旭川居食屋 (已結業)

充滿回憶即將結業嘅平民居酒居，身為大埔嘅街坊間唔中都會嚟🥹呢間餐廳向來都有一啲飛機貨既刺身同埋日本酒🍶，而且有時候同幾個三五知己👫👩🏼‍🤝‍👩🏻去裏面嘅房間飲下酒傾吓計，刺身方面都幾新鮮，總括來講全部都唔錯嘅，值得一試👍🏻

同屋企人慶祝生日，黎到依間日式居酒屋，因為價錢相宜，又有得book 位，所以選擇左黎依度款式好多，刺身，串燒，壽司，魚生飯，手卷都好多選擇，今日叫左三文魚腩同油甘魚刺身，三文魚腩好厚切，油脂十足，油甘魚都好新鮮魚生丼飯材料好豐富呀有三文魚，牡丹蝦，油甘魚，鯛魚牛舌串好juicy ，好香牛味雜錦天婦羅，炸粉好薄，有兩隻大蝦炸得好香口最正係個火炙左口魚壽司，油香十足，好少舖頭有依款壽司食壽喜燒牛肉鍋，牛肉好多

周六與老公隨意搵食，見到「居酒屋」便入去試吓！一入去，午餐時段好多人，通常人多都反映歺廳Ok....即管一試！午餐餐牌我多選擇，我點了寿司加牛肉細烏冬，我老公就點左個蒜片牛肉，另外我哋在家個蒸蛋及三文魚刺身兩件。我個壽司定食加延牛肉湯烏冬，賣相OK，份量也很足，定食午餐有包麵豉湯，沙律，甜品和飲品。壽司味道OK，飯只係普通嘅飯，沒有壽司醋味，等個蒸蛋熱辣辣，唔多味精，冬天食幾好！蒜片牛肉定食，味道一般，牛肉較硬，三文魚刺身到都可以。但整體以這個大眾化嘅價錢，食得飽，味道亦都唔係太差，我覺得都滿意。

10月頭㗎某一個星期日去咗太和嘅旭川居食屋食晚餐，佢係一間細細間嘅日式餐廳，入面大約有10張四人枱，雖然細，但檯之間距離都夠。地方唔嘈，多家庭客。性價比真係幾高，菜式款式又多。星期日如果夜晚7:30前到，就唔駛等位。當日叫咗野菌牛肉炒烏冬，鹽燒魚頭，炒野菜，蟹籽沙律，刺身叫咗三文魚和帆立貝。價錢好平，人均消費一百元頭，味道都唔錯㗎，份量也合理。佢哋都有提供日本飛機直送剌身，日本酒，平食貴食都合適。

大埔小店食肆好多，就連日本餐廳都有唔少選擇，鄰近太和的直街附近有間旭川居酒屋試過都好唔錯! 壽司選擇好多，如果唔想諗, 仲有壽司盛，岩哂諗唔到咁多款壽司。而且每款的壽司材料都好有份量，碎蔥吞拿魚蓉、帆立貝、大拖羅、赤蝦、蟹肉軍艦等，非常豐富。另外都小試一下燒物，燒牛舌，即叫即燒，牛舌厚度好夠，仲要係軟腍! 燒得好香，鹽味剛好! 二份份量，叫一個壽司盛+燒牛舌剛剛好！有機會下次可以叫多D朋友一齊試更多款式! 坐位位置都好舒服👍🏻

今晚同女去食嘢，食完先知銀包唔夠錢，食咗只係$70幾，我只有$50幾，我話去對面7-Eleven攞錢俾返，啲職員面色即刻變曬，叫我女留喺舖頭我去攞錢！即係唔信我會俾錢！呢間舖食物一般，價錢算合理，我住附近，係長期熟客仔，食咗咁多年都未試過霸王餐，而且都係幾廿蚊啫！即係心都寒埋！我係熟客仔，佢地咁對啲熟客！啲職員同我都見咗幾年，係差大家知道對方咩名啫！😡😡當時我又係蠢，真係留返女喺舖，去攞錢俾返佢地先忍唔住問「使唔使咁吖？」我女得8歲咋，坐都坐唔定，如果佢撞襯人點算吖？俾人帶走點算吖？跣襯點算吖？我冇話我唔記得帶錢係啱，但而家俾錢咁方便，我有八達通又有支付寶，週圍都有櫃員機同7-Eleven, 邊有成日去睇銀包，仲有，咁嘅事發生喺我身上不知幾多次，次次啲餐廳職員都由我出去攞錢再付款，有啲仲話：「下次經過先俾啦！」人地果啲都唔係全部識我㗎！真係呃，都唔係呃幾廿蚊啦，仲有，呃都唔係熟客呃啦！😡我同女講我以後都唔再食呢間，我女都覺得唔舒服，同意咗！雖然我地唔係大客，我地唔係食得多。一直覺得小店應該有溫情，而家真係無語。利申：我唔夠錢係我唔啱先，但係佢啲職員咁處理問題，令人唔舒服。

