明星海鮮酒家 (已結業)

喱度地方幾大，環境唔錯，下午茶都唔駛等位。下午茶都有好多特價心，但味道一般，不過價錢都算平。係工廠區有間咁酒樓，都算唔錯！

有晚同屋企人到這裡食晚飯,叫了一圍晚餐,好似係1688左右..d送大大碟,而且碟碟都好好味,當中推介芝士焗龍蝦伊麵底,足料,芝士味又夠重...真係好好味~~~

上星期五同人食飯...我地五個人去食飯...先食左300左右...食左一個4-5人餐...有魚有湯..都ok仲加左幾個餸...味道都唔錯...

同同事食lunch叫點心蝦餃幾好,蝦夠大,皮雖然較厚但overall味道唔錯燒賣多肥肉流沙包推介,真係好流味道又好,正鳳爪幾入味薄撐唔多料都幾油菜心生菜新鮮千層馬拉糕無味,唔得瑤柱蛋白炒飯無味,叫少油但仍然幾油由order到上點心好快

一家人，因為怕酒樓人多，月初已經預先book左昨晚到那裡吃年夜飯，亦向當時職員查詢了菜單，看罷我們決定叫一個八至十人餐，$1088．．．到了酒樓後，再向侍應要求點那個套餐，點知再看昨天的餐牌，原先的套餐，相同的套餐已經沒有了，價格比我們原先問他們取得的貴了之餘，還有兩個菜沒有了．．．跟侍應理論一番之後，才可安排原先的套餐給我們，但整個安排十分之混亂，電腦單上沒有列出我們另外有的餸菜，亦不是由一個職員去跟進，於是造成很多問題。那個餐牌是他們給我們的，若昨天不能做這個價，那您當天就不要給我這個餐牌．．．D野食已經唔多惦，海蝦是「梅」蝦，原先選了什麼海底椰湯，點知又話無，要我地要個好似例湯的湯，叫什麼三寶湯。差不多吃完的時候，侍應無啦啦拿了小籠包來，我們隨即問上菜的，我們有小籠包的嗎，好竟然當聽不到，哦了句就走開．．．接著我們問另一位侍應，我們的餐是否有小籠包還是壽包，她說兩樣都有，咁咪食lor，食左兩粒，佢又走番埋黎，話只係選其一，但點菜果陣，侍應已問我們是否要壽包，我們已答了是的，都唔知點解會咁．．．重要收番D小籠包果陣話，佢地食左兩粒咁點．．．又唔係無問過她們，答得咁肯定，就梗係食啦。

歲晚收爐,一行七人到此飲茶,有大食大,主管請.HOST楂主意,點心叫了煎蘿蔔糕,叉燒腸,流沙包(雙份),鳳爪(雙份),山竹牛肉(雙份),燒買(雙份).另加蒜香骨,燒腩仔,炒芥蘭,菜遠牛河及海鮮炒飯.整體食物O.K.,品質均在水準之上,其中最好味的是燒腩仔,與容記的燒肉相比,不遑相讓.菜遠牛河-河粉和牛肉都新鮮,滑,火候又好,夠鑊氣.因等待殿後而遲來的同事,牛河上廿分鐘後才起筷,仍不失其鮮味.難得!侍應服務O.K.,收碟和加水都很快.只不過上點心的阿姐有些糊塗,經常將點心上錯隔離.埋單三百有找,算抵食!

我哥最鍾意食燒味，所以\"明星\"新開張燒味大特價，我老豆成日都幫襯~ 足秤，唔會見特價就俾d 頭頭尾尾唔靚o既你~不過去呢度飲茶...侍應態度ok，唯獨係一個點心阿姐，我話要腸粉同南瓜餅，佢\係望到我o既(得我一個企正佢\前面)，咁佢\開始煎腸粉....等多陣，見到佢\將腸粉俾左另一個茶客!! 咁我就問阿姐係咪整緊俾我，我一路等緊既....另一個阿點心阿姨聽到，就即係話幫我再煎過.....等候期間，有一男茶客問果位阿姐\"呢碟係咩黎既\"，阿姐答\"你係咪要呢樣\"....如事者二人不斷重覆呢兩句三次.....最終又係另一個點心阿姨解答左~ 可能...呢位阿姐聽力真係有點問題@_@\"

同同事又黎飲茶叫左好多點心都唔記得食左d乜只係隱約記得自己試過牛肚,水晶包,千層糕,春風得意腸,煎蘿蔔糕,荷葉蒸雞飯,擂沙湯圓,灼菜心同生菜牛肚淋但無乜沙嗲味水晶包有豆沙同奶黃味,奶黃味唔太甜又幾滑,水晶包唔算薄,始終都係大榮華好味千層糕無乜特別,勝在算鬆軟春風得意腸其實係粉皮包住春卷,粉皮算滑,ok煎蘿蔔糕外皮煎得唔夠脆,亦無乜餡荷葉蒸雞飯只係炒蛋飯加蒸雞舖o係荷葉上,無荷香,雞無試過唔知點擂沙湯圓夠大粒,但外皮唔夠薄,幸好芝麻餡夠多,都ok,但外層綠豆粉唔均勻灼菜心同生菜都算最好,起碼夠新鮮唔油全部只屬ok只係比較上無咁油味道上係對面客家好棧得d

經常番工路過都見佢大大個字話叉燒特價18蚊一斤今日收工突然好想食又黎買半斤($10)試下斬叉燒會叔叔真係好均真用砰砰足兩先切要求瘦叉真係慢慢揀條靚既先俾你有禮貌又會主動同你講多謝心中不期然加晒分雖然係瘦叉但一d都唔韌蜜味雖然唔算太重但都ok以呢個價錢計係超值

同事請食飯話黎呢度食左蝦餃,蝦腸,鳳爪排骨飯,雞包仔,蒸蘿白糕,菜心等等全部只屬一般d蝦有少少梅一條蝦腸仲只得兩粒蝦雞包仔尚算軟熟,餡料味道ok蒸蘿白糕無乜料,但都叫食到一條條既蘿白絲菜心新鮮幾鮮甜排骨帶少少肥,唔韌服務尚可啦但平均一個人要50蚊就唔多值對面客家x棧d蒸點心都好味d又特色d

中午差唔多兩點先食飯因為唔想周圍行黎買左個兩送飯盒要左翠肉瓜炒蝦仁同咖喱薯仔雞翼叫左少飯仍然好多送菜份量又多12蚊真係好抵食味道方面,兩樣都唔錯薯仔夠多又粉夠入味好好食翠玉瓜唔會炒到油淋淋蝦仁唔霉又有鮮味加埋少少唔知咩醃菜好野味或者因為過左繁忙時間服務好又有禮貌另一個值得推介係加3蚊可以有兩件泰式甜品我要左椰汁糕唔太甜又夠椰汁香味都幾ok