日之食放題館 (已結業)

魚生不新鮮﹑服務態奇差...未夠鐘就趕人走.....總之....以後都一定唔會來!!

幫襯過2次，一次比一次失望，因為冇乜選擇，又一早book，兼諗住有波睇，先至呢度食。店員態度好差，成日催你食晒面食物，慌死你會浪費咁，即使碟上只剩下少許東西，也不肯替你拿走碟子，面上鋪滿東西亦如是；要他們拿食物紙，更加要三催四請；自己走去添熱茶，又話你做乜自己倒，大佬呀，你有人幫我先得架？跟住應承拎壺熱茶，又冇件事；到埋單時，都未夠兩個鐘，店員就自己急住拎張單叫你埋，但當時又冇人等位，附近又有空，咁急住收錢做乜呢？至於食物質素，魚生切得太厚喇，搞到好似食肥豬肉咁，又得個凍字，食落就知唔新鮮，手卷同壽司亦唔好味，又硬又乾，自己整都好食過佢十倍。最慘係炸物，炸到又硬又冇味，而串燒亦燒得太過火，令肉類冇晒水份，汁又太甜，劣！仲有，本來上係諗住睇波兼食飯，但上到來食飯，先知當晚冇波睇，店員又唔通知，唔問都唔話比你知。如果你又冇波睇、食物又差、態度又差，我仲有乜理由光顧你呢？唉，真係超失望，發誓以後都唔會幫襯呢一間垃圾食肆！

上星期与男友途經此店便試試,点知令我們吃到最難吃嘅日本嘢,D魚生厚到好似食緊豬肉咁,一D都唔新鮮,D小食就更加難食,完全唔得,所謂嘅"軟殼蟹手卷",話要等15分鈡,仲以為ok,但實在難食到食完一啖便唔想再食.....食物質數極劣.....

寫依個食評之前，見到其他人的食評，發覺完全兩回事。琴日(14/01/2007 星期日)同朋友(合共3人)第一次去食(之前未睇食評)，入到去已經係10:30pm，一坐低就有個應該係老細(大廚)來問我們知唔知收費，正所謂先小人後君子，我覺得幾好，入到去果時，人唔多，加埋我地只4~5台客(後來慢慢多人)，我班朋友選左$128(食物，汽水，刺生任食)，唔知係唔係我地落單密，所以D食物成日都擺到成枱滿晒，食左1個鐘左右，我都左差唔多，D食物都幾好食，可以一試。

除夕夜個晚,諗住食番d好野啦~咪同男朋友去左日之食到食呀~我地都己經訂左枱,上到去,就有個類似大廚既人,同我地講$168,任食"2個鐘"另送刺身..下..平時都只不過係$108呀~錢都唔係問題既~因為係男朋友請既~>.<~坐到去,我地就即刻點野食啦~等左一陣間,就送左碟刺身呀~仲送俾d海膽呀~但..好似食緊冰咁呀~點知..我地食食下就..有個哥哥叫我地埋單.下..我就諗點解咁快既~但男朋友都有問個個哥哥架~但佢好似扮聽唔到咁呀~我地就為有碌卡囉~我地又繼續食啦~到左我男朋友去洗手間個陣~個個大廚就同我講"小姐,你地已經夠鐘啦"下...有冇搞錯~我就..繼續see tv,到左男朋友出黎個陣我就同佢講"人地話我地夠鐘喎"真係有冇搞錯呀~我地只不過係坐左十分鐘呀~佢地係唔係有問題架~跟住,有個女仔就走埋黎同我地講要執野呀~男朋友終於發火啦~就同佢講我地只不過坐左十分鐘呀~我地係唔會走呀~於是,個女仔就同個個大廚講"人地坐左十分鐘"我地就bear 住個個大廚,佢就再睇清楚先知道,原來係佢既錯~睇錯左枱號~真係有冇搞錯~連坐係我地旁邊個兩張枱既人都同佢講"人地都只係坐左十分鐘",

我們一坐下就向職員表示只選$108(任食+任飲，不包刺身)，接著立刻有個無穿制服之肥胖男子走過來說：「你地食壽司一定要食埋d飯」，即是什麼意思呢？難道要我們承諾食飯先可以選這個餐。雖然有多款食物選擇，但在兩小時任食內，根本無將客人落單之食物送上。其實食開同類任食都明白食物一定不會全數送上，但及後無論你落多少單，都只是象徵式送上幾款，我們留意到那個肥胖男子長時間站在放單位置，不時抽起客人所落的單（大家明咩事啦）。接著個肥胖男子又走來問我們是否食得下所點的壽司(當時離完結時間15分鐘，但張單是1小時前落的！)同時，在旁的有3位食$128plan (包刺身任食)都不斷投訴，指刺身只來了兩碟，就算再落單都沒有送上。

想食正宗垃圾buffef,一定要去,冇冷氣,冇服務,冇員工,氣水都係冇氣ar,我好有信心講,d食物包凍,唔嘔唔收錢,叫10樣野食,黎3樣,叫d野食一定唔齊,問經理,佢就死去玩沙,一路睇單,當你傻ar,一句講曬,$128食垃圾,ok的

