明記腸粉 (已結業)

《明記腸粉店》肥肥細個經常食腸粉，識食一定要混醬😏😏，咁啱行過，咪試下。好食到米芝蓮又唔係，但就係小時候的味道，一種熟悉的味道。醬料唔係佢地落，係自己鐘意咩就自己落。🤓🤓🤓三式(套餐：腸粉,魚蛋,豬皮)$18腸粉唔會蒸過龍唔會淋patpat，陳皮魚蛋同豬皮唔會煮過龍， 爽口👍👍雖然醬料係買返嚟，唔似外邊d店，偷工減料d醬溝水， 因為肥肥出去食過d好難食淋patpat的腸粉加偷工減料的醬，好大陰影🤣🤣🤣🤣==============================味道：(8/10)抵食：(10/10)🤓🤓🤓環境：(6/10)服務：(8/10)

食物質素9/10舊式既一間細舖仔，仲可以係遊客區生存，真係唔簡單！佢賣既食物種類唔多，但勝在價錢平，份量多，簡直係良心舖頭，要多多支持！腸粉尼度既腸粉蒸得好滑，食落好順口，一啖接一啖！食腸粉最緊要係啲醬汁，唔夠醬就唔夠好味！尼度既醬擺曬出食物位，可以跟據自己既口味加醬同芝麻，而我緊係咩醬都落曬，再加大量芝麻，食落真係好香口！燒賣唔會蒸得太淋或者太硬，軟硬度適中，而且粒燒賣比平時出面食到既相對大粒少少，係好質素既燒賣！魚蛋尼款魚蛋應該叫陳皮魚蛋，細細粒，食落有陣唔知咩味，我就唔係太鐘意，不過我朋友就食到lam lam利啦環境衛生 7/10舖頭細細地，環境就唔似得商場舖咁好坐，不過勝在有人情味服務質素 8/10員工唔多，但落單上野食都好快！

講腸粉其實係一樣好簡單嘅食材，但係要好食真係好難，呢一間我從小已經開始食，呢度叫腸粉是自己落醬料的，本人喜歡食超級多甜醬，所以呢度可以好開心咁俾你不停加甜醬，最重要嘅係呢度嘅米王：白粥超級好味，大家去到一定要叫碗白粥試試！

由以前老闆伯伯開始食了十多年, 早幾年下一代接手後, 水準已差一截, 當然呢間野如果唔係食物質素好嘅話其實都唔會去食, 反正環境又唔係好, 但因為都有一排冇食, 諗住去支持返下....叫左照舊三式+燒賣....豬皮多毛, 陳皮魚旦已經同伯伯年代差天共地, 燒賣更加.....除左腸粉還可....接下來令我之後應該唔會再來的原因, 係因為大堂肥姨的服務同態度, 服務都算(叫佢抹枱塊面黑到)...之後仲有客人比錢佢, 佢仲大聲用粗囗趕走個客, 話佢掉D錢响佢枱面咩意思, 唔想俾咪食, 之後個客講唔好意思, 但都俾肥姨用粗囗趕佢走, 個客亦有還擊....最後不歡而散....一間以前都叫有名的小店, 而家搞成咁....一定有佢的原因.....以前排哂長龍, 而家....算了罷~

今次黎上水試咗上水名物 明記腸粉 門口外面有勁大個鐵籠 有隻貓貓係度瞓緊晏教姨姨態度唔算太好 語氣好似有d兇惡咁🙈 記住要坐低比佢知你係堂食先好嗌嘢食 整好之後會叫你出黎攞 同埋係攞果陣比埋錢 然後你就可以係出面自由落醬料 豉油甜醬辣醬都有 麻醬同埋芝麻當然要瘋狂加啦😎 不過佢隻匙羹有啲細 無得大大羹盡情地筆腸粉+魚蛋(腸蛋) $16腸粉都滑既 混醬味道比較突出 但整體當然冇合益泰咁驚豔魚蛋有5粒 係普通嘅陳皮魚蛋整體黎講唔算話真係好特別 比唔到d咩驚喜 但係路過口痕都可以食下既

