日龍和食 (已結業)

親子魚生飯, 不合格魚生少魚子更少, 味道也不新鮮, 不值得.和風牛肉飯, 差過某吉姓連鎖店, 但價錢貴一倍有多, 不值得.雜錦湯烏冬, 都係自己買廉價烏冬自己整啦, 好食好多, 不值得.其他配菜以致茶水全部都用很一般的材料貨色，不值得一試.

今日做日本人，去日竜（音：龍）食lunch！ 看餐牌有２款魚生飯令我心儀，一款是雜錦魚生飯，另一款是辣魚生粒飯！由於我只愛食三文魚，其餘的魚類則敬而遠之，所以最後我揀了後者！這個辣魚生飯的確有好多魚生切粒，醬料有少許wasabi+沙律醬，好香口開胃！ 魚生的鮮味伴著珍珠飯真夠惹味，我吃了三分之二呢！（真大膽啊～） 這定食還有麵豉湯和熱飲奉上，yummy！

呢間野我地一向都唔太鐘意, 因為佢地見到我地食到7788 就會叫我地埋單, 所以一年最多都係幫趁一次...今次有同事生日, 有人提出不如去呢度啦.....book 左位, 12:35pm 入到去即有位..坐低後, 伙計"飛"左一埋menu 去我地台面... 我由佢, 當佢冼手唔小心囉...之後我地叫野食, 我想要天婦蘿喬麥麵, 疑似"老板娘"話呢個做唔到架, 喬麥麵都沒有啦....我唯有轉食雜錦湯烏冬啦...食食下, 突然有伙計上左個"天婦蘿喬麥麵", 我地叫返個老闆娘來, 問佢做咩又會做到既, 佢只係話講左做唔到啦, 阿邊個落錯單啦....之後拎走個喬麥麵...一d解釋都無, 一句sorry 都無..最慘係我地7個人, 個個都話個餐唔好食....我食個果雜錦湯烏冬, 個件雞有臭味....攪到我都食唔晒...食到咁上下, 杯drink 都未飲完, 又有伙計叫我地埋單, 我地齊齊say no!!事後, 我地一毫tips都無比....真係火都來埋, 野食質數差, 服務更差, 唔會再去!!!

今天我們一行四人12:10pm前往日竜吃午膳，一入去店員立刻話12:45pm前埋單有九折，我們就答OK..跟住點食物，並叫店員比四杯水，店員竟大聲無禮貌地說:有餐飲唔會比水至於食物方面:-我們點了滑蛋牛肉飯，味道超淡，勁難食和風牛肉飯，味道和份量尚可，但啲碗有些異味豬頸肉飯和豬軟骨飯，味道一般..差不多12:30pm我們都未食完，已經不停來執碗，並叫我們埋單，那時只不過是12:35pm，跟住話全單只有一樣是有九折（其餘已特價)，都未嬲完，店員竟然大力放低埋單黑皮夾，然後走去另一枱，完全沒有打開及告知我們幾多錢)，最後重離譜，大力放下類似"預留席"膠牌在枱上，使我們最好快啲走今時咁嘅服務質素，我們決定以後不會再去

今日同同事食日龍.上次食左親子魚生飯,因為今晚又去食日本野;所以食平少少的魚生飯...嘩! 同親子魚生飯差廿幾三十蚊,真係一天一地...平呢個魚生飯d魚生真係碎到無朋友...真係食唔到係魚生囉...下次真係點都唔叫.不過都要50幾蚊woo.真係可以講全係錢作怪.

我公司就在附近，所以那天放工就外賣回家吃，因為我趕住吃完睇戲，所以叫佢快d。waitress 話好快架喇，而家唔多人。所以佢亦都無叫kitchen 快d，hea 了我就算，我等了3 個字，唔對路，再催叫可唔可以快少少，因為趕時間。waitress 答我同樣問題，話人唔多，唔會耐，跟住佢都係無同kitchen 講過任何野。外賣終於到了，我回家後，發現我叫的風味牛肉飯，只係得白飯，盒送係無既~ 因為我已經在戲院 (結果趕唔設返屋企食完再去)，選擇只得熱狗，一係就捱餓。但我仲叫了2 款 sushi，於是我和朋友二人就吃sushi 充饑，一吃已覺得味道麻麻唔新鮮，但未食飯都無計，迫住要食，仲要每人先分得2 舊 sushi。結果戲未看完，我已經肚痛要去廁所肚屙，而我朋友響完戲後1 小時亦肚子痛，我們共同只吃了 sushi，好明顯就係sushi 問題。夜晚我打返去同餐廳講，佢地話佢地知道漏了飯，還說我已經走了追唔到，好像我走是我錯，我拎完外賣唔通唔走？哈真好笑。佢地叫我第日再叫個餐，唔收我錢，我雖然已經怕怕，驚又肚屙，但無理由俾佢賺左個飯。於是我第二日就叫左個銀鱈魚定食(送外賣)，首先，我懷疑個廚

