新陶園海鮮酒家

营业中

休息中

今日入咗流浮山食晚飯，見到呢間企企理理就入咗去，之後我哋去咗佢哋嘅海鮮檔揀咗少少海鮮返到去再加工，海鮮有白烚竹節蝦、豉椒炒蜆、花酒煮螺、鹽油焗奄仔蟹♥️第一味係白烚竹節蝦，蝦仔細細隻，可以連殻食之後有豉椒炒蜆、辣酒煮花螺都OK我哋仲叫咗個椒鹽豆腐，都幾好食點知去到隻奄仔蟹，其中出到嚟嘅三隻蟹完全唔似樣⋯我哋明明買咗三隻差唔多大細嘅奄仔，出到嚟係三隻都唔同size，有一隻仲唔係咁新鮮，但我哋揀嘅時候明明三隻係仲郁緊㗎⋯咁我哋就叫咗佢哋過嚟，以下係我哋嘅對話：屋企人：買三隻同樣大嘅蟹，但出到嚟三隻都唔一樣size，仲要有一隻特別細話事人：蟹係有大有細嘅屋企人：但係我親自去海鮮檔揀嘅，三隻都係差不多大細話事人：佢點樣嚟我就點樣拎去整，其實嗰間都係同我哋合作嘅啫（但海鮮檔嗰邊大大聲咁話佢哋係同一間公司，同埋我哋買海鮮嗰陣佢都冇收我哋錢，分明係自己友啦）然後話事人就叫我屋企人冷靜啲，話一係換過隻一係退返一隻嘅錢，即係$95，咁我哋梗係話退錢啦⋯我哋六個人，一共叫咗四樣海鮮，一個金沙骨，一碟油麥菜，一個乾燒伊麵同炒飯一共$1800

呢個星期食咗兩次，一次星期四，一次星期日。星期四嗰次真係煮得好，剛剛熟係最好味，而且有股香氣，係舊時酒家大厨嘅風味，好正，完全冇辜負到D海鲜。椒鹽瀨尿蝦 又香又鲜， 熱辣辣香噴噴 同炒嘅碎料又惹味。青島鮑魚 大大隻 好味，唔似大連鲍咁淋 有D似南非鮑。蒜蓉粉絲蒸大蟶子蒸得剛剛好，滿口蟶子鲜甜，又易咬。白灼花螺，可以食到花螺原味，點甜醬食已經好好味。鹽焗奄仔蟹，焗得乾身熱辣辣。 不過我個人鍾意食肉蟹或者膏蟹多啲。但個海鲜濃魚湯就真係唔得， 一D都唔濃，又淨係得幾粒菜飄下飄下🤪是次外來海鲜$1120, 加工費$400。星期日再食，煮得都Ok嘅，但同上次有距離，都好嘅，但唔係好好嗰種。呢次要一提嘅係炸生蠔，買咗一條裝嘅流浮山生蠔，淡而冇味，係完全冇蠔味，唔知係蠔嘅問題定出水過龍嘅問題。呢次買咗大蟶子，花螺， 重皮蟹，大扇貝，生蠔，海蝦。海鮮來料$960，加工费$560。

