日山 (海運大廈)

营业中

休息中

每次經過呢間餐廳都比佢既門口吸引住，好想入去試下😍不過之前一直都冇咁既機會😅竟然今日終於可以入去食返餐，真係好驚喜😍😍😍佢個門口真係好靚，入到去要先經過一條兩邊擺曬竹葉既走廊，入到去非常光猛，配合埋佢嗰種日系既設計，環境真係一流😍😍入到去先知到原來另一半超細心特登book左個海景位，不過張枱既擺法就有啲奇怪😂兩個人平排坐對住個海食野😂我估應該係因為餐廳係疫情既policy要放少啲枱先會咁擺，正常應該唔會咁座😂雖然有啲奇怪，不過全程都可以望住個海食野都真係幾享受😍雖然嗰條欄杆有啲礙眼😂午餐相對晚餐比較抵食，雖然午市套餐都有佢既招牌菜壽喜燒食，不過都唔算平，寧願留返夜晚再黎先食🙈我地一人叫左一個餐，我叫左個銀鱈魚西京燒，另一半就叫左個燒汁燉和牛😛套餐包前菜，茶碗蒸，湯同甜品，都算幾多野食。首先黎左個前菜，係梅子蕃茄果凍，炸豆腐餅同茶碗蒸。梅子蕃茄果凍食落好清甜好開胃，估唔到呢個配搭會咁夾😍豆腐餅雖然係炸，但系佢個汁可以做到一啲油都冇，真系要佩服日本菜既精緻度可以做到幾犀利😂茶碗蒸加左蟹肉一齊，好甜好滑，真係冇得彈😍到上主菜，侍應特別強調米飯係日本既越光米，食落真係好香😍剩係用漬物送飯都可以

提早預訂兩星期 終於試到有日本嚟嘅壽喜燒 午餐四人 叫咗二人壽喜燒五餐 魚生飯定食 同埋日本和牛扒定食壽喜燒係好食既 但唔係好似日本咁有人係你面前整俾你食 佢只係拎兩塊牛俾你望下影下相 然後就拎去煮 有點令人失望其他野食正常 冇驚喜整身諗住再試吓佢既晚飯 但今日赫然發現佢地晚食價錢每個足足加左200蚊 同3月頭比差不多加左三成 太過份了 所以最後決定都係唔幫襯住啦 未去到咁想食同咁好食既程度囉

早在兩個星期前已經預訂好！比預期好味，可能因為無得去日本的關係啦⋯⋯不過overall都值9分（10分滿分）尤其是服務態度，非常之細心及有親切。值得欣賞及讚賞！食物質素都好好，價錢方面都唔貴！當然，因人而異！如果想食，可以選擇中午前來。因為lunch set價錢比較相宜，質素都可以保持。魚生飯及壽喜燒非常好味。如果疫情過後，一班人一齊飯局都係我不異之選！

之前book過幾次都book唔到，終於有機會可以試到。一入去嘅時候係一個竹林巷子，感覺唔錯好靚。叫咗個A5和牛溫泉蛋飯，有前菜小食，味道都唔錯，不過去到主食就好一般。唔係好值呢個價錢，應該都唔會再返嚟

因喜慶節日，肺炎都出嚟揀一間比較高質嘅日本食店，比預期想像中一般。尤其係個帶子，如果新鮮的話，食落嚟會一梳梳嘅感覺，但係佢似食緊一個普通有味嘅豆腐甘。仲有個湯好鹹。燒肥牛都落蛋漿度，好似以前我細細個我打邊爐咁， 滑就梗係夠滑！但係真係冇乜驚喜！我 寧願 就咁燒出嚟畀我食！服務一流！環境一流！ 食物水準一般 ！價錢頗貴！

記得店舖新張初期，晚飯訂枱至少要三星期。又適逢自己生日月，碰碰運氣，透過網上訂座，十日前就能落實訂位。進入食店後，先要經過「小竹林」才到飯廳。以木系設計，有如置身園林。可能因為訂座關係，能夠坐窗邊，順道欣賞夜景。在疫情期間，這兒都尚算有點人氣，有七成客滿。量體溫、酒精搓手便安坐。與閨密幾經商量，最後決定「松」御膳。女人就是貪吃，御膳內容涵蓋範圍廣泛，一次過大滿足！可惜，凍稻庭烏冬忘了拍照。凍湯汁有別於慣常用的鰹魚汁，這次是有茶味，加入青檸汁後，湯汁真的有驚喜。

