日常素食 (已結業)

唔係行開黃大仙中心都唔知道，原來開咗間新嘅素食自助餐，而且仲做緊開張優惠，星期六下午自助餐都係$88一個人，下午茶自助餐$68一個人，小童或者長者仲有優惠添，真係超級抵呀雖然佢價錢平民咋，但係都有好多嘢食熱食咗好多齋菜，又有燉湯，仲有好多糕點點心仲有咖喱飯，薑醋蛋呢啲你諗唔到會有嘅嘢，我最鍾意食個生炒骨，酸酸甜甜咁樣，真係以為自己食緊肉有沙律吧，粉皮，甜品果汁，雪糕最吸引嘅係佢個煎炸區，香炸豆腐，炸南瓜炸番薯，全部都好好食呀，佢個炸皮好薄，而且食落一啲都唔油，仲要揸雲吞唔係度度都有得食架，呢度$88自助餐就已經有得任食，出面叫一碟幾舊都要$48啊午餐同下午茶最大嘅分別就係，下午茶係唔會提供楊枝甘露同埋芒果布甸，呢兩款都係餐廳自家製作㗎，識落冇外面甘甜更加健康個薑醋蛋，深得我心，個蛋完全熟晒啲湯汁，味道濃郁呢度係採取自助形式，所以食完之後要將自己嘅碗碟放返去回收車到，另外呢度嘅食物部得好快，尤其係煎炸區啊因為特別受歡迎，差唔多見底就已經即刻補上新嘅另外呢度有提供羅漢果茶，飲落甘甜，就算食完煎炸野都唔會特別唔舒服最後埋單+1都唔使，每人$88

終於嚟到增肥12月，同唔同嘅friend食聖誕大餐、年底或新一年聚舊，餐餐都大魚大肉。講真，有時一大班friend食咩都唔係重要，最重要係見吓面！所以，今次我哋就食得健康啲，嚟到黃大仙嘅日常素食，呢度主打素菜放題，就算大食嘅朋友都會食到飽飽，又唔會有好大罪惡感啦。自助沙律吧區素食又點少得沙律呢？呢度有三色椒、紅腰豆、粟米、雜菜、唔同嘅生果等等，加上醬汁，顏色鮮艷，好清新健康呀！仲有唔少開胃小食，我就最推介酸醋雲耳，好醒胃呀！一口蘿蔔糕自家製嘅蘿蔔糕，煎得好香，而且蘿蔔份量唔少，食到絲絲嘅感覺。而因為條素食關係，當然唔會有臘腸同臘肉，唔會太油膩。天婦羅除咗中式嘅素菜，仲有日式選擇，除咗有壽司，天婦羅係我哋嘅推介。有蕃薯同茄子天婦羅，炸到脆卜卜，好好味。熱盆區熟食有超過20款選擇，店員會不斷更換菜式，最重要當然係唔好浪費。其中推介嘅有咕嚕肉，酸酸甜甜好開胃，而口感同真係幾可亂真。熟食仲有腐竹炆涼瓜、荔芋扣肉、炒菜、豆腐、五柳魚、炒粉、炒飯同點心等等，夠晒豐富。甜品作為一個晚餐，有埋甜品就相當完美。甜品有桂花糕、楊枝甘露等，但最驚喜係素食一向少見嘅雪糕。

過二天是我生日，本想請親朋好友吃素食自助餐聚一聚，就選了這家新裝修環境特別不錯的素食餐廳。但來試菜時，却發現這家素食餐廳也有摆圍頭酒席，而且價格、菜式非常吸引。我想都不想就下訂金訂了二圍。生日當天，二十多位親朋好友陸續到齊。大家座定后東西南北聊了十多分鐘，菜開始陸續上桌。這一瞬間大家都嘩嘩聲，紛紛舉起手機，先給手機吃餐飽。每道菜擺設都非常精致，賣像特別吸引。真的有點不忍心吃了它。大家都還沒吃已先興奮🥰，迫不及待馬上動筷。味道也很不錯，不咸不淡剛剛好。材料都很新鮮。特別值得一提的是他們用名貴藥材(鑽地老鼠)所煲的老火湯，香中常甜，味道很特別。這餐大家都吃得很開心，也為我的生日增添了不少快樂的色彩。多謝日常素食的樓面和廚師❤❤🌹🌹👍👍

