早安越南 (已結業)

香茅燒豬頸肉（$76）一嚟到大碟都嘩一聲！表面燒得香脆，肉質又唔會乾。有大量炸蒜同香蔥，配埋個醬汁，風味一流🤤。炸蝦餅 （$67）表面炸得香脆唔油膩，內裏亦都夠晒蝦味😋。越式炸蝦餅酸菜凍檬（$67，現優惠價$60）因為擔心散叫炸蝦餅份量太少所以叫多個炸蝦餅凍檬，結果兩樣都好多😆。清爽嘅蔬菜配上凍檬粉，撈埋啲酸酸甜甜嘅醬汁，開胃惹味，啱晒夏天食😊。馬拉盞炒蓮藕苗（$76）蓮藕苗即係蓮藕莖，係越南嘅特產，香港好少餐廳可以食到。味道清淡，口感爽脆，值得一試👍🏻！題外話：店員哥哥好好心提我哋炸蝦餅凍檬有優惠❤️見過太多餐廳見食客唔知有優惠就收貴咗，呢間餐廳老實抵讚👍🏻👍🏻👍🏻！

同同事天后收工，在附近逛逛食晚飯。佢話近排有平既越南機票，個期夾唔到，無得去，食返個米紙卷平復心情。我地叫咗1飯1檬1米紙卷，1人1杯野飲，叫完有點擔心吃唔哂。食物: 先上蝦膏海鮮炒飯。賣相唔錯，色澤幾均勻，炒得幾乾身，食落蝦膏味不重，同事話剛好，我就想重手多啲，我好愛蝦醬。配料都幾多，扎肉、蝦、青口、鮮魷，我幾喜歡有扎肉，食落有口感，咁先係有越南特色嘛份量都幾多，每人都最少食到2碗。蝦餅凍檬，蝦餅都算幾大塊，炸得香脆，裡面肉爽口彈牙，見得到好多蝦肉。檬粉爽，未落汁時都唔黏身，易夾。P.S. 落酸汁時要留意，偏辣，要先試少少。我自己重手咗，有點辣。軟殼蟹米紙卷終於上喇!睇賣相就無menu相中吸引，但食落都唔錯。炸得唔會太油膩，包得幾實正，唔易散，都係啖啖有肉既。同事話同響越南食既唔同，之前食的米紙卷只係香草味重，但酸味不多。可能不同地域有不同既米紙卷特色?今次食到酸菜(酸蘿蔔?)既味道，中和軟殼蟹油膩咁。仲配結身既甜酸醬，唔係配水啲既蒜青檬醋汁，同事話幾喜歡，我就喜歡水啲既汁。椰汁紅豆冰超濃椰汁，紅豆起沙，好飲，但同事話飲得很飽，飲唔晒，可惜。薄荷青檬冰相較紅豆冰，我個杯就清淡得多，淡

越南菜一直是我喜歡的東南亞地方菜式三甲之一😆這次經朋友推介來到天后這間“早安越南”🇻🇳🥢門面已經相當搶眼和有特式🤗🤗裡面的環境都甚有新式越南餐廳的感覺這個那著🌶️🌶️chili sauce當成武器的越南兵好有創意🤭火車頭湯河 ($92) - 每樣材料都非常新鮮入味, 份量大又足料椰汁海鮮焗飯 ($121) - 椰汁超濃,海鮮款式亦包羅萬有😍😍有青囗,帶子,蝦仁,魚肉等等..每款都大大粒絕不欺場~~滿足💗💗熱香茅蘆薈 ($28) - 當日喉嚨不適,特地點了這杯香茅蘆薈🙂🙂的確很清潤,還有三份一杯蘆薈粒三色冰 ($28) - 甜度剛好,椰奶比例很好,用料充足另外發現這間餐廳最近在推廣這個騸牯牛湯河🐮騸牯牛即是經過閹割過的牛隻，脂肪會均勻地分布在身體不同部位,肉質入口鮮嫩甘香又不會太老太韌..但優質的騸牯牛每日供港數量相當有限，平均每天只有十餘隻🤔下次有機會必定再來一試~

