉強食得過o既~~

同幾個朋友在Kangaroo飲完野有D肚餓，唔想食西餐突然諗起想食飯，所以就來了這裡。肯定是因為「心動」的關係，近玻璃瀑布果幾張檯已坐滿，仲清一色係一pair pair的，唔知有無人真係在求婚呢？叫了海南雞飯，呢度的海南雞飯特色在於飯粒比平時的煙韌有咬口，據聞是加入了糯米所致，實在幾有特色。飯粒唔夠油，或怕肥的人會喜歡，但我就比較鍾意coat了雞油的飯，唔明白的常以為俾幾十蚊食碗煲得靚的雞油飯好唔抵，但其實在香港是可遇而不可求。雞件剛夠熟，加上有少少肥，所以幾嫩滑，如果怕肥唔食雞皮味道就差好遠。醬汁方面得薑茸同辣汁兩種，黑色甜豉油欠奉，不過個辣汁唔知佢點整做得幾辣。50蚊有找，幾抵食。仲有好多其他星馬食品，但一個人來唔食得咁多，下次多D人來再吃。

極有可能係尖沙咀區至抵食$20皮下午茶餐(Set Lunch$35都好正,皇牛柳餐$75係我至愛)!!就連周圍酒店餐廳廚佬都幫襯就知掂.但有老饕話過:"service唔係太好,可能咁係"跑馬日",D伙記大叔唔多專心,食物落單都要講幾次".我可以同你講,就算唔係跑馬日只要你果兩位阿叔(一肥一瘦),就包你落單/埋單都要講九萬幾次.如果下次再去一定要小哥落單(全店至型至醒4眼Waiter,快夾準)就包冇撞板!

If you order their "famous" Hai Nan Chicken Rice, beware that the chicken could be 30% raw with blood. My baked chicken with yam and cheese tastes very nice, but chicken is raw also!

有一次夜晚同friends食飯，足足坐左兩張大臺~主要都係食set dinner~?湯唔錯，有中式西餐味道!~鐵板雜排都好多野食，女仔可能食唔晒~西冷牛排都幾有肉味，又夠軟!~咖哩飯當然就好食啦!~不過唔好食龍利柳，凍冰冰又有腥味!waiter全部都有你老豆咁大，不過好鬼抵死得意!收碟果陣如果食唔晒，佢地會話:「唔緊要，留番俾叔叔(自己)食!」其中有friend凍咖啡唔夠奶，問佢地又會話:「叔叔請你飲奶奶!」係尖沙咀幾十蚊食個dinner算係咁，不過下次會試下正宗新加坡菜!仲有~唔好信『心動』，外面好樣過裏面好多!

呢間餐廳我就試過夜間幫襯, 但下午茶就今天才試, 好多時係尖沙咀呢D遊客區要找個地方食o下o野都唔係便宜, 但呢間就唔同, 下午茶竟然$20 包埋凍飲, 抵食~ D 味道都唔錯, 都幾大碟o下, 有中又有西式的下午茶食物.但就是D service 唔係太好, 可能0甘0岩係"跑馬日", D伙記大叔唔多專心, 食物落單都要講幾次, 好彩....無漏單, 都算執到~總算係抵食的, 因為除0左"M"記, 用$20.00 係尖沙咀都算難找~

夜晚去食o野，雖然夜D.. 但佢地都唔會唔理我，起碼有講有笑丫，但係地方就污糟少少，尤其係廁所附近.. 嘩!!