新耀榮粥店

营业中

休息中

新榮耀粥點的皮蛋瘦肉粥和叉燒腸點了皮蛋瘦肉粥未叉燒腸粉，都比想像中好吃，踫巧生病了，胃口不好，所以點了粥。首先粥中的料很多，皮蛋和瘦肉的比例剛好，都很足夠。而且材料很優質，皮蛋入口即化，是溏心的，很好吃。然後瘦肉並不會嚡或韌，咬起來沒有渣，好吃。叉燒腸粉皮薄餡靚，皮嫩，又薄身，功夫到家。叉燒有咬口，但不。會嚡或老，加上醬油，風味十足。外賣等候的時間一點也不長，服務員很貼心，無忘提供醬油和碗筷給我們，這是應該讚許的。

今日嚟到長沙灣食個粥做早餐，呢間新耀榮粥店係長沙灣都有d歷史，店舖算大，座位算闊落，冇迫夾的感覺。點了生滾豬膶滑牛粥$43蚊，一碟炸两$14蚊。炸兩轉過頭就上餐，味道冇問題，但個皮同理條油炸鬼都係凍既。碗粥隨後送上，粥底夠綿，用米漿煮開既，牛肉同豬膶都份量充足，但牛肉食落去冇味既，豬膶還好，有口感同有d味道。整體失望。口味：🥚🥚🥚环境：🥚🥚🥚🥚服务：🥚🥚🥚性价比：🥚🥚🥚

看見粥舖外張貼有過節糭賣，今天便到店試試，揀選鹹蛋豬肉糭。令我非常吃驚又失望。有鹹蛋，但所謂的豬肉全部都是豬油糕，一兩條瘦肉絲都沒有。店員還說豬肉糭就是這樣，他們還解釋，由於蒸了幾個鐘，肉便溶化在種子裏，一直都是用這種方法來包豬肉糭，這個回答實在令人感到非常詫異。吃了幾十年糭未吃過這種肥豬肉糭，然而，我以前吃過的肉糭，人家都會有一些精瘦的肉，加一點肥膏，我便覺得這是很正常的。但新耀榮的鹹蛋豬肉糭，全是白雪雪的肥豬油膏。

今日去咗荔枝角附近做嘢，突然間好想食粥，所以就搵吓附近有咩粥店啦，就搵到呢間新耀榮粥店叫咗一碗瘦肉粥同埋一隻鹹肉糭隻鹹肉糭好好味，配甜豉油好正係多米少豆鹹瘦肉粥就不過不失，普普通通唔鍾意啲花生！唔係脆鹹花生而係煮淋咗嘅花生

入到去都係公公婆婆比較多，做街坊生意，裡面環境比較擠迫，通常都要搭臺，油煙味濃烈，門外有大鍋炸油炸鬼，通風差啲，所以外賣比較理想。一共吃了2次，一次堂食一次外賣，都不錯，平靚正。及底粥的豬肉丸很香很有彈性，應該是人手打的，豬雜也算乾淨，粥底綿滑得黎也有顆粒感，不會太爛，口感好。菜乾豬骨粥真材實料，幾塊大豬骨在裡面，也很不錯。腸粉不太好吃，粉比較鞋，唔滑，可能係因為真米漿掛，叉燒份量都夠，唯獨個粉失色。

今次我去咗間平民化嘅食粥地方，食嘅呢，真係有驚喜。首先講下佢哋嘅豬潤粥，簡直係滑得嚟又唔腥，豬潤配粥，啱哂口味。望落一般，食落呢～好有層次感，粥溫溫哋滑入喉嚟，好滿足！再來就係腸粉啦，見到靚姐麻利戈咁蒸出黎，感覺又熱騰騰，每件腸粉都包住飽滿嘅蝦，食落去蝦仁真係彈牙，賣相滿分，味道都正！腸粉嗰滑嘅口感，加上啲豉油香味，真係唔洗其他醬都得。噉濃濃嘅豆香凍豆漿就更加啱哂黎解膩，清新得黎又唔會太甜。食完呢啲，真係覺得平平哋味道，但就係得咗嗰份真材實料，特別係餐廳嗰種老香港嘅感覺，坐低食嘢嗰陣，真係可以好放鬆，簡直到咗食飯嘅天堂。😍😄🍲

上次食完對這裏一直念念不忘，見今日有空，就決定再來試試其它食品；看過餐牌，今次就叫咗白粥、炸兩及炒麵。白粥熱辣辣，口感綿密香滑有米味，非常好吃，加上少許胡椒粉，更加吸引；但叫炸兩及炒麵就有點不是時候，雖然味道幾好，但凍冰冰，感覺總不是味兒，放入熱粥內取暖，還是可以接受的。臨走時見油炸鬼剛剛炸起，早知就行遲兩步啦！😅#明火白粥 $12#炸腸 $14#各式炒粉麵米 $14#新耀榮粥店地址: 長沙灣青山道310號地舖

