新釗記 (已結業)

上星期路過灣仔，吃厭了檀島，姑且試試新釗記，叫了一客蛋牛治，誰知送來的蛋牛治竟然蛋牛分離，互不相干，而且蛋既煎得過老過硬，牛肉也是瘀紅色的劣質大陸罐頭仿冒CORNED　ＢＥＥＦ，既完全未煎過，更不要說它本應與雞蛋"水乳交融"，渾成一體而非像現在這樣貌合神離．我吃後不禁心直往下沈，香港飲食界的沈淪原來竟如斯徹底，實在令人心寒，我不禁對香港飲食業的前景非常擔心，亦害怕以後”冇啖好食”，香港現在還能吃到合格的蛋牛治嗎？其實要弄好這種簡單的三文治一點困難也沒有，只要選紅白相混，脂肪與肉比例均勻的CORNED　ＢＥＥＦ，先用鍋用心”坑”香壓平，再澆上薄薄一層蛋液馬上離火即成，牛肉和蛋都不必多，過多反而不妙．因此，其實做得好不好與成本根本無關，關鍵只是是否有ＨＥＡＲＴ！寫到這裡，不禁非常懷念蛇竇，只是它搬得太遠了！

我叫左蝦仁炒蛋小菜，淨雲吞，乾炒牛河，我個人覺得蝦仁炒蛋幾入味，幾惹味，蝦都幾大隻。但我唔鐘意食淨雲吞，因為出面太多好食既大大隻蝦雲吞，佢感覺唔多係爽口大蝦。至於乾炒牛河既牛肉略嫌UN 左少少，但味道都算係唔錯的，都食得過既！

工作非常忙碌, 疲累不堪, 令到師傅嘅心情指數跌到極底, 無晒心機, 最慘係連胃口都冇咩, 唔多想食咁; 但師傅諗深一層, 咁辛苦為咩? 咪就係為兩餐, 冇理由刻薄自己, 所以點都要食餐好!都幾夜, 坦白講咁夜都冇咩好食, 所以焦點就放喺茶餐廳, 而今次師傅就決定黎呢間食店; 入到去發現都幾多人, 不過好彩有位, 一坐底即刻睇下要咩食, 諗左好耐最後師傅柯打左豉椒牛肉飯, 再整多一杯師傅嘅至愛飲品凍檸茶, 而友人就柯打一碗碎牛粥!由於廚房嘅單比較多, 所以豉椒牛肉飯要等成十五分鐘, 呢一點係侍應好心提點; 友人碗碎牛粥好快就到, 都幾大碗, 而師傅有幸一試, 發覺粥底好綿, 加上冇咩精, 都幾好味; 而豉椒牛肉飯份量都幾多, 豉汁非常香口, 唔算油膩, 而牛肉幾鬆夠嫩, 好味; 凍檸茶就不過不失, 可以接受! 總括黎講食物質素頗好, 而服務態度都幾好, 勤力有禮, 地方光猛乾淨, 而價錢都唔算貴, 埋單六六, 都算抵食! 師傅覺得呢間食店嘅質素唔差, 比隔離間咩島好得多, 絕對釗得起; 食左餐幾好味嘅晚餐, 師傅心情都好番好多, 有機會都會再黎, 笑臉值得一比!

師傅都話粥水唔頂肚, 話咁快未到五點已經餓到半死咁濟, 於是一放監就即刻四圍去搵野食! 行行下黎左呢頭, 師傅見從來都冇黎呢間食店食野, 決定一試!入到去坐底, 唔算多人, 可能係下午茶時段嘅關係; 唔理咁多, 即刻睇下有咩食, 趁住仲係六點前, 所以師傅柯打左個粉麵餐, 要左炸醬麵同埋凍檸茶!等左一陣炸醬麵同凍檸茶一齊擺左喺師傅面前, 第一時間師傅先試下個湯先, 湯都幾好味, 但胡椒味重少少; 再睇下個炸醬麵, 賣相幾靚幾吸引, 有幾條菜仔, 而菜都幾嫩幾甜, 唔差; 炸醬酸酸辣辣, 惹人好感, 加上肉絲唔會太硬, 好好味; 而麵底又係出色, 冇鹼水, 加上煮得煙煙韌韌, 好爽口, 口感一流, 正呀! 而凍檸茶就不過不失, 可以接受! 總括黎講以炸醬麵嘅質素黎講一d都唔失禮, 而服務一般, 地方光猛乾淨, 而價錢都可以接受, 廿八蚊一個麵餐, 凍飲加兩蚊, 都算抵食! 師傅覺得呢間食店嘅質素都應該唔差, 地址又方便就腳, 所以冇咩理由師傅會係第一位留食評嘅呢? 既然係首個食評, 加上質素唔差, 師傅就比首個笑臉, 等佢旗開得勝啦! 下次都會再黎, 皆因好想試下佢d炒野!