日牛涮涮鍋專門店 (已結業)

170蚊打邊爐， 入到去見到自取區得幾款野食， 大約十款左右， 大部分都係菜， 無芋絲， 無豆腐， 得兩款丸， 無野好食。 湯底鹹到不得了， 食到一半已經鹹到無味覺， 連d "是油"都好似溝咗鹽水咁， 無味得黎又好鹹。 調味料無指天椒， 得辣蘿蔔， 但係一d 都唔辣， 睇得出老闆想節省成本，辣椒都唔俾。 價錢收到同牛魔差唔多， 但係質素差好遠。最後一夠鍾就趕人走， 出面都無人等緊， 搵完員工A 講完5秒， 員工B 又過黎講， 驚死你唔走咁， 想飲埋啖水都唔得。 以後都唔會再黎。

已經埋咗單，停咗火鍋爐一陣，亦都沒有再出去攞嘢. 但是服務員提早5分鐘趕我地走.其實現場仲有很多位而且係最後－round了。我哋個火鍋由我地落單差不多17分鐘先上來，都無同佢計。食咗幾百蚊仲要俾人提早趕走，覺得咁樣食一餐飯真係好無謂。叫咗過夜奶雞鍋湯底，因為煲到瀉晒，之後服務員才說唔可以太大火，因為呢果湯有奶,出好多泡泡, 所以唔可以太大火，嗰一刻覺得有冇搞錯啊我落單嘅時候又唔講，仲話係新野。我哋唔會再來，亦都叫啲朋友唔好來.

好耐冇食啦～今日同朋友仔黎食，一人一煱。原來做緊呢個白酒湯底同紅酒湯底，當然要試一試佢。白酒湯底，聞到酒味，食就冇味自助拎菜肥牛，話係澳洲牛最後當然係乳酪～請隨便加～

曾經聽過，出到黎社會做野，周邊既朋友多數唔係中學就係同事，小學就甚少，除非一齊升上同一間中學或住得好近啦，否則都難見面。兒時既官塘之友，搬左去將軍澳，由小學keep到依加都仲有contacts，都真係唔講得笑，兩條友，去打邊爐啦，以為將軍澳好靜少人？少年你太年青了，原來個商場好多人﹐邊間都要等位，最有機會快有位＋平平地＋狂食＋打邊爐，毫無疑問呢間日牛，同市面上的日式火鍋一樣，90分鐘放題，各邊面都好似牛X。 環境：地方大，二人位，坐位好細，同類似一蘭既自閉位咁，有塊木板隔壁，自成一角。 食物：肉類有幾個級數揀，要多最平，＄148﹐澳洲穀飼牛＋美國豬肩＋雞腿肉。 一人一鍋既，昆布清湯，湯裡有片鰹魚乾，唔油既﹐清淡魚乾味。澳洲穀飼牛﹐狂食牛啦唔洗問，肉質有咬口幾好食，每盤份量算係咁，大約9塊，食左3盤以上﹐如果唔係侍應(是你專登反應慢？)慢上菜會食仲多。美國豬肩，打邊爐，至唔想食豬肉，但今次唔同，師父好刀法，張豬肉切到紙一樣既薄，如蟬翼一樣咁透徹，呢招名堂應該就係機切﹐太勁！一盤都可兩盤，同5餅2魚有同曲異工之妙，神積呀﹐可能因為薄多﹐快熟唔鞋口，又好食，即落多盤呀。 雞腿肉，好鞋唔洗食，

為左睇KITTY X LINE聖誕布置，順便係新都城中心食埋飯，8點幾時段，周圍都好多人，好在餐廳都算多選擇，而且集中係同一層可以一次過睇晒食咩好，我又因為天氣冬而揀左火鍋了，等左10分鐘到有位呀。 90分鐘放題，要了特選$168，有澳洲穀飼牛+美國豬肩+雞腿肉，揀了骨膠原雞湯。 裝潢是木系為主，帶點和風味道，我們是2人，坐這種設計的位子，有個木板間，像平風一樣作阻隔之用，增強了私人空間，感覺不俗，椅底有個藤籃放物品。 一如以往的做法，除了肉外，其他鍋物、醬料飲品及甜品都是自助的，鍋物選擇不多，冇乜吸引，不過有秋葵加分，見到有雪糕食，好正呀。 骨膠原雞湯，味道不濃不淡，普通水準。 開動了。 澳洲穀飼牛，口感較紮實，牛肉味濃，肉質不俗。 美國豬肩，薄切的豬肩肉，差不多薄到透底，比較快熟，口感比較柔軟，不鞋不韌，味道幾好。 雞腿肉，味道一般，好在只係份量少許呀。 選擇不多的鍋物，因唔想浪費，每轉拎少許，菜、粟米及芝士豆腐魚蛋味道不俗。 豆腐及醬料。 乳酪雪糕，必食的，都幾好味，同打完邊爐再食甜品好滿足呀。 食物味道正常水準，不過鍋物種類太少，上菜方便，第一

突然想食火鍋，走左來日牛食，一入門口，完全無人招呼，自己揾位坐低之後，見到碗碟仲有油漬，服務員態度極差，我叫左278既極上和牛，點知肥到我以為係148個隻！真係嚇到我無曬胃口，問店員係米攞錯啦，佢竟然答我本身和牛係咁，呢間舖真係可一不可再，隨食評附上其他日式火鍋放題和牛圖一碟，比大家對比下