今日要同大家介紹係位於流浮山嘅新淘園海鮮酒家💁🏻‍♀️ 雖然我都經常嚟流浮山，但係我始終都係唔敢入去啲餐廳😂 因為我覺得會俾人呃秤，被掉包，偷工減料，坐地起價😂 始終佢冇寫明價錢，真係任佢噏😂 但係由於今日心態係帶老人家👵🏻食海鮮，所以就冇諗到價錢😂 不過真心有啲驚喜🥳🥳 令我對嗰啲舖頭嘅印象大大改善😂 一入座，諗住睇Menu叫海鮮💁🏻‍♀️ 之後有嗰老闆娘同我講帶出去揀海鮮🐠🦐🦀 我就跟咗佢出去😂 好似唔駛錢咁樣嗌😂 買咗五隻聖子、一隻大肉蟹、兩大舊切好咗嘅龍躉、同埋9隻蠔💁🏻‍♀️ 係menu到叫咗中size嘅魚湯($88) 同炒菜心！個魚湯都好足料！不過如果唔係好識得食魚骨嘅就要小心啲！同埋$88來講真係好大煲，平均一日可以飲到2-3碗，雖然啲湯碗相對來講係細！個大size菜心我爸爸仲覺得俾人整蠱，足有兩斤菜😂 見到都覺得飽😂到重頭戲海鮮了💁🏻‍♀️ 蒜蓉粉絲蒸聖子 - 熟咗少少🤏🏻，老人家👵🏻咬唔到，但係我覺得好食嘅💁🏻‍♀️ 可能因為有大有細，控制火候有啲困難💁🏻‍♀️避風塘炒蟹🦀 - 啲炒避風塘嘅乾蒜同辣椒🌶️足料到嚇死我😂 當然好食🤓 唔食得辣嘅，要叫佢小辣椒！脆炆龍躉 - 條魚真係好

呢間餐廳係我自室內禁煙以來見到有不止一個客人公然食煙而員工唔阻止，所以永久bad list!當時果班食煙人士仲惡形惡相，所以我唔敢直接上前叫停！除左禁，仲容許食客唔戴口罩周圍高談闊論，好唔衛生！仲要俾佢斬到一頸血！員工仲要就禁用手拎椰汁糕，好唔衞生，唔夠膽食。另外，我見到大部分既枱多過四個人而冇隔板，違反限聚令食物仲要普普通通，根本唔值禁貴，佢既價錢比得上南丫島，但人地好食過佢好多倍！就算俾人劏都劏得值。

新陶園海鮮酒家流浮山正大街37號一年一度既父親節，加上政府啱啱公佈放寬咗限聚令，所以專登同屋企人入嚟流浮山食餐好嘅，今日超多人呀成條大街迫滿晒人，都未夠6點半黎到已經無晒車位啦，真係好誇張 但見到D餐廳食肆有返生意都開心嘅，大家黎過流浮山都知道個玩法，通常都係係出面既海鮮檔買料，再囉去附近既餐廳加工，今次我地都係揀返以前食開既<新陶園>,好彩有預早訂位咋，如果唔係應該都唔使旨意有有位坐低左之後就緊係即刻去揀海鮮啦，哈哈 鹽焗奄仔蟹---最鐘意既食法，焗完出黎熱辣辣好香，而且超級多羔呀，肥就肥啦一定要試呀西芹炒斑球---斑球大大舊好新鮮，而且肉又夠厚，口感一流，出面肯定食唔到呀 上湯焗龍蝦伊麵底--- 其實自己係鐘意食 芝士焗龍蝦多啲嘅，不過呢隻龍蝦仲識游水架，咁新鮮都係上湯煮啦，咁先可以保留龍蝦既原汁原味，最正 陳皮蒸鮑魚--- 超大隻鮑魚， 知道蒸鮑魚係時間上係要好有技巧， 餐廳整得啱啱好，唔會因為蒸耐左而太韌，亦唔會覺得唔夠熟，無得頂 酥炸生蠔 蒜蓉粉絲蒸象拔蚌仔 蒜蓉粉絲蒸扇貝

是日和好友數個一起開年，速遊第一次去的濕地公園一小時後再拉隊去流浮山吃海鮮。我通常去鯉魚門多，流浮山倒是第一次，好友P來過，大力推薦炒斑球，清蒸的吃得多，炒的印象中是第一次。斑球炸過再炒，肉質爽甜啖啖肉好彈牙，骨腩入味脆皮，我吃了4大舊🙈一道吃完就會想念的美味。椒鹽瀨尿蝦是每吃海鮮必點，很大隻但沒有膏，肉質也不夠實，椒鹽倒是很惹味。九節蝦小小隻，鮮甜爽脆，沾上酒家奉上的辣椒醬油更是惹味十足，每人剝了一座蝦殼小山。在扇貝和小象拔蚌中選擇，最後好友M推薦後者，果然更彈牙爽脆，粉絲雖然是伴碟，但往往更勝主角😬入味滑溜可口。薑蔥炒生蠔，生蠔一向不是我的菜，我只吃了一撮蔥，頗有火候，好友的評價是縮水太多兼稍有腥味😂菠蘿生炒骨一向是至愛之一，菠蘿酸酸甜甜好開胃，排骨皮酥脆肉嫩，可以說是吃過最好吃的一間了。由於其中一好友茹素，還叫了蛋白芥蘭炒飯，乾濕剛好，粒粒分明，鑊氣十足。腐乳炒生菜，頗為入味。還有紅燒菇粒豆腐，這些都沒拍照🙈可能是位置的關係，價格比鯉魚門的經濟許多。酒家生意興隆，我們6點半左右到，已經幾乎滿座。新的一年和一眾好友由美景美食開展，相信一切都會更好的。

