旦王花 - 泰越鍾情

营业中

休息中

同姊妹相敘晚餐，好想去錦上路食泰菜"旦王花",因為比佢個環境吸引，覺得好浪漫， 所以一意孤行要去，結果令人超失望😌😒。我地坐成晚，全長得幾枱，去到話冇生蝦，串燒乾爭爭，生菜包嘅牛又鞋拾拾，稔住叫返d甜品，都係吾得囉!仲要咁嘅價$，有d吾值。Anyway,已經bad list左，一定吾會再幫襯，唯一係$20可以任泊車

呢到可以話係我飯堂唔太貴 環境又優雅 輕輕鬆鬆 又有泰啤既draft 仲要唔止象啤仲有一隻麥味更重既draft而且佢基本上好多食野都好食 差唔多成個餐牌都食過 無一個係令人失望既由其是我鐘意食咖喱蟹不過要多人黎先食到 咖喱好香椰香味 甜甜既泰式黃咖喱配埋個蒜味薄餅 真係一絕而且有位泊車 d waiter 又nice 好講得笑另一主打印度咖喱 又真係由印度人整架wo不過同時佢係迎合左香港人口味 唔會過份辣亦唔會過分多香料仲有個BBQ 海鮮又係非常靚火喉一個字 正

話說今日朋友仔車我出街dinner ，可惜星期日，我地六點幾周圍都已經好多人🙄咁佢就車我地去錦上路食泰菜，好彩係有車咋，如果唔係都唔知點去，去到七點左右都已經好多人，心諗真係咁好食🤔餐廳環境真係唔錯，有室內室外話梅梳打酸酸地好解渴青咖哩雞，帶甜味一d都唔辣，雞肉好滑鮮蝦金柚沙律味道少辣，而且柚子肉超多👍🏻隻蝦都好新鮮炒芥蘭炒金邊粉蒜蓉包，好脆可惜一份得三件，太少了燒豬頸肉菠蘿炒飯炒椰菜苗海南雞雞肉好滑，配埋個汁，辣辣地好開胃可惜地點太唔就腳，揸車先可以去食

見到fb有d frd話好味左好多，轉左新餐牌，即刻去試下有啲咩好味，真心樣樣野都一流四個人去食，平均每位二百幾蚊，最正係個星洲咖喱蟹，d汁一流，送左幾碗飯。泰式燒雞醃得幾好，但始終都唔及走地雞好味既。蒜蓉牛油蒸蝦滑蛋啲滑蛋好香好滑，你蝦膏滲透入d蛋度，食完好味到爆素菜份卷個皮好薄煙in.都唔錯條馬友燒左好耐，貴左小小，好似百幾元咁細條，但係值得一試，因為屋企都整唔到呢個效果配左d泰國汁好正。。。。。。。

旦王花是一間獨幢的泰國菜館。雖然位置比較偏遠，但內裡環境清幽，可用作婚宴場地。座位分室內及室外，室內雖有冷氣，但座位逼夾，甚至可以聽到鄰座客人的談話內容。泰式滋味雞捲（$68)之前去台北縣菁桐也有吃過雞捲，想不到泰國也有這種美食呢！果然美食世界是大同的！雖名為雞捲，但主要的選材是豬肉，外面用腐皮包裹，捲成條狀再油炸。外層的腐皮金黃香脆，內裡的豬肉爽口彈牙，有點像台灣貢丸的口感。冬蔭公蝦湯 ($78/位）我雖然怕辣，但寧願邊吃邊喝水也會點來吃。因為我實在太喜歡冬蔭公的鮮香與層次。這裡的冬蔭公做得不錯，辣酸香鮮共冶一爐，味道相當平衡，不會過辣。可以食得出蝦的鮮甜，辣椒的香辣，椰漿的濃郁，蕃茄的酸甜，以及香茅，南薑，檸檬葉等香料富有層次感的味道。海鮮椰漿飯把椰青挖空，再把炒飯釀回入椰青內。材料相當豐富，包括有上層的肉鬆，飯入面亦有好多海鮮，例如蝦，青口，魷魚，腰果，雜菜粒等。雖然海鮮是雪藏貨，但亦沒有雪味及腥味。米飯口感好濕潤，啖啖都充滿椰漿的馥香。去別的餐廳吃椰青焗飯，椰青都會保留不少椰青肉，這裡的椰青卻挖得一乾二淨，露出如樹皮般的顏色，而且飯內只有三數塊椰青肉，那麼，其餘的椰青肉跑到哪裡

