明星海鮮酒家 (已結業)

好多年冇食過明星晚飯，最近冇飯開過去一試，原來都有好多抵食孖寶餐及小菜，是晚揀咗靚湯孖寶餐，另加蒜蓉粉絲蒸元貝，餐廳有優惠，2-3人送每人半隻乳鴿，4人以上送冬菇扣鵝掌，於是，又多咗一碟乳鴿，味道唔錯，不過唔記得影！呢餐真是非常飽，小菜的份量好大，二人根本食唔曬，捧住個肚走！

今(15-8-2021 Sun)朝同老公食早餐,好耐冇飲茶喇,就嚟呢喥啦,我啱去到,搵到最後一張冇人嘅枱,睇完menu就要:1. $31.80嘅特點,沙律明蝦角上菜嘅亞姐拎上嚟時,冷不防被個碟熱親,佢話個碟都熱.食落,係熱騰騰嘅,外脆,內裡就只係爽口蝦仁,而估唔到沙律醬都重係好罐頭雜果沙律.味道: 5分2. $29.80嘅大點,豬皮蘿蔔鴨紅竟然有鴨紅,真係想與時並進,呢個唔太辣,鴨紅嫩滑;豬皮爽口,但仍有沙;蘿蔔唔苦佐都有啲渣,都算唔錯喇,o衣o家白蘿蔔又唔係當糙.味道: 4分3. $29.80嘅大點,牛肉滑腸粉改用長碟同已切開成6件,份量變相少咗.食落,牛肉份量唔少,芫茜份量亦適中,恰到好處.味道: 5分4. $28.80嘅燒鴨瀨呢個大大碗,嗅到燒鴨嘅香味,口感同味道都正常,有俾胸位同皮嘅位置;瀨粉正常冇問題,湯就比較清淡.味道: 4分5. $45.00嘅魚翅灌湯餃估唔到呢喥又有,咁就要啦,端上嚟係熱騰騰,亦嗅到啲藥材味,而佢啱寫明有一兩魚翅,撈起嚟睇,係見到有,重要連咗啲魚皮.由於太熱,我食唔到,老公食先,之後到我食,啖湯嘅味道比燒鴨瀨嘅有味同濃啲;唔知係咪放耐咗,薄餃皮已經腍晒,

早前爸爸喺喥飲茶,佢哋就派優惠劵,一張係以$68.00買原價$128.00嘅玫瑰豉油雞,一張就以$28.00買原價$38.00嘅紅燒BB鴿一隻,但每次要買兩隻.13-8-2020 (Thu),爸爸就拎一張去買一隻玫瑰豉油雞,我哋諗佢可能唔大隻,但買到返嚟原來都幾大隻,而我嗅到佢嘅香味,已經感覺佢幾鹹,斬好後食得.果然係鹹…個皮,肉嘅鹹味就啱啱好,肉質都嫩嘅.味道: 4.8分而紅燒BB鴿呢?爸爸喺大前日(14-8-2020 Fri)就買埋,每隻都細隻,食落,皮唔脆,鹵水味好夠亦已經好夠鹹,肉質就唔嚡.味道: 2分上次食評係19年12月14日登嘅呢篇:https://www.openrice.com/zh/hongkong/review/%E8%B6%85%E8%B2%B4-e3614967

去酒樓食飯對象多數都系一家人，今日6點幾去到已經見大半場都係家庭聚餐，感覺好溫馨，而平時同屋企人較少出街食飯，感覺就覺得更加珍貴酒樓就一定唔系個高CP值食府地方，但勝在價錢公道，菜式多樣化，最常成為街坊生意，今次呢間酒樓空間感十足，有好多張枱提供，唔怕冇枱開飯，紅色地毯、暖黃色燈光，加多幾分懷舊感決定一家三口一人叫一道餸菜配白飯我哋就叫咗：🌹燒雞 半隻皮夠脆，皮亦有味道，唔會過鹹有雞皮種油香味，肉質過乾，有機會系風乾過度，影響肉質唔滑嫩，$120半隻，價錢合理，所以還算不錯👍🏻🌹豉蒜涼瓜炒牛肉大讚豉蒜味啱啱好，涼瓜帶少少爽口，估計先輕輕白灼後才炒，牛肉醃製入味，配上豉蒜味更濃烈，略帶小火喉味豉蒜汁唔會過「傑」過「稀」，炒到啱啱收乾汁，點會唔入味？送飯一流🌹栗米燴魚柳冇浸死塘魚狀況，唔會成堆栗米更浸住晒啲魚柳，令魚柳保持脆口，表皮不會過重粉味，剛剛好，果然系正皆出品曾經出面試過栗米多過魚柳，狀況就系魚柳軟身冇咬口，顯得外表粉味更顯眼如果想要多栗米汁本身就需要求汁另上/另叫酒樓常見栗米魚肚羹或栗米湯三口屋企人，叫3碟餸3飯，啱啱好港晒堆餸同埋白飯，冇浪費到，大家都讚出品品錯，最喜愛的是豉蒜