2019年12月6日 星期五今日放工之後就同女朋友直接去新蒲崗買野，然後就行到去黃大仙打算食飯行到去黃大仙中心見到呢一間舖頭似係新開張，仲要係食放題我已經有少少興趣見埋傳單發現晚市任食依家做緊優惠都係每人$110，仲免加一添！！於是就拉咗女朋友衝入去食裡面見到有好多坐位，感覺係好大，因為無大型牆身分隔舖位，每張枱之間都有足夠空間俾人行出去拎野食一行出去食物區當然要搵左炸物先，有我既最愛咖哩角、炸茄子天婦羅、椒鹽豆腐等等，大部分都炸得香口，唔會食落成口油。其中幾欣賞炸芋頭同蛋散，熱辣辣又鬆脆左邊果盤原本唔知係乜所以無拎到，點知有廚師咁岩拎野食出嚟介紹話呢啲係素雞肉，加左甜酸醬，既然佢講到咁就試下啦，咬落去真係好似雞肉，有咬口，而中間仲有菇扮係骨頭添，像真度都幾高同場仲有素壽司，中間既材料係蘿蔔、青瓜，酸酸地幾開胃甜品方面有南瓜餅同埋薑汁紅棗糕，都係我至愛，紅棗糕好大嘅薑味，夠晒軀寒，而南瓜餅就好軟身，仲食到裡面有南瓜碎添最後仲有水果同楊枝甘露可以食，水果好清甜可以幫助消化，而楊枝甘露就唔會太過甜，味道岩岩好

原來黃大仙都有素食自助餐環境好開揚，今日係平日，都見到人流不絕晚餐好抵食怪不得咁多人飲品、前菜、沙律、炸物天婦羅、熱葷、糖水、甜品糕點、雪糕都有煎釀三寶好好食煎蘿蔔糕係自家製的，用料好足，每啖都有好多蘿蔔&木耳，口感好軟綿綿右邊係自家製蛋豆腐，我聽到店員極力推介，咁我都唔執輸口感好滑、好軟彈仲有薑醋食添，質地比較稀，無平時食開豬腳薑既咁黏，不過味道都好香特別欣賞舊薑，完全無渣食完主菜要食甜品喇楊枝甘露好香芒果味個薑汁糕一定要食呀，係我最鍾意既煙煙韌韌口感反而個南瓜餅就麻麻地，有啲硬呢個豆腐雪糕好得，豆腐味好濃，好彩特登留肚食雪糕，足足食左2 round

今天休假，陪陪家人到黃大仙參神，再到黃大仙中心北館的"日常素食"午餐放題，星期一至星期五，每位$88，很便宜呢~餐廳位於二樓商場，地方很開揚舒服。 平時很少食素，今天發現原來款式可以這樣豐富的！沙律吧多款新鮮蔬菜自由配搭，顏色鮮艷，整潔衛生。日式壽司和多款自家製點心，有綠茶餅，春卷，蘿蔔糕，素咕嚕肉……等。味道出色！酥化脆蛋散，很香口！熱葷款式多樣化……自家製加入蔬菜的豆腐充滿豆香，口感特別！甜品不少款式，其中這些QQ的很有口感，甜度適中！湯水多款，其中有五寶素羹，味道很不錯，有木耳絲，腐皮，冬菇絲等。口感清爽！也有羗醋蛋夠入味！款款品嚐一下美味又滿足！最愛自家製的一口蘿蔔糕，鮮甜，蘿蔔絲份量剛剛好，每件都煎得金脆軟綿，真難忘滋味！楊枝甘露，蕃薯糖水 滋潤又潤喉，想不到素食也令我有這麽大的滿足感！很不錯的素食放題！

同爸爸媽媽嚟到黃大仙食齋菜， 他們最喜歡食齋菜。餐廳很大，侍應招呼我們坐喺梳化凳，她說比較舒服，服務一流。湯有老黃瓜湯五寶素羹，試左五寶素羹。再來就食頭盤啊，頭盤有車厘茄，青瓜，木耳，泡菜等，推薦木耳，酸辣酸辣。芋頭南瓜芋頭好新鮮，加埋南瓜，有少少creamy，好味。 咖喱薯仔咖喱薯仔煮咗好耐， 很軟， 咖喱味很入味。咕嚕肉用菇煮成的咕嚕肉，加上菠蘿🍍青椒紅椒，似食緊真嘅咕嚕肉。翠玉瓜菇翠玉瓜很爽口另外仲有很多熟食，有蘿蔔糕，炸咖喱角，春卷，矮瓜🍆，炸芋頭，炸豆腐，上湯津白，等。另外如果想要澱粉質，就有壽司，炒面同埋糯米飯。食完主菜後仲有甜品，甜品很多種類有綠茶糕， 茶味很香；仲試左薑汁紅棗糕，薑味有少少蓋過紅棗味；仲有楊枝甘露，涼粉。如果唔想食甜品仲有水果可以選擇。值得一讚係不斷唔會出新菜。