自從係大埔番工之後都會四圍搵下野食都有發現好多小店今次放工就揀左旭川食日本菜店舖走日本平民居酒屋風格小店餐牌應有盡有有刺身、壽司、炸物、烏冬、炒飯送酒小食etc...一應俱全壽司分別叫左🍣三文魚壽司🍣火炙三文魚壽司🍣大帆立貝壽司🍣甜蝦壽司刺身如果夠新鮮 就點都好食同友人食完唔夠喉再order多一轉🍽吉列炸豬扒炸漿唔會太厚粉豬扒炸得太乾 夠哂juicy🍲野菜牛肉鍋+稻庭手打烏冬🍜牛肉鍋湯底夠哂清甜 連d配菜都索哂湯ge味道牛肉油脂分佈平均 唔會食落覺得好肥手打烏冬口感夠哂煙韌💬我同友人都覺得價錢非常親民但食物質素一d都唔會馬虎晚上九點入席仲有8折tim

今次係我好友帶我嚟呢間居酒屋環境都舒適 地方唔算大 由於兩個人食叫嘅款式唔係太多蔥碎拖羅蓉～ 將拖羅切成茸加上 蔥碎 做法都幾特別 食落 有拖羅嘅 鮮甜 加上蔥碎又好香口 最重要就係仲脆脆嘅炸軟殼蟹卷～ 呢個我去日本餐廳必食菜式呢間做得唔錯 軟殼蟹唔會太大隻冇揸 炸得脆脆 軟殼蟹份量唔會太少又唔會太多剛剛好 滿意龍蝦沙律壽司～ 冇乜特別冇乜龍蝦味炸紫薯南瓜天婦羅～ 載住天婦羅嘅 籃好靚好得意 有曾加食慾嘅感覺 一定會相機食先啦 天婦羅個皮唔會太厚唔會太多 唔會太油 合格 不過我覺得南瓜天婦羅好食過紫薯天婦羅 因為紫薯天婦羅 唔夠香甜 因為我食嗰啲好香甜紫薯 所以覺得呢個比較差啲豚肉腸仔～ 其實我忘記咗佢個名不過餐牌入面好似好大條但係來到只有手指尾咁細 食落冇乜驚喜 大家可以唔使點蘆筍炒雜菇～ 味道剛剛好好香好味

今日3號風球懸掛，天氣10分鬱悶，非常熱。家人原本打算去飲茶 ，但由於天氣非常熱嘅關係我哋最終決定去食日本餐廳。今次食呢間日本餐廳位於大埔出名嘅食街嘅其中一間小店。平時行過都見到好多人排隊。今日等第三張枱就入到去。一對好親切好乾淨俐落嘅一間小店。座位唔多但係每一個座位都有小屏風，阻隔和隔離枱的距離。入到見到個餐牌真係非常驚訝因為全部野食lunch set都非常有50幾蚊至到70幾蚊左右，當中仲包括有前菜和甜品，我見到個$54嘅豬軟骨拉麵，豬軟骨俾我想像中更加林，拉麵煙煙銀銀，以呢個價錢來講10分OK。性價比很高。除餐附上一碟奄菜，和果子和一碟小卷。老公就叫咗一個$58嘅吉列豬扒咖喱飯，隨餐附送茶碗和果子。總括嚟講呢間小店嘅性價比非常高。而且室內裝修優雅企理大埔人平時必食之選。

嘆完美容服務與老友前後腳回大埔開飯，都有段時間無黎幫襯喇！新餐牌添加大量新菜色，非常吸睛。食刺身壽司您會想起誰？每次食日本菜都令我諗起雙子女神。竟然高朋滿座，要係門外等 15 分鐘才進場。首次坐房仔，寧靜舒服不被騷擾非常滿意愉快。趁我去洗手間時候埋單！學埋我籠衰野，太客氣喇！其實我不喜歡女仕結賬的，下餐輪到我請客。多謝老友賜我生日飯、水母刺身、日式岩生蠔、松葉蟹膏豆腐、北海道大八爪魚刺身、原條飛魚刺身、大拖羅刺身、和牛壽司、牡丹蝦壽司、帶子壽司、鯛魚壽司、蟹子蟹棒壽司、三魚子軍艦、軟殼蟹手卷、冷稻庭手打烏冬，等等等等！ 出羽櫻純米大吟釀，不知飲那款好，出羽櫻最穩陣。味道清爽，質地滑滑，酒味不濃而醇厚芳香。螢光魷魚刺身，有別於漬物，食得到魷魚原本天然的鮮甜味，微脆微嚥韌。我較喜歡魷魚漬，似乎更鮮甜更有風味。海膽刺身，鮮艷奪目，飽滿肥嘟嘟，聞得到的新鮮。用脆脆紫菜捲著品嚐，只甜美沒半點腥嗅，超優質黏黏滑滑夠冰涼，芳香留在舌尖上久久不散。蟹子沙律，非常少點的開胃前菜，因應感到倉材太普通，青瓜絲蟹柳絲撈沙律醬酒洒下蟹子。爽爽青瓜絲，咸香脆脆蟹子，酸咪咪沙律醬，味道清新醒神。懷念日本茄子及富士蘋