新年流流,觀塘呢邊商業區食市都未開返.可以話食都未有得食.中國人民以食為先.同區呢講日龍係比你Lunch time食好少少.不過小弟同一齊打工仔一樣,lunch快快食過就算.公司無咩野做朋友都一樣所以一齊食個lunch.又見日龍開左所以就食下佢.小弟叫親子并.即三文魚子with三文魚生飯. 魚生都叫新鮮,加上師父有比心機切. (好多時出面d魚生飯魚生切到一粒粒,明顯係切頭切尾黎)呢道唔會; 係一片片咁的.不過不失. 比75分.精增湯就過清啦.不過估唔到有茶走woo.都幾ok tim

sep 21, 09,2人來lunch,叫咗 : 1) 辣味3文魚飯定食 (hk$54)i) 麵豉湯-正常 ii) 辣味3文魚飯-試咗友人1"羮"-3文魚切成粒,撈咗醬,都唔多辣-仲有蔥花,芝麻,卜卜脆嘅脆米等,有咗脆米又幾特意喎,難得佢哋無腍到-口感幾好-也不錯 iii) 餐飲-凍檸茶 2) 刺身定食 (hk$64)i) 麵豉湯-意見如上 ii) 刺身-有甜蝦,8爪魚片,櫻花魷魚,吞拿魚,3文魚同海膽-每樣都可以,尤其海膽,雖然好少,但勝在有甜味,又無"劫"味 iii) 白飯 iv) 餐飲-熱檸水 * 多謝友人請食飯 * 其實呢度嘅格局,形式都好似飯堂/快餐 - 叫嘢要快.........用的也是快餐店外賣嘅即棄式木筷子同膠羮..........前菜,漬物,甜品都欠奉 * 所以呢個價$$$$唔算平

係官塘區返工已經有半年了，這間日龍仔去過了幾次，不過我食黎食去都係 - 辣味三文魚飯及三文魚份量都幾足，可以每一啖飯都有三交魚一齊食，份量都偏各大既....講真佢d味道就普普通通啦，但又未至於難食既......，都不失為官塘官食lunch既一個選擇p.s. 佢係以「日竜」作招牌的，初初都不知道怎讀的，哈哈....而家知道啦....係讀「龍」，記得啦~~

官塘區叫做比較好既食店, 同事們有咩喜慶日通常都但求就腳係呢到請客,今日到我標尾會, 2 位同事請我食晏 。Book 左1 點鐘, 人客不過一半, 平時通常都有8成客, 經濟唔好, 工廠區客食晏但要求果腹據多, 30 多元一個食個晏當然就其門如市 。一個女生男相既女伙記粗聲粗氣地迫客落單, 轉個頭就叫你自已寫紙, 實在不要得 !! 今日叫左吉列咖哩豬扒飯 $58 套餐有麵鼓湯 + 飲品 食過一次吉列豬扒只係微溫, 出奇地今天吉列豬扒飯係即炸好, 炸粉雖有點厚, 但香脆不太油, 份量約有一大塊左右, 加埋我最愛既日本甜咖哩送飯更是一流, 往往自己紀錄食甜咖哩會一口氣隊下2.5碗飯, 今次不經意在傾談中橫掃一碟咖哩飯亦無難度。而開粉麵鼓湯和奶茶也則一般貨色, 但奶茶既奶比較重手 各人也讚今天的食物, 而我認為加了價而做好點是必然的 。

今日和同事去咗食晏, 因為之前訂咗位, 所以去到唔駛等, 其實入到去的時候都只有1/3滿。我們分別order咗1個汁燒雞扒定食和1個炸豬扒拉麵, 先講個雞扒定食, 上枱時同事還以為上錯, 因為d顏色好深, 佢仲以為係牛x添, 聽佢講d雞扒都ok, 一般貨仔, 有冇特別。而個豬扒拉麵呢, 嚿豬扒好實, 拉麵好普通, 個湯底略鹹(唔知係咪落得多味精), 所以覺得好一般, 絕對唔值$51一個set。以呢個價錢, 可以去遠少少o既APM食到更加好食o既食物, 如果唔係近公司的話, 相信也不會去有機會去食。

早早訂了枱,其實黎呢度真係要 book 位先得架 !三文魚生飯 貴得驚人 ~$58 跟野飲! 真係呢度真係貴左 D如果唔想去 APM ...工業區就真係得呢一間 !侍應 SERVICE 都 OK !

首先服務不好~~當時餐入面大把位置(1/6是空位)我們三人的，我先去取位置。門口啊姐話一定要人齊先，我看說有這麼多空位可入坐先吧。她說不成一定要人齊。我只好位一旁~~不久一位男士只孤身一人說6位(看樣子此男子是常客)那門口姐就領他內進。此時我問那門口女為什麼他六位不用等齊人亦可內進。門口女推諉的說他有訂位~~我就無明火起此話好竟有瞼說出來。之後我的人到了才入坐了事。食品方面真的沒吃過這麼難吃的東西~~無色~無香~無味~~我會多走幾步去APM吃和民~~元氣~~好得多~~

前幾天同事們相約食晏，由於不想走遠，所以在附近的後街逛逛，無意中到了這間日式餐館。一如其他工業區的食肆，他們基本上是飯堂格局，只是燈火比較通明，裝修比一般餐室稍佳。餐牌上的食物賣相頗佳，不過價錢也比同區貴，由於第一次幫襯，所以大家都保險一些不點魚生飯，轉而叫烏冬和拉麵，而我則另類一些叫了個韓式泡菜煱。侍應都是以打衝鋒式的態度招呼顧客，我們四個人明明落單點了四樣東西，但可能他們實在太趕，最後還是漏了一樣。食物的味道不過不失，但就談不上豐富，以我的泡菜煱為例，雖然都有幾片肉放，但半個煱都是以芽菜來鋪滿，只在煱底找到聊聊幾塊泡菜。由於同區有更多更好選擇，所以應該不會再光顧。

完全同意Nicore同alice既講法, 呢間野d侍應惡到不得了,完全唔識待客之道!今日同同事黎做節, 無諗到呢間日本餐廳咁差,食物質素唔得之餘,又係猛咁催人order同埋單,非常反感!未食完就想收你d碗碟,同埋成日叫我地去埋單,坐耐少少就黑面係你個位附近徘徊同好唔耐煩咁,好乞人憎既侍應生,令到我地食得好唔安樂!非常受氣的一餐團年飯!