新華茶餐廳

营业中

休息中

my favorite foods in sun wah includes:1) fresh hot egg tart2) satay beef noodle3) warm pineapple bun with butter...yum yum4) hot milk tea...really smooth!!also the environment and the service is really good compare to other local hong kong "cha chang tan"really worth trying although the location is in cheung sa wah... \(o^_^o)/

今日，叫了個洋蔥豬扒飯($28)+凍檬茶($6)=$34d豬扒真的很好美！配埋洋蔥汁就很不錯！而一碟飯就真係夠食！而檬茶就好好飲！茶夠濃！

奶茶有濃濃的茶味, 暖暖的菠蘿油水準不錯, 但比起金華还遜色一點, 算是一個新鮮的選擇!

十幾年前已經幫襯開, 當時鍾意食佢既菠蘿油, 依家已經冇食好耐了~ 今早預早D時間來食早餐, 咬啖菠蘿包都冇借日咁正囉~ 單單個外型都見啦~ 不及"金華冰廳"喇~柸奶茶仍舊不變好飲~ 加上裡面個裝修都差唔多, 只係個水巴整過啫! 保留以前懷舊既感覺, 回憶番一些當時在此既情懷... 哈哈~~

終於飲過全城最出名的「蘭芳園」奶茶，係時候總結一下一直以來走訪港九各處的馳名/ 特色奶茶。（註：以下排名按個人喜好排序，但附以詳述，盼有助參考。除特別註明，以下均為熱飲；＜＞內為其他食物/環境之評）　１）新華茶餐廳（長沙灣）－上品濃、滑；奶香、茶香俱備；厚身老式耳仔茶杯保暖，食完整個茶歺後（around 25 minss later)，茶依然溫暖；加上酷愛雙手捧著大茶杯，享受溫暖的感覺．．．很滿足！＜茶歺 is of good value; 環境懷舊、街坊之餘，不失企理;有誠意的餐廳＞2) 蘭芳園（中環）－上品茶味濃、且滑；質地比前者稀身，茶味更突出；唯茶可能不夠熱，糖未能完全溶透，底部過甜<厚多士不俗,通粉一般>3) 金鳳茶餐廳(灣仔)－上品(只限凍奶茶)18大元凍奶茶雖不便宜，但無可否認為上品：濃、香、滑俱備。反觀熱奶茶略平庸，甚至試過嚐到苦味＜食物可以，雞批非常出色；但老闆娘的白眼態度，旁人見到也為之側目＞4）祥利冰室（北角）－中上質地近似新華：濃厚；但水準飄忽＜一般,選擇較少＞５）澳洲牛奶公司（佐敦）; 奇香冰室（何文田）－中Sorry!對這兩間有點名氣餐廳的奶

之前食過呢度既蛋撻,雖然唔係出爐,但都好香...再黎呢度食lunch,我地叫左沙爹牛肉面+火腿奄列+餐包:個面真係好正!!比普通餐廳既味濃,而d牛肉都好林,超正!!食哂...真係好少可...揚州炒飯:好香...亦好足料...唔錯~!餐飲~凍0tea,凍朱,都係ok既...下次再去食其他野!!!佢d生日蛋糕好得意...成個公仔放o係上面,好懐舊呀...!!如果生日訂呢d蛋糕都應該幾得意,哈!!

因聞此店的酥皮蛋撻不錯, 故特意來一嚐. 叫了一個特餐($23), 有沙嗲牛肉麵, 火腿奄列, 另外當然還叫了一個蛋撻($3.5). 蛋撻還是暖的, 酥皮厚而十分鬆化, 蛋不太甜, 水準之作. 沙嗲牛肉麵也很好味, 麵的軟硬度剛好, 惟沙嗲略咸. 總體而言, 算是令人滿意的.