星期六晚同男朋友去食,去到既時候8:00,等左成半個鐘先入到去,入到去,d位好窄,可能係我本身勁肥啦,因為我地係坐卡位,行入去個位都勁辛苦law,好似要貼住人地塊先行到入去.坐低左就即刻叫野食,叫左好多,但係黎得好慢,個sushi等左成個鐘先黎,d小食都幾好食,豚角煮,日本年糕,牛油粟米都唔錯,特別係個蕃茄豬骨火wor好好味,d肉都算新鮮,不過黎左個貝殼類食物,上面只係一舊冰咁既野,完全唔敢食佢.仲有個螺肉的小食都係一舊冰黎.仲要係10:15佢同我地講已經係last order,做話"我地做埋今次就唔再做(即係幫我地落單).不過,男朋友話為左個蕃茄豬骨火wor會再番黎.不過俾錢既時候,個waitress俾張單我地$288,我地味話我地無食刺身,佢就改番張單,整體上d侍應既態度都ok,只係有個唔知係唔係老細既男人態度頗差.

我上個sat去左..我覺得ok!冷氣大...d order好快...幾分鐘就黎,都好多人,好多野食....d野幾新鮮....d炸野唔會太油..

所有野都好差.... so bad that I haven't seen the post here first... agreed to all the comments below....未食之前巳經feel到唔係好點...touch the bowl... very oily.... 用茶去洗... 一層油係面...落火單十樣野...等左半個鐘先話漏單，叫佢加水，　加左1cm咁多(見圖,已加水)..再落又等左半個鐘，湯當然巳經乾晒...野又黎得一半...叫炸野, 又等半個鐘先黎一半....但係好唔點...(見圖)叫日本小食...黎個野完全唔知係乜, 個樣完全唔對板...大拿拿百幾銀...食完好係無食一樣(因為食唔落..)

果日星期2我同個frd就book左nite time 9:15 去食啦,上到去,佢點我地要唔要食sashimi啦,咁我心諗唔比都比左98蚊出黎啦,無理由唔加多小小$食埋個sashimi架嘛,咪諗住回本lor一次最多only可以叫8件,咁果一下我諗8件既話,叫返4-5次都回本啦....點知一黎到,一件既size得我手指公一節既大細lor(可能再細小小),咁都唔緊要啦,多d黎,密d手jei...點知最正就係d吞拿魚一食入口有d雪霜lor....=.=大佬呀,我都唔其望有幾fresh啦,但都唔係有雪霜掛老細..真係o哂咀咁咪叫d天婦羅食law,諗住無炸野無死掛,度度都差唔多jei,點知呢間野唔係差唔多,係差好多,您食落口,only食到食口都係油,d野又一patpat咁=.='我係果一個moment就知道原來自己係比人呃左黎呢度比左百幾蚊,食到好似食米田共咁樣

服務超差超冇禮貎待應又不足夠Order d 野又慢衞生更加麻麻冷氣又唔夠

14/07去左旺角,諗住同bf去食日本放題,於是選擇左係飛達商業中心3/F既"日之食",當時9:30左右,上到去大概半數客人,一坐低,D待應一D唔埋我地,茶又無,介紹又無招呼又無,印象已降低一半,點知叫埋食物仲差,壽司細件不在話下,其他炸物,熱食,間直不堪入目,又多油,真係食到嘔,埋單仲要加一,呢餐食左等於無食,對於我黎講,一定入黑名單,無下次.....

1) 上次跟同事們(十一人) 只加了廿蚊吃sashimi，沒有加$6 任飲，環境已經很擠迫，而餐廳竟然將角落area 的冷氣關掉！火鍋令大家熱上加熱，而一小時之後另一家人來到，由於他們加了$26 要SASHIMI 和飲品，空氣才得以重開，從未遇上這麼小氣的餐廳。2) 服務態度極差，根本在受氣!!! 落單時叫天不應，叫地不聞，又不肯加水，我們自行跟隔離空檯轉水時，經理又機靈地立即跑來「教訓」我們????!!!3) 明明是兩小時，差不多個半鐘開始，經理一次又一次要我們結脤及離開，但很多食品根本沒有來到，我們聲稱還有半小時，以及詳述那些食物未到時，來的一客蟹子壽司是倒塌下來的，經理雖說抱歉，但再來一客的時候卻叫我們「小心ｄ」，然後又在門口跟等位的客人，對著我們指指點點。4) 今時今日咁o既服務態度仲要加一

有一次在雜誌上看見$98 火煱 + 日式美食任食, 以為好好, 所以一試, 上去才知食刺身+ $20, 算, 返正都坐底了, 但刺身無論你寫幾多佢都係出一人一件的份量, 仲要每次要等大約半小時才到, 如果你想食刺身, 一定不能回本, 我們食左兩小時都係食左每人唔夠十件, 騙人>.<最差的就係見到個老闆口黑面黑, 隔離枱的人向老闆吹單, 個老闆帶有黑x會口敏話: 我地一定無錯既, 你地係入呢D, 無其他單喇。嘩, 洗唔洗兇人呀, Service 完全係0 分, 我心想, 你check 都未check 就話自已一定無錯, 你真係. . 惦, 我無話可說, 朋友話以後都唔會來, 食物都唔好食, 又等得耐, 無Service, 如大家想俾人騙下就可以去試試。