環境優美寧靜，望向維多利亞海景，享受美食美景和氣氛。店員十分有禮貌而且主動介紹餐牌，整個用餐環境十分舒服。食物完全沒有失望，老公同我都好鍾意。Menu 有幾個set,我地揀左「松」呢個set,由前菜到甜品都完全無失望，仲有驚喜。和牛春卷好特別又好味對於我黎講係好新鮮既菜式，用炸蓮藕片同蕃薯片，裝住啲生和牛一齊食，味道一流。生和牛先經調味，有蒜香，再拌上生鵪鶉蛋，香味一流，加上有啲黏黏的口感，連埋脆脆既炸蕃薯片同蓮藕片一齊食，好特別。非常新鮮嘅刺身，蝦刺身非常鮮味，個人最欣賞香煎帶子，加塊葉其實係入面包住左酒釀鮑魚。香煎帶子非常好食，內裏有點生，所以一啖咬下去，有牛油嘅香味加上軟林既口感，係味覺既享受。而鮑魚亦是新鮮之作。主打上場啦，食之前要影返張相先由職員幫手煮既壽喜燒，第一塊和牛會正常煮熟，附上蛋漿，醮黎食，好食到不得了。和牛又香，加上香滑既蛋漿配合，入口即溶又齒頰留香。之後配上白飯黎延續這和牛既美味。而第二塊會比第一塊煮得生啲，和牛更加入口即溶，好食到爆燈。其實除咗白飯，仲有和牛烏冬供選擇。食完咁好食既主菜，就到甜品清酒做既甜品，老公話好食，不過我無試。我揀左流心綠茶批加紅豆雪糕，

知道東京米芝蓮一星hiyama日山壽喜燒黎左香港，平時都成日係LCX食飯，今次決定同朋友試吓呢間sukiyakimenu有三款，應該是488,688,988。我哋考慮咗一陣，比較貪心，四個女仔都一齊揀咗最貴嘅$988 set!首先嚟嘅係前菜，牛，蝦，啫喱味道一般般。牛肉他他，同隻蛋撈埋一齊食幾好味但唔算非常特別刺身，拖羅比較好，另外兩款刺身麻麻哋不能太高期望。帶子，正正常常。重頭戲，本身waiter同我哋講今日係肉眼，但佢俾咗西冷我哋，然後解釋返今日其實係西冷。anyway，吾緊要，比我想像中一般，沒有入口即溶嘅感覺。甜品，幾好味既，不過一般嘅甜品都唔會太難食。環境的確係幾靚嘅，不過我哋今次都唔係坐窗邊嘅位置，如果有得坐窗邊嘅位置更好。食物來講唔係差，但是覺得一般般，始終成餐飯都過千蚊，整體感覺只是普通而已，不會有特別想再來嘅感覺，但係不是反感。

較早時和朋友逛LCX時，已被HIYAMA日山的裝潢吸引，但餐廳要先預訂才可用餐，想來吃的朋友要留意啊後來在網上才知道，這間店來頭不少！不僅在日本歷史悠久，於1912年開店，後來更提供傳統壽喜燒和涮涮鍋，近年更連續9年奪米芝蓮一星於是一直想來試試，適逢疫情肆虐，和友人Home office也正困得郁悶，便相約吃一餐好輕鬆下一入餐廳就是這條長竹林走廊，進來的時候還有薄薄的煙霧，有進了另一個空間的感覺待應安排了我們到近窗位置，看著海景享受美食，實在讓人心曠神怡。和友人各點了一個午餐，頭盤有茶碗蒸（蟹肉汁配蒸蛋）、小菜及蕃茄啫喱，比較驚喜是冷盤，用料都是非常新鮮！這是我點了日式燒汁燴A5和牛，牛肉很嫩而且汁的味道燴得入味，整體不過不失，沒有很大驚喜。這是朋友點的北海道海膽雜錦魚生飯，朋友表示用料十分新鮮是日甜品是柚子雪芭，很驚喜！超Fresh，為這餐劃上完美句號

[🇭🇰香港- 尖沙咀].🔻香港新開壽喜燒店,總店係日本連續十幾年都係米芝蓮一星餐廳,但我就未係日本食過,所以冇得比較;晚餐有3個唔同嘅套餐,揀咗”竹”,前菜都已經用日山和牛炮製,再黎3件黑毛和牛壽司,之後就係今晚嘅重頭戲-壽喜燒,每人有2塊A5黑毛和牛西冷,店員會幫你燒埋,和牛夠嫩,但就未去到會入口即溶嘅級數同我覺得有少少overcook,要讚嘅係個甜甜地嘅醬汁鹹度啱啱好,點埋蛋漿,再連埋日本米一齊食,係幾正嘅!.🔻🍽 日山📌 地址: 尖沙咀廣東道3-27號海港城海運大廈3樓OTE302號舖.

雖然日山唔係平，但係自從兩星期前嚟過日山食之後，就一直對呢間餐廳念念不忘，所以今日又再一次嚟到日山。今次閒日食，所以好好彩咁早一至兩個星期喺openrice度訂位都訂到中午。店內裝潢設計都比人好舒服嘅感覺，木系design就係簡而美。無特別request過，不過今次店員亦都有留到海景位比我地。11月開店都以嚟，聽店員講今次係第一次轉Lunch menu。雖然多咗個限定十份嘅魚生飯，但我就麻麻地魚生飯，都係覺得舊menu係吸引過新Menu。本身一心諗住嚟試吓佢地嘅和牛牛𦟌濃湯稻庭烏龍，而家睇怕都要等晚市先至有機會試到啦。前菜嘅話就定咗係以下呢幾款：首先，一如既往，蒸物方面有茶碗蒸。感覺佢地咗啲高湯入去、再加啲蟹絲喺面頭咁樣。成個茶碗蒸好滑溜，味道不俗，滿分之後，仲有呢個新轉嘅味噌南瓜，南瓜好普通，味噌感覺係格硬令到個南瓜有味咁，唔係好明點解日山會將前菜轉做呢個有保留到落嚟嘅仲有呢個梅酒蕃茄，呢個真係好清甜好美味，酸酸地又幾清甜咁，食幾多都唔會夠！呢個嘅和牛係幾林身嘅，都幾好送飯！但係個燴汁就感覺普通。好食，但下次會想試吓其他嘢！之後仲有呢個銀鱈魚西京燒！由於未食過嘅關係，所以都有小小期待

