新貴記粥品店

营业中

休息中

港島d粥店食得七七八八，今朝就坐車過海試下九龍d粥店，於是就嚟到長沙灣呢間位於營盤街既新貴記粥品店。一早六點零就到，已經有幾枱街坊客食緊早餐，我就搵張空枱坐低，就點咗艇仔粥同埋滑牛腸，$43蚊。艇仔粥d料得六成左右，味道偏清淡，碎牛冇乜味道，滑牛腸反而足料，但味道一般，d頭油調得未夠好，同碟腸粉産生唔到化學作用。口味：🥚🥚🥚环境：🥚🥚🥚🥚服务：🥚🥚🥚🥚性价比：🥚🥚🥚🥚

第一次寫評語，整體食物唔可以話好好，不過不失，店內環境都舊，疫情後多數都叫外賣，當到達時叫外賣，叫左碗粥，見姐姐忙緊，忙緊意思都不是全店客滿，見佢整緊炒麵比客人，就等佢正在幫我打包碗粥時，就再叫多個腸粉同油條，姐姐放左腸粉入盒，我話要加醬，佢就係到話叫完一樣又一樣，吾一早講，就話麻（很）煩，雖然佢係面向煮粥方向講，不是對住我講，可能以為我聽吾到，係附近住左20多年，雖然不是經常幫襯，但都不會再去😤😤

今日病病地去新貴記食粥，叫了個魚片艇仔粥，十分足料，魚片好多、粥好綿、乾魷魚一流，加埋花生、蔥，對病人來說，友善餐，但係個粥有些咸，唔知係味精重手得濟，但材料足，最重要係便宜，$25🤣🤣

是日深水埗吃早餐來個中式粥品，傳統粥店買少見少，從Openrice得知附近有數家粥店，最後選了這一家，因好評較其他的多。點了碎牛粥及炸兩，突然見到有煎堆新鮮炸起，正所謂可遇不可求，所以立即點一個，一嚐新鮮煎堆的味道。看見很多人說這家店的粥很綿，我吃過後覺得不是不綿但又沒有想像中的綿。炸兩比想像中大份，油條不脆和溫度是室溫乃意料中事。新鮮炸好的煎堆果然不同，外皮煙韌內層軟身，而且芝麻好香，不過老實說，新鮮的東西就是好味道。

【 香滑綿綿的粥 】好鍾意長沙灣老字號的新貴記粥品店，由細食到大，咁多年都係咁好味，職員做嘢又勁快手。我每次外賣拎番屋企食都會預先打去落定單，之後再落樓拎，時間就會啱啱好，職員已經包好俾我，又會幫我加好醬料。今日我叫左兩碗滑肉粥，一盒炒麵，一碟腸粉和一條油炸鬼。滑肉粥好綿好滑，仲有勁多肉，每塊都好林好好味，再配埋香脆的油炸鬼食，好夾！腸粉加埋甜醬和甜豉油一齊食就最正！炒麵好大盒，但忘記加甜醬，味道有少少啖。

新貴記 宵夜 餐牌調整咗加咗幾蚊 都街坊價 份量都足 阿姐好招呼 有禮貌 生滾豬腰粥 ~ $33要求多薑蔥 豬腰爽口冇壓味 過熟粥夠傑夠綿 但粥淡口欠米香艇仔粥 ~ $17 豬皮尤魚爽口 但牛肉碎較少 份量大碗碎牛粥 ~ $17牛肉碎唔多 粥淡味 粥糊欠米香蘿蔔糕 ~ $12 好味道 清清地 啖啖都係蘿蔔絲但豉油太傑黑鼆鼆齋腸 ~ $12腸粉滑 用粘米粉爽口唔會黏 配埋混醬冇得輸 (甜辣麻醬+芝麻)同虾米腸同價 比較喜歡虾米腸 但沽清炸腸 ~ $12 炸兩 油炸鬼淋晒 再索埋啲老抽 宵夜唔好食呢個 油炸鬼唔脆唔好食😅

端午節期間，有次碰巧看到要等的公共交通工具要等很久，反正在街上炎熱，近來也熱氣，順便就跳入這間粥店，點一個凍綠豆沙，消暑解渴又清熱祛濕。其實它都是一早煮好，然之後整盤放進雪櫃，我一點餐，她就盛到碗子內，因此製作成本理應不高。綠豆沙夠凍，但是不會雪到有冰粒，這也是難得的，因為有時候雪到有冰粒，口感就顯得很差，而且沒有那麼甜。它的綠豆沙，綠豆份量夠多，甜味都十足，雖然不覺得有海帶，但是都有點臭草，味道不錯，不太甜而又足料的

近日有點感冒，想吃粥品清一清腸胃。遠遠見到大招牌「新貴記」，於是我直走到這家粥店，粥店環境寬敞，最重要是乾淨企理，便試試看。「豬潤魚片粥」粥底非常棉滑，有濃濃米香。魚片也很嫩滑，吃到難得的鮮味。豬潤是起沙的，想必是我最喜歡的黃沙豬膶，甚為少見！下次也要點這個粥。「炒米粉」味道較清淡，可能比較適合愛吃淡味食物的人士。見很多食客都點了「炸兩」，大大碟，腸粉包著脆脆的油炸鬼，很吸引呢！我下次再來要試試看！