今天下午剛經過錦上路，見到頗有特色外牆，入去睇，無招呼，伙伴態度很差，像欠你錢一樣。點了下午餐吃，味道比茶餐室差。不值大家去試。除非你覺得貼錢買難受也是好事，那不妨去混吉。

朋友想嘗試這間位於錦上路的泰國餐廳環境是不錯的，有泰國的感覺，有小池流水在旁邊有一個海鮮區，可以自己去選海鮮新鮮如虎蝦很大一隻，但有點小貴還有其實魷魚或不同的魚類選擇最後要了泰式炒金邊粉，炒什菜，豬手，菠蘿炒飯，燒魷魚，燒雞，還有點了泰式甜品食物份量較細，炒粉，炒飯，燒魷魚，燒雞味道均不錯，但沒有太大的驚喜等待食物的時間較長…燒魷魚跟燒雞等了半小時以上，食物全吃完還等了好一會才來總括都還可以，但沒有太大特別。P.S. 泊車每部$20…要留鎖匙

It's some place different for city dwellers due to the place's mainly outdoor setting. There is a parking area adjacent to the restaurant and you pay $20 for the whole evening. Food wise, it's your typical locally-flavoured-quasi-Thai food. with Indian and Vietnamese options mixed into the menu. I would say the drive and location were the appetising aspects, but not really the quality of food.

次次坐車經過都見到d燈光好靚呀，個心成日諗一定要搵一日去試下。嘩，今日係假期，果然座無虛席，而且有大量室外坐位同擺設、盡顯東南亞風情!柔柔燈光，真教人醉心。但等位時就發生大混亂啦;(稍稍破壞了氣氛!先係一行入去，職員就話有三位枱，咁我梗係唔理「三七二十一」行入餐廳，我當然信個職員。點知居然俾其他等位中既客人罵我：「喂有咩理由你三位入先？我四位又訖左枱又攞左飛。」我立即回應：「先生我無心搶你張枱，只係職員示意我地可以入座。」我俾返張枱人地之後即刻問職員攞飛排隊，點知十問九唔應，最後搞成20分鐘先有枱。一打開menu都好驚喜，因為除左扺泰式野之外仲有印度、星馬等多國菜式，事不宜遲，落order!最先上枱係龍眼冰，味道非常清新唔會太甜。開頭飲好好味架，點舍當冰融左之後就變得太淡，如果用黎解辣就發揮唔到作用啦。之後個蒜蓉包可算係任餐最失敗既菜，搵勻三塊都係一粒蒜蓉都無。我明白好多餐廳都用蒜味牛油代替，但最慘係個牛油都無蒜蓉味呢…建議用返真蒜泥令客人覺得抵d!個金柚大蝦沙律就好壞參半，金柚部份是好的，好香味、甘而不苦，非常新鮮。但全碟得兩隻比指頭大少少既蝦，個汁又好濃，蓋過曬柚子本身的鮮味。咖哩

之前吃過一次，覺得價錢便宜又好味道。今次朋友生日，專程推薦他們來吃個晚飯。餐廳地址比較偏遠，第一次來是在錦上路西鐵站轉的士到旦王花。今次朋友渣車所以可以來這裡食一餐，還有免費泊車。朋友們第一次來都覺得環境優美、坐位舒適、食物味道比起外面的質素高但價錢便宜。因此下次會再次來光顧😋😋😋👍👍👍蝦餅非常彈牙，內裡還有流心芝士，芝士迷必試😋👍冬陰公湯，味道濃郁，帶點微辣。喝完一碗又一碗。🙈最後朋友喝了杯超甜的紅豆冰，服務生也樂意替她換了一杯新的，她表示很滿意🤣。整個用餐過程十分滿意👍

