早安越南 (已結業)

天后電氣道出名多嘢食㗎啦，今日我都吃越南菜做晚飯，兩個人叫咗四樣嘢，買單唔使$300 ，味道又唔差，都幾正呀！香茅雞翼：一碟有五隻，隻隻都煎得好香，味道都唔錯，好香香茅味，上面仲有炸蒜片同埋䓤粒，好滋味，食到lam lam脷。馬拉盞炒通菜：呢碟我覺得好好食呀！通菜都好大碟下，有椒絲、蒜蓉去炒，好夠鑊氣。沙嗲串燒：有牛、豬、雞任揀四串，我覺得豬同雞都好好味，牛其實都唔錯，肉質好林，只係略嫌肥咗少少，沙嗲醬都整得唔錯。炸蝦餅湯金邊粉：我最鍾意食金邊粉㗎啦，幼幼地，易入口。炸蝦餅炸得好脆，每塊都厚厚大大咁，個湯底幾清架，可以消左啲熱氣。