早辰 (已結業)

每次到元朗都沒有特別食西餐，因為我覺得西餐隨處都有，而且不會有太大驚喜。 這晚，為了坐得舒服地吃頓意大利餐，終於來到Good Morning早辰。 每枱都會奉上麵包，可蘸點黑醋與橄欖油來吃。 意大利雜菜湯，沒有加上任何味精與雞湯，以純蔬菜煲成的雜菜湯，是很清甜的; 難得蔬菜還保留了應有的軟硬度， 而不是爛溶溶的，增添口感。 燒黑毛豬鞍扒，焗蕃茄扒意大利青瓜 大塊厚切黑毛豬鞍扒，用了香草等西式醃法，面層灑上黑椒，以先煎後焗鎖住肉汁，好惹味，肉質方面，貼近骨位置的最嫩，邊位的亦控制得剛剛好，容易咀嚼不鞋口，味道極佳。 自家製奶闊麵、蜆、蕃茄意大利青瓜、白酒香草汁 紐西蘭蜆肉絕對吸引，蜆肉跟蜆殼同樣大，入口清甜嫩滑，喜歡自家製意粉的闊度與軟硬度，每條都充分掛著醬汁，同時吃到白酒與蕃茄味道，兩者好balance。 這碗別具心思的甜品是Tiramisu, 有別於平常以件裝形式來展示，面層插上既薄又鬆脆的酥片，芝士較企身，滲著微微咖啡酒味，夾雜酥皮碎片來吃，真的有種在吃拿破崙的味道，整個甜品只是微甜，在毫無罪惡感下，吃下整個沒難度。

上星期去了位於元朗又新街的Good morning早辰餐廳, 覺得食物質素及環境也不錯, 於是向同事推介, 他們的反應是: 「吃早餐的嗎? 」, 對於這個問題, 在我還未到訪早辰餐廳前也有著同樣的疑問, 但現在可以告訴你, 早辰是沒有早餐吃的, 只有午餐、下午茶及晚餐啊~我去元朗的次數大概是每月一或二次, 以食為主, shopping為次. 因元朗的食肆多不勝數, 而且大部份的質素也挺好. 一向在外吃晚飯都習慣訂位, 因不想walk-in等得太久, 但這次在沒有計劃下決定去早辰, 證明訂位是必須的. 6:45PM去碰運氣, 但餐廳已坐得滿滿, 詢問之下得知8:45PM才有位, 也好吧! 做個臨時booking, 我就先去shopping.到8:45PM入座, 餐廳還有walk-in人客, 呀…有人與我們一樣吃late dinner. 店內環境比較簡潔, 白色牆身和黑色吊燈泡. 坐靠玻璃一邊的梳化位可享受寧靜的一角~其實在等候期間我們也openrice了一下, 看看有甚麼是必吃, 發覺很多菜式的賣相和評語也不錯, 真的很難選擇哩~ 最後點了沙律、小食、主菜及甜品. 吃得很飽.點菜後, 麵

九龍人又入元朗搵食? 哈哈, 只怪朋友都住在新界區, 今晚就入去佢地既地頭搵食吧! 佢地揀左食意大利野, 我心諗意大利野出名d份量大, 食落都幾heavy下, 但今次完全令我改觀了!間餐廳名字同樣留人深刻印象呢~Good Morning早辰, 幸好我不是早上去食早餐喔 位置離叮叮站有一段路, 我話個「路盲」也是朋友帶路來去到, 否則又迷路啦 小小的一間餐廳, 入面唔算好大, 只有十張桌左右, 當晚星期六booking挺多的, 跟朋友九點多才入座, 肚子也餓扁了, 安排了近卡位的位子, 翻翻餐牌後, 便下單先有是意大利雜菜湯, 點呢個湯個時, 就已經問問係咪類似羅宋湯, 因為小妹不飲羅宋湯, 而佢地更表示意大利雜菜湯是沒有肉類淆製以成, 絕對岩哂素食朋友, 再者湯料中的雜菜都幾足料, d雜菜又冇煮到爛哂, 個味道都清甜架再來一個頭盤小吃, 牛油果鮮蕃茄蝦沙津, 食物講求色香味, 色呢方面真係拎滿分, 賞心閱目, 香味有牛油果香, 再配以旁邊的黑醋汁, 新鮮蕃茄多汁, 蝦亦爽口, 不愧為一個開胃頭盤的好選擇唔講唔知, 呢到既pasta全部由主廚親手homemade製, 單憑呢點已經盡顯早辰