錦田旦王花：昨天我們一行13人揸車去到，見到前面有幾個凶神惡煞滿口粗言穢語泊車仔，2男1女，大大聲粗口爛舌，同2架車既準食客鬧交，兩架車同泊車仔差d大打出手，倫到我們一行13人，一入去，嘩！精彩了，我肯定我父母應該比佢地粗口問候左10次以上，想夾下d車點拍好，結果我們9人走了，只剩4個話黎到試一次，永遠不會再來，如果一間餐廳係有班粗言穢語凶神惡煞既泊車仔問候人父母趕客唔怪得知當晚全間餐廳有一半是空的，得個7-8個車位梗係爆啦，食物方面...唉，名不虛傳，自己search post,我只講一句，串燒沙爹係滾水白烚，可想而知。

呢個餐廳的門面真係無得輸，靚到好似去咗外國咁，聽隔離枱講，都久不久有外景拍攝。。睇落應係印度的廚師主理。共點了4個餐，雖然係餐廳名係泰菜，不過最好味係個烤餅，配埋個辣度適中的咖哩羊，出色。馬拉盞牛肉通菜，原來用肥牛炒。個馬拉盞盞好惹味，係油咗少少。泰式豬手，個鹵水唔太夠味，不過個質地好，配咗少少咸酸菜，唔膩。只係肉的份量少了一點。乾柴柴的雞肉，令人失望。。。同一直以來其他餐廳食到的無骨海南雞，落差太大了。再提一次，餐廳環境，真的不得了。。。晚北應該仲有人即燒海鮮食。。。

今次慶祝K and F 有情人終成眷屬，㨂了這間泰國菜館。場地寛敞，除有室內冷氣地方，室外佈置也很有氣氛。今晚點了冬蔭功湯，味道很香濃，又夠辣，是暫時試過最好味的。拼盤賣相一流，大家如小學生般搶住吃蝦片之後還有蒜蓉飽和咖哩蟹。咖哩很滑，蒜蓉飽焗得香脆，有淡淡的蒜香。軟殻蟹米卷一般，但豬手很有水準。芥蘭炒得惹味，香辣炒帶子稍嫌遜色。不過今次醉翁之意不在酒，而是衷心祝福2位好朋友永遠幸福

平時一班朋友最難諗去食乜，以後都指定去呢度，我地由6點坐到10點，都無人趕走仲叫我地慢慢坐。其實餐廳坐得好舒服，好過係屋企聚會仲要執餐死。食物仲要樣樣都好好食。泰國珍寶拼盤，咩小食都齊，用黎送酒正喔有個雞卷好像麥乐雞係蝦片唔夠脆，但份量好多！算底食濕炒河好夠火喉，炒得好食仲要多份量，肉多菜多底食雞翼唔會炸得太亁但得6隻好少職，介紹星洲咖哩必食，果然無介紹錯，蛋汁配咖哩，炒蟹，同泰國旅遊書介紹食過的一樣味好香脆，但好漏牛尾好林，好味道唯獨生菜份量唔夠，但肉唔會鞋，仲有好香口好fresh！都几惹味

每日都會途經旦王花餐廳，但無諗過入去試試，因為口碑麻麻地！今次朋友建議去試一下，食完之後個個都，仲要擇日再來。蒜蓉包配海鮮咖哩真係絕配，條笋殼魚超正，好香口連魚頭都食埋，豬頸肉都好好味，肉嫰外香，特別個泰式醬汁無得頂，豬手一D都唔肥，味道十足軟林林⋯⋯實在泰好味啦！以前去別的泰國餐廳，吃完一定口乾喉嚨唔舒服，但今次無，不是靠師父調味。夏天建議坐在室內有冷氣，秋涼坐室外氣氛好，好有泰國feel！