好多人都會專程入嚟流浮山食海鮮食海鮮當然要人多先可以買多啲食多啲流浮山有好多海鮮酒家要睇下你點樣選擇啦好唔好食就個人幾推介呢間新桃園環境坐得舒服之餘味道都好味 至於加工費間間都應該差唔多㗎啦炒聖子。我哋買咗大大隻嘅聖子王所以啖啖肉 而佢炒個聖子好夠鑊氣與其他海鮮加工嘅味道都做得幾好😁👍🏼

已經幾次在這慶祝生日或聚會。每次都冇令人失望過。海鮮新鮮。煮得美味。冇得彈。今次只係個油鹽水蜆淡而無味。其他既水準依舊👍🏻😋個個食到托住個肚走😂😂首選鹽焗蟹。豉油王大蝦。薑蔥炆魚腩。果皮蒸大大隻鮑魚全部火喉啱啱好。就連普通既蒜蓉炒唐山菜都好爽好入味👍🏻

又到每年一到母親節嘅時候啦🥰又要帶我媽咪去佢最鍾意嘅流浮山食海鮮啦 其實哩間野都食左好幾次啦 我真係每次都好滿意😋食物好出色 又夠鑊氣 但係食呢啲海鮮每一次都要去book時間 又要搵人買海鮮。好彩因為去左幾次之後 搵到相熟嘅人幫我地買海鮮 所以可以買到啲又新鮮又鮮甜嘅海鮮❤️講多無謂 你睇吓啲圖片啦🙆🏻‍♀️我最鍾意嘅係佢哋嘅一斑兩味 咁將條魚一邊係炸一件係炒 炸嗰條魚真係好出色椒鹽賴尿蝦 好重蒜蓉味 好好味田螺都係充滿我最鍾意嘅蒜蓉味呢碟炸蠔真心出色因為佢啲皮好脆，裏面啲肉又唔會太熟 真係好好味呀

餓底性格孤僻，平日外食多數只約兩三知己或毒食，上個月難得有晚出席飯局，吃海鮮大餐，每個餸都陣容龐大，當然要紀錄一下。鮑魚、豬肚、雞煲：足料到一個點！又有大量娃娃菜墊底，索晒所有鮮味！正呀！第一味已經咁幸福！😋上湯龍蝦伊麵：上菜時各人紛紛嘩了一聲！龍蝦開晒邊，每人分食半隻，yummy！識食當然要食埋伊麵！🤤炸鮮魷：我的至愛！粉漿不會太厚，嫩！食左好多舊🤭龍躉炒西芹：魚肉大塊嫩滑，有誰不愛？西芹來得正好，正想食兩啖菜😙扇貝蒜蓉粉絲：又是嫩嫩的，蒜蓉+粉絲+蔥+豉油+扇貝鮮味，太令人陶醉！炸魚骨：以為無咩肉但原來都幾多肉！炸完脆脆地再加上獻汁，滋味！鹽焗奄仔蟹：去年已經吃過一次，今年再來新陶園，最期待就是這個蟹！唔好睇佢蟹仔細細，好多肉同好多膏架！壓軸出場，個個食到好飽都仲食晒佢，可想而知佢幾咁好味😋😋

