影片
电话号码
24721408
营业时间
今日营业
11:00 - 10:30
星期一至日
11:00 - 10:30
公众假期
11:00 - 10:30
公众假期前夕
11:00 - 10:30
以上资料只供参考，请与餐厅确认详情
每次去流浮山食海鲜🦞都会帮衬明记海鲜，餐前有大大碗海鲜芥菜豆腐汤，汤好鲜味好多配料。嚟到流浮山必食一定系酥炸蚝😍蚝又大只又肥美，酥炸口感松脆，沾少少椒盐食，蚝鲜味更加突出。另一款必食推介，就系明记招牌炒饭，每次去食一定会叫呢碟炒饭，好好食，不但够镬气，每粒饭的软硬度适中，炒饭配料好足料，有大大只鲜虾、叉烧等，全家人都好钟意食🤭其他海鲜一样够镬气又新鲜😋豉椒炒蛏子、豉椒炒蚬，肉鲜甜又肥美，好厚肉。椒盐鲜鱿好爽口，炒小菜一样好味，叫咗炒咕噜肉、油盐水浸菜，全枱食物冇食剩，款款清晒碟。
继续阅读
流浮山明记海鲜🦞🦐🦀🦑🐙🐟唔够两个月又返嚟食一次，今次叫咗豉椒炒蛏子😋豉油王干煎大虾🦐酥炸生蚝🦪白灼花螺🐚真系超级超级好食豉椒炒蛏子火候刚刚好，爽脆嫩滑，非常有镬气🤤🤤豉油王干煎大虾，味道咸咸香香，大虾肉质爽口，非常鲜甜😝生蚝是流浮山的特产，外皮松脆可口，生蚝鲜嫩多汁，香口🤤🤤越讲越肚饿😂白灼花螺就非常鲜甜新鲜,肉质爽脆，明记海鲜每一道菜都非常出色，重点是超级新鲜🤤🤤好肚饿食饭先🐚🦪🦐🥬
继续阅读
为咗提前庆祝母亲节，我哋一家人去咗流浮山嘅明记酒家。首先，店员嘅服务态度真系好好，令人感到好舒服。食物方面：龙趸两食（重五斤）嘅表现就有得讲。第一种做法系抄西芹，呢个做法保持咗龙趸嘅鲜味。第二种做法系炸鱼骨，炸得香脆，有口感。芝士龙虾伊面嘅味道好正，龙虾肉质鲜甜，芝士味重，伊面软硬度适中。姜葱炒蟹同豉油王大虾都系好吸引，海鲜嘅新鲜度都好高。蟹肉鲜甜。豉油王大虾味道够。豉汁炒蛏子配煎米粉底系一个创意菜式，味道好特别，不过煎米粉底部分有啲油腻，如果可以减少油分就更加健康。豆腐鱼汤，呢个免费嘅小心意真系好贴心。汤头清甜，豆腐同鱼肉嘅组合简单而美味。总结，明记酒家嘅食物质素同服务都算系好好。
继续阅读
今日情人节 因为去下白泥睇日落 所以顺路去流浮山食海鲜之前去开都系同屋企人去另一间餐厅，明记都系第一次食。所以去之前都睇左youtube介绍 留意下要注意啲咩 有咩好食咁。。。 豉椒炒蛏子米粉底 😋: 2.5/5呢个睇youtube个时好期待 但味道普通 唔够汁大排档仲炒得香啲 同埋一拎上到已经唔够热油盐焗蟹 2/5Um…唔够盐 唔明点解会唔够 呢个明明系个精粹🥴辣酒煮花螺 😋: 2/5之前喺另一间食过嘅辣酒煮花螺 系好惹味 辣得好过瘾。但今次喺明记食呢一个辣酒煮花螺，完全冇辣味，剩系得花雕酒嘅味！生炒骨 😋:3.5/5相对地生炒骨比较有镬气，即使冻咗都唔会淋炸得好脆今晚买咗三款海鲜 加工费$240 总数900 去流浮山呢个价钱系好抵，但下次我应该唔会再食呢间
继续阅读
嚟流浮山食海鲜，嚟咗有2010米芝莲推介嘅明记海鲜酒家。餐厅喺‘海味街’嘅中段，门面唔算太起眼。门口附近有贴米芝莲推介同埋其他有关嘅推介、报道。海鲜基本上都系时价，价钱要当日问先知。门口有多个鱼缸俾人睇，睇啱可以问当日价钱。我哋今次就食咗虾、蟹、蚝、鲍鱼、班腩、油菜同埋炒饭。海鲜汤一入到嚟坐低，未叫𩠌就会俾咗一碗海鲜汤先。佢基本上系鱼汤嚟嘅，饮落有好香浓嘅鱼味，绝非一般味精鱼汤可比。原本见佢卖相一般又系一坐低就送嘅，都冇咩期望，以为都系一般例汤𠮶啲，估唔到竟然咁好味。豉油皇虾打头阵系豉油皇虾。餐厅都有贴介绍佢嘅poster。虾肉爽口。调味惹味，除咗豉油仲有好香嘅蒜、洋葱味。最钟意食呢啲够镬气嘅爆炒小菜。推介。油盐焗奄仔蟹 蟹季嚟到当然要食流浮山出名嘅奄仔蟹。呢间嘅奄仔蟹调味做得好唔错，咸香惹味适中亦渗入蟹肉。奄仔蟹啲骨同壳都比较软，蟹壳餐厅已经整碎咗，蟹骨用手就整得烂,食上嚟好方便。酥炸生蚝流浮山除咗奄仔蟹，蚝都好出名。所以炸蚝都系其中一样我哋好期待嘅菜式。可能期望愈大失望愈大，估唔到佢竟然会成为今餐最失望嘅菜式。佢嘅炸粉超厚、冇味道宜且油腻，蚝嘅大细亦只有拇指咁大。失望。果皮蒸鲍鱼一般蒸鲍鱼嘅味。鲍鱼新鲜。红炆班头腩鱼肉新鲜。调味适中。推介。油菜油菜新鲜爽口，食完咁多海鲜清一清。招牌粉饭意外地好味。炒饭粒粒分明，亦唔油腻。好手势，推介。流浮山食海鲜多数时价，原本都有担心俾人开天价。幸运地遇上呢间老实，冇出咩蛊惑招，嚟流浮山嘅话可以考虑一试。
继续阅读