新耀榮粥店

营业中

休息中

本來打算10點幾去新華食早餐,但佢復活節裝修,唯有去隔離果間金園頂住先,食左旦撻同奶走吾系好得!奶茶只系飲到一半,因奶茶冇茶味兼吾滑!於是走左黎呢間粥店再彌補心靈&肚子既空虛,一坐低叫左蘿蔔糕(蒸)$5---吾系好得!冇口感且冇蘿蔔味!齋腸$5---腸粉吾夠滑&透,醬亦吾香;冇下次啦!=.=

始終覺得D「up dup」粥店至有靚粥同靚腸粉食；若果只食粥，首選當然係旺角妹記，但可惜果度冇靚腸粉。若果想食餐清清地米王加齋腸，就多數會揀呢度。呢度「up dup」得o黎都有冷氣，所以夏天都可以幫襯。至愛齋腸，冇乜鄧麵味，腸粉滑滑，最正係D豉油，鹹得o黎有D甜味，正！炒麵，油炸鬼同牛利酥味道一般；有味粥味道就麻麻，個粥底當然冇妹記咁正啦！所以多數都係一碗米王加兩碟腸粉，埋單都係$14，又平又好味。