都幾食~~不過比一般果d貴~~但物有所值

去到已過了早餐時間，唯有叫茶餐。茶餐款式都是一般品種，叉燒湯意、火腿奄烈加牛油餐包及餐茶。除了意粉較腍身外，其餘都好過鑽石，餐包又軟又香，奶茶香濃幼滑而老公要了個五香肉丁粉絲餐，一般茶餐廳多數是公仔麵、通粉、米粉，極少有粉絲可以選擇。粉絲吸晒五香肉丁的濃汁，十份惹味。再叫多個菠蘿包，唔係新鮮出爐，但係菠蘿皮仍然鬆脆，包身鬆軟，我相信新鮮出爐，不會遜於金華。期間見到其他人食碟頭飯，樣子不錯，有機會的話可以一試，只可惜位置不太就腳。

20-5-2007 1738食完辣到噴火泰國菜後，臨「奧」巴士返歸前，飲番杯凍奶茶。係長沙灣比較出名的有兩間，這是其中一間。凍奶茶即使有冰，臨尾仍有甜及茶味，最重要飲完仍有茶味係口裡。再整多隻冰火菠蘿油，雖則已經唔係新鮮出爐，但好有心用微波爐叮番熱，一年半載整番隻都唔算過份，收得咁既價錢，就已計埋「額外服務」。

沙爹牛麵+火腿庵列+餐包+野飲，可能係香港人都會食過，係茶餐廳要搵個咁上下既餐可能易過借火，之但係我就好多年無食，點解而家又會走黎食？相信睇標題都估倒，我都唔再多講。每次食呢D餐我硬係鍾意同澳牛比較，講蛋呢度拍馬都追唔上，但絕對唔係差只係澳牛炒蛋實在太正，呢度既火腿庵列絕對有返咁上下水準，個沙爹牛麵就真係要讚下，牛肉沙爹味幾濃，攪到唔多飲味清湯既我又忍唔住飲o左兩淡，同澳牛果D又乾又硬叉燒意根本無得比，計落條數佢呢度個餐加凍飲都係$25仲平澳牛小小，最緊要係呢度唔會好似澳牛咁要趕火車咁趕可以慢慢食，下次再黎開呢頭真係可以再試下其他野。

(20/11)每次坐上層的雅座，也要水平線一望那副大壁畫的那雀，對它說聲：「你好！」是次點了支凍牛奶，蛋撻，凍食熱食同樣了得，當然熱食更加美味，層層的酥皮分明，蛋身軟滑香甜，這個蛋身勝過了多間的飽餅店。有時幻想那雀回應：「我想飛。」

睇到各方對呢度嘅好評，今朝就嚟食個早餐...乜嘢set都唔要，淨係要沙嗲牛包、蛋撻及奶茶...沙嗲牛包的確名不虛傳--- 包甜甜哋，面微脆，夠熱；牛肉雖用鬆肉粉處理過，但微辣香濃嘅沙嗲汁已可補其不足，portion又夠大，好...雖然近日毒蛋當道，但小弟採"既來之則安之"嘅態度，食得多薯片飲得多可樂都會有事la，驚得咁多? 傻嘅...酥皮蛋撻冇想像中咁好，各食友講得太誇張嘞，水準同豪華仲有大段距離..奶茶亦係普通料，冇甚特別...下次有機會淨食沙嗲牛包夠嘞...

又一長記老字號,格局十多年如一,這次重臨,才第一次上樓上雅座.照樣煙頭遍地,夠晒入型入格.貫切長記草根特色.某年新年前往,加三服務費,那時百業興旺.絕對收得起,今時今日,難矣.門口的蛋撻,當年或者吃過,但已忘記,今日再吃.酥皮很鬆化,蛋香極濃.難怪夠膽收你$3.5一隻.反而對這店的港式會意粉,念念不忘.餐牌十多年未變過,連電話號碼也是有地區字頭.係價錢一欄用人手修改,火腿蛋會意,依然係十多年前的模樣,茄汁味不多,很夠鑊氣.這是我十多年前,最愛的味道.雖然同勝利道奇香比,又的確差一點點.見到還有保衛爾牛汁供應,不嘗此味已久,急不及待來一杯.要懷舊嘛,當然要徹底一點.味道咸過gravy,一口牛汁一口茶,此屬後話.新華對面的機舖,由昔日三間,減為兩間.阿拉丁,改名雷龍,國際遊戲機,依然與新華唇齒相依.今時今日,對煙味越來越抗拒,這些少年時常去的機舖,已經不再光顧,唯獨新華此等茶記..在家懶得煮意粉,但有模擬器給我來個Street Fighter II,Golden Axe.....

本身我係澳門人, 好多時黎香港都係睇open rice 先搵食物呢... 見到咁多人好平新華...今日終於一試...蛋撻ok~ 並唔係閣人講到咁好食... 可能係澳門搵呢d 酥皮蛋撻唔難... 所以我唔覺得有太大驚喜... 不過唔難食的...至於奄列... 油浸奄列牛肉公仔麵, 牛肉ok, d 麵就麻麻.