旺記飯店 (已搬遷) 新店位置

約了朋友到銅鑼灣食晚飯，見很久也沒有來這店，就決定再來試試，看看會唔會差了。我們叫了鹵水鵝、蠔仔粥、墨魚餅、魚肚肉鬆浸勝瓜和油鹽水大蜆。鹵水鵝- 很入味，鵝肉嫩滑，少少肥剛剛好，唔錯。蠔仔粥- 大大隻蠔，新鮮又無怪味，抵食又大窩，值得一試。墨魚餅- 底放了米通吸油，令油膩的感覺減底，墨魚味很濃，新鮮炸起很彈牙又香口，雖然還是幾油，但也食唔停口。魚肚肉鬆浸勝瓜- 魚肚很爽口又入味，可惜少了點，勝瓜完全削了皮(我喜歡這樣)，也是不錯的選擇。油鹽水大蜆- 大蜆都真係幾大隻，而且很多隻都有肉，用油鹽水煮，可以完全食到它的鮮味。價錢平，食物佳；但如環境可以再好一點，就更加好了。