旅行完結後又約V小姐吃飯（在此提醒V小姐快把旅行的照片還給我.....我寫不到遊記羸不了機票唯你是問），兩個都係元朗人，自然約在元朗見面。今次主題食西餐，見到食評裡美美的牛柳，而且新開張有九折便來幫襯一下。地方其實就是以前的滿記（執得好吖），面積不大，卻做了兩張卡位，四人坐太擠，二人坐很舒服。加了五十元要餐湯和前菜，主菜要了牛柳和自製肉醬意粉。餐包是有點硬的蒜蓉包，而且不夠熱，雜菜湯平平無奇，當是熱個身。前菜來了白酒大蜆，酒味頗重，不過不嚐酒的我也能接受，個人建議如果多加一點蒜蓉會更惹味；蜆肉大而肥美，四隻有點不夠喉。而後方的炸魷魚圈，油的温度太低，粉漿炸得不夠脆，幸好魷魚的熟度剛好，而且配搭的自製酸醬很不錯，中和了油炸的膩度，算是扳回一城。主菜來了，安格斯牛柳比想像中好，放在砧板上切件上美美的。味道方面，火候和調味均無懈可擊，外表有香噴噴的蒜蓉封邊，肉質軟嫩肉味濃，薯條邊緣也微焦脆口，可做餐廳的招牌菜。論牛扒的質素，元朗也只有剛開業時的NEW YORK CAFE可媲美，比起市區很多扒房的質素還好。LIKE!原來對自家製意粉滿有期待，看看價錢，像bene Italian的質素我已經心滿

悠閒的星期六下午去左元朗覓食友人提議去新開嘅早辰店內約有30個座位入去嗰時未坐滿，不過20 mins後就差不多full了叫左雜菌炒意大利粉，友人叫左咖哩雞扒飯lunch set包餐湯或凱撒沙律同埋飲品另外亦送了四片麵包麵包屬一般水準，微暖如果是熱的相信味道會更好友人和我都要了沙律，一向喜愛食凱撒沙律幾好味 雜菌炒意大利粉雜菌切片同意粉炒埋一齊，好乾身，一啲都唔油膩起初見佢無汁仲驚無味，食落好好味，唔會太淡咖哩雞扒飯食左一啖，唔辣，應該係日本咖哩見到有客人話飲品唔夠熱，員工即刻換過杯俾個客

上回講到,元朗食肆百花齊放,有大型的樓盤,亦有西鐵的幫助,人流多自然選擇都多了今晚同兩位朋友 慕名而來 位於 又新街 的 早辰 Good Morning咩事搞到"慕名而來"?原來主廚曾經效力於 IFC Isola 8年多, 而 Isola 是有名正宗的意大利菜!家住大西北的知道主廚來了這兒,就忍不住來試試手搓意粉及其他意大利菜式,方便而且定價也比較相宜一來到,先試試意式雜菜湯Minestrone($40),我們也以為是蕃茄湯底雜菜湯,即是羅宋湯的東西它們的是清湯,沒有加雞湯雞粉牛奶,味道很清,純粹就是靠蔬菜煮熟了帶出的鮮甜味,是意大利菜中少見的純素.....牛油果鮮蕃茄蝦沙律Avocado tomato and shrimp salad ($60)牛油果蕃茄只要挑得新鮮就非常好吃!蝦也非常鮮味,加上黑醋汁酸酸甜甜非常開胃, 擺盤也好像一幅畫!靚靚~一場來到,當然要試一下手搓粉,Signature 嘛!我們仨分別叫了兩個分享Hand-twisted Pasta With Bacon, Green Pesa, Percorino Cheeseand Black Truffle Sauce