今日做冬， 選擇左家人就腳啲酒樓， 分2個時段， 頭圍 晚上6:30 - 8:30, 其實本身唔鍾意食限時限刻嘅飯， 但做節無辦法啦。酒樓啲餸菜一般， 中規中矩， 侍應服務一般， 反而值得一讚啲係 明星在屋村裏 營業， 為街坊提供一個較優質嘅食府。說到眾多中式小菜中, 我最鐘情始終是生炒排骨。香港名菜生炒排骨，舉世知名，說到經典食譜，它必定榜上有名，連洋人也懂得是粵菜之寶，廚師考牌之作，因為看似易做實難掌握完美技巧。這道老少咸宜的菜式，香港人最愛的人氣佳餚。此店從食材、醬汁和配料， 拿捏得非常好，有水準。

前幾日,二哥約噚(13-12-2019 Fri)晚做冬,我哋一共6人嚟呢喥食,睇咗全包宴套餐,嘢食唔啱,全痛風宴,所以唔要,就散叫吧,叫咗:1. $118.00半隻嘅明星燒雞皮脆,味道唔太鹹.2. $40.00一隻嘅紅燒BB鴿,要咗3隻皮都脆嘅肉嫩,味道唔鹹,都好嘅,可以自己選擇蘸幾多淮鹽.3. $158.00嘅粟米魚肚羹質地幾稀, 粟米好甜, 魚肚冇乜口感.4. $85.00蒜茸西生菜份量唔係多,但索價$85.00,未免太貴喇.5. $98.00嘅魚湯鮮竹浸菜苗菜苗係白菜仔,鮮竹有啲唔夠腍入味.6. $298.00 2斤重嘅清蒸沙巴龍躉係大大條,蒸到啱啱好,但都唔係太滑.我哋重要咗兩碗白飯同兩支$36.00嘅Ashai啤酒,最後睇單,至知白飯同茶錢係$13.00,成張單就係$1,158.30.抵食係2.5分上次食評: https://www.openrice.com/zh/hongkong/review/%E6%99%AE%E9%80%9A-e3609442後記:後來至發覺有燉湯,重要唔係貴湯羹好多.

1-12-2019 (Sun)朝,同老公去拜祭媽媽前食個早餐,我哋飲茶啦,因為可順便買啲點心俾媽媽,但諗諗吓,佢次次都係食點心會悶,而且仍都會食麥當勞,於是放棄外賣點心,就只係我哋食,我哋要咗:1. 中點$22.80嘅香煎蘿蔔糕好熱同外面都脆口,味道正常.但點解唔自動俾甜醬辣醬?2. 小點$18.80嘅潮州靚粉果一籠四隻,唔大隻,食落冇沙葛,算,但五香味都冇乜,麻麻.3. 大點$26.80嘅鮮蝦菜苗餃一籠三隻,點解我食到嗰隻完全冇蝦仁只係菜?係咪俾錯我?另外嗰兩隻就有.4. 中點$22.80嘅鮮竹牛肉球正常冇問題.5. 中點$22.80嘅蠔皇鮮竹卷呢個鹹咗啲.其他:我哋要香片,但好澀,應該係太多茶葉喇.價錢:禮拜日茶錢每位$9.00,搭枱$8.00,竟然冇加一.2.7分上次食評: https://www.openrice.com/zh/hongkong/r-%E6%98%8E%E6%98%9F%E6%B5%B7%E9%AE%AE%E9%85%92%E5%AE%B6-%E8%8D%83%E7%81%A3-%E7%B2%B5%E8%8F%9C-%E5%BB%A3%E6%9D%B1-%E9%

