日牛涮涮鍋專門店 (已結業)

放食物位置很多小烏蠅， 頭三十分鐘服務不错，食物也新鮮。食到咁上下出現了極瘦牛，想轉過一碟好少少的，肥仔服務員說瘦是正常，我說如果係咁既質素就唔使畀我， 他就說成是我唔要, 就掉了那一碟，後來再給我的也是一樣~ 好un... 咁樣用嚟打邊爐 好食至奇啦 放棄吧~ 走人已升級特级牛加拿大豬肉都幾好食既肥仔是盡責員工！客人殺手！任食想唔受氣都幾難， 都見怪不怪了~每人食多過兩碟牛肉就會出奇招 趕客坑口嗰間都有一個肥仔服務員把關~

完sem緊係要食返餐好既獎勵自己，打邊爐任食就最開心啦😆😆所以㨂左呢間朋友聚餐一流既日牛，晚市佢做90分鐘，有好多唔同既package, 大人$158-$358不等，但全部都包牛、豬、雞，係牛既質素有正啲無咁正之分～🤤😂😂今次去見到日牛新出既上級牛肋肉餐，$228一位，價位ok，就試下佢啦😎我㨂左昆布清湯，朋友就壽喜燒鍋，仲送一隻蛋🤤壽喜燒真係食牛肉既絕配，不過湯底有啲甜，就容易啲飽😌牛肋肉片片都好薄，有啲雪花但又唔多，正👍豬肩肉都好好味，encore左兩次😆牛舌就有啲太爽口？😂食唔慣～雞肉超嫩😍😍🤤🤤最尾食飽一定要吱返杯yogurt ice cream laaa😛🥰🥰超滿足既一餐呀😚😚

有時午餐時間總會想食到飽一飽，日式火鍋就係我最鐘意嘅選擇。呢間位於新都城嘅日牛係第二次嚟，幾乾淨，職員有禮貌，Order嘅肉類上得快，食物方面除咗蔬菜種類多，丸同第一次食嘅有啲唔同，種類少咗，甜品只有乳酪雪糕，飲品係汽水，不過整體唔錯。我哋揀咗最基本嘅$108任食澳洲穀飼牛，豬肩肉，雞腿肉放題。牛肉油脂少但唔鞋，唔錯。豚肉要淥到啱啱熟先嫩，淥耐多少少時間都會鞋。雞腿肉最穩陣，夠滑，亦無雪味。丸類腸仔只有四款，少咗啲。有五種麵食，中間最長色嘅食落似幼身嘅薯粉。有蒟蒻同年糕，多款蔬菜。飲品喺自助汽水機選擇。乳酪雪糕有原味，士多啤梨味同埋兩種味Mix，有3款醬同6種雪糕脆脆做配料，不過呢啲比較健康嘅雪糕太多冰感唔太啱我口味。

今晚同朋友出黎食飯，壽星仔想打邊爐，但又人病日牛打邊爐就啱啱好囉一人一鍋係門口諗住加錢任食長腳蟹， 點知一入到去坐低佢就同我地講飲食做唔到四個人因為佢哋唔夠蟹。咁最後就聽左佢建議就另外加咗一碟散叫嘅長腳蟹，唔係食最平嗰隻壽喜燒好正 又有一隻蛋可以用黎點牛肉，佢出面自助區都好多選擇，不過我唔記得左食雪糕

因為本身少食肉，呢間既菜有好多選擇，有瓜有菇有菜！湯底有壽喜燒，芝士，清湯..同埋我最中意既蕃茄！如果驚食唔飽仲有飯俾你食！淨系麵都有幾款俾你揀👍飲品有熱茶有各款汽水，最後甜品有唔同味既雪糕！最好系環境乾淨啲野食無蟲仔周圍飛，價錢又合理，平平地已經食得好飽！

日牛是一間有多間分店的日式火鍋餐廳。而且係1人1鍋，方便又可以迎合不同口味。之前試過鑽石山分店午市放題，印象好好，因有咖啡機即沖咖啡，牛肉不算太差，其他配料選擇不算太多。今次晚餐再試新都城分店，就感覺很差。晚餐比午市貴，間間日式火鍋餐廳都是如此定價。但一般配料選擇會較多。新都城分店配料選擇非常少，飲品只有汽水，當然沒有咖啡機。我選擇的雖然是最平價牛肉放題，但頭2碟是正常，不太肥。第三碟開始是滿滿肥膏。我明白最平價放題，不能要求雪花，但也不可以給客人滿滿肥膏，叫人吃牛還是吃膏。去街市買豬肉，豬肉佬都幫你切走啲肥膏啦！怎可能俾咁既牛肉棒客。非常不建議，新都城分店日牛。

