易牙台式料理

营业中

休息中

呢間野d野食唔係特別好食~我唔講咁多喇但係好奇怪就係而家度度都提倡無煙環境,佢可以成間野都冇禁煙區,一入到去煙到你咁流鼻水同眼水,成間野d"香火"仲勁過黃大仙廟,一路食一路咳~未試過食個tes可以咁辛苦!仲有就係入面d"服務",根本就冇服務可言,落單超慢~等個tea等左成差唔多半個鐘~(仲要果時唔係full晒~只坐左一半人)杯野飲好甜,同幾個friend都頂唔順,叫佢俾幾杯冰我地溝淡d,果個白色衫帶眼鏡ge短髮呀姑(應該係高級d,因為入面個個都係黑色衫)竟然"miu"咀!!!!真係火都黎埋~叫你拎d冰姐!駛唔駛咁呀?咁唔想做咪做丫?!真係嬲到爆!!!!以後都唔好旨意我會幫襯呢間野!食物唔特別,飲品超甜,勁煙,服務態度勁差,都唔知仲可以點生存?如果你想食一肚火可以試下呢間野!

昨天去銅鑼灣買生日禮物俾朋友,之後就搵下有咩好食啦,就去左金百利搵,見就黎左呢間啦!朋友見到羹麵幾特別就叫了來試,我叫了鹽酥雞扒定食,小食拼盤,還叫了兩杯飲品。羮麵真係唔係幾得..d味有小小怪..朋友吃了一半放棄了,小食拼盤不差,雞扒定食不過不失啦.兩杯飲品都冇乜特別,埋單160蚊。

早前與男友到那裡食dinner二人共點了麻辣湯底的餃子麵,魯肉麵食小食拼盤~個麻辣湯麵真係辣到食唔到, 本人都很喜歡食辣,但佢\的辣係加辣油果隻辣,而係冇麻辣味o既~真係好唔掂~另外的二樣不過不失, 沒有特別令人留下印象~環境服務都普通

食過依間既湯河，都ok既，不過太油啦。而大腸麵線就一般。最唔掂應該係杯飲品，荔枝玉露太甜啦，好似飲糖水咁。仲有要吸二手煙，雖然唔使加一，但都要諗諗仲有冇下次。

地方淺窄, 但幾有特色, 好正宗的台灣餐廳,可惜不是禁煙, 絕對影響食慾.一定會再去, 好抵食首推炸花枝丸.25$

諗住weekend去台灣前食多d台灣野做個comparison. 見呢度咁多好評, 所以一心黎食, 失望...8pm 到, 兩個人可以搭檯, 唔駛等, 不過冇分非吸煙區.叫兩個套餐($50+ each), 有個"送", 一大碗飯, 一碟菜, 野飲一杯."送"要左牛鍵同炸豬扒. 炸豬扒味道幾好, 牛鍵ok. order 兩個套餐可以以十幾蚊換個小菜, 揀左"蒜泥白肉", 點知95% 都係白色o既肥膏, 好難頂, 個瓜伴菜仲好. 十萬個後悔=,=! 呢個蒜泥白肉令其他野食都減晒分.珍珠奶茶頗淡, 但尚算可以o既.我地見隔離檯d野食好似好好食, 其實識叫o既話應該ok o既, 不過唔知會唔會再黎...

次次黎都叫炸魚餅魯肉乾面加珍珠奶茶. $28乍,好抵食.細魯肉飯$15乍.

(21/6/06)有意黎食咖哩麵包盎。服務初時幾好既,問你呢個位O唔OK。咁ar,order左皮蛋豆腐,嘩!賣相唔得,汁太咸太多,一pet咁。油蜜菜,清清地。滷肉飯,仍然好味。咖哩雞麵包盎,要等好耐,真實不如相中大。味道...又太咸,好味精,像卡樂B咖哩薯片一樣。食薯片好過。初時仲以為用信用卡9折,問問侍應,佢又細細聲相量,應該夠一百蚊,單黎時,發現無9折,佢話滿二百先有折。咁我地就唔簽咭啦!當然,我地做顧客係要睇清楚,咁人地問到就講聲o麻!好似佢地自己有自己做野咁!

