旦王花 - 泰越鍾情

营业中

休息中

天氣晴朗的一個下午五時到訪，環境清幽。點了飲品、沙爹串、芒果糯米享受。用餐過後結賬時為下午五時五十分，侍應問有否泊車（日間營業時「代客泊車」位置無人）及問車牌號碼稱過了下午六時便要收取泊車費二十元，另一位侍應及後收取餐錢時（時為下午五時五十五分）被問為何未到下午六時要收取泊車費，她解釋之前一位同事「解釋不妥」，「其實只要泊車人員已當值的話便要收費」。一切原來美滿，但最後溝通出現誤會令事情尷尬複雜，希望大家留意泊車安排及收費事宜。

朋友相约第一次去, 地方真係偏遠,但好易搵到环境確實不錯,夠大,又可以帶狗入,服務員仲好喜歡狗狗㖭 豬手 ～ 还可以海鮮酸辣汤～味道都几好,但都係喜歡冬陰功芋頭飯, 都好香架,飯身啱啱好咖喱雞～ d雞就麻麻,但d咖喱汁好正,叫埋个薄餅食,绝配 芒果黑糯米～绝不会失手同朋友一路食,一路飲住啤酒吹水, 好好feel呀,依家天氣好,坐outdoor真係好舒服

在香港要找用心裝潢的特式食店, 選擇如恆河星數, 但要找很有渡假感的食店, 就不那麼容易. 上月老公牛一放假一天, 因遲遲未收到指令想到那裡去, 我就沒有特定預訂食店,即興也有即興的好處, 去到邊食到邊不受限制更自由. 這天先到元朗的冰雪節, 之後就想起想試很久的旦王花, 立即致電確認沒有full booking, 生日晚飯就在這慶祝.在網上看食評, 大家都說地點很隔涉, 非駕車不可似的, 其實在錦上路站乘的士只要5-10分鐘左右便到逹, 跟司機直接說到旦王花就可以, 可見已成為附近的地標之一. 周遭環境寧靜, 以花園平房為主, 也許如此, 更造就這裡的天然休閒氣氛.甫踏入大門, 左右兩邊放了幾座石雕塑, 餐廳的面積比想像中還要大. 左手邊是露天帳篷部份, 右手邊則是餐廳主部, 四周掛起了純白絹簾, 中間有一排長長噴水池, 白色為主的佈局, 加上柔和燈光, 甚有浪漫氣氛. 難怪這裡是電影<單身男女>的取景塲地.近門口的一排是10-12人大枱, 而兩邊的則以4-6人枱為主. 前鋪後居的作業模式令這裡更有種外國民宿風味.環境之寛敞, 加上平日人流不多, 細聲着鳥聲和流水聲,

旦王花, 講環境實在是不錯, 夠舒適, 而且裝潢很有泰國風味. 最不喜歡是必須使用"代客泊車"服務, 必須要留底車匙比佢地keep且必須要收$20代客泊車費用如果唔習慣自己架車比陌生人揸的話,呢樣野都幾影響幫襯旦王花嘅意欲講返d食物其實中規中舉,一般般~同其他泰國餐廳差不多不過價錢就比較貴dd, 可能始終是環境比較優勝啦!最好食係個原味薄餅(仲有其他口味,香蔥etc....),熱騰騰夠晒新鮮, 必點另外叫咗咖喱牛, 炒河, 炒粉絲, 串燒等....冇咩特別, 不過不失咁啦.其實佢個賣點, 最吸引我都係個環境, 靚, 舒服.  待應服務都ok,  食物就中規中舉, 間唔間中來hea吓都唔差嘅!