仲記得以前呢間明星海鮮酒家新開張時，出名貴價同唔好食，雖然住係附近，都好少去飲茶，繼上次挑戰完後，今餐茶絕可推翻以前貴價唔好食嘅舊史點心紙亦睇得出佢地有花心機settle價錢同推出唔同特價優惠，同點心都依舊保持水準👉🏻叉燒包期待叉包好耐，都有一段日子冇飲過茶食到叉包，蒸得啱啱好，麵包皮較厚，不過對我中意食白麵包嘅客嚟講合我意，入面餡料足夠配捨外皮食唔會過甜，唔錯唔錯👉🏻鳳爪鳳爪可能系再較一般水準，可能蒸過咗火喉關係外皮好易爛，但調味尼講都唔錯嘅👉🏻牛肉腸牛肉餡唔錯，皮唔系十分之滑，不過都幾好食，阿姐俾嘅腸粉鼓油足夠👉🏻牛柏葉諗唔到牛百葉都有驚喜，除左味道正常外，個汁底仲有落到粉線！👉🏻叉燒飯做緊特價，一碗廿幾蚊叉飯，居然咁多叉燒，真系幾抵食，叉燒似以前落燒肉檔買番尼有肉味個種，唔會得死甜✍🏻本身就好中意飲茶，由細個扭呀媽去飲茶到大個帶呀媽都系去飲茶，間間茶樓格局氣氛都唔同，今日去到居然系全場爆滿，我地一家需要搭枱先可飲茶，睇得出改格後嘅明星酒家都幾受茶客熱捧，呢餐都只系食咗$16x左右，放假絕對值得回頭🙋🏻‍♀️俾多啲機會唔同食店，只要樂意比機會，通常進步空間可以好大，時日有加會愈做愈好

同家人難得相聚飲茶，熄左電視熄埋手機同家人一齊落樓下飲茶散下心。下午茶點心方面我地order左鵪鶉蛋燒賣、山竹牛肉球、手拉滑腸粉、黃金流沙包、香煎馬蹄糕、蝦餃（兩粒）👉🏻🥰鵪鶉蛋燒賣一落枱就已經好靚，見到皮薄又冇蒸爛到，好少出面食鵪鶉蛋燒賣會有山根墊底，另外咬開居然有3隻細蝦系入平，仲要鵪鶉蛋熟嘅狀況系啱唔好唔會過老引至蛋黃過粉過乾，大讚👉🏻手拉滑腸粉阿姐會問使唔使加鼓油，另外亦有配備甜醬花生醬，齋腸其實最重要都系夠嫩滑，而佢都幾滑幾好味👉🏻黃金流沙包入面冇想像中流出尼效果，不過入面餡食到好香嘅咸蛋黃味❤️🥰🤤對我黎講味道唔錯，唯一不足只系流沙情度不足👉🏻山竹牛肉球山竹牛肉球系同其他酒樓食到嘅質數差無幾，因山竹牛肉球系最基本嘅點心，好難區分太大味道上分別，個人覺得系ok👉🏻香煎馬蹄糕💦🤦🏿‍♀️呢個就真唯一失食嘅食物，一上枱顏色其實偏啞色，食落粉好似過多，味道偏淡大至上味道都唔錯，除左馬蹄糕太多粉同味道一般外，所有點心質素都系有水準，呢到我最中意嘅系鵪鶉蛋燒賣。🙋🏻‍♀️俾多啲機會唔同食店，只要樂意比機會，通常進步空間可以好大，時日有加會愈做愈好，香港人太健忘急速，對一般評價或要等既食店都唔

尋日(26-12-2018  Wed)晏晝,老公落荃灣整o野,整完後o係o度買o野返o黎食,佢買o左:4. $21.80中點o既煎蘿蔔糕蘿蔔糕好厚,但料唔多,口感鬆軟.1. $29.80 頂點o既鮮蝦腸腸粉通透.蝦仁大大粒同爽口,OK好食.2. $21.80中點o既田園粉粿我覺得味道一般.3. $21.80中點o既雞包仔而且好耐冇見,估唔到老公會買,味道同以前食到o既一樣,有種懷舊感覺,不過餡料唔多.價錢:連外賣盒係$97.20, 抵食係2.5分上次食評: https://www.openrice.com/zh/hongkong/review/%E9%AB%98%E9%90%B5%E9%96%8B%E5%B9%95%E6%97%A5%E6%97%A9%E9%A4%90-e3163745