近來很掛念台灣街頭那塊臉咁大見到都想生飛滋的巨型炸雞排其實我係未食過既不過唔知點解真係好掛住於是走來食食台灣野聊解單思之苦整體來說很想扮台灣卻扮得半桶水那句近乎廣東話的國語「歡迎光臨」比一般日本料理的「哪媽些」更離譜乍見有鹽酥雞扒餐即時點來試試可惜難以比擬完全不是那回事粉下得多了雞扒卻瘦小了一點附送的車厘茄及辣汁津白不俗魯肉飯(+$5)看來已被車品品老闊娘的魯肉餃寵壞了現在沒有一間食肆的魯肉是合格的這裡的太乾太少汁太咸連最起碼用來拌飯的功能也欠了桂圓珍珠蜜(+$5)挽回了一點的分數如果單計食物質素也是合格的但不算抵食罷同一個問題幾時有假放去食飛滋雞排?兩日都殺

叫左鹽so雞排定食個雞排好好食, 表面脆d但d肉鬆軟可口碟菜有少少辣, 幾好味, d飯軟硬適中杯珍珠奶茶d珍珠好食過d咩咩林$50一個定食都非常合理

在中央圖書館溫完書,, 就跟ks一起吃lunch我們點了黑椒雞球麵,, 滷蛋豆腐和茄子魯肉飯drink是南瓜露和珍珠奶茶黑椒雞蠻好吃,,只是有點過辣=====滷蛋豆腐分量有點少,, 味道ok,, 但不太突出至於茄子魯肉飯味道算不錯,,不過比起西門町台灣麵食還是差了點咩=3=ks說南瓜露好喝,, 而我的珍珠奶荼則沒啥特別位子還蠻擠迫的..而且service只是soso,,有個waitress看到我們的滷蛋豆腐已經吃完也不收碟="""""""""""""""""""""""""""""""""""=明明桌子已經很小的啦!!!!!!@$#@#$@#$@#$btw,, 店子裡原來不是禁煙的..由於店子小,, 有人吸煙的話還真難受阿="=沒錢是可以考慮一下來這吃的..不過特意來吃就不recommend了___

陪男友去買電腦後來食飯,星期六晚上都要等一陣至有位. 已來過一兩次,多是午飯或下午茶時間,今次本來想食麻辣乾麵,但因仲有咳而被男友阻止,結果兩個人叫了碗綜合羮麵($56二人份)和炸花枝丸. 碗麵真的很大碗,有魷魚,花枝條,燕餃和肉燥等材料,都算豐富,味道跟在台灣食過的也差不多. 花枝丸則普普通通,沒特別. 珍珠奶茶要$25一杯,偏貴. 想食台灣麵食的時候都可以來~

最喜歡佢地既皮蛋豆腐肉鬆, 加埋d油膏攪埋一起食真係好正. d皮蛋有正, 豆腐都算幾滑.

小弟食開就食, 玩開就玩... 既然易牙妙手食得咁過癮, 一於keep 住黎.星期六, 放工去南華會玩"玩開就玩0既保齡球前", 又黎呢度醫肚, 食左個紅燒牛肉麵, 果然, 紅燒牛肉係好食過紅燒排骨既. 個湯雖有味精但抵唔住飲晒...另外又叫左一大堆之前叫過既野食, 在此不贅.

(6/11/05)同舊同學行街,佢好快話要休息咯。最近好"好"吐司,同學話樓上有喎。下午茶時間,真係有吐司架,不過口味唔多,只有椰香、奶油、奶醬。奶醬要加$2,真cheap!我從未食過椰香味,咪揀o羅。很細件的厚多士查左層醬,焗一焗燶面頭,味道像墨西哥包,幾香嘅。餐飲要熱豆漿,估唔到相當好味噃,豆味甜味適中。坐窗口位,正!