明星海鮮酒家 (已結業)

我地一共7個人(3男4女)o係下午茶時間去飲茶, 等左15分鐘就有, 算快.共食了:炸子雞 - OK好食, 唔'鞋'海鮮炒飯 - D飯好硬2碟腸粉 - OK蜜糖豆炒海鮮 - OK1碟生菜 - 無特別1籠鯪魚球- 無特別1籠牛肉 - 無特別1碟紅豆糕 - 好滑,好食2碟西米糕 - 好食1碟炒麵 - OK, 好大碟豬紅蘿蔔 - 無味, 要點鼓油XO炒腸粉 - OK, 好大碟食物有好有唔好, 但o黎得好快, 侍應服務一般, 但實在抵,最後唔洗360蚊埋單.但係我覺得佢地D清潔實在麻麻, 碗碟有油; 特別個厠所真係要攪攪D衛生同要加D燈, 講真, 有D公厠都好過佢

前幾日同左個fan去左呢間店到飲茶,係晏晝時間,唔算太多人,叫左八籠點心,有蝦餃,蝦春卷(必試).牛肉球,菜苗餃,留沙包......有定要食蝦春卷,係成餐最好食o既,佢脆得來,d蝦味都好出,不錯,其實佢全部野都屬水準之作,但埋單果時真係驚,因為所有野加埋都係$140,係$140!!,個人未試過兩個人飲茶底得過$180,真係激平,值得推介!!

友人出嫁的下午，就在這家位於男家附近的這家明星渡過；這明星位於太公中學附近，前身也是一家酒樓，但太公忘了其名字。現轉為明星，也當重新認識。太公沒有吃太多，但從僅有吃的，已心知不妙。唯一較可以接受的，是燒腩仔和奶皇流沙包；流沙包的餡料相當香，也很滑溜，「流沙」非浪得虛名；包皮做得不錯，爽口，但底太薄，一不小心「流沙」就會從底部噴 - 太公電話繩上的聾貓就是首當其衝的受害者 。燒腩仔也做得很好，是燒成芝麻皮的，皮脆肉嫩，很不錯。但除此以外，其他的點心，如牛肉、燒賣等，都是一般偏中下水準的貨色，沒有驚喜。驚嚇倒有：蝦餃和蝦腸的的外皮完全不行，蝦餃的太黏，腸粉的太乾，兩者都不夠爽滑。餡料也不是以新鮮活蝦製作，都是以重量味精調味。煎腸粉也不好，煎得太焦也太硬，吃下去，教人難受。我用了「隕落」，但實情是，明星集團的酒樓，在太公的印象裏從來都只有便宜，水準欠奉 - 根本打從一開始，就隕落了。服務也一般，侍應太有「打份工」的感覺，一副只想趕快做好份內事，不想與客人多說一句話的態度；這情況發生在服務業上，也實在是冷漠得太過份了 - 無怪乎，這個社會愈來愈冷。

多款點心任君選擇,幾好.而且味道不差,服務都好好,好耐無試過走去睇"大排檔"點點心.感覺好得意...最吸引係紅豆沙但無試..等位時間較長....但比預期好好多...

假日 我常 會 跟 家人 到 嘆 早茶 , 妹妹 喜歡 到明星酒家, 點心 價錢合理, 款式多而口味夾.每次必叫之點心1) 鮮虾菜餃~ 鮮虾和菜都很爽口, 味道清清的~ 剛好, 不會太重味精.(2) 素菜餃~喜歡食素菜餃, 是因為素菜點心較健康~ 只有素菜沒想有肉, 可填飽肚又不用食太多肉, 為肥膩的早茶balance 一下!(3) 鮮竹卷~ 我的至愛~愛吃鮮竹腐皮, 是精華所在, 內裡又 甘香肉滑, 但有 d 油.(4) 燒賣~ 又是我的至愛~ 不過 這裡的燒賣不是 最好味, 只是 個人喜歡的點心.(5) 皮蛋瘦肉粥~ 粥底夠 棉又 香滑, 皮蛋爽滑, good!(6) 盅頭飯~ 鳳爪排骨飯 的 排骨好滑好味; 咸魚雞粒飯, 的 雞粒和咸魚都香口.(7) 炒米粉~ 有 好多料, 米粉亦炒得香脆.(8) 牛肉球~ 爸爸愛吃, 所以係每次必叫既點心, 但 我不愛吃. 牛肉球size 好像越來越細小 了.總括而言: 明星酒家 點心款式, 味道 都是中上! 價錢合理, 平日來嘆早茶更平宜抵食.但是 最近的 點心 size 好像越來越細小…..希望可以增 多d !

好耐無去呢度飲茶...~*估唔到依家變到gum啦.....~*首先,食物方面...>>奶黃流沙包>d流沙好稀,好似水gum......"""而且我食完一個會好食再食......但今次我係唔想再食....."""""~*叉燒包>okay啦....~*蝦餃>呢個係今日既the best,蝦都算okay新鮮,而d粉皮都唔會太厚啦,幾好食,全家都話好。~*粟米蝦餅>我無食,不過大家都話超淡,無味....~*燒"攬"仔>以前既肥瘦比例差唔多,好香口,而今次就好似only食豬油gum.....好嘔心....~*燒賣>okay啦。~*鹹水角>又係無味,而且聽講好難食.......""~*其他既都唔多受好評.......""""~*服務>>好差,d阿姐好hea,好無禮貌,以前個d okay架,起碼熱心d,有講有笑.....。~*環境>>都係gum啦.....唔太好但都可以接受啦.....~*

