方姐湛江雞 (已結業)

好多人都知元朗有多美食不過就比較少傳統既中菜今日經朋友介紹，就黎食呢間方姐湛江雞湛江雞我係大陸食過一次，而香港真係幾乜機會食到老闆話呢d係大扇雞，係廣東既三大名雞，肉質更嫩，放落滾水浸完，然後又要放落冰水浸，所以食落會皮爽肉香我地仲睇住即場斬雞，職員好快手就斬好半隻雞，而佢地自製既沙薑豉油同雞既味道非常配合，呢隻雞好好味~另外叫左花旗蔘竹絲雞燉湯，燉得好入味，，無味精，而且好足料，又唔貴，同埋都幾健康最後食左個馬友魚餅蒸飯，蒸得好香，條馬友啖啖肉，令我非常開胃，同埋都抵食！價錢好合理，同埋餐廳職員好傾 好有人情味，值得翻尋味！

平時返工冇機會返屋企食飯，今日心血來潮想飲老火湯，不知去邊到飲。朋友便我黎到元朗新開呢間方姐湛江雞，話呢度既湯有家的味道，可以令舌頭懷孕，媲美汪啊姐。來到門口，望落同普通茶餐廳裝修差不多，我實在好懷疑朋友係咪係度吹水。（當然，後尾先知內有乾坤。果然外表越普通，內裏越不簡單！）餐廳內部光猛整潔。一坐低，經理就過黎推介我地佢地既招牌：大扇雞、老火湯。正中下懷，當然即刻逼朋友一齊點左一份雞同埋老火湯，再加盅頭飯。（順帶一提，經理好好傾，而且服務態度好好，笑容滿面，直頭令我錯覺以為去左海x撈。）等上菜既時候，方姐走左過黎（冇錯，就係方姐湛江雞既方姐！），佢非常有霸氣咁講：我就係方姐。好搞笑！杏汁白肺燉湯（＄48）呢度既湯標榜唔落味精，所以飲落唔會似平時茶餐廳既例湯咁鹹咁濃味。一飲落口就係非常香既杏汁，加上肉既鮮甜，帶黎一陣回甘。其實平時係屋企都唔會飲到白肺湯，因為洗白肺實在太費功夫啦！而呢度既白肺洗得好乾淨，完全唔腥，可以見到師傅既心機。白肺燉左好耐，吸收晒d杏汁，而且煮到好軟，好好食。結果連湯渣都食晒。湛江水晶大扇雞（＄158半隻）之後到重頭戲：湛江大扇雞！經理話呢隻品種係方姐親自挑選引入香

是日晚上兼職收工後跟最老友的同事食宵夜，呢度最後一晚新張8折，喜歡飲燉湯的我當然把握機會飲多d靚湯入到去睇到新餐牌，食物款式多咗，不過我始終喜歡飲湯多過叫小菜~~~ 花旗參竹絲燉雞湯，呢個湯平得來又清清地，真心講湯裡面d雞肉仲好食過之前北京樓個雲吞雞湯的雞肉~~~白灼腐乳通菜，食落去唔太淋，都係普通野，只係個人想食菜而已，有時覺得自己整可以喪落腐乳電白白切鴨飯，鴨肉本身無味，一定要點佢地的汁先至好食~~~蟲草花雞燉湯，呢個湯都好飲，不過面就多咗d油，個人覺得在鴻福堂買湯包湯雖然方便，但飲呢d即日燉好的湯更好飲和健康呢間小店只在晚間營業，想飲靚湯真係要留意時間