除了有次到過元朗一嘗美國菜，之後幾乎都是圍繞火鍋、大排檔、甜品店，畢竟元朗區的確以這幾類食店居多，不過今次看到義大利菜也成為元朗區一份子，我預約好位子和朋友們來探個究竟﹔餐廳主打是正宗義大利菜，飯及手制義大利粉較硬身，新鮮海產亦是重點推介，這晚準時七點前來，食客還未算多，餐廳負責人大概介紹以上方便我們選擇﹔黑白雙色裝修簡約時尚，不花巧，檯櫈能夠組合，方便度高，即使為數眾多，都可以靈活安排﹔晚餐都是單點形式，可另加錢配湯、沙律頭盤或甜品，先上面包，白多士輕微烘過，帶微暖易入口，而炭灰色狀多士，入口帶有輕輕甜香，可以完全不用點蘸任何橄欖油和黑醋﹔而橄欖油和黑醋都是因應自己可接受份量而自行添加﹔我們另加每款$50，可以配有菜湯及沙律或頭盤，義大利雜菜湯，幾種蔬菜反而西芹味最突出但不濃烈，從不吃湯渣的我，只飲淨湯，入口清甜，伴以頭盤能加上汁潤感最適合不過，頭盤之一的炸魷魚圈配他他汁(另加$50配)，炸漿蘸得很薄，絲毫不感覺他有厚實粉團黏住，在內魷魚圈是剛剛熟透，入口柔軟，不過調味方面可能一時重手，略咸，蘸少量酸甜的他他汁，能輕微遮掩咸味﹔牛油果鮮番茄蝦沙律（另加$50配)，似是三文魚他他，不過

大肚媽媽盡量留在家附近活動，作為元朗人實在都幾幸福，平有平食貴有貴食，選擇又多~ 這次和兄弟幫來個fine dinning，全因為早前在公司提起安格斯牛扒五成熟和七成熟的分別…… 位於又新街，美食林立，附近多是任食雞煲，突然有一家吃西餐fine dinning，名叫早辰的餐廳，確是讓人好奇。晚飯時段來到，坐無虛席！不少人碰運氣walk in都被拒絕，要訂坐也排到一星期後呢！看來元朗人吃的口味也漸漸改變中~main course加$50就可享有餐湯和頭盤，不錯的優惠！餐湯是雜菜湯，但非一般喝到的紅湯或史雲生雞湯。喝得出有十幾種蔬菜肴出來，有點像焗火雞的汁，所以不難見到泛油，滋味濃郁。也會奉上麵包，沾olive oil和黑醋吃。麵包微暖過，少許麥香。我們四個人的頭盤：素媽媽當然是海撒沙律。不過不失之作。牛油果鮮蕃茄蝦沙律。賣相一流，大蝦兩隻配上脫了皮的蕃茄。而我覺得主角是牛油果，喜歡牛油果濃郁口感的朋友不要錯過。蒜蓉忌廉白酒汁煮藍青口。被厚厚的忌廉蓋住，一碟三隻藍青口，size不算大，一口一隻。鵝肝多士和蕃茄多士。鵝肝大大塊，煎得不錯。主菜：黑醋汁燒羊扒配燒茄子薯條紅洋蔥。嗜羊者必試！沒羊

朋友常常掛著咀邊說>>早餐是很重要的…可是今天<早辰>對著我們說的不是good morning...而是good afternoon...根據朋友口中資料…此店開業不久…所人流不算很多…這裡的裝修以平實的黑色為主…而招牌更是黑中帶金…以白色陪襯…有點像寧靜中優雅的氣質…朋友先入座…店員已率先送上自家製麵包…縱使帳單上沒有order餐湯…這相信是免費的吧…包包鬆軟...但沒有牛油黑醋之類...齋吃比較單調...這碟名為<沙律>的菜式甚有特色…沒有沙律菜…沒有沙律油…也沒有沙律醬…蝦、蕃茄、牛油果的組合很新鮮…水軟腍爽甜幾種口感…加上廚師精心設計擺位…紅紅綠綠…眼前為之一亮…銀鱈魚一向都比較嫰滑...輕量的蒜蓉...加上輕量的檸檬汁...更能帶出魚的味...味道偏淡...巴馬芝士味道比較淡...沒有搶過牛柳的味道...但order 6成熟的安格斯牛柳似乎過了火...牛味較淡...薯角ok...唯獨欠缺了醬汁...意粉據聞是本店自家製食品...鮮奶製成的麵條比較健康…軟梗適中…再配有少量豐富維他命c的蕃茄青瓜…加白酒煮硯…眼觀汁茨似乎多了一點.