天后食坊有呢間越南餐廳，牆上既畫好有越南想當年啲宣傳海報既感覺。燈光少少昏暗，好有feel啊。<蝦多士> ($78)脆脆既多士上面同彈牙既蝦膏。點啲蛋白沙律醬，係個幾好既餐前小食。<三色冰> ($28)出面熱辣辣，好需要一杯凍野降降溫。三色冰主要係椰漿，其他料好似紅豆等等，用粗飲管就可以啖啖都好豐富。<豬頸肉米紙卷> ($76）食越南野點可以唔食米紙卷，呢個包得幾足料，檬粉、紅蘿蔔絲、豬頸肉都大大份，點啲甜醬風味非凡。<火車頭湯河> ($91)火車頭湯河集齊各樣牛肉，包括生牛肉、牛丸、牛筋、牛腩、牛百葉，好豐富，超大碗，兩個人share就差唔多。天后食坊仲有好多餐廳，下次再黎食其他先。

放工同朋友去附近食個飯先返屋企☺️我地搵左間特色越南餐廳☺️☺️🍀蒸粉包 ($64)蒸粉包雖然望落好似好簡單，但係哩度嘅製作一啲都唔簡單，粉皮滑嫩、入面有蝦仁同滿滿嘅豬肉碎、上面仲有一小塊扎肉，配上酸酸地嘅醬汁，作為前菜真係一流！👍🏻🍀香茅雞扒酸菜凍檬 ($61)檬粉做法之中我最鐘意食凍撈檬，所以見到嘅話一定要點嚟試😍，哩度嘅凍檬配料非常足👍🏻再加埋凍檬嘅靈魂--魚露汁(碌冧)，酸甜又開胃😋仲有一大塊啖啖肉嘅雞扒，食落仲好脆口添😍🍀扎肉手撕雞湯河 ($61)朋友點咗扎肉手撕雞湯河，湯底鮮味十足，而且哩度嘅扎肉比起其他地方較為厚身👍🏻🍀蒜蓉炒貴妃苗 ($76)貴妃苗鮮嫩，而且好香蒜蓉味，入口清新，值得一試☺️🍀熱香茅蘆薈 ($28)清香嘅香茅加上粒粒蘆薈，飲落唔會太甜，都幾滋潤😍

今晚相約朋友係天后食飯，見耐冇食越南嘢就試下呢間。餐廳佈置夠曬越共風情，好有新鮮感騸牯牛湯河$108-騸牯牛即係被閹割咗嘅公牛，油脂分佈較平均，牛質嫩滑唔油膩。湯底有香濃牛骨味，河粉食到𠽌𠽌聲香茅豬頸肉酸菜凍檬$61-豬頸肉超正，口感Q彈啖啖肉，凍檬涼涼地好爽，檬汁較辣沙嗲串燒豬牛雞$76-燒得啱啱好，有啲香茅味沾埋沙嗲汁食好滋味，最鍾意雞肉，夠曬嫩滑三色冰$28 -香滑椰汁，加上紅豆、馬豆、綠色啫喱有咬口龍眼冰$28-甜度剛好，好香龍眼味，龍眼肉都多肉爽滑

今日同媽媽到天后食這間越南菜，好多客人喔！設計環境好特色，紅色星星好特別！越南的紅藍色圖像好可愛！整齊乾淨的地方！服務也好好，服務員好用心地招呼，落單快又準確；有客人只點椰青，服務員都好用心招呼，態度好好！點了小食、蔬菜及2個粉麵1. 蝦多士好香脆美味，蝦膠好彈牙好正，配上多士金黃色、鬆化又脆脆，點少少沙律醬更正2. 蒜蓉貴妃苗好大碟，翠綠菜苗、爽脆又健康3. 茄汁牛腩湯河大大碗，好香！牛腩好大件，超級易咬軟腍，牛味香濃，中間睇到筋位，更有牛筋，好滑好香；湯河好多又滑溜，湯汁好正又酸甜，碗上口感芽菜及香葉，推薦這個湯河！4. 扎肉手撕雞酸菜凍檬好大碗，凍檬配上酸甜微辣的撈檬汁，好正又野味；青瓜絲好爽、手撕雞好大件又嫩滑、扎肉好厚身好多片！

