明記腸粉 (已結業)

經過這裡，見幾多人幫襯，心想：唔通幾好食，不如試試吧！因剛食完不久，唔算肚餓，只叫了白粥和腸粉兩樣。白粥- 雖然煲得唔算好綿，但加入了磨碎的腐竹，變得好香又好味，幾有小時候食白粥的感覺。腸粉- 又厚又唔滑，甜醬唔夠香甜，真係試過就算了。沒有要求過一定好食，但就是唔明，點解這樣多人來食。難道只因為平！

記得上次行去廣成時，見到呢度門口排晒隊，人氣沸騰。响門口喵一喵，賣嘅只係尋常腸粉、魚蛋及豬皮。竟然攪到要响門口排隊入座? 必然內有乾坤...揀個少D人嘅時候入去坐低試吓，叫碟三色撈，即係腸粉、魚蛋加豬皮撈亂...最有特色嘅係落醬料純係self-serving，自己鐘意加幾多落幾多，悉隨專便...掛頭牌嘅腸粉，食落唔算太淰，但唔太滑，冇嗰種靚腸粉應有滑嘟嘟嘅口感，最關鍵嘅當然係欠缺一點豬油，觀感真的係平平無奇，好生失望。始終跟全盛時期嘅合益泰還差很遠...反而掛單嘅豬皮及魚蛋有驚喜--- 魚蛋口感實淨，有少許魚味，難得；豬皮難得夠爽口彈牙，絕唔係平時嗰D淰pat pat嘅貨色....但總括嚟講，都係嗰句，唔太值得專登入嚟食...

I heard this canteen has high rating so I visit it at last even I lived in Sheung Shui for many yrs.One thing that I dont really like is that we hv to serve ourselves, which brought a lot troubles.That was a morning around 6am we were the 1st customers, after ordering food the waitress kept standing n asked us to obtain the food we ordered from the kitchen ON OUR OWN.Taste of the food is nice but price isnt very cheap, henceforth I dont think it worth.

題目可能誇張一點，但實情是兩趟過來，兩趟都可用萬人空巷來形容。上趟陳六記之行已經留意到這裡，店舖內擠滿顧客之餘外賣數量不小，是趟出差回來，火車靠在上水火車站開門的一剎那，見肚皮空盪盪，就決定來光顧這裡。仍是有不小捧場客，安定下來似乎這裡主打三位主角，咖哩魚蛋、豬皮及豬腸粉，三種配答只盛惠十元，經濟抵食。這裡的豬腸粉米香可以，但唯獨欠點豬油香味，而且醬油及甜醬不夠鮮味，比下去了；咖哩魚蛋豬皮估計為配角的反而有點反客為主，豬皮是爽口的那種味道，言則是非油炸透的那種，若炸透的除了遇湯會像海綿似的吸盡上湯但很快變得糊口，各喜所好，這裡的配上咖哩汁，爽口有趙頭；而魚蛋亦是彈牙的，沒有鬆拋拋的，一加一減，這裡仍算笑臉食評，但不是豬腸粉。嘵咀的心願已了，再無不踏實，還是繼續記掛認為最好的合益泰吧！

呢間野逢星期一day off , 我就通常11:30am左右幫襯, 閒日人冇咁多, 星期6日黎就可能要等位了!選擇唔多, 有出名既腸粉/魚旦/豬皮, 我就通常食"腸皮" 8蚊起既, 老闆係粗人, 有時講野粗聲粗氣, 但其實人好好架, 我日日食, 每朝去到唔洗講佢已經識整比我食了, 佢d腸粉蒸得岩岩好, 唔會太熱太林, 而且醬料自己加, 好方便!! ^^ ^^有次幫襯另一間, 嘩,d腸粉已經蒸到好似黎"溶"咁, 腸粉中間熱死, 一d都唔好食.

遠征屯門之前, 文迪帶我作客她的主場. 繼上次四眼仔一役, 今次再向北望腸粉, 地點係明記.此店以腸粉為主, 當然仲有粥麵食. 但是日要留肚大榮華, 只係要了一客腸粉同一客腸粉魚蛋. 小弟麻麻魚蛋, 主攻腸粉.腸粉: 7分. 這裡雖然唔係人山人海的明哥, 但醬汁係一一放係旁邊任加. 當我們收到加了豉油的腸粉之後, 便可以自由落甜, 麻, 辣醬同芝麻.這裡的腸粉切得細細條, 比較容易吸收醬汁, 但係唔太夠米香, 主要都係靠醬汁. 整體感覺係收貨的, 但未算好突出的.匆匆吃完就趕巴士了.