約左朋友同家姐入元朗食飯，揀左食西餐，呢間早辰新開又多好評，就黎試下先。店不大，好彩預先book左位，walk in客要等到九點後先有枱。晚餐主菜價錢大約一百至二百蚊倒，可以加五十要埋菜湯同頭盤，四十蚊要甜品同餐飲，價錢公道。是晚四位除左要左主菜，都加左頭盤，甜品同餐飲。先上麵包，室溫，帶有籽同麥幾好食，加埋橄欖油同醋食仲正。頭盤之一牛油果蕃茄蝦沙律牛油果係至愛，二話不說揀左呢款頭盤，果然無失望，大量牛油果過足口引，加埋切碎蕃茄青新又開胃。頭盤之二凱撒沙律家姐揀嘅頭盤，一向鐘意食菜沙律，都估到佢會叫呢樣，菜新鮮，加埋芝士碎，煙肉碎，香口又健康。頭盤之三鵝肝多士蕃茄多士無試過呢個，友人話鵝肝煎得香口，蕃茄鮮甜，加埋脆口多士好夾喎。頭盤之四忌廉白酒汁煮藍青口友人鐘意食藍青口，又係唔使諗就揀左呢樣。忌廉汁好滑，淡淡酒香，青口味鮮，唔錯。意大利雜菜湯大量雜菜煲成嘅菜湯，口感豐富，略鹹了一點。燒羊扒，扒茄子，燒薯，焗洋蔥，黑醋薄荷汁食完頭盤就上主菜了，自己要了羊扒，貪其啖啖肉得黎又沒有牛扒膩，羊扒煎得剛好，要了七成果然無老，邊位的脂肪煎得香脆，入口甘香，不覺油膩。配菜同樣剛好，種類多，份量不多不

這間意大利餐廳的食物誠意十足，在出面都未食過咁得意的菜食，自家製的意粉，超足料的海鮮湯，很有心機煎的三文魚，仲有香桃茶，食得很飽，好想再去試下其他菜色！環境很舒適，店員也很有禮貌，熱情招待！

舊區的元朗, 續展性地發展, 新舊共融.  舊式食肆當然不小, 新式的又不段注入分一杯羹, 互相競爭, 當然得益的是我們好食之徒.友人介紹, 最近開了間意式餐廳在又新街附近, 當然立即行動.  內裡装修簡約, 坐得舒適, 服務員亦殷勤, 第一感覺非常好.義大利雜菜湯, 湯底清甜, 材料十是, 店長說是經長時間淆製的, 所以蔬菜的鮮甜味盡顯突出. 不過略為鹹了一點.義式海鮮湯, 用煲仔鍋載, 來一個中西crossover.  海鮮種類不少, 有魷魚, 青口, 蝦, 蜆, 非常鮮味; 湯底隨了鮮味外, 還用了大量蕃茄, 清甜夾酸的味道, 層次豐富. 蒜茸忌廉白酒汁煮青口, 青口來自紐西蘭, 品種細小, 味道鮮.  忌廉汁比較鹹而白酒味不嗆, 略為失色.牛油果鮮茄蝦沙律, 蕃茄碎粒酸味重配以膩口的牛油果, 效果非常好 龍蝦仔, 蝦肉, 蕃茄, 紅椒粉意大利飯, 飯質煮得比較硬身.  微微的龍蝦香味和鮮味, 再加上清甜蕃茄煮, 汁是非常野味, 一口接一口停不了. 煙肉, 青豆, 羊奶芝士忌廉, 黑松露菌汁意粉, 芝士和黑松露那香味上枱時己飄來, 好醒神.  意粉原來是自家製, 有點似烏冬