又到一年一度公司阿姐請食飯當然要黎老地方-新陶園海鮮酒家啦！-我地一共15人嗌左以下菜式，飽到暈之餘，仲有得外賣走添-椒鹽瀨尿蝦：我嘅最愛🧡啲瀨尿蝦好大隻 大隻到係食咗兩隻已經飽晒！又夠晒新鮮彈牙！-上湯伊面龍蝦：個伊面底真係好正 入晒啲湯底味 龍蝦熟度剛剛好 好易就起到出嚟-豉油皇大蝦：鍾意重口味嘅人必食！我最鍾意成隻咬 因為可以chu埋啲皮 唔好睇佢咁脆 但一啲都唔會戒到嘴 特別係啲蝦膏位 真係不得了-豉椒炒聖子：呢個有少少辣啦 炒得有少少過左 只能夠話不過不失 比起其他就遜色啦😕-奄仔蟹：哇哇哇見唔見到張相都影到啲膏 又係必食嘅一味餸-辣酒花螺：如果因為鍾意食辣而食呢一味 我覺得可以真係唔使點啦 因為我完全唔食得辣 都竟然食到😓除咗唔辣之外 佢亦冇乜嘢其他味道 真係可以唔食-鹽焗花螺：呢個比起辣酒花螺好食太多啦 成個螺都入晒味-粉絲蒸扇貝：蒸得太老 雖然啲粉絲好好食 但個主角真係...-魚兩食 （起肉炒芹菜；炆炸骨腩）：炆炸骨腩投票為眾多位同事嘅最愛但我就鍾意清炒多啲 因為啲肉質好靚 用黎炸有啲浪費😅-薑蔥蒸鮑魚：呢個我冇食到 但同事覺得一般-姜蔥蠔：哇呢個好真係硬到一個點 完全

因為住得近又識得老細所以食親海鮮都黎呢度，唔怕出去比人劏，質素都有保證，奄仔蟹是必點既，好多膏，炒班球兩味，班球好滑又厚肉，骨腩香脆，炸生蠔鮮甜，椒豉蝦大隻，炸到我係連殻都食，蒸蒜蓉粉絲扇貝好大隻，不過好老實講，果d節日人多質素會參差

前兩天約了幾個朋友到流浮山新陶園食晚飯，因為係團年飯，所以食豪D，點的菜全都是海鮮：有酥炸大蝦，非常新鮮彈牙，還叫了薑蔥蠔，香脆炸蠔，以及龍蝦伊麵，飯後老闆還送了一個馬豆糕，真是非常滿足！過年後定要相約朋友再來食多餐。

剛在新陶園吃晚飯，可能掌廚換了人，和年多前比較，無論食味及賣相也有所不及！炒蜆沒有鮮味，味道十分平淡，粉絲蟶子太熟，連炒芥蘭也許是忘記下糖及其它調味！可能是很久沒來，或是年紀大了，接受不了新口味！不來了！

在街市買4隻鮑魚$60, 兩隻花蟹$270, 蟹重18兩, 去這酒家加工, 小菜點了薑汁介蘭, 生炒骨, 椒鹽豆腐.誰知薑蔥炒蟹上枱後撥開一看, 只得一隻破碎小塊的蟹蓋, 蟹鉗只有三隻, 但蟹鉗中間一節就有四隻, 找來老闆娘詢問為何只得一隻蟹蓋, 以下是對話內容老闆娘：這種蟹一炒就會爆殼, 所以蟹蓋已碎曬我：就算爆殼都只見到一隻蟹蓋, 另一隻蓋呢？老闆娘：我揀出嚟俾你睇（結果揀出一堆零碎蟹殼）我：點解得三隻蟹鉗？老闆娘：其中一隻蟹係單鉗，所以三隻鉗我：花蟹係剛從街市買, 我親自揀, 兩隻都係完整先俾錢, 點會單鉗老闆娘：你應冇睇清楚隻蟹係單鉗我都費事再同佢講, 奇怪就係我由坐低到交自來海鮮給侍應攞去廚房, 再上枱發現問題, 這段時間老闆娘都冇見過或接觸過我D海鮮就話我睇錯