環境乾淨整潔，餐廳內沒有見過蒼蠅阿姐落單又快又準，食左好多次次次都好快有野食，叫外賣同樣有效率價格非常親民食粥、紅豆沙啲料多到好似唔洗錢而且品質良好叫皮蛋瘦肉粥，啖啖肉，啖啖皮蛋，食完粥都仲有肉剩；叫紅豆沙，絕對唔會得水，好多紅豆；叫油炸鬼，雖然夜晚叫會冇早上咁脆，不過依舊美味香口紅豆沙極推，我一向不是鍾意食紅豆沙既人，不過呢間既紅豆沙甜度剛好，紅豆味突出，紅豆容易咬，入口即化，就算前排裝修過，紅豆沙品質依舊而且紅豆沙真係多到扑街，認真多到扑街叫外賣紅豆沙竟然用個食粥既碗裝滿晒，我食量唔大，當飯後甜品既話要同屋企人三分先食得完紅豆沙真係好正良心小店會繼續支持

今日收工件有少少唔舒服，就去咗附近食粥，估唔到都有喜出望外嘅驚喜！呢間餐廳既豬潤粥，味道鮮美，口感柔滑，令人回味無窮。豬潤既腥味被完全去除，完全唔會有好腥既味道。豬潤亦做到爽口嘅感覺，輸緊嘅味道亦都唔會好苦，食得出佢嘅新鮮。粥底亦煲得好好，做到好棉身既口感，米粒亦煮得糯而不爛新鮮既豬潤軟嫩口感同米粥既糯香完美融合埋，令人忍唔住食完一啖有一啖！呢一個價錢，再加呢一個質素嘅食物，絕對值得推介俾大家，鍾意食粥嘅朋友必須嚟試吓

😥雖然阿姊超有效率，入去坐低十秒就問我落單，餐單又貼糸遠牆面高位，自己路過，一個月都冇幫襯過一次，但見到呢碗豬膶滑牛粥，肉片雖然薄但大塊，有成十幾二十塊，粥量佔左八成，祇收40街坊價，咩都抵返曬😆，滑牛確實乸過但唔算過份，豬膶熟度啱啱好，咬開有微粉紅色，總體以言，老店應該值得支持，仲可以按個人喜好"混醬一番"

必食手拉腸粉🥕腸粉⭐️⭐️⭐️⭐️⭐️即叫即蒸腸粉，勁滑勁香，不會太厚身，配上甜豉油，再隨意吱甜醬麻醬一齊食，真係好正，🐰最愛就係食依間既腸粉。🥕紅豆沙⭐️⭐️⭐️⭐️⭐️紅豆沙好香陳皮味，都算大碗，都多紅豆。======詳情======新耀榮粥店長沙灣青山道310號地下================#香港美食指南 #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #長沙灣好去處 #長沙灣美食 #RR長沙灣 #RR粥品 #腸粉 #紅豆沙 #陳皮 #新耀榮粥店

粥店門面普通，店內格局老舊，座位是摺櫈，卻有一番懷舊風味。這次專程來吃粥的，這裏的粥軟綿綿，味道鮮甜，感覺不加味精。💚及弟粥 $31好多料，鐘意食內臟的朋友會喜歡，非常爽口。💚皮蛋魚腩粥 $38魚腩略為熟得太耐，魚肉質感有點散，但粥味道鮮甜。💚炸両 $13油炸鬼好脆，配豉油、麻醬、甜醬等醬料，好惹味！💚豉油王炒麵 $13看起來簡單，但炒得有鑊氣，很快吃完，不過就油膩了一點。💚腸粉 $13普普通通，沒有驚喜。

像這樣的舊式粥店，真係買少見少，而店內仍然用米漿和布來即叫即蒸腸粉，收的是街坊價錢，好足料、抵食和好食😋鮮蝦腸粉 (HK$22)．靚姐係近門口的廚房不停手在蒸腸粉，不一會就有得食，熱辣辣的，好香米香呀！．切開7件，每一件都有大蝦一隻，鮮甜、肉質爽彈．腸粉，米味都幾濃郁，多層次，入口滑溜，雖然比較難夾起也比較容易散開😅．本身巳淋上豉油，所以腸粉巳好有味，不需要另加甜醬和花生醬自製凍豆漿 (HK$7)．正常奶滑口感，有豆香，甜度適中

近排朝早天氣都相當熱，但又想食炒麵做早餐，呢度係一個好選擇⋯⋯ 因為呢度除咗粥品之外，一大清早就已經有凍紅綠豆沙供應👍🏼 個凍紅綠豆沙幾好味😋 我另外仲叫咗個炒麵，個炒麵本身就普普通通啦。不過配埋碗紅綠豆沙食又幾夾喎🤣 再加杯凍豆漿，就係一餐豐富嘅早餐❤️

長沙灣舊區呢間舊式粥店，稱得上係…平/靚/正！佢地個粥底夠綿，而且每款粥大約18元至28元碗，夠抵食。生滾粥就會貴少少。而炒麵/炒米$12超大份，兩至三個人都夠食。仲有腸粉，炸両，牛肉腸，蝦腸，蝦米腸，即叫即蒸，又軟又滑。炸物…油炸鬼，牛脷酥，咸煎餅，款款都新鮮，炸到熱辣辣，脆卜卜。仲有糖水…紅豆沙/綠豆沙，都係$12大大碗。一次過食唔到咁多款，都係要…下次先買其他粥款及炸物再試下。幾位同事一齊share食，仲好抵！