位於舊墟嘅某個角落頭，有一間唔起眼嘅腸粉鋪，門口有個鐵籠，養住兩隻貓仔，呢間就係明基腸粉啦！見食完晏行咗陣街，悶悶地又冇咩做，有啲口痕，就去咗試吓明記腸粉，雖然話喺上水好出名，但係因為唔就腳，一直都冇試過，今次同男朋友同行，有冇節目就去試吓啦。一入鋪頭，左手邊就係廚房，你揀好食啲咩就坐低，師傅整好左，就會有人叫你出去攞同埋俾錢。（啲醬全部都係自助落㗎！自己鍾意食幾多可以落幾多）雖然價錢唔係平，但係食落有驚喜。我哋一開始叫咗一碟腸粉，但係兩個人食又唔係好夠，所以之後再追加左一碟腸粉加魚蛋。有雖然腸粉係幾滑，但最驚喜嘅反而係魚蛋，係細個嘅味道啊！男朋友話呢隻叫做陳皮魚蛋，係懷舊傳統野，而家好少有。所以如果你去幫襯，我建議你叫一個腸蛋，可以一次過試晒兩樣。

一清早就到上水，太早唔係好多鋪頭開左，加上唔想食太飽，所以就去左明記食。今次唔係第一次食，之前都食過，但今日再食質素同服務都令我失望。三式（腸粉，魚蛋，豬皮）$18店入面係用一份一份既量去購買，以魚蛋為例買$11/10粒，腸粉丶豬皮都係$11/一份。而三式魚蛋只有五粒，腸粉同豬皮既份量都相對少，但18蚊就食到三款，岩晒我呢啲為食鬼，價錢方面相比粉嶺四眼仔貴。講番食物質素，腸粉魚蛋豬皮不過不失，魚蛋係我中意食既陳皮細細粒魚蛋醬汁方面，醬唔夠，圖中我已經叫左多甜醬，但都係得好少不過，店入面落單呀姐態度差，唔憂做既態度，落完單我重申一次係外賣都比佢鬧，幾好食都唔會再幫襯

明記腸粉 上水人必定認識💕因為腸粉好滑 真系名不虛傳😌小店出面有隻籠 養左兩隻小貓🐱不是有路人同佢地玩😀😀店內環境唔大 要預左同其他人share枱先點餐 再付款 後取餐呢度系自己行出去拎 再自己落醬 同 芝麻都好嘅 想食幾多咪落幾好囉👌🏻不過食呢間 小心d落單 又唔好催佢費事比人串 😌😌😌 睇唔到上面寫售罄嫁你🙄腸粉 四條 $11轉左手之後水準都keep到 滑到無朋友😂正嫁!!!!!!!熱辣辣切出黎 加上麻醬一流！唔少人叫三寶 （腸粉 魚蛋 豬皮）可惜小編唔好後者所以無叫

今天去完上水親戚的家拜年後有點肚餓，於是便到這間腸粉很出名的"明記腸粉"醫一醫肚。我們兩人點了兩份腸粉，一份炒麵，一份燒賣及一份魚蛋。店裏面的裝修都很陳舊， 所以肯定他是一間很有實力的小店 ，不用美觀的裝修來吸引客人。炒麵就沒有什麼驚喜， 但分量頗大的 。腸粉很好味，很滑，而醬料的靈魂甜醬和麻醬也很香，或一不可缺少 ! 燒賣加了辣油之後簡直是吃到停不了。另外明記的魚蛋都是用有陳皮口味的，所以都係食不停，可惜肚皮有限，吃完真的太飽了。

星期日大朝早去邊境快閃行山快到行完連早餐都未落格，回到上水後團友話有間明記腸粉鋪好好食，就信佢一次~let's go!一坐低個個都話要叫份三式三式，開頭仲以為係三色腸粉三式原來係指 : 腸粉+魚蛋+豬皮$18就有一大碟腸粉+魚蛋+豬皮，相中汁醬係自己出去拎野食時自己加埋的無可避免的給醬料蓋過了風頭，但這裡就是嗜醬者的天堂，要嚐本身的真味，不妨少放一點醬。愛這裡的腸粉，主要是爽滑具彈性的質感，永不糊得黏著，捲著的腸粉，咬下仍見層次，沒有在咬下的位置膠著；沾上醬料的順滑口感，可媲美濕炒河，只是沒切斷而已。暖烘烘的，加上醬料不少，甚為裹腹。十多元買來的美味飽足，大分滿足