冇見一排班死黨都有唔同既變化，年紀越大就越感慨朋友想食日本野，咁我地係大中游黎游去，最終揀左旭川啦我地揀左個雜錦壽司和魚生飯，再叫左個牛肉窩同埋燒左口魚整體黎講魚生尚算新鮮，食唔到有雪味，大大舊，而燒左口魚真係好食到呢，入口即溶，淡淡既燒香味，嘩，食完想再食。而牛肉窩我就冇食到，個朋友講話好夠味夠哂濃，佢連湯都飲埋。但可能地方較窄，坐得唔太舒服，由其是我坐門口後面個位，每次開門都會一野撞落我張椅子度，你諗下食食下野俾佢撞一下都唔係幾好受，但食物質素係堅好的，算你啦，唔同你計，哈哈

話說今日又同男朋友仔出去撐枱腳，去左大埔睇下有咩好西食，星期日真係度度都要等位咁岩見到間食日本野，好似價錢都算幾抵咁就一於試試佢啦！！因為唔係好肚餓，兩個人都係叫左4樣野食叫話嘗下鮮咁啦，第一樣黎到係（上）刺身拼盤（$108），味道一般啦，始終真係一分錢一分貨 北寄貝口感有d奇怪，咬落去後面嗰個位一pat pat咁，問一問店員佢就話係食得嘅，內臟黎，我就真係未食過咁嘅口感同男朋友都放棄左～試第二樣嘅大大隻蝦刺身。。。唔係太新鮮有啲怪味。。。再嚟海膽蒸蛋（$28）真係出晒事！！！蒸蛋上面嗰兩Pat海膽竟然有尿押味。。omgggg!!!忍唔住吐咗出嚟！天婦羅盛盒（$57）有五隻炸蝦，仲有一條炸青椒仔，叫做不過不失啦冇咩驚喜 炸粉有啲厚，同放題食嗰啲差唔多啦。另外仲叫咗個三文魚忌廉芝士卷，算係今餐入面最正常嘅一味🤣。

今天來到大埔，選了這間日式餐廳食午餐。這裡的餐廳裝修很有心思，掛畫很有日本特色，很有氣氛。我同朋友點左一個迷你拖羅魚生丼配細牛肉烏冬，另外點左個特上拖羅季節魚生丼。拖羅季節魚生丼有好多魚生，三文魚好厚切，好肥美，拖羅有少少入口即溶既感覺，仲有好香既魚油味，帶子好鮮甜，赤蝦好爽口鮮甜，仲有我最鍾意嘅油甘魚，跟餐仲配埋茶碗蒸、沙律、味噌湯同甜品。麵豉湯，都ok，唔會有好咸既味精，茶碗蒸，蛋好嫩滑，入面有唔少配料，例如香菇、蝦肉、元貝仔等迷你拖羅魚生丼一d都唔迷你，拖羅入口既溶個烏冬既牛肉幾嫩，份量都唔，烏冬彈牙，湯底都算幾香總括而言，呢間日式餐廳係性價比好高，而且價錢非常經濟

平時如果晏收工的話，都會等到晚上9:00 ，因為知道這裡宵夜可以有正價八折優惠，如果普通食個定食、喝一杯飲品，八折之後，也是$100左右附近的價錢，唯一要注意的是他是八折後才收+1服務費。

入到店剛好有一張枱？但店員見我地得2位所以就專登唔比我地坐，要我地等檯！等左7分鐘到，後面有人拎位（3位）即刻比啱啱嗰張檯入坐！所以2位食就要考慮下！！因為佢會將啲檯比左3-4位優先！加州卷（$38）：一份有4件！不過不失！蟹子壽司（$18）：一份有2件！蟹子份量略少！甜蝦壽司（$26）：一份有2件！每件有一隻中蝦，唔算太鮮甜！北寄貝壽司（$24）：一份有2件！北寄貝係原隻唔係1開2！抵食！但一隻有少量砂！可能洗唔乾淨！石碢野菌牛肉飯（$62）：牛肉用肥牛！燒汁加少少黑椒粒食落甜甜地仲有少少飯焦脆脆地！燒三文魚頭（$58）：三文魚頭都幾大件！配合蘿蔔泥同埋個汁酸酸地又幾開胃！可惜三文魚頭偏濕唔夠乾身！炸鮮帶子雜菜餅（$68）：略為太咸，因為撒左啲鹽係面9點後入席仲有8折優惠！