一直都好想試旦王花，因為好多人都話環境好舒適，但由於地點不太方便所以一直拖到今日生日，的起心肝試下先。7點鐘到，人不是太多，坐了室外非吸煙區，環境無我想像中的靚，但的確係舒服既。首先出左bbq區選擇左燒大蜆同牛仔骨，再點了餐牌上的咖喱蝦，馬拉盞通菜，軟殼蟹米卷，蝦醬炒飯，濕炒泰式河同蒜蓉包。燒大蜆同牛仔骨都好好味，好新鮮。咖喱蝦內的蝦唔夠新鮮，不太爽口但我好喜歡個汁，點薄餅食一流！軟殼蟹米卷唔知係因為蟹係一早炸定抑或點，咬落中間好硬，唔夠脆。其他的食物就普通啦，但係要一提既係其實個場都唔係好多客，侍應係夠但從不主動服務，只顧傾計，在沒有要求的情況下絕對不會主動加水。叫左埋單執枱就即刻好快手。試左就算，不會刻意再來。

星期六同友人一行五人一齊試呢間旦王花環境好靚好浪漫，我地都係果度影唔少靚相！！至於食物，質素刀唔錯，果日食虎蝦，超大隻超鮮甜;仲有牛尾煲超多牛尾同好有牛味，有水準;串燒即叫即整，好好味又多肉汁！其他食物都ok！仲有一讚就係環境好整潔，waiter態度好好，雖然有啲遠，下次一定會再去食！

雖然天氣好熱, 但我地都係訂左outdoor, 我好鍾意呢間餐廳, 因為佢裝修好有泰國特色, 我最鍾意佢的水池, 加上好暗暗地的燈光, 好舒服, 好美 (但有蚊)食物方面, 我地叫左: 柚子沙律, 咖哩炒蟹, 炭燒魷魚, 炒金邊粉柚子沙律 - 都幾辣, 好足料, 好開胃咖哩炒蟹 - 個汁好香好濃, 配薄餅一流, 蟹肉都好新鮮, 配料好多炭燒魷魚 - 價錢以重量去計算, 魷魚好爽口, 但個汁就普通, 唔夠辣仲有個炒金邊粉, 椰汁冰, 都唔錯 (掛住食, 唔記得影相)

青木瓜沙律太咸，欠缺酸味；印度咖喱雞有羊蘇味，炸蝦餅味道及份量ok，沒有餐牌上的珍多冰，下午3：00，只有兩檯客，全無服務可言，服務員遊遊閑，室內有多隻昆蟲飛來飛去。

這間泰國菜位置都幾偏僻，所以交通也不算特別方便，適合揸車的朋友吧室外環境不錯，傾吓解飲吓嘢，寧靜中帶有幾分渡假feel 指定動作，清涼解暑 泰式沙律荀殼魚，這種食法又是另一種風味，魚皮經過猛火油炸，魚肉保持嫩滑，配上酸甜的芒果沙律，為味蕾帶來隻重感覺。相比鹽水荀殼魚，我反而更喜歡泰式呢～ 紅咖哩羊腩+薄餅 ，咖哩香味不夠，比普遍餐館食開的紅咖哩要辣得多，羊腩肉質太實。薄餅煙煙韌韌，有咬口，跟好的咖哩汁是絕配， 金邊粉-不難食，但肯定講不上好食，普通 椰汁芒果紫米飯，飯偏硬不夠挺身，椰汁不知是否溝過練奶，椰子味食落好假涼粉冰，不過不失

呢排天氣非常炎熱，上次食過旦王花嘅咖喱覺得好好味，今晚又心思思想食，於是揸車向錦上路出發！我六點鐘左右去到，但天氣有啲悶熱，又唔想坐室內，但職員好醒目咁推咗部冷風機俾我，即刻爽曬！正！之後點咗個幾個餸旬殻魚木瓜沙律～魚肉夠滑，木瓜夠爽！蕃茄牛尾～蕃茄味濃，牛尾好冧（我本身唔係咁鍾意食牛尾，不過朋友話好味就試下！）的確唔錯！泰式鮮尤～肉質爽口，但味道可以辣啲！宮庭牛肉～睇落似咖喱牛腩，但食落有啲似喇沙味，冇咖喱味，椰汁味好濃，好味道！之後，飲小小啤酒，一杯冰凍龍眼茶，亨受呢度優美嘅環境！今次我留意到啲職員個個笑容滿面，之前食評講果個口黑面黑女職員唔見咗！食緊期間，有個笑客滿面嘅男人行埋嚟問我意見（我估佢係呢度老闆），傾咗幾句，好Nice！整體嚟講，服務及食物都有進步！