友人係日本愛好者 發現日山於海港城登陸 就即刻相約我一起試一試今日我們於午膳時間來到入到餐廳 先會經過煙霧離漫的竹林然後才能入座我們選擇了$438壽喜燒A5黑毛和牛西冷2片及野菜盛套餐配有小菜 前菜 蒸物及漬物外型精美 味道可口A5黑毛和牛西冷 油脂分布均勻 令人垂涎欲滴而且會有專人烹煮 完全不用自己動手與生蛋伴吃 入口即溶 整個味蕾都充滿和牛油脂及肉香 並配有栗子飯 絕對是畫龍點睛中午時段看着海 又能感受到太陽微溫 同時享受這個壽喜燒午餐絕對是愉快的中午

特別日子。梗係要食好啲啦。諗住。仲要好難book位。預早好多訂位不過我早到佢唔比我入。不過其實係有枱因為佢地有分唔同時段。間舖門口好靚佈置得好好。好有日本feel。入邊都好整齊。好有格調。但真係估唔到咁細。我諗20張枱都冇。好好佢安排左個窗口位比我。方向係唔錯。但景色比D欄杆遮遮地。建議上商場樓上平台影相超靚。佢有幾個唔同嘅menu全部都已經set好曬 今次揀咗個中價嘅。其實都算貴前菜~冷盤3小碟。都唔知食左D咩。有舊牛根 啫喱。超難食小食~和牛壽司3件。呢個反而幾ok。不過唔算好有驚喜。仲有個豚肉蘆筍。普通到唔普通主菜~ 和牛sukiyaki。加埋蛋漿真係非常之好味 但係做唔到入口即溶同埋好感動嘅感覺主食~凍/熱 烏冬。乜料都冇淨係得個烏冬。個湯好清。烏冬都算彈牙。但真係好普通甜品~紅豆雪糕+流心綠茶鐽環境：成個環境都好靚。服務都好好喎後仲有特別請咗個日本人過嚟煮和牛添食物：其實都唔係差。但咁嘅價錢。係有啲失望嘅總括：性價比極低。但無論環境服務都一流。不過我覺得唔值。唔會有下次

終於可以一嘗人氣米芝蓮日山壽喜燒，由於早一日打算訂座，發現已經full booking，唯有早小小去walk in當日6點左右就到，由於晚上訂枱人數眾多，所以只能夠食到8點，都夠時間晚市套餐有3款，由價錢最貴既松、中位價既竹同最平既梅今次我地就揀左$688既竹每次上菜店員都會用心講解食法同介紹菜式，服務一流前菜包括和牛筋凍煮配蜜糖芥末醬，日式蟹肉玉子燒配辣蘿蔔蓉同和牛紫蘇葉春卷第一次食牛筋凍煮，呈啫喱狀帶有淡淡肉香，口感獨特另外，和牛春卷既香脆又冇油膩既感覺A5黑毛和牛壽司三點盛，有北海道海膽、酸汁辣蘿蔔配火炙和牛和醬油漬三文魚籽三樣之中個人係火炙和牛，燒完之後牛味更重，加上辣蘿蔔沖繩黑毛豚肉溫野菜白煮豚肉配上大葱露荀，鮮甜而不膩A5日山黑毛和牛油花分佈平均有專人為你炮製壽喜燒煎至半熟既和牛沾上蛋汁，入口更滑溜和牛伴以甘甜既醬汁，和牛既濃郁油香，配搭時令蔬菜既鮮甜和牛湯稻庭烏東，滑溜溜架但個湯好似奶粉味，哈哈抹茶流心撻配紅豆雪糕

如今時事下，還是不容易立即訂到座位，難得當日晚餐時竟座無虛席，但座位佈局設計很有問題，導致間距很小，顯得頗為擁擠。相比隔壁的paper moon，環境相當一般。套餐有三種選擇，當日688和988壽喜鍋一樣是A5和牛，而且988有牡丹蝦刺身我不喜歡，所以選了688的套餐，跟店員商量把套餐的飯升級為國產和牛海膽飯，我覺得這樣能嘗試到所有特色。被朋友稱讚是精明的消費者做得相對比較好的一點是上每一道菜的時候都會有店員講解，店員也非常和善，日本的日山是米芝蓮一星，希望香港店可以做得更好。用餐那天是驚蟄，這是一個喚醒萬物的節氣，祈望驚蟄過後，萬物甦醒，疫情可以逐漸消退。