元朗的餐廳呢幾年開多了很多，openrice最近話題不離元朗幾間新開餐廳 ，而呢間早辰，更以自制粉而得到位openrice食家稱讚，一直都想一試，所以特約了友人前來試食 ，第一次見呢間餐廳，早辰，我會聯想到早餐，但原來無早市，哈侍應先生，可能疑似老板，好友善，幾乎問咩答咩，但全個場得佢一個服務客人，真係辛苦了他 ，可能比較新，餐牌散叫的菜式唔算多，湯得兩款，頭盤，沙律幾款，主菜都係得數款，選擇性唔高，我呢種有選擇障礙都好快選到，也有午餐，價錢合理 ，每位都有包附送，可能是自家制，幾好食先說說個沙律，好有心思，牛油果比較少食，好滑，同大蝦，蕃茄拌起來，都幾有新鮮感，算是開胃菜呢個菜用上大半個檸檬，把汁窄在鱈魚上，混合蒜茸來食，魚肉質很好，夠滑，有魚味，沒有比蒜茸蓋過，而豆角都好爽口6成熟的安格斯牛，好嫩，但牛肉味不突出，面的芝士香濃，算規中距，燒薯可口，如果有埋汁料就更好 openrice食客推薦的自家制麵品，呢個係鮮奶闊條麵，蜆好大隻，有肉感，麵有點諗，鮮奶味唔太覺，我幾喜愛，幾開胃，而友人話麵大濕，不太好，各人口味不同，好難比較 甜品，tiramisu提拉米蘇,呢個有點特

一個親切笑容，一個親切既問候，一聲Good Morning 是否令你想起一間快餐連鎖店的廣告不過在這間快餐店，我完全不發覺有這個那麼好的一天出發只見到黑口黑面，一句要咩呀....真係食咩都唔開胃不過我講咁多其實都唔係想話人地不是，反而小妹想介紹一所另類的餐廳給大家也許你話(睇死你咪又係介紹All Day Breakfast)(搖搖手指...)NoNoNo.....All Day Breakfast大家也可能聽到悶食到怕啦今次要介紹既反而係一間餐廳，它是位於元朗區的隱世地方位於又新街的 早辰 Good Morning它位於元朗的又新街，可能它的位置不算太就腳差不多是內街的盡頭，Book 枱的時候只想著又新街不會太遠吧也許當天我會瘋狂地Shopping 完,身體已攰到不想再行所以真的找了很久很久，當找到這個餐廳看見那個親切笑容的男生唔，我覺得應該幾好吃架呢間野XDD加上我們去的時候臨近聖誕節，所以它家也開始佈置美美的裝飾另外餐廳的設計跟外面真的有一點不同風格的感覺,真的有點像去了港島區的貴價西餐廳呢格調是單色的做主題，我很喜歡它家使用黑色的膠墊，既可以環保又不會其紙濕透變得更不美觀呢首先要

近來元朗區真係多左好多新食店，特別係甜品和咖啡輕食店。原先唔少店子已列入小妹want-to-eat既名單中，但每隔一陣又有新店開幕，真係唔知先去邊間好，愈黎愈多店都好吸引呢。今日放工後，約左友人一齊位於又新街，新開張無耐既「早辰」先食個晚餐，光睇餐廳名稱，令小妹諗起「早晨」，個名好似早餐店咁。但其實入面專食西餐同意大利菜外，仲有個賣點，就係店子邀請左一名有多年經驗既大廚，除左煮義大利菜外，意粉仲係新鮮自家製，好多餐廳大多數都係使用外來貨，自家手搓既真係少，所以這個賣點已經相當吸引，立即想黎試試。.進店內，店員隨即安排我們坐左卡位；店子以黑白色為主顏色，白色椅子和黑色檯子，掛了數盞簡單又型格既吊燈，感覺很摩登，仲放左數部LCD電視等食客可以邊睇邊食，整體令人簡單舒適。細看餐牌，選擇都唔少，店員也細心的為我們推介，認真貼心。餐牌有分湯、沙律及頭盤、意大利飯、自家製義大利飯、主菜和甜品等。.如果點了意粉或主菜，可另加$50配菜湯或一款沙律和頭盤；或者加$40可配甜品或咖啡或茶，豐儉由人。.店員先送上黑醋和橄欖油來配麵包。.義式海鮮湯 $78再來的義式海鮮湯，本身還以為是普通西餐湯般每人一小碗