旭川居食屋 (已結業)

10月頭㗎某一個星期日去咗太和嘅旭川居食屋食晚餐，佢係一間細細間嘅日式餐廳，入面大約有10張四人枱，雖然細，但檯之間距離都夠。地方唔嘈，多家庭客。性價比真係幾高，菜式款式又多。星期日如果夜晚7:30前到，就唔駛等位。當日叫咗野菌牛肉炒烏冬，鹽燒魚頭，炒野菜，蟹籽沙律，刺身叫咗三文魚和帆立貝。價錢好平，人均消費一百元頭，味道都唔錯㗎，份量也合理。佢哋都有提供日本飛機直送剌身，日本酒，平食貴食都合適。