影片
好多年冇食过明星晚饭，最近冇饭开过去一试，原来都有好多抵食孖宝餐及小菜，是晚拣咗靓汤孖宝餐，另加蒜蓉粉丝蒸元贝，餐厅有优惠，2-3人送每人半只乳鸽，4人以上送冬菇扣鹅掌，于是，又多咗一碟乳鸽，味道唔错，不过唔记得影！呢餐真是非常饱，小菜的份量好大，二人根本食唔晒，捧住个肚走！
继续阅读
今(15-8-2021 Sun)朝同老公食早餐,好耐冇饮茶喇,就嚟呢喥啦,我啱去到,揾到最后一张冇人嘅枱,睇完menu就要:1. $31.80嘅特点,沙律明虾角上菜嘅亚姐拎上嚟时,冷不防被个碟热亲,佢话个碟都热.食落,系热腾腾嘅,外脆,内里就只系爽口虾仁,而估唔到沙律酱都重系好罐头杂果沙律.味道: 5分2. $29.80嘅大点,猪皮萝卜鸭红竟然有鸭红,真系想与时并进,呢个唔太辣,鸭红嫩滑;猪皮爽口,但仍有沙;萝卜唔苦佐都有啲渣,都算唔错喇,o衣o家白萝卜又唔系当糙.味道: 4分3. $29.80嘅大点,牛肉滑肠粉改用长碟同已切开成6件,份量变相少咗.食落,牛肉份量唔少,芫茜份量亦适中,恰到好处.味道: 5分4. $28.80嘅烧鸭濑呢个大大碗,嗅到烧鸭嘅香味,口感同味道都正常,有俾胸位同皮嘅位置;濑粉正常冇问题,汤就比较清淡.味道: 4分5. $45.00嘅鱼翅灌汤饺估唔到呢喥又有,咁就要啦,端上嚟系热腾腾,亦嗅到啲药材味,而佢啱写明有一两鱼翅,捞起嚟睇,系见到有,重要连咗啲鱼皮.由于太热,我食唔到,老公食先,之后到我食,啖汤嘅味道比烧鸭濑嘅有味同浓啲;唔知系咪放耐咗,薄饺皮已经腍晒,内里就只系肉,要加醋食解腻啦.味道: 4分茶:我要香片,但茶叶太多,好涩,想饮多啖茶都唔得.服务:同时间上头两样嘢食嘅亚姐好好礼貌.其他:我啱去到时,有一张吉枱上有个环保袋,即系有人,但好耐好耐都冇人返埋嚟,约半个钟, 一个肥,戴眼镜嘅女侍应摆低壶茶,冇耐,一个6,70岁嘅男人嚟到,𠮶个女侍应拎份报纸俾佢,然后将环保袋收入员工柜内,即系呢个女侍亲人罢位.价钱:搭枱茶位$9.00,连加一服务费系$201.50.2.6分上次食评系2020年8月17日刊登嘅呢篇: https://www.openrice.com/zh/hongkong/review/%E8%A6%81%E5%87%BA%E5%84%AA%E6%83%A0%E4%BA%86-e3793317,又系相隔一年.
继续阅读
去酒楼食饭对象多数都系一家人，今日6点几去到已经见大半场都系家庭聚餐，感觉好温馨，而平时同屋企人较少出街食饭，感觉就觉得更加珍贵酒楼就一定唔系个高CP值食府地方，但胜在价钱公道，菜式多样化，最常成为街坊生意，今次呢间酒楼空间感十足，有好多张枱提供，唔怕冇枱开饭，红色地毯、暖黄色灯光，加多几分怀旧感决定一家三口一人叫一道𩠌菜配白饭我哋就叫咗：🌹烧鸡 半只皮够脆，皮亦有味道，唔会过咸有鸡皮种油香味，肉质过干，有机会系风干过度，影响肉质唔滑嫩，$120半只，价钱合理，所以还算不错👍🏻🌹豉蒜凉瓜炒牛肉大赞豉蒜味啱啱好，凉瓜带少少爽口，估计先轻轻白灼后才炒，牛肉腌制入味，配上豉蒜味更浓烈，略带小火喉味豉蒜汁唔会过「杰」过「稀」，炒到啱啱收干汁，点会唔入味？送饭一流🌹栗米烩鱼柳冇浸死塘鱼状况，唔会成堆栗米更浸住晒啲鱼柳，令鱼柳保持脆口，表皮不会过重粉味，刚刚好，果然系正皆出品曾经出面试过栗米多过鱼柳，状况就系鱼柳软身冇咬口，显得外表粉味更显眼如果想要多栗米汁本身就需要求汁另上/另叫酒楼常见栗米鱼肚羹或栗米汤三口屋企人，叫3碟𩠌3饭，啱啱好港晒堆𩠌同埋白饭，冇浪费到，大家都赞出品品错，最喜爱的是豉蒜凉瓜炒牛肉、栗米烩鱼柳呢两味，见到隔离枱食长脚蟹，另外张枱又食龙虾🦞______________________________😂一家人已系到讨论下次过嚟食咩好🤚🏻❤️一家人就系咁可能好平凡生活...不可避免的出来社会工作后，与家人相聚/食饭/拍照都减少了，但就是呢份稀疏，亦更珍惜与家人相处的时光，相识总带著缘份，特别是家人，希望大家也能好好与家人相聚当赚够，想一同分享、享受吃饭不是单单的吃饭我认为与谁吃饭更加重要
继续阅读
今日做冬， 选择左家人就脚啲酒楼， 分2个时段， 头围 晚上6:30 - 8:30, 其实本身唔钟意食限时限刻嘅饭， 但做节无办法啦。酒楼啲𩠌菜一般， 中规中矩， 侍应服务一般， 反而值得一赞啲系 明星在屋村里 营业， 为街坊提供一个较优质嘅食府。说到众多中式小菜中, 我最钟情始终是生炒排骨。香港名菜生炒排骨，举世知名，说到经典食谱，它必定榜上有名，连洋人也懂得是粤菜之宝，厨师考牌之作，因为看似易做实难掌握完美技巧。这道老少咸宜的菜式，香港人最爱的人气佳肴。此店从食材、酱汁和配料， 拿捏得非常好，有水准。
继续阅读
去左荃湾老围村探完朋友，顺道系附近开饭，落石围角邨商场揾到呢间明星海鲜酒家。以屋邨酒家来说装修算很讲究及新净，光线充足，感觉也干净。点了几味有肉有菜的家常菜，都是大路东西。烧乳鸽开边无分四件，肉汁保留得比较完整，落手食份外惹味。时菜牛肉菜跟肉都新鲜，火候够，味道不错。花菇鲍片时蔬材料新鲜，份量也足，火候刚刚好，茨汁浓淡适宜，看得出厨师很有功架。唯呢味菜有入单但厨房无做，催了好几次，等了超过半小时才有经理去跟进。集团经营，硬件及食物都不错，但楼面侍应都缺乏服务意识，只有经理才比较认真做事，算是「十清一浊，破坏格局」吧。
继续阅读