雙十節要返工，上水區食港式早餐食厭咗！今日食啲唔同嘅，去呢間出名腸粉店有位坐，只係好普通嘅簡陋中餐廳，門口一個廚房，廚師在內切腸粉，出菜後店員會叫客人去醬料區要自己落！呢樣我好欣賞，因為我覺得食腸粉係食醬料嘅！各人有各人嘅喜好！即係「多豉油」同店員嘅「多」可能唔同！餐牌食物款式唔多！有套餐組合！飲品雖說是紙包罐狀！款式好多！淨腸粉（$10/4條）出菜時只落豉油，自己落了甜辣醬同大量芝麻，灑上兩三滴辣椒油！係我喜歡嘅口味！腸粉真係幾滑又彈，索晒豉油！沾上甜辣醬惹味，芝味香口，辣油點睛！好味！白粥（$10）夠熱！一粒米都見唔到！米白色！好像米漿！好滑嘅米粥！唔落鹽飲一啖！微甜（天然甜味）米味充滿口腔！好味！檸檬茶（$5）紙包裝夠凍！同事食：三式（$17）豉油王炒面（$11）燒賣（$10/8粒）皮蛋鹹蛋瘦肉粥（$18）店爽手，順序出菜，我哋食完分別比錢，佢一個個找贖！廚師只專注切腸粉！腸粉滑！值得來試！

專程為左食呢度嘅腸粉而黎，$10有4條，堂食的話醬料自己落，我最鍾意嘅配搭就係麻醬、甜醬同芝麻。腸粉幾滑溜，趁熱食最正！我食得慢，最尾果幾條凍左就冇咁好食喇。魚蛋$10有10小粒，似乎係自家製作，有淡淡嘅陳皮味。記得加佢鋪頭入面嘅自製辣椒油，好味升溫！豬皮$10/份，同樣我加左少少辣椒油，感覺再惹味啲。唔好辣的話，佢同魚蛋本身都有落豉油汁，都夠味的。個人唔太鍾意食豬皮，所以只係淺嚐幾小塊，其餘由朋友清碟。呢度環境一般，樓面阿姐係有性格之流，但為左腸粉而來都值得的！

今早經過，冇人排隊，超開心衝入去，金毛呀姐對眼勵一勵，我就滿心歡喜地講，唔該，我想要一碟大腸加淨皮蛋粥攞走，呀姐毫無反應，行咗去，塊面西過鑊撈。。。隔咗5秒，金毛呀姐話：講吖！我再重覆，唔該，我想要一碟大。。。佢指住個餐牌話：咩大腸呀！十蚊四條！ 之後我就話，我唔食啦連隨轉身走！ 呀姐爆粗，痴x線！我就回佢一句，你冇嘢呀！？我買嘢食受x你氣！？ 呢間嘢，態度唔好就預咗！但係超冇禮貌！如果世界上得返佢一間賣腸粉，我寧願以後唔食！ 唔知以為欠佢好多腸粉數！

住上水咁耐都係第一次黎食明記腸粉都係之前見人介紹先知有間咁既舊舖頭仔迄立多年都係賣腸粉魚蛋燒賣 即管試試佢嗌左一份腸蛋(魚蛋+腸粉) ($15)醬料區係自助形式 拎左野食後任你落😂😂😂魚蛋無腥味 細細粒 但好彈牙腸粉真係好滑 滑lulu好好味😍😍好鍾意一啖有哂豉油加甜醬加辣醬一齊食 另外嗌左個豉油炒麵王 ($15)好大碟好抵食 炒得唔會太油配埋個辣醬好好味地方都好闊落同埋算好乾淨 而且都真係傳統既好味又好抵食

呢間明記腸粉,在上水長大的人無人不知,我細細個就開始在這裏吃,而之前一直由一位白頭髮既叔叔打理店.近幾年可能叔叔退休了,由佢既兒可以接手打理呢間舖頭,應該係一代轉一代,但質量都KEEP 住水準~明記腸粉門口有個鐡籠,有貓咪守門口,而入面既裝修依然保持著復古及懷舊的風情!呢個腸粉就係我最愛,我落ORDER 都會叫佢做---三色辣,即是代表腸粉,辣魚旦及豬皮,佢地既阿姐都係咁叫!! 呢個腸粉我覺得好MATCH,因為加左辣魚旦層次豐富好多,而且腸粉夠軟夠熱的話,加埋甜辣醬就會PERFECT MATCH炒面都係我必點既.因為一碟三色辣我未夠飽,加多個炒面剛剛好,炒面我鐘意落大量甜醬,咁樣先夠爽,呢個炒面唔算太油,有芽菜舖面~!食左咁多年.今次先手血來潮食返個食評,希望呢種懷舊味道不會流失!