星期五放假，約左爸爸媽媽飲下午茶，倆老建議去黃大仙中心北館頂樓食齋「 日常素食」，話下午茶好抵食。全日供應的食品都差不多，所以下午茶時段2：30開始，就最抵食。小童/長者$48,大人$68.免收加一, 三歲以下免費。不設嬰兒椅。未夠2：15已經有十幾個公公婆婆排緊隊，店內座位乾淨整齊。任食75分鐘，比賽開始。。第一回： 炸物，熱食炸南瓜餅不錯， 咖喱角不油。炒飯乾身，烏冬有口感。豆豆無根無絲。咖喱薯仔唔太辣，好入味。可惜苦瓜無出水，好重臭青味。烏梅汁微微酸，五寶羹有口感質感，飲左兩碗。第二回：唔知係咪第一回已經有點飽，今回唔係太好食，除左腐皮卷。豆腐粒好乾好硬。壽司超級凍。秋葵爽口，芋頭魚好粉入口即粉，粉左。最終回：甜點紅豆椰汁糕好滑， 但就唔係件件有紅豆。桂花糕好清新，唔太甜。雜糧粒？好味。南瓜糕個面十分硬，個底就軟少少， 個蒸爐唔係好夠力。沙律吧多選擇。

黃大仙北館新開了一間素食餐廳，約左吃素的姐姐去試試😁餐廳內整齊企理，而且款式和種類都很多！新鮮的咕嚕肉，脆卜卜！ 口感與真的咕嚕肉很相似，有一絲一絲的感覺這裡的炸物非常高質！我取了炸蕃薯、炸茄子和春卷炸物不油膩，而家香脆可口！豉椒三寶釀的‘魚肉’ 口感也是與真魚肉很接近！很適合初初轉素食的人士！😇冷盤有拍青瓜，酸辣雲耳，泡菜等等酸味十足，非常開胃！而且冷盤很多選擇，還有西式沙律菜這間素食餐廳食物質素高 而且價錢合理！所以一定會再來光顧👍🏻

最近喜歡素食發現市面上都有幾多唔同嘅素食自助餐暫時最鍾意嘅就係依間黃大仙嘅：日常素食一個星期食咗兩晚😌😌除咗自助餐之外佢哋仲有做一啲圍餐不過就要訂，睇落都幾吸引👍🏼冷盤 前菜 選擇幾多基本蔬菜、豆或者係一d 撈好左，酸酸辣辣既木耳、青瓜、泡菜等等，乾淨企理，又好味😋熱葷選擇都非常多！有一啲菜式，食晒之後，佢係會換另外一啲新菜式！ 所以食極都有新野！ 拎咗一兩次嘢食之後都唔會覺得悶😌😌呢樣野係其他自助餐比唔上既！試咗佢哋嘅咕嚕肉，係用猴頭菇做嘅。猴頭菇味都幾出，咬落口感幾得意，啲汁酸酸甜甜，配埋菠蘿一齊食，唔錯唔錯😋我最鍾意同食到停唔到口嘅係佢哋嘅自製蘿蔔糕同埋自製豆腐🔥🔥🔥🔥蘿蔔糕好好味，夠晒香！細細粒，外面煎得脆脆地，正🤤🤤至於佢哋嘅自製豆腐係用咗豆漿整好似食緊雞蛋咁 必試！ 炸物方面我覺得炸素蝦幾好食。食落真係幾彈牙，炸粉唔會太厚脆卜卜 暖粒粒👍🏼👍🏼細細粒既豆腐粒我都好鍾意❤️外脆內軟小小鹹鹹地，味道調得幾好飲品方面佢哋嘅雪梨水 好清甜甜得黎好自然值得一試😌😌

1.<個半小時任食高質素食>呢間日常素食 喺黃大仙 .喺商場入面 環境舒服 食店有預訂既一圍齋菜同素食放題 最貴既晚餐時段都係110 蚊冇加一 十分抵食 👍🏻🌿2. 食物好多款 炸物特別出色 . 春卷 咖喱角 炸菇 茄子等等 主要都係用苣蒻做 整得好似 炸豆腐好香脆 入面軟滑 最出色係叉燒 🐷做得特別似 叉燒 醬汁都燒得好香 而腐皮卷都一樣有口感 入面既木耳 菇絲 冬菇絲都落足料夠哂新鮮👍🏻3.齋魚餅做得好彈牙🐟 南瓜餅煙靭 帶 d少甜🎃 我幾鍾意佢個千層蛋餅 好似蛋質感 但其實係豆腐皮整成🥚此外 各種菜 好似苦瓜 翠肉瓜 芽菜等等都夠新鮮 而佢個咕嚕肉真係做得幾似🐽當然唔會好似大排檔甘有鑊氣 但個口感似家常菜既咕嚕肉👍🏻4.甜品都整得出色 桂花糕夠香🌸 綠豆沙幾軟林 海帶夠足料 椰汁糕夠香甜 🥥普遍 d糕點都十分唔錯#椰汁糕 #齋 #放題 #素食 #叉燒 Score 平均分 <7.4/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻

越來越多新開的素食，而最近發現喺黃大仙北館發現到有一間新開叫做日常素食，係自助餐形式，於是就約埋媽媽去撐枱腳。今次我地嚟到日常素食係食自助晚餐，餐廳地方光猛，座位闊落，感覺幾舒服。職員安排好坐位比我同媽媽後，我地就出去睇吓有咩好野食。先兜咗一個圈，排列都有少少似酒店嘅自助餐咁有分區域，包括有沙律吧、前菜、煎炸嘅香口食物、熟食區、餐湯、粥粉麵飯、糖水、甜品，種類都算多，而且換款都換得幾密。計埋換咗嘅款式，都有三十幾款，以素食自助餐來說，款式都算幾多。令我食完再食嘅熟食菜式係素式咕嚕肉，酸酸甜甜好開胃，另外仲有蘿蔔糕，；另外甜品嘅椰汁紅豆糕都好好味唔會太甜，仲有桂花糕嘅桂花清香，我同媽媽都好鍾意。最緊要係而家新張期間晚餐有8折，抵食

都有一陣子沒有外出用餐了，今晚朋友相約一起去食自助素食，這家自助素食位於黃大仙北館，新開不久，感覺清潔布置簡潔明亮，空間闊落座位舒服，由於區內老人家較多，聽店員說老板特意小放一張檯，好讓座位寬闊有足夠空間拿取食物，心思細膩照顧入微我欣賞。👍這裡食物頗多選擇，頭盤小食沙律、熱盆冷盤炸物，湯品糖水樣樣俱備。我先來個頭盤品嘗一下，當中是自助沙律吧區的爽甜三色椒，補腰紅腰豆，粟米同雜菜沙律，仲有微酸醋雲耳必食爽口醒胃及麻辣青瓜。飲品方面都有好幾款選擇，冷熱俱備我正氣小小來一杯羅漢果水，味濃甘甜可口有益。😁到熱盆區了今次我取了咕嚕肉，咬落是蓮藕比較坊間採用猴頭菇的更有質感，腐竹炆涼瓜，荔芋扣肉，粉嫩軟綿綿非常入味，茄子豆腐，蓮藕南瓜萵筍，五柳魚聽聞是廚師自家秘製配方要認真品嘗，是豆腐素肉加入五柳絲，感覺不錯果真代表作👍必食。鎮江一口骨，蜜欖素叉燒這個同樣是必食😋，入口甜蜜焦香比美真半肥瘦叉燒，香脆雜豆炒飯，椒鹽炸豆腐，咖喱薯仔入味香濃咖哩汁越食越惹味。五寶素羹有水準，加點香醋更能提升味道。甜品方面都有拾餘款選擇，紅豆椰汁糕、桂花糕及都是必食推介的廚師手功製造南瓜餅，軟糯味清甜。食多球芒果雪糕，這

這間餐廳共分三段時間午餐/下午茶/晚餐。職員告知菜式會有少許分別。今次同長者(優惠價$48)，成人$68。有飯，炒麵，素菜，沙律吧，中式糕點，甜點，湯，炸物(值得一讚無乜油益味，很好~推介炸茄子，腐皮卷)。驚喜地有雪糕(牌寫豆腐味但似vanilla/coco咪)。下午茶時段不接受訂位，2：30開始在門外排隊，限食75分鐘。

其實都幾鍾意食素食自助餐，但食嚟食去都係主流比較出名果幾間。而銅鑼灣有一比較特別嘅，但係做唔住上幾個星期已經結業。黃大仙素食餐廳寥寥可數，最近得知開咗間自助餐一向都冇時間食飯嘅我親家日走落嚟試試。開頭睇相見到咁空虛都抱着沒有大期望嘅心情去試，點知原來入邊係咁精彩。所有菜式都好精緻味道算係唔錯，最欣賞係有好多唔同嘅甜品，因為製作甜品其實好考功夫，唔多餐廳會用心放喺呢一個部份，一路食一路有新嘅菜式亦都好令人驚訝。廚房不斷送上一啲實驗嘅菜式唔知係咪因為新開張。價錢合理食物超高質但可能地點問題冇乜客希望日後可以做得住。