星期六晚去壽宴。其實每年都會來一次。每次都是生日晚飯，所以吃的都是差不多 -乳豬全體 - 幾好，不會太大隻太肥那種，皮脆肉嫩。吊片珊瑚蚌炒蜜豆，炸蝦丸 - 前者合格，後者太多粉，蝦味不夠。紅燒翅 - 不濟，湯淡材料少。蒸大青斑 - 有鮮味，火喉剛剛好。炸子雞 - 一般水準，有點不夠嫩。整體表現中規中矩。

尋日同細佬請我去左果度飲下午茶,因為我遲到,所以坐低果時細佬經已食左小小野架喇.之後我就點左幾個點心啦,但當中好多都冇黎到,唔知係咪因為下午茶時間, D 野食寧舍快冇晒呢!點既點心有到既如下:山竹牛肉球(係好有本身既風味,但 D 腐皮好酸,都係因為太梅喇.),明星鮮蝦餃(夠大隻,超多蝦,味道接受),帶子莧菜餃(蒸得好靚,大量菜但得好小帶子粒),安蝦咸水角(麻麻地,入面冇乜料),千絲羅白酥(大濃喇,因為食過出面食果 D 金黃色好靚),炸銀絲卷(樣衰到爆啵)暢泳水立方(貨不對版,就係因為冇左幾粒葱花,加上其中一舊隻蝦梅既!).總括黎講,我對喱道既點心認真麻麻.又可能我食得煙尖掛.不過咁,我地兩個人加埋一都係百六大元咋喎.都比得過既!

今日同屋企人黎飲茶, 真係一肚氣........我永世都唔會再黎呢度飲茶.......今日我地11點幾黎到, 咁佢地既早茶特價時段係12:00之前,咁我地拿拿林揀好d點心就比侍應啦.....我媽咪搵黎搵去都搵唔到d侍應, 都唔知走哂去邊,佢地個個都話你張檯唔係我地負責, 搞到成5分鐘都搵唔到人落單終於落左單喇, 咁我見到佢張特價點心紙有泰式扎肉河粉$10.8 (但係要出去自己攞), 咁我就出去同阿姐講話要一碗泰式扎肉河粉, 同佢confirm係$10.8, 佢話加左價, 係$11.8, 我話唔係wor, 張點心紙明明寫左係$10.8, 個阿姐堅持話係$11.8, 咁佢就寫左0係張點心咭度......我返番我地張檯,見到個侍應, 我咪問佢碗野究竟係幾錢, 佢話係$10.8......跟住個侍應就拎埋我碗野走去同個阿姐講.......終於幫我改番做$10.8......唉......叫一碗河粉都可以搞到咁鬼混亂........之後,我地等左成25分鐘, d點心仲未黎, 咁我地就追個侍應, 發現原來漏左單.......頂!!!跟住我地同個阿姐講問佢點算, 佢話我再幫我地tick過d點心啦..

星期六下午同朋友及佢個仔嚟呢度飲下午茶,2:30左右,等位的人都不算多,很快就有位,我們叫了奶王飽,鍋貼,薄撐,帶子餃,鴨腳扎,食物都ok,但不是真的很好味,只算一般,朋友說鍋貼很好味,但薄撐的水準冇以前那麼好,好乾及凍的,可能出去自己攞會好味d,這裏有很多食物選擇,出面自己取食物的種類也很多.價錢亦很便宜.

上星期六因為麻麻生日，我們一家16人到了明星酒家光顧。點了很多小菜，服務員亦免費贈送了很多汽水給我們，服務態度不錯﹗但小菜方面真的差了很多﹗特別是乳豬全拼，好像隔夜的，口感一點也不覺得爽脆。有一個叫蝦伊麵，老實說，我也是第一次見不是龍蝦而是用海中蝦配伊麵，感覺怪怪的，雖然也是蝦的一類，但感覺好像寒酸了點吧？感覺還好的只有那個叫瑤柱發菜什菜煲，稍微好一點的菜式。還有很多的，但見了賣相已經不想吃了﹗所以本人亦不能再提供有什麼不好，總結就是水準下降了﹗

每個星期六/日是但一日,都會同啊媽去食茶.最仲意食佢d點心,尤其鳳爪,真系好入味,好正,啊媽就仲意叫佢d燒味瀨粉,因為好抵食,可能成日黎既關系,同d待應好以朋友咁..好好傾.

上次試過飲茶都幾好!今晚同家人食飯!8:20去到睇下原來佢地8:30後有特價!佢地d特價菜都好大碟!味道唔錯ok!不過真係要讚賞下上次果個公關姐姐依然咁好笑容咁好禮貌!又介紹有咩好食有咩特價!要試下佢地果個紅酒金沙骨好好味,羊腩煲都好入味佢地d生菜仲有得簡自己灼同佢幫我地灼埋!服務同味口都好好!

乳豬拼盤太多肥膏雞味道可以翅好流西蘭花炒帶子好油淋淋瑤柱扒時蔬算係最好炆得入味食得過魚都ok但上菜太慢等左兩個鐘先上魚仲要魚雞一齊上搞到檯面一次過有三個菜好混亂

早上11:30一家人去飲茶,原來早上d點心好抵食,味道都ok!仲有好多種類供選擇,有京點有泰國食品等等,價錢一個字形容<抵>,見到d公關姐姐個個都好好笑容又有禮貌仲幾靚女!哈哈!樓面d服務唔錯一叫即到,不過我真係好想投訴果個姓羅嘅經理佢態度真係唔要得好似唔優做咁,申為一個經理唔應該咁吋,不過係佢個人問題其他都好好!我諗住晚上都會去果到食多次飯, 所以問公關姐姐攞左d晚飯紙睇,原來晚上都好平,佢仲話火鍋好新鮮叫我地試下!我地下次一定會再來!