早兩日出去天后做野發現除左大坑多野食外 原來電氣道原來有好多餐廳見到一間裝修得幾靚既越南餐廳就入左去試下啦餐廳裝潢以深色為主 幾時尚牆上面又貼滿有好多越南色彩嘅poster餐牌價錢比我想像中既平我地叫左個黃金軟殻蟹($138) 蝦膏海鮮炒飯($96)同埋我最鐘意既豬頸肉米紙卷($76)首先講下最鍾意嘅米紙包先一碟有六件而且每件都好大舊入面包住既米粉貼蔬菜都好新鮮 中和左豬頸肉嘅膩 平時食越南菜或泰國菜配既汁都係魚露之類，而呢間既汁好特別，似係甜醬再加左其他醬汁，味道好夾 仲好開胃添！再黎就係黃金軟殻蟹一上台見到真係嘩一聲好大碟，同埋同我一直食開既黃金乜乜乜有所不同平時食開既係整到乾身D同埋真係金黃色，而呢隻就相對上濕D同埋冇咁金黃色不過食落都好重咸蛋黃味，不過就咁食會油左啲啲 最好就送飯一齊食啦～而我地兩口子就點左蝦膏海鮮炒飯炒飯夠乾身 最重要係粒粒分明蝦膏味都適中唔會太濃同咸海鮮好足料，有魷魚、蝦同青口，又飽肚又滿足﹗

天后電氣道出名多嘢食㗎啦，今日我都吃越南菜做晚飯，兩個人叫咗四樣嘢，買單唔使$300 ，味道又唔差，都幾正呀！香茅雞翼：一碟有五隻，隻隻都煎得好香，味道都唔錯，好香香茅味，上面仲有炸蒜片同埋䓤粒，好滋味，食到lam lam脷。馬拉盞炒通菜：呢碟我覺得好好食呀！通菜都好大碟下，有椒絲、蒜蓉去炒，好夠鑊氣。沙嗲串燒：有牛、豬、雞任揀四串，我覺得豬同雞都好好味，牛其實都唔錯，肉質好林，只係略嫌肥咗少少，沙嗲醬都整得唔錯。炸蝦餅湯金邊粉：我最鍾意食金邊粉㗎啦，幼幼地，易入口。炸蝦餅炸得好脆，每塊都厚厚大大咁，個湯底幾清架，可以消左啲熱氣。

原本諗住嚟試騸牯牛生牛肉河粉， 可惜今晚冇貨， 唯有食一般生牛肉河。 還好也不錯。 湯底清澈，牛肉份量不算少。 河粉亦是上級來貨，很滑。 如果香菜料是獨立嚟 效果會更好。 60元樓下還OK.

每次週末經過這越南餐廳，也看到這裏座滿了客人。趁著今晚客人較少，進去吃碗簡單的越式粉麵。今晚，我點了很喜愛的越式滴溜咖啡$38，也不想會否睡不著😂而另一半則點了龍眼冰$28。個人認為這杯越式滴溜咖啡很香滑，味道與在越南喝的差不多。我點了大大碗的火車頭湯金邊粉$91；而他則點了生熟牛肉湯粉$67。我們也認為湯頭味道很好、粉質也很滑，至於用料也不錯。假若有更多芽菜及青檸作配搭，相信更佳。而這裡的服務也可以，特別這裡有一位年輕男士很有禮，笑容可掬。

