新翠華茶餐廳 (已搬遷) 新店位置

5/11下午1點幾2點，2 個人又黎左呢度食晏。兩個人叫左兩個午餐，一個係鴛鴦炒飯，另一個係魚香茄子炆米。今次無上一次咁好食，d野味道唔夠，個炆米仲好油添，唔係好想同好敢食。地方麻麻地好坐，感覺上都幾污糟，不過見佢有時d炒野幾有鑊氣同好食，所以今次再黎，但今次0既水準有d失左手啦。希望下次唔會再咁啦。個評分係就今次而言。

共食過兩次兩次都覺得好好食~講真去到間鋪門口都預左都冇乜服務可言等緊位個時門口整煲仔飯哥哥仔都周不時同我地講等多陣講真佢都係煮飯o者,肯安撫下我地算好好架喇而且等緊位都仲可以落單先埋位都唔駛等咁耐啦環境同衛生都唔要求得咁多好在有個類似老闆既人拎左個飯黎仲幫我落鼓油同我講要焗下先好食但我個朋友就冇咁好待遇喇有個亞嬸放低個飯就走飯真係好好食~只求好味的話不妨一試如果可以改善一下環境就仲好啦~話晒生意咁好~買間大d鋪嘛~

我食左個玫瑰花茶田雞煲仔飯~好正~d秘製豉油汁好味~好特別galike 煲仔飯既朋友要try try la不過有個waiter阿叔態度麻麻食飯時間超多人呀~

尋晚我地九個人就去呢度食飯,有2個人去左買電話我地7個人做先頭部隊去搵位啦,原本佢想我地坐圓台0既但係張台6個人都唔知坐唔坐到,我地最後決定坐2張卡位咁我表妹3個佢地人一張,我地4個就諗前一張..咁0岩有個肥侍應朱思婷帶緊人坐呢張台,我已經早一步坐左落去,佢見個位比我坐左佢對眼即bear住我,仲起碼bear左兩次我真係心諗:你d乜野服務態度?最後成餐飯都係嬲爆爆下完成...佢地間野.野食就唔難食,但係都唔係好似唔憂做咁丫?除左果位肥肥地0既朱思婷小姐,仲有個男侍應服務態度都係好差....餐野食完真係背隻骨落啦.....好心啦打開門做生意態度好d啦黎食飯仲要睇你面色??離譜...

今日天氣又轉凍當然要趕搭尾班車食下呢度馳名既炭爐煲仔飯啦兩個人叫左個花茶蝦籽鉗魚煲仔飯($53), 西蘭花炒斑片($30)同西檸雞($30)花茶蝦籽鉗魚煲仔飯～一d蝦籽都食唔到,花茶味又無,只係上檯時見到飯面有幾粒玫瑰花,有d搵笨囉,而且食到尾想食飯焦時發覺個煲底膿左d,幸好d鉗魚煮得好滑好好食,一邊食又食到好香炭爐味,但係d魚都係肥左少少! 而且d膿味蓋晒d飯既豉油香味,比想像中差喎西蘭花炒斑片～都幾油下,但好香蒜蓉味,而d斑片都煮得好滑又幾大件,唔錯!西檸雞～一半係食到得淨炸粉,一半係食到有雞肉,好彩有雞o個d個炸粉皮唔厚,汁亦酸得黎唔刺激喉嚨,都ok既!初初serve我地o個位阿姐好好笑容又細心我同朋友仔都好開心仲讚佢做足華仔風範但點知食到近尾時有個光頭叔叔好唔客氣咁大大聲話"你地兩個坐埋一邊啦"講真我明你多人,你想做多d生意但我入黎時已經係咁多人啦你當時又唔講到食到尾時先咁講仲要好唔客氣你有禮貌d叫我轉位我係無所謂架但你咁既態度令人唔想啋你囉分明係趕客喎你幾好食都係假啦下次真係未必會幫襯

星期六又凍番，莫過於最好食煲熱辣辣的煲仔飯。係cwb shopping完後過o黎食，離遠已聞到一陣炭爐味。煲仔飯有好多選擇，除了有一般臘味田雞滑雞外，仲有好多創新味道。小菜亦有好多選擇，30蚊包湯、飯或餐茶。因為不是太肚餓，只叫了一煲麻辣海鮮煲仔飯、一碟生炒骨同灼芥蘭兩個人食。麻辣海鮮煲仔飯要大辣，對我o地來講唔算太辣，不過只得辣味，沒有麻的感覺，而d海鮮有魚塊、鮮魷同蝦，我認為鮮魷好入味，同d辣好夾，而反老公欣賞佢d魚塊。而d飯方面我覺煲飯時落水較多，飯身唔太乾身，但又不至於最諗，最驚喜係可以食到好多飯蕉。生炒骨還可以，甜酸汁略甜，排骨算炸得脆不過size略細，冇乜咬口。餐茶要了杯凍啡，又係幾驚喜喎，好香濃。

煲仔飯好多地方都有得食, 不過呢度既煲仔飯用炭爐燒, 火力控制得好, 配埋佢地自製既豉油, 食完之後, 令到一向都唔大食既我, 想叫多個再食過添呀! 呢度既奶茶, 香濃滑樣樣都齊, 值得一試架! 唯一唔好既地方, 就係個侍應o係門口食煙, 風一吹, 就可能會幫你加料了.

之前曾聽KC說,這裡的煲仔飯幾好; 這兩天又忽然好凍,今晚便決定到這裡食煲仔飯!我們未夠六點便已經到了,但原來已經滿坐;我們在門口等了一陣,好在很快便有位了.我們叫了一個蝦籽鉗魚煲仔飯- 鉗魚像鰻魚一樣,飯加上有蒜味香的豉油,真的很好味;魚香味就好夠,但炭火味就唔多覺.田雞臘腸煲仔飯- 田雞很肥很多肉,臘腸的香味令食欲增加,再加上有蒜味香的豉油,真是食過最好味的煲仔飯,炭火味很濃,正!之後將個例湯倒落個煲度，刮埋D飯焦來吃，就更加正!好味道,一定要再來吃.椒鹽雞翼尖- 都唔錯,但沒有多少肉;我還是喜歡雞翼或雞脾多d.地方比較細又窄,唔多舒服,d待應又唔多理人,我想這是比較差的.

約了損友打邊爐再飲野，行經登龍街，忽然聞到炭爐煲飯香，立即四周望看從何處傳出，最後找到這裡。見佢一個個炭爐在燒煲仔飯，好有風味，立即call損友轉移陣地，一行三人來了這間外表普通的茶餐廳，雖然天氣還不是太涷，但難得搵到炭爐煲仔飯，所以一於先吃為快。入面人也不少，可見識食的人也不在少數。叫了窩蛋牛肉飯、潤腸滑雞飯同咸魚肉餅飯。等左幾個字，三煲飯先後上檯，個人覺得用炭爐燒煲仔飯風味寧舍不會，飯香四溢。其中仍舊最喜愛我叫的潤腸滑雞，一向也認為潤腸是煲仔飯的最佳拍檔，其次就係咸魚同田雞；配角的豉油有蒜味，幾有特色；食到最後將個例湯倒落個煲度，刮埋D飯焦來吃，大家都非常滿足。連三杯涷飲埋單150蚊左右，唔算平但值得，因為而家市面的平價煲仔飯大多用石油氣煲，佢個炭爐出來都係做樣居多，風味差好遠。用炭爐煲的除了呢度，知道的還有西環合記，所以喜歡吃煲仔飯的不能錯過。