明星海鮮酒家 (已結業)

去左荃灣老圍村探完朋友，順道係附近開飯，落石圍角邨商場搵到呢間明星海鮮酒家。以屋邨酒家來說裝修算很講究及新淨，光線充足，感覺也乾淨。點了幾味有肉有菜的家常菜，都是大路東西。燒乳鴿開邊無分四件，肉汁保留得比較完整，落手食份外惹味。時菜牛肉菜跟肉都新鮮，火候夠，味道不錯。花菇鮑片時蔬材料新鮮，份量也足，火候剛剛好，茨汁濃淡適宜，看得出廚師很有功架。唯呢味菜有入單但廚房無做，催了好幾次，等了超過半小時才有經理去跟進。集團經營，硬件及食物都不錯，但樓面侍應都缺乏服務意識，只有經理才比較認真做事，算是「十清一濁，破壞格局」吧。