日月星快餐 (已結業)

難得有兩個幾鐘無人管的lunch time,唔係唔用盡佢ar??~特登山長水遠行到呢度試下傳聞中好正ge炸脾~落左order 2分鐘即到!?又係ge...生炸唔代表係即炸......皮很脆,但沒有想像的好....佢係將上下脾肉cut開灘平lai炸咁樣ge好處係快熟,但係肉汁同嫩滑程度會大減......但我想作為快餐店這是無可厚非的,一隻皮脆肉嫩的完美生炸脾起碼要慢火炸廿分鐘...我想,最美味的炸脾,還是自家的廚房出品吧!

好耐冇食過炸雞脾了,通常都只食碟頭飯~今次點了炸雞脾+火腿三文治+熱奶茶外賣等左10分鐘度熱辣辣既炸雞脾到手了~之後拿拿臨拎返屋企慢慢歎!其實好驚返到屋企後雞脾會唔脆~但原來唔會喎...雞脾好脆口囉~~肉好嫩滑喔!好正!!!火腿三文治普通熱奶茶食完雞脾太飽了...飲唔落比左媽媽飲!佢話好飲,好滑!炸雞脾~我愛死你了...

其實我好中意泥日月星食碟頭飯,因為既大碟又好味,最重要係抵食嘛!每次同朋友A泥九龍灣都會泥呢度朝聖羅宋湯:好足夠好夠味白汁炸魚飯:炸魚好脆口,唔油淋淋,正!但白汁就一般,同一般茶餐廳一樣,落好多面撈!薑蔥魚腩飯:大約有4塊炸大魚腩,配上薑蔥炒好惹味!我自己好中意~咖哩吉列豬扒飯:豬扒份量多,炸到脆身唔油~咖哩唔spicy的!咕嚕肉飯:個人認為咕嚕肉太酸!蘿白牛腩飯:呢個好好食,牛腩炆得好淋好入味,$22好抵食!草茹豆腐飯:清清淡淡,唔錯唔錯!

真係估唔到而家仲有十五蚊一個早餐﹗周六在工地叫外賣，兩餸麵再加多個餐包及coffee，送埋外賣竟然只係十五蚊﹗餸要了雪菜肉絲及腸仔，腸仔一條，不過雪菜肉絲份量不少，麵亦都係成個，份量十足滿滿的，入面仲有幾條生菜﹗味道沒有問題，一般茶記水準，不過十五蚊真係超抵，以後都係叫佢外賣早餐了﹗

呢到無論炸雞脾/鹵水雞脾都好好食~星期日唔想咁熱氣食左鹵水雞脾+三文治tea隻雞脾真係好滑!!! 鹵水又唔會太咸~ 不過三文治就麻麻地, 好乾!

久違的影藝重開，專程去看電影 <意外>，戲院前身是九龍灣百老匯，想不到環境並沒有改變，全沿用上手的裝修及設施器材，認真慳皮。睇戲前先歎個下午茶，牛下已歿，但淘大商場附近仍有不少好選擇，日月星快餐便是其一。店子不大，以外賣送遞為主，門口放兩張摺檯做埋堂食，簡單直接，街坊生意也就是這樣吧。下午茶不吃多，我吃炸雞脾，女友吃火腿三文治，套餐價只需十八蚊，另加兩蚊要杯凍奶茶。凍奶茶由阿叔即拉，入口順喉，但奶味蓋過茶味，只是一般。店方細心，免費供應膠手套，吃炸脾時既衛生又方便。一口撕開脆卜卜的雞皮，雞肉上仍留有不少油脂，肉質夠肥美夠滑溜，頗有水準。三文治就沒甚麼特別可說，餡料只得火腿及芝士，有點乾哽的感覺。日月星是標準的「老港式快餐店」，食物水準不高，卻絕對抵吃，這正是其生存之道！

