旺記飯店 (已搬遷) 新店位置

今夜和太太食完瓊姐之後未夠喉，好幾次經過都見幾多人，就試吓。ORDER了一窩蠔仔粥，上枱就直覺地知道不會好吃！米湯比例1:1.5，入口只知係一窩蠔仔味精水，芫荽少、冬菜少、無味嘅蠔仔亦不多，湯底更不用多筆！莫說陳勤記，就連我食過東大街小食店做的都比佢好！！OH...人越大...看得OPEN RICE越多...對食越來越挑剔...塵世間最痛苦莫過於此......孫悟空話齊！

真係唔明白，點解呢間會有咁多好評。環境似大排檔格局其實一早預咗，點知食物質素都...。薑蔥生蠔煲($68)，蠔唔夠大隻，亦有陣腥味，好難食，仲話係廚師推介，俾佢呃咗。粉絲蝦米什菜煲($38)，湯底好鹹，蝦米又唔好食。鹵水大什($55)，呢碟算係最好，鹵水汁味濃，有紅腸、墨魚、芽菜、鵝腸等。可能其他食品如墨魚餅、炸雞軟骨及炸蠔餅會好食d，不過我應該有排都唔會再幫襯。

先黎個至愛~ 蠔仔粥抵食味道ok再黎個墨魚餅, 第一次食~ 正~ ..比個肥仔聽到(我估係老細),個肥仔仲話下次去搵佢\整個大墨魚餅我食. 嘻嘻~~ 下次再去搵個肥仔, 睇下佢係唔係吹水先.

我是旺記的常客,大大話話都食左十幾次.我每次到此店都一定會食鵝片,大眼魚,墨魚餅,蠔仔粥. 味道不但唔錯,而且價錢又唔係貴. 上星期二唸住同班friend再去食,點知無開.最後去左食泰國o野.後來返屋企先知"旺記"被人懷疑食物中毒,且暫時關閉停業.不過我覺得真係無理由,雖然間鋪的衛生比唔上大酒樓, 但亦可接受. 真係唔明白點會食物中毒.我同班friend都食左咁多次,都冇一次有問題啦.希望"旺記"可以快d開返. 我同班friend都想再食鵝片呀!

=============================================5 名市民在銅鑼灣「旺記」飯店進食蠔仔餅、凍烏頭等「打冷」食品後，懷疑食物中毒，食物環境衞 生署基於陸續有人在該店進食後不適，加上不滿意食肆的衞 生情況，故昨日飭令該食肆即時關閉停業，進行清潔及消毒，並檢控該食肆的食物處理室不潔問題。另案兩男子不適衞 生防護中心正調查兩宗懷疑食物中毒個案，涉及的5 人全部曾光顧銅鑼灣登龍街1 號的旺記飯店。首宗個案涉及3 名年齡27 至28 歲的男子，本月16 日午夜後在旺記進食，其後出現肚痛、肚瀉及嘔吐等病徵，兩人曾到瑪麗醫院急症室求醫，毋須入院。第二宗個案涉及兩名分別31 歲及33 歲的男子，上周六在該食肆進食，同樣在10 多個小時後出現不適======================================brothers pls be careful when eat in such 打冷restaurants especially in such hot summer

由細到大都好怪~ 唔知點解唔多食燒鵝, 但就好鍾意食鹵水鵝~ 今晚同幾個朋友0黎旺記開餐~ 朋友好鍾意0黎旺記, 小妹反而係第一次0黎, 我地叫左:鹵水鵝片: 好入味, 但伴碟的豆腐就麻麻地避風塘雞翼: 香口好味, 讚椒鹽玉子豆腐: 豆腐炸得仍然香滑墨魚餅: 新鮮制, 唔錯, 但如果可以厚0的0既話, 口感更好椒絲腐乳通菜: ok蠔仔粥: 好多蠔, 好味呢度舖仔細細, 但好多人0黎食, 味道又唔錯價錢又唔貴, 下次會再0黎

十位食家為旺記寫食評，十位食家都異口同聲讚賞旺記的小菜，我是第十一位，還有甚麼好寫？話說有一日，天寒地凍，遂與阿癲到登龍街食「樊少皇」煲仔飯，等位之際，不知哪裡傳來陣陣酒香，經過我靈敏的鼻子一「索」之下，嘩，簡直驚為天人，原來是從旺記傳出來的花雕醉雞窩味。就是這一「索」，自此念念不忘，一定要來吃一次醉雞窩。醉雞窩是我常吃的，故頗有心得，「春秋」的水準不穩，「樓上樓」的不夠入味，其他的不要提吧！唯有旺記的醉雞窩，水準最穩定。何解多次在廿多卅度的高溫下，都嚷著要吃旺記醉雞窩？原因有二：其一，有Heart：湯底香、雞酒合一這些都不在話下。重點是，無論舖面有多忙，無論店外有多少客人在等位，鬍鬚老細都堅持自己要親自主理桌上的醉雞窩。招牌攸關，老細有自己的一套方法，令雞件煮得奇滑無比，甚麼方法？你自己試試，但可以告訴你，你起初一定會看不過眼，可是，你不要懷疑，因為用他的方法煮醉雞，一定是最好的。其二，用料新鮮：首先，雞有雞味，應該不是雪藏貨。其他火鍋料雖然選擇不多，但首選推介一定是生大條泥和白鱔片。泥細條的不要，因為不夠新鮮。大條的上檯時，魚還是「口擘擘、跳跳紮」，新鮮否？鱔片方面，是我吃過眾多火