今日(22-9-2018 Sat)爸爸o係o度飲完早茶,又買外賣俾我同老公食,今次有:1. 蝦腸腸粉滑但仍偏腍,蝦低爽口.2. 潮州粉粿今次好返少少味道,好過上次.3. 鳳爪排骨飯瘦排骨夠腍亦唔乾,鳳爪一樣夠腍同入味,OK.4. 薄撑係爸爸食剩,凍o左就只有油,蔥粒夠,味道好濃.上次食評: https://www.openrice.com/zh/hongkong/review/%E7%94%A8%E6%96%99%E5%B7%AE-e3120337

去左荃灣老圍村探完朋友，順道係附近開飯，落石圍角邨商場搵到呢間明星海鮮酒家。以屋邨酒家來說裝修算很講究及新淨，光線充足，感覺也乾淨。點了幾味有肉有菜的家常菜，都是大路東西。燒乳鴿開邊無分四件，肉汁保留得比較完整，落手食份外惹味。時菜牛肉菜跟肉都新鮮，火候夠，味道不錯。花菇鮑片時蔬材料新鮮，份量也足，火候剛剛好，茨汁濃淡適宜，看得出廚師很有功架。唯呢味菜有入單但廚房無做，催了好幾次，等了超過半小時才有經理去跟進。集團經營，硬件及食物都不錯，但樓面侍應都缺乏服務意識，只有經理才比較認真做事，算是「十清一濁，破壞格局」吧。

今日(11-8-2018 Sat)一號風球,橫風橫雨,爸爸o係呢o度飲完早茶,買外賣俾我同我老公食,佢買o左:1. 潮州粉粿味道好淡,近乎冇味,徨論五香粉味;料又冇乜,好過份.2. 叉燒腸內裡o既叉燒粒又乾又o鞋,超差.3. 珍珠雞裡面o既料都係以叉燒粒為主,只食到少少冬菇,糯米唔算好煙韌.味道係0.7分價錢:爸爸話好貴,話呢間o野打風就加價.唔係o掛,又唔係八號風球,分星期六,日咋?1.5分上次同老公o黎食o既食評:https://www.openrice.com/zh/hongkong/review/%E9%A3%B2%E8%8C%B6-e3102322

今 (22-7-2018 Sun)朝同老公食早餐,唔知食乜好,求祈話飲茶,就落o黎啦,我o地揀o左:1. 原隻鮮蝦腸(特點)$24.80每條有兩隻鮮蝦,大大隻又爽口彈牙,但腸粉就太腍,一般.味道: 3分3. $16.80o既玫瑰豆沙角大大隻又飽滿,食落,有好多唔太甜又夠腍o既豆沙,外皮脆口,唔錯.味道: 5分2.香煎蘿蔔糕(中點)$21.80煎得唔夠香脆,一咬鬆散,料唔算多,味道正常.味道: 2.8分6. $25.80o既排骨蒸腸粉排骨同腸粉每樣都有4件,排骨偏肥,滑同多汁;腸粉比蝦腸o個隻冇咁腍.但成個點心都偏鹹.味道: 3.5分5. 鮮菰魚肚(中點)$21.80鮮菰係草菇,佢同魚肚各有3件,魚肚剪得好整齊,墊底有兩件南瓜.魚肚口感適中,索o左啲汁食都幾鹹;草菇同南瓜正常冇問題.味道: 3分4. $18.80o既上湯鮮竹卷鮮竹卷算大件,內裡有大大舊豬肉同啲雜菜,呢個冇上面兩樣咁鹹,不過個湯就飲到味精味.味道: 3分抵食係2.5分其他:香片茶同上年8月13日飲茶一樣,依然係澀.(而上次食評係四姨丈守夜後o既晚飯,o個個食評:https://www.openrice.com/zh/hon

突然想食片皮鴨，近近地去左石圍角明星海鮮酒家。六點去到好少人，即刻有位，環境都寬敞光猛。因爲得自己一個，就淨係叫左片皮鴨$128。等左5-10分鐘到片皮鴨就到左，跟兩醬兩青瓜(記得以前係用京蔥)。啲皮就暖暖地，唔算熱，質地厚度都正常。但個鴨！勁凍勁乾，乾到個皮係韌嘅，好難咬。鴨肉乾到好鞋，一啲油份都無，唔知係咪放左好耐。食完有三塊西瓜送，再叫左個紅豆沙。個味道其實ok, 有陳皮味，唔太甜，有起沙，但係真係太多豆，好傑，豆多過水。Total $164, 食片皮鴨係幾平嘅, 但質量真係退步左好多，個紅豆沙真係唔多掂。不過以前食過佢啲小菜都唔錯嘅，下次可以再試下。啲姐姐都好nice。