明日花居酒屋 (已結業)

喺OpenRice見到有優惠，試吓打電話去問下，佢哋話有新開張優惠，仲可以減優惠券，覺得好似好抵，跟住訂咗5 位，我仲叫師傅幫我訂咗隻龍蝦刺身，因為我哋五個都係海鮮怪，上到去，冇一般居酒屋環境咁昏暗，感覺幾舒服，不過可能新開張，佢哋推出優惠所以都見到好多客人，等咗陣店員都好快安排咗我哋入座，佢見我哋第一次嚟，好好人送咗清酒俾我哋，不過我哋唔係好飲酒，佢哋好熱心轉左果汁俾我哋！❤️加分我朋友試咗佢哋嘅手握壽司，份量大件好新鮮，刺身就冇得挑剔龍蝦刺身好爽口！佢哋嘅日本生𧐢都好大隻，師傅都介紹咗三個食法俾我哋！另外因為今次太飽食唔到佢哋推介嘅串燒！下次可以再返嚟🫢因為原來佢哋開到凌晨一點🙌🏻

睇到社交平台關注組有人力推嘅間新開店就膽粗粗去試吓，環境我覺得ok嘅，座位唔喺太多，屬於三五知己聚餐嘅環境。老闆同店員反應好快，要畀like。今晚我同友人叫咗個海膽飯同三文魚子蟹肉焗蟹蓋飯。海膽好新鮮，啱晒海膽控。蟹蓋飯好香蟹味，但單點就唔會夠飽，建議加點一d串燒、刺身。老闆好肯聽客人嘅評語，再作出改良，呢點絕對要畀like。好似話下星期會有新menu，同埋鰻魚飯好大條夠兩個人食，等我遲吓再同友人去幫襯先。

有一日睇到社交媒體網站有人介紹呢個海膽丼，本身可能新舖，再加埋大廈嘅優惠，兩個飯食咗都係二百幾蚊，好抵食😋兩款海膽質素唔錯，職員服務態度都好好，仲送咗份赤海蝦刺身，都好鮮甜☺️有機會會再嚟試吓其他款式，值得推薦👍🏻👍🏻

在旺角派傳單宣傳、見到新鋪宣傳去試一試、明日花海膽丼、精選北海道馬糞原版海膽及加拿大海膽。一隻鮮甜、一隻甘香。一次過滿足愛好海膽嘅fans. 原價368一碗、現新張期間限定優惠、只係198。😉😉😉😉😉$200都唔使、再加送麵豉湯及沙律。跟住大廈做活動、又減100、埋單$118。超抵真係估唔到咁平、同老闆傾開佢話想將啲廣告資源留給來做食物質素比客去享受。這個是值得一讚的。嚟緊已經book咗夜晚去試吓啲魚生刺身及串燒。10分期待。

交通超級方便，刺身好新鮮，性價比高。海膽超鮮甜，一板板咁叫🤣生蠔creamy 超新鮮，一啲腥都無❤️串燒質素好穩定，種類多，海鮮肉類乜都有，同埋素菜夠，朋友食素都話種類多，夠晒飽。喜之次，皮脆夠嫩滑，鹽燒已經好鮮甜。雞皮穌脆，雞油好香。鰻魚啖啖肉，好滿足。沙律好足料，有誠意。阿波尾雞都想食，但可惜賣晒。唔夠飽仲有熱食👍🏾同埋居酒屋可以唱歌好正🤣老闆又請飲sake ，服務好，氣氛佳，食得開心！會嚟第二次。👍🏾

經過附近見到下邊水牌諗住上嚟試吓，原來要預約，等咗陣有枱，叫咗個刺身拼盤試吓，店員話係每日新鮮到港飛機貨，本着試吓冇壞嘅心態，係有少少喜出望外，冇諗到喺旺角區有呢一啲質素，分量又夠大，最咪再試咗幾款串燒，可以拍得住中環級數，原先以為係日本師傅，原來望真啲係香港人🤣🤣，一定要推介佢哋嗰個阿波尾雞，好正！仲有佢嗰個一口和牛丸等等都好出色！可以再試下次！值得一題係佢哋見我第一次黎送咗支清酒俾我，呢個係我自己都冇諗到嘅！總括嚟講好好氣氛都食得開心😚

放工到旺角看電影，順便食晚餐，在Openrice 找到新開的日式居酒屋🏮，決定試下原來呢間餐廳仲係試業第二日，本身book滿哂，但老闆照比我地食，好好人👍🏻 仲送左兩杯酒比我地飲🥰🥰🥰我地點左wasabi 八爪魚，調味剛剛好，唔算太辣，份量超級多，好抵食！串燒試左豬大腸和牛舌，老闆好貼心咁提醒可以叫一串試下先，唔一定叫兩串，竟然有叫客人點少d食物的老闆😛 所以我們真的大膽點了各一串，誰知道牛舌真的好好好好味，他們下了很多7味粉帶出一點辣味。豬大腸我本身不食的，但都試了一點，味道有點似淋左的雞皮，不過串燒豬大腸我還是第一次見，幾特別。老闆有推薦源自日本的雞腿串燒和雞皮，留待下次再試仲有明太子雞翼重點是燒蟹蓋，擺盤美美的🥰 原來蟹蓋入面是蟹膏炒飯，上面配上蟹肉和蟹子，好味道，下次要試每人一個先足夠最後試了兩款壽司，肉質肥美，不錯！下次一定會再試的餐廳