第二次唻食，都係哄好味。叫左：1. 花生豬手2. 蠔仔炒九菜花2. 蜜汁燒鱔4. 鵝片4樣野都好食，不過鵝片就好食過老水鵝。值得一試ge潮洲食店。

朋友生日想食潮州, 記起另一朋友之前提過旺記, 就決定一試.不要小看這小小的潮州舖, 也要排隊等位呀~~~ 剛剛坐低叫完餸, 轉頭就有餸上枱, 真快~~~ 熱辣辣!!!推介餸菜:脆鱔- 真的很脆, 夠乾蠔餅- 多蠔, 唔油墨魚餅- 好重墨魚味, 夠彈牙鹵水拼盤& 鹵水鵝- 肉好嫩, 唔會太咸豉椒炒蜆- 好好味, 夠鑊氣, 好快就俾我地食完哦~~仲有4-5個唔記得既小菜都好好味呀...

身為潮州人既我當然十分喜歡食潮州菜. 薑餅人向我推介此店, 星期五晚和他一起品嘗一下此處既菜肴.1. 鹵水鵝片- 肉嫩肥美, 汁濃, 正呀.2. 炸墨魚餅- 竹籃上, 炸米粉墊底, 墨魚餅薄身, 炸得香脆, 但若果再爽口彈牙點就更perfect.3. 韮菜花炒蜆仔肉- 炒得有鑊氣, 惹味香口, 蜆仔肉真是很"仔", 很細粒的, 咸左少少.加多支青島消消暑.

今日又去左行時代, 行完朋友想食打冷就近就來左呢間鹵水什拼($50) - 有墨魚, 鵝腸, 紅腸, 豬大腸, 大豆芽, 豆腐泡, 樣樣有D o岩晒我地呢d得兩個人但又想食多d唔同野既人, 其中以鵝腸最好味炸雞軟骨($45) - 叫得呢味食送都預左油, 好在呢間會有炸米粉墊底吸晒d油, 令到d雞軟骨乾身d, 唔錯9菜豬紅($20) - 反而呢碗野就勁油, 味道普通生力($20 x 2) - 買二送一, 抵飲可樂($10)老闆娘(伙計咁叫佢\)同人落單好似鬧交咁, 服務唔係好得, 不過唔計呢樣呢間野又真係食得過

J.A.M.又出動搵好野吃鹵水鵝- D鵝都幾入味蠔餅- 用太多粉去炸,不過D蠔都幾甜墨魚餅- 爽口夾大件(10件咁多)蒜蓉開邊蝦- 蝦有粉絲墊底,吸哂D汁,正本來唸住叫埋豉椒炒蜆,不過太多菜所以無叫...間鋪細細間,如果多人就要坐出外面,別有一番風味

約了朋友到銅鑼灣食晚飯，見很久也沒有來這店，就決定再來試試，看看會唔會差了。我們叫了鹵水鵝、蠔仔粥、墨魚餅、魚肚肉鬆浸勝瓜和油鹽水大蜆。鹵水鵝- 很入味，鵝肉嫩滑，少少肥剛剛好，唔錯。蠔仔粥- 大大隻蠔，新鮮又無怪味，抵食又大窩，值得一試。墨魚餅- 底放了米通吸油，令油膩的感覺減底，墨魚味很濃，新鮮炸起很彈牙又香口，雖然還是幾油，但也食唔停口。魚肚肉鬆浸勝瓜- 魚肚很爽口又入味，可惜少了點，勝瓜完全削了皮(我喜歡這樣)，也是不錯的選擇。油鹽水大蜆- 大蜆都真係幾大隻，而且很多隻都有肉，用油鹽水煮，可以完全食到它的鮮味。價錢平，食物佳；但如環境可以再好一點，就更加好了。

1.蠔餅: 都算唔油膩...亦真係好多蠔2.蠔仔粥:多料

今日同男朋友黎左呢度食........叫左.....蠔仔粥.......好味呀，好夠味....仲有大鱔煲.....好夠味好味........仲有白飯........呢度d野好食又唔貴........不過嗌完後等左.....勁耐.....