以下純屬個人經歷和感受，只供同好們參考：每次光顧包括銅鑼灣店和將軍澳店都有小驚喜，就是食物和服務都有進步。雖然只是少少的進步，客觀而論都值得讚賞，不進則退的道理。注意事項：1 牛肉九成轉色就馬上離鍋，餘熱過一會就變全熟，可保肉質柔嫩。2 會員咭在將軍澳店使用只有九折，銅鑼灣店就有八折，不明白為何有別。顧客心理八折當然會更歡喜啦3 軟雪糕將軍澳店較好味，可惜較銅鑼灣店少了一種味道。可能太好味，懷疑因多人食而制冷較弱，沒有銅鑼灣店的實實質感，亦不宜取太大杯，會溶化生菌。擔心食評讚得太好，日後排隊等枱就甘囉，點都願意支持優質餐館好好經營下去。

今日同老公即興打邊爐, 我 係 邊 爐 精 ･*･:≡(　ε 咁梗係就手又方便既日牛啦, 係屋企附近就有得食, 又唔使去咁遠, 一人一鍋~~其實已經唔係食第一次, 我地有佢地會員卡, 都叫做「常客」既~( Φ ω Φ )有間隔板, 可以分開一張大檯, 唔會受到其他客人騷擾附加食品, 2個都唔係好食得海鮮, 所以都係算數 (´_ゝ`)2個都點了壽喜燒湯底, 未試過日牛既壽喜燒湯底, 要+$10, 有2隻雞蛋!點了最平的牛,豬, 侍應跟我們說因為前1天打風的關係, 沒有雞肉= 口 =天啊~~~~~~ 吃少一樣了牛, 豬都是最平其實都沒什麼好期待 XDDDDD但還是拍一下其實我對肉也是一般個人越黎越齋(´-ι_-｀) 在剛剛等待肉到途中, 在外面拿了些其他配料出面主要係菇類, 蔬菜類, 和一些易熟的食品這是醬汁, 有日本豉油, 蔥. 柚子汁, 芝麻醬拿了這2個就夠了這個是壽喜燒的雞蛋呀感覺壽喜燒湯底不太濃淡淡的!!都不太好食而且覺得連雞蛋也不是太新鮮可能是前一天打風的關係吧!!飲品都是汽水, 檸檬茶等等簡單一句.................. 沒啥特別XDD都是過下隱先去食下同老公撐下

星期日約19:00晚飯時間，間間店都要等成20張飛，走到這間不用等就有位，咁就中伏中伏中伏中伏中伏中伏湯底同水無分別食完再落單，好耐先有牛質量好差雞還算可以放食物位置好多蚊芝2大1小埋單540，個人覺得超唔值，完全不推薦。

食168果款第一碟薄脂肪平均食入口滑，但之後送黎ge牛肉少脂肪又未解凍而且厚同超級大塊。大到好似部8吋平板電腦咁即頭牛排咁。唔知係咪偷懶想d客快d飽。圖為最尾一碟東港城分店都食過一次服務麻麻。新都城服務好d。

坐低後﹐送來的跟餐的牛肉只有4塊﹐叫了加牛肉﹐但要10多分鐘後才送來﹐但坐位卻限時90分鐘。我們叫的是$178的SET，但牛肉質素極差﹐肉質似橡膠﹐而且有一塊嘔心的脂肪在上面。服務方面﹐侍應長期黑面﹐服務態度極差。而且90分鐘內﹐個爐竟壞了兩次﹐絕對不會再光顧。

原本為左食長腳蟹先離既, 不過攞籌既時侯係唔會話你知仲有無得食既, 所以唯博一博啦等左45分鐘....終於到我地!!同其他 涮涮鍋店一樣啦. 一定係煙霧尼漫,不過抽氣系統OK, 環境可以接收坐低左, 即刻問仲有無長腳蟹, 但係佢話無哂><咁就食牛啦~呢度係一人一鍋既, 咁就可以一人一個湯底啦, 我地選左昆布, 牛奶昆布好甜, 牛奶感覺好健康配菜, 唔算多, 幾樣菜, 幾樣"BALLS", 仲有烏冬其實呢D都唔重要, 最重要係食牛丫MA~我地叫左第二貴個隻, 己經唔錯, 豬就唔夠滑, 所以主要叫牛, 同埋都無咩漏單,唔錯唔錯食到好飽好飽, 飽到連乳酪都食唔到 HAHA, 不過家紅食左話唔錯~

二期美食廣場圍板裝修堅有幾年了，近日終於重開，不過模式改變了，再不是四周有唔同食肆檔口，中間置堂食座位，而是由數家餐廳各自劃位營業，其中一家就是日牛。喺坑口先開既日牛長期排長龍，相信而家二期開了，可以稍為舒緩一下坑口店吧！不過二期既日牛店很小，大概坐得四﹑五十人，自助配料區也不大，只有一個細既L枱，僅僅夠用。新開業前後幫襯了兩次，今晚請好友食飯，所以點了一直想試最貴既和牛。由於等位期間我去行街，故入座時老公點餐點了次一級既和牛，好彩店員俾我地升級，否則今晚想食靚和牛既原意就沒有了。升級前次一等既和牛已上枱，看上去真係只俾普通肥牛靚，但同最想吃的靚和牛相差不少呀！牛味是有的，但偏嚡，和牛係唔應該嚡嘛，喺坑口店吃過這次一級的和牛也沒有在這裡的嚡，所以決意即時升級既決定非常正確。升級後既和牛終於嚟嘞！而且店員毫不吝嗇既一次過上4碟，(平時一開始頂多俾兩牛咋)，一放低即時嘩嘩聲，因為真係超靚，色澤殷紅不在話下，每碟雪花紋分佈好平均，未試已覺得好好味。因為要食和牛，所以點了個清湯，淥一淥，約10多秒吧，夾起和牛點少許豉油就放入口，好滑，雖未至於入口即溶，但真係好滑，一下子就咀嚼完吞落肚，跟住就密