位於錦上路的旦王花一直都想試人家說很有泰國feel, 30度既環境下仍有一大堆人坐室外就知道幾有泰國風情出面有個bar tender 可以整野飲由於我地有小朋友既關係所以都係坐室內先來前菜泰國拼盤最愛串燒同蝦餅炸得來好鬆脆仲唔會油林林另外有bbq bar, 即係你揀左海鮮可以即時燒好有風味，不過價錢就貴左D食泰國野又點少得金邊粉酸酸甜甜好好味！其他野食都不是太貴，如果唔係叫bbq bar既野食其實每人都係$200左右仲有爐魚，麻麻地，再去都不建議叫肉身很乾而且汁不大夠味我最愛這知袖子沙律洋蔥味恰到好處加上袖子及甜酸醬很有泰國感覺

上星期係錦上路搭車經過一間好有情調餐廳，好姊妹都提議黎食，TVB《單戀雙城》都係度取景。 環境好清幽舒適，有得坐室外，微風輕送，真係有d似去左東南亞。三個人，叫左幾碟菜，通菜、柚子沙律、雞翼、串燒、烤雞薄餅同甜品。食物份量幾足，特別要推介串燒同烤雞薄餅，串燒好夠火喉，好juisy又唔會太濃味。好欣賞佢既sauce，印象中係牛油果加芥末味，highlight到燒肉味，又中和返油味，食到停唔到口，連薄餅都要點埋呢隻sauce！另外，建議大家黎都必食印度薄餅！外皮脆脆地，入口又煙韌，配埋烤雞就一流。去過幾間東南亞食肆，呢間係醬汁同肉汁配搭最好既！應該係食物幾新鮮，腌過好入味，同埋sauce調配得好。甜品就鍾意蕃薯凍糕，幾特別，好似食蕃薯啫喱咁。下次朋友生日會再encore！！

依間都幾得意嫁,入面帳篷既位,中間就有玻璃屋，就係一個室內既位置。都幾正個感覺,可以一邊睇住D海鮮見岩就可以即刻落order，仲有唔同既煮法同配搭。首先就叫一個馬拉棧桶蠔,桶蠔就當然比較細隻，食落就粉左少少，不過配料就有好足,咩椒都有、加埋洋蔥咁樣都幾香口,不過就唔太食到蠔既鮮味。之後就係一個紅咖喱雞,賣相幾靚,個咖喱汁顏色好深色，入面就有D泰式茄子，雞食落唔似出面食個D,有特別做法,不過唔係好識形容。叫咖哩當然要叫埋烤薄餅,用黎點咖喱汁真係一流既配搭，不過當然要趁熱食就最好味喇。最後睇中左個虎蝦,用左黎燒,都唔錯嫁,夠哂新鮮,蝦肉好結實而且蝦頭D膏好飽滿,燒得幾惹味,點埋汁食,正。當然要飲埋個椰青先走人,夠哂大,又多汁非常清甜，椰肉好厚，食完咁濃既野飲岩哂。 

星期六新界一日遊，由將軍澳入屯門探親，晩飯再到錦田食。一下車餐廳露天環境十分不錯，但位置頗遠一定要揸車或的士才能到，代客泊車$20。點菜分兩部分，BBQ類要到bar枱點，其他小菜列於餐牌。食物整體而言不過不失，但沒有一道令人印象深刻特別味美的菜色，如果要我推介，蛋煎蠔餅算是不錯。服務方面，感覺侍應都是新手，兩隻兩隻碟的來來回回收拾，是有點滋擾我們談話呢！總結，要山長水遠專程楂車食，一定不值得，看來我再來吃的機會微乎其微了！

I came here for lunch as it's nearby my work and because I love the butter chicken dish which is really good! As usual I order the butter chicken with naan bread. You can also order the rice if you don't want the naan bread. The meal comes with soup and a drink. The soup arrives immediately and is Chinese style soup with pork bone and carrots. It is not very well seasoned and tastes like dish washing water. The butter chicken took about 30 mins before it arrived as the Indian chef is really slow