日牛涮涮鍋專門店 (已結業)

有時午餐時間總會想食到飽一飽，日式火鍋就係我最鐘意嘅選擇。呢間位於新都城嘅日牛係第二次嚟，幾乾淨，職員有禮貌，Order嘅肉類上得快，食物方面除咗蔬菜種類多，丸同第一次食嘅有啲唔同，種類少咗，甜品只有乳酪雪糕，飲品係汽水，不過整體唔錯。我哋揀咗最基本嘅$108任食澳洲穀飼牛，豬肩肉，雞腿肉放題。牛肉油脂少但唔鞋，唔錯。豚肉要淥到啱啱熟先嫩，淥耐多少少時間都會鞋。雞腿肉最穩陣，夠滑，亦無雪味。丸類腸仔只有四款，少咗啲。有五種麵食，中間最長色嘅食落似幼身嘅薯粉。有蒟蒻同年糕，多款蔬菜。飲品喺自助汽水機選擇。乳酪雪糕有原味，士多啤梨味同埋兩種味Mix，有3款醬同6種雪糕脆脆做配料，不過呢啲比較健康嘅雪糕太多冰感唔太啱我口味。