人大了，總記得小時候的味道是美好的。現今香港標榜什麼懷舊美食，總是叫人失望，現在的，很多只是集團式賺錢機器，在出品上中規中矩，最好的不是味道，而是吃裝修。小學時候，屋企樓下有檔街邊專賣油炸鬼，沒有其他，街邊當然是無牌經營，地點也是不太就腳的，但很多人幫襯，他的每日經營時間是是早上5點半至8點，晚上8點至凌晨1點左右，每次他們炸油條的時候，我們一家都忍不住炸油條的香味，不分早晚總會幫襯，他的味道，可以説是我吃過最好的，但社會一直進步，這些小店隨著改革，一直被淘汰。這家小店，每天早上都會新鮮即炸油條，我吃過很多現今的大大小小的粥品店，我敢說，目前他的油條8成接近我以前吃過的，油條看似簡單，要好吃，當中也有學問，不是脆口就是好吃。油條要做到外脆内軟，鬆化，不會炸過火，火喉控制，麵粉，油溫度，時間，通通都要恰到好處。這間粥店的粥我沒有試過，我只外賣了3樣油條，真心唔錯，當然要新鮮即炸炒麵，配料比較少，味道可以，不會過鹹豆漿，不知道是否自家製，但有豆味，好喝Total : $27下次有機會再試一下粥及中式糖水

午飯時間，胃口麻麻，只想食粥不想吃飯，行了幾個街口，終於找到這間粥品店，無論舖面和店內環境都是普通的舊式粥店，燈光用光管加上白色磁磚，環境其實好光猛，但更加容易看到陳舊的感覺，叫咗皮蛋瘦肉粥，蘿蔔糕，蘿蔔糕非常鬆軟亦大份量， 皮蛋瘦肉粥粥底多火喉，材料亦都充足， 其實食粥都可以好飽肚，這店貼在牆上的餐牌有多款選擇，雙拚粥單拚粥各款都多樣化，難得有提供魚雲和鮑片做配料，價錢亦都是四十元左右，論價錢雖然比三年前貴了十元，但只要味道可保持水準，美味粥品仍是好選擇，尤其是冬天時節，食碗熱粥全身暖晒。

皮蛋艇仔粥足料好味，粥底軟綿具米香，配料有很多牛肉碎，抵食🥰炸兩出乎意料的好吃😋油炸鬼保持脆卜卜，腸炒皮夠薄，枱面上備甜醬、辣醬、麻醬及芝麻隨便加👍🏻最窩心的莫過於是當我趕時間要把食物打包外帶時，姨姨非常友善地替我把粥拿到廚房打包，更額外添加了一點粥給我，太有人情味了！💕

老牌粥店有一般粥、腸粉、炒麵、炒米粉、油器及糭等。新貴記的及第粥用料十足，豬潤、粉腸、肉片各有三大片。粥夠綿，米量多，夠飽肚。 特色可算是他們的蘿蔔糕十分大件，只有蘿蔔及米漿蒸成的， 希望一試傳統的粥粉麵，可以一試。

經過深水埗見到一間唔起眼，地方細細，冇乜裝修嘅舊粥鋪，就入去試一試。懷舊嘅枱櫈，但冷氣充足，還有四五個街坊在品嚐食物。就叫咗一碗碎牛粥再嚟一碟炸兩。非常快手已經送上一碗熱辣辣既粥，發現粥底好靚軟綿綿，仲有好多餸，食真啲，有少少米香味，最重要食到底最後一羹都唔會化成水。至於炸兩已經唔熱，粉皮比較厚，都可以接受，但內裏嘅炸兩竟然還有啲脆 ; 豉油份量剛剛好，最緊要加埋三色混醬(甜醬、辣醬、麻醬) 一同品嚐，別有滋味。]

及第粥 $22 可能係全城至平大碗份量足 即叫即煲 大熱 好彩有冷氣豬雜新鮮 豬肚粉腸夠淋 豬潤爽 冇肉丸用瘦肉片 醃過好滑但粥味太濃 有啲口乾虾米腸粉 $10 自家制作 滑香 配埋混醬料 好味 齋食配豉油都good但胡椒粉唔靚 冇味唔香 配咗豉油傑撻撻 失分

兩公婆吃早餐，看post like多，試試吧！環境：寬敞、衛生食物：魚片粥$20、菜乾豬骨粥$14、炒麵$10、油條$6，魚片粥有生的唔熟粥底味道一般，豬骨粥味精的，油條熱脆足料，炒麵本來份量足麵底好但可惜炒燶底成個炒麵都是燶味，老店低技術。後記：結帳時，輕聲的告訴負責收錢的女士，魚片粥的魚片不熟，她立馬一句回：妳又不是滾的。正…真係正，我回應知道不是滾，但不是滾的也應該是熟吧！她就沒話說了。我提醒她是因為老店，再者評價好像挺好，但她這反應太爛了，這樣的產品加這樣的服務態度，不值這個評價囉！總結：除油條外都是令人失望的，買油條會來，其餘的產品不會光顧。