今天天氣開始轉冷，選擇困難左一陣後揀了打邊邊，門口有好多人圍住，但2個人去即時入得都係唔洗等。特選既價錢只比普通版貴20$，感覺差唔遠，揀選左特選放題。我選擇了壽喜燒湯底，朋友選擇了昆布。（蛋汁其實好快點哂⋯⋯唔太夠用到最後😢）坐低冇幾耐就送上了特選牛、豬、雞共三盤。壽喜燒自己打蛋~! (漂亮自助吧感覺今日比較少款式揀，多數都係蔬果，好少丸類……而且食落感覺有少少雪藏味🤣……第一輪既牛睇落好靚，啲紋理好清晰，色澤都漂亮👍🏻👍🏻食落淡淡的牛味，口感唔錯豬就感覺有啲鬆散同好薄，所以一輪就唔再安可食完第一輪便叫了第二輪，同侍應講︰「要兩碟牛。」等左一陣便上了第二輪…今次肉質同第一輪有差…分別在肉質較「鞋」朋友都同感，諗下係咪「牛」同「特選牛」既叫法唔同，所以比左最普通個種?!因此都叫了第三輪，特登同侍應講︰「要兩碟特選牛。」第三輪一上，果然同第二輪質素有差........第二輪跌watt原來如此.......😂😂第三輪的牛都算唔錯，但同第一輪比都係有差，第一輪實在真係好新鮮，肉質好好多🤤🤤不過第三輪既牛上面每一塊都痴住左啲乾左既血塊……口感就無異甜品係士多啤梨味乳酪，溶得有啲快⋯不過味道唔錯

一時興起 同媽6:00 就入席雖然媽唔食牛，但都照揀豬牛雞$168加一 湯底一個雜菜湯 一個要胡椒牛湯雜菜湯 好夠味 媽話唔洗點醬都🆗我慣性混咗兩碟醬 溝埋蘿蔔泥 同 麻醬 👍🏽自助bar 空間比較細 要睇準時機拎 否則要排隊蔬菜款式好大路 偏愛娃娃菜/紹菜/生菜/韮菜丸類唔多 略嫌冇乜豆類製品 得豆腐 每次order 豬牛雞 等候時間唔算長有一兩次員工會主動幫手加湯食到飽一飽時 臨結帳 去拎咗兩杯乳酪雪糕自己加配料 不過媽就嫌啲雪糕較酸🤔 整體ok, 但建議增加配料種類👍🏽

晚上打算回家食飯，又唔想媽媽整太多野好辛苦，咁就提意去附近打邊爐！日牛之前食過，一人一爐，味道都ok，不過不失，而且有好多配菜自選，岩哂鐘意食蔬菜既媽媽❤️自己鐘意食乜就夾落自己個爐，好呀👍🏻我地3個選擇$178特選牛，牛肉味都重同香，亦唔算太肥，不錯！另外每人加$20生啤放題，其實都飲唔得幾多，但逐杯計要每杯$30，咁梗係要放題抵好多啦！打邊爐飲啤酒，真係絕配😋總結黎講，價錢加埋一每人約$220，我覺得ok!始終咁多食物選擇，唔洗自己買/洗/整嘛！坐得又舒服👍🏻

基本上每隔一段時間就會想食牛肉火鍋，有時未必次次約到一大班朋友，選擇一人一鍋就最適合啦！有4款牛肉可以選擇，分別係日牛，特選，極上黑毛和牛，霜降黑毛和牛。頭3款我都試過，個人覺得特選牛的品質都已經唔太差，極上黑毛和牛無想像中咁好食。湯底亦有六款可以揀。自助區有其他食物選擇，品種都算多。90分鐘火鍋放題$200左右就有都算幾抵食。

今晚約左幾個中學同學打邊爐，佢地提議食日牛，我又無所謂咪試下。由你門口等人帶你入座到揀湯底，職員都會溫馨地不停提醒你用餐時間為90分鐘，起碼講3次。湯底係一人一鍋，有6款俾你揀。亦有吾同任食款俾你揀。我地揀左最普通158果個就算。等大概5分鐘湯底就上，連同豬牛雞都上。其他材料出面自己拎，有菜，菇，小量丸，烏冬。。。仲有醬汁，汽水，雪糕🍦我覺得張枱真係太細，放左個鍋，放埋碟牛，拎多碟小配料已經無哂位啦😐我點左雞湯，完全無味。。清湯囉。另一位朋友點椰子雞。雖然食落一樣無味，但至少聞到有椰子香味。甘我地叫左3次牛牛，質素都差吾多，普通啦。不過配料就真係吾吸引，食下菜。菇🍄。大概時間仲有30分鐘，有職員會同你講，問你加吾加肉類,同話你知仲有30分鐘。大概淨20分鐘行過泥俾肉你同提示你仲有20分鐘。之後10分鐘行過泥同你埋單又提示你用餐時間尙餘10分鐘。5分鐘後過泥找續再提多你一次就快要交枱！90分鐘過後準時話你知夠鐘啦要走🤗成個用餐出面完全無人等過，餐廳只有3分之一既客人。真係有需要不停溫馨提示用餐時間？成個用餐超碼提你8次以上。可能真係公司規定掛🤷‍♀️不過真係令客人好反感。Never com