晚上約了朋友到淘大. 先找個地方食個飯, 最好又平又正哩間日月星想黎好耐, 之前搵過又唔見, 原來係o係條行仔入面原來係專做外賣生意, 不過都有一張台做堂食.餐牌除左是日晚餐之外, 其他既飯原來都只係加$3 就有杯野飲二人二話不說話要了兩客炸雞脾飯.熱奶茶, 都只一般, 奶味較重. 講開又講, 食炸雞脾都係配返可樂正好多炸雞脾飯份量真係十足, 隻雞脾超大隻, 全部都係肉.新鮮炸出黎, 超燙口, 熱到連d 飯都燙口. 塊雞皮亦是炸雞脾既精粹, 勁脆! 皮下有點黃色既肥膏, 怕肥既就唔好叫啦不過雞脾食起上黎有點狼狽, 幸好店鋪有紙巾提供. 可以拿上手大啖大啖的咬.下次唔知可唔可以叫佢去骨/ 漸件呢.飯要了茄汁, 其實叫既時候都有點擔心, 因為本人係唔食用茄汁調出黎o個隻茄汁, 即係酸o個隻好彩上到台見到係螢光汁, 非常高興, 我勁鍾意哩隻咸既茄汁, 即係快餐店焗豬o個隻d 汁睇黎好少, 但撈下撈下又撈得晒成碟飯.$24.5 而已. 如果星期二黎食, 晚餐就有炸雞脾飯, 只$22. 下次記住要星期二黎了!

以前食過幾次 , 今日經過又口痕痕入去食炸雞脾 比錢後唔使兩分鐘 , 熱辣辣既炸雞脾已經食得喇 , 真快 雞脾大大隻 , 皮脆肉嫩,好好味 , 食過咁地方既炸雞脾 , 又大隻又好味既 ,只有日月星同埋新星 , 日月星既皮脆d , 新星既肉嫩1d香甜1d熱奶茶味道唔錯 , 有茶味我鐘意 淨炸雞脾 , 小食店已經賣$15而且只係普通水準呢度18$既下午茶 , 真係抵食

我既至愛好好味的飯, 每次想到要食日月星就會想食, 真係可以一試架.. 枝竹火腩同豆腐火腩都妹好味. 食晚餐都唔錯.

睇完咁多好評後去試下啦.....點知好失望.......炸得幾乾身但不至於好好食lor.......又唔係話太入味.....仲有....$14隻雞脾係d咁既鋪頭黎講都唔算平.......總之真係好一般!

日月星d野都算平。。早餐15-25蚊都有大大碗通粉。如果叫冷飲都係17蚊。算平架。唔通有碗魚翅俾你咩。不過地方就唔係好乾淨。味道都ok。我就話早餐抵D。個阿叔服務算係ok。

下午茶一個人來到日月星快餐吃飯點了一個炸雞婢餐..塊三文治好似干佐d,炸雞婢幾好味嘅,唔會太油wor~唔似出面食果d 油淋淋嘅在叫多杯嘢飲,都幾飽肚~

看見大家也在一致推介這裡的雞脾，今天忍不住也去試一下。他們的店鋪有一個叫超值星期套餐，每天都會有幾款的飯作選擇，而且有飲品，只需$22。我點了一個今天星期二的超值套餐炸雞脾飯，連熱飲也只是$22，真是超值！雞脾果然很大隻，很香口，而且很入味，絕對滿分！要是要選香港的雞脾皇，絕對為日月星的雞脾莫屬！

小朋友話可能就快要拆，拆左就會無得試，於是乎山長水遠入去，淨食一件炸脾！炸脾賣14 蚊，唔貴但係咁既位置都唔平！皮脆肉滑有汁，唔會炸到乾晒，雞皮又唔會好肥，最重要係雞肉入味，唔似 KFC，得個皮好味！見到有幾個人食碟頭飯，好似唔錯，餐蛋加件扒，唔會衰得去邊。

一向午餐最鍾意來呢度叫外賣，因為又平又抵又大份又好味﹗佢每日有兩個特餐，廿蚊有飯包野飲，今日係滑蛋牛飯﹗打開個飯盒我也呆了，0的滑蛋呢？好明顯只係得番0的蛋絲0係度，無咩理由咁鬼偷工減料喎﹗牛肉都算腍又滑，不過一0的蛋都無就十分失望，呢次都算係我食咁多次最差的一次了﹗