最近同老公愛上食越南菜色，呢排三日唔埋兩日就去食下越南餐廳，今日同老公黎到天后呢間「早安越南」食下佢地馳名既越南美食！先黎個我的最愛「火車頭湯河」$91湯河中有生熟牛肉牛丸，材料起足料牛肉新鮮又嫩滑，牛丸爽口又彈牙！湯底更入味鮮甜！「蒜溶牛油雞翼」$71蒜味惹味香口，牛油濃郁入味，雞翼金金黃黃好脆卜卜架，雞翼仲好多汁又嫩滑！呢到仲有原個新鮮耶青添啊！$38/1個耶青清甜多肉，咁熱既天氣飲超解熱，正！

今晚是越南之夜 ，走入天后 ，試下這間別具特色的越南餐廳。大約夜晚七點鐘 ，天色未見昏暗， 所以店內人流唔多 店。員服務態度不錯 ，值得鼓勵。這次我和朋友都是點了生熟牛肉湯河， 值得一讚 。他的牛肉非常嫩滑而且充滿牛味， 湯底看得出非常清澈 但牛骨味十足。我們另外點了沙嗲串燒 ，這裏的沙嗲可以任由客人自由配搭 ，於是豬牛雞三款我我們都點齊 。這裏的串燒都有一個特點， 就是肉質 非常嫩滑 ，沙爹醬 和泰式 馬來西亞式的有點分別 ，除了基本的花生沙嗲醬香外還帶有一點酸味 ，非常有特色！

上班日從來對午餐都沒太大要求，不過大家都吃膩了茶餐廳，所以決定吃這間正點時間很多人的越南餐廳。我們特意等到2點人流開始散去才到訪，沒想到這樣我們還是一直被漏單／開錯單。香茅豬扒湯檬 $58可能是天后地段，食物價格偏貴，叫了香茅豬扒湯檬的我看到走了蔥頭的食物，覺得是有點愕然：很簡單，而且很油。湯面厚厚的一層油，加上變得很散很碎的檬粉，真的頗難吃。豬扒薄得要命而且很乾很難嚼，完全沒有飽滿感覺，想著自己用$60吃這個實在是可惜。這裡的服務質素可以說是近乎沒有，店員經常失蹤，漏單也算，要點一杯熱奶茶，店員只要重新沖調，也不用到超過20分鐘吧？最後發現味道只是普通奶茶＝－＝

陪老公來天后探朋友，回程時，見時間尚早，決定先四處逛逛，順便去買些日用品。行了接近一個鐘，大家都有點累，提議到附近找個地方吃頓晚飯才回家。沿著電氣道往北角方向走，發現這間越南餐廳，從敞大的落地玻璃往內望，裝潢絕不馬虎，型格之餘卻又不乏玩味，加上搶眼的招牌，非常吸引視線，今晚就一於在這裡開餐。拉開趟門內進，店面呈長方形，入面地方不大，用餐區放了多張可自由組合的餐檯，牆上繪滿了軍人及漁民插畫，感覺既年輕又富活力。餐牌非常厚身，頁數頗多，至於項目方面就包括有：沙律、越式冷盤、燒烤串燒、越南特色小食、拼盤、湯類、越式米紙卷、湯河、凍檬類、小菜、煲仔菜、蔬菜、炒粉麵類、飲品及特色熱飲等。我哋點咗香茅燒豬頸肉 ($76)、生牛肉湯河同馬拉盞炒通菜，另外再加咗兩杯飲品。燒豬頸肉份量頗多，旁邊配有少許沙律菜，感覺健康，而且上桌時更附有醬汁。豬頸肉燒得剛好，非常爽口彈牙，比叉燒還要好吃，而用以蘸點的醬汁，味道亦不俗，入口酸酸辣辣，用來配豬頸肉吃，風味十足！生牛肉湯河 ($67) 以大碗盛載，趁熱先呷一口湯底，湯色淺褐混濁，但鮮甜非常，沒甚麼香草味，十足老火湯。牛肉頗大片，肥瘦兼備，咬下完全不覺粗嚡，而且