本來，睇完戲想去茶木食晚飯架，但老公唔鍾意。跟住又話要去寶琳買野，早知佢想去寶琳，我地就去寶琳睇戲啦。一日搭幾次地鐵我最唔鍾意咁，浪費車錢同時間係交通公具上。去到寶琳，左睇右睇；一係食烤肉，一係食火鍋。但烤肉上次同婆婆佢地食過，其實幾一般，又太貴；所以最後去左日牛度打邊爐。三個人都係揀左最平果隻158牛，分別叫左昆布湯，雞湯同胡椒湯。自助區，我覺得麻麻地，唔係好多火鍋料。不過基本既都有既，可能我鍾意食既唔多人鍾意，唔夠大路所以冇囉。一人一個鍋，可以叫自己鍾意既湯底，係就係幾好；不過咁又好似冇左一大鍋，齊齊烚下烚下既樂趣咁喎。食食下重好似變左一個人食飯咁，各自食自己個鍋。一埋位就上左三牛，兩豬，一雞；其實我一家對雞都麻麻。所以一碟真係夠晒。牛同豬我地就再另外加叫左三牛，兩豬。第一Set牛同第二次叫既牛有D唔同，第一Set果D係薄好多的。味我就覺得差唔多，但老公話第一Set上果D牛好似靚D好味D咁。豬就第一Set同第二次加叫的一樣。而且難得地，我覺得佢地既豬好食過牛。平常我都係牛魔王黎，只係鍾意食牛的，所以真係連我自己都驚訝，點解我會覺得豬好食過牛呢？最後重有15分鐘左右，侍應拎單黎提醒，

以前幫襯過，態度勁差，未夠鐘到last minute為止狂催左我四次埋單，未找到錢俾我兼杯雪糕未食完就叫人邊食邊走咪阻住執枱，閒日得三分一座位有人都當d客人係乞丐甘驅趕，直到死亡為止我都吾會再去，去同一層走廊尾間牛摩好過啦，最少當d客係人先囉....PS 食物又吾係有咩突出之處，最突出咪個d需要再陪訓既員工，甘既quality都可以擺出来serve客倒下米甘，本人深感驚訝......即管睇下可以做到幾耐(本文經過編輯，因為講真話冇人appreciate囉)

懶懶的我唔想煮飯，就會落樓下商場搵野食日牛涮涮鍋其實都幾抵食 午市九十分鐘時段最優惠係一百蚊有找一位，連埋加一一人一鍋，自己揀番鍾意嘅湯底今次揀左蕃茄湯底，湯底濃郁不過呢間分店環境比其他分店細唔知係咪因爲咁樣連自選配料嘅bar檯都細左配料得豆腐、菜類、菇類等但丸、餃子、肉類就冇咩選擇

見到介紹.....日牛既宵夜時段幾抵食.......緊係約埋朋友仔去試下啦......仲要不是間間日牛都有哩個優惠架.....21:30才開始.......我們21:10到.....已經有小人龍.......10分鐘後.....人龍排過咗羅麥記門口.......宵夜時段 $100/位....另加一.......基本上坐低就叫湯底, 牛牛只有一款, 所以不用選.......之後就可以出去拎野食....第一轉已預定會上2碟牛1碟豬及一份雞.......一人一鍋模式.......長枱有屏風相隔.......私人空間足夠.....我選了鹽麴蕃茄雜菜湯......小小蕃茄酸的味道.....朋友仔選了甜醬油湯.......即係壽喜燒....所以會跟一隻雞蛋......我們一共食了6碟牛牛....當然哩啲火鍋店慣例......牛既質素會越後就越差啦.....第一碟.....第二碟....第三碟......第四碟....第五碟...第六碟...而豬肉就叫了2碟......超級薄片.....灼2灼就熟......其實雞肉都滑....只是我最愛是牛牛......哈哈......雖然9成滿座......但大