新福星潮州打冷火鍋菜館

营业中

休息中

一家人到左食飯時間忽發其想想打冷, 就黎呢條街任你揀啦!最緊要坐室內, 求其有位就入一間啦!落單有效率, 上菜時間好好, 等一陣就續碟黎!鹹菜魚$48西蘭花珍珠蚌$98鹵水鵝$70生腸墨魚$58炸大腸$58炸大腸好瘦,生腸墨魚唔夠爽,鹵水鵝似鴨...西蘭花炒得好香,珍珠蚌爽,鹹菜魚惹味得黎唔太鹹...佢同附近比唔會特別平, 餸菜比我感覺用料一般但手勢唔太差, 可以食厭其他就食佢一次ge!

昨晚去咗食潮州打冷，去我元朗區最鍾意嘅新福星。兩個人點3樣嘢啱啱好，最快嚟到係9菜朱紅，朱紅唔散，彈口有口感又無腥，正👍👍👍 另外，蠔仔粥，雖然啲蠔比較細粒，但係好新鮮，而且加咗紫菜，好味。我最愛嘅鵝片就比較遜色，鵝片因淹得唔夠時間而無滷水味。雖然有一樣食物比較遜色，但整體來講都ok

大家都應該知道我很喜歡吃西餐，不過有時經常都吃，總會有點生厭，偶爾也要麻甩一下吧? 從前的我對於打冷的感覺很一般，但最近忽然很想吃凍蟹，於是便來了這間位於元朗的潮州食店。元朗的食店真的超多，週末晚上來到，整條街都放滿著桌椅，充滿著人群；想在週末不用等位? 那請早點來吧! 我們六時多便來到了，不用等位，真好。餐廳裡的牆便是餐牌，想吃甚麼? 看看這個大餐牌吧。選擇頗多的，有煲、窩和海鮮等；我們這天只有三人，所以不能點太大，否則真想每一種類都吃點呢。門外還有一個海鮮區，我每樣都想吃......其實這樣子放，真的有點不衛生，始終這是馬路，難免會有灰塵，而大家都吃這無處不在，肉眼看不到的灰塵吃下肚；不過大菌食細菌，我一直都吃了不少菌，所以不怕肚子痛。凍蟹 ($180)牠真可憐，成為我的胃中物。這隻蟹不算十分大隻，這裡的蟹都是差不多這個大小的，想吃很大隻的，或者不該來這裡吧。肉蟹雖然細隻，但亦非常好肉，十分新鮮；肉質嫩滑無比，而且很軟稔，方便咀嚼；而味道是很鮮甜，鹹味亦適中，吃時甚麼也不要點，嚐其原味最好的了。脷，本來想叫侍應來一個鵝、豬耳和豬脷的拼盤，但我說得不夠清楚，導致侍應誤會我的意思，所以

大時大節，周圍的很多人，食西餐特別貴， 所以返其道而行，今晚食中餐，仲要係大排檔打冷。可能由於還是新年關係，大排檔也滿是人，幸好剛有位子，就在路邊，環境雖不是好，但這也是大排檔的特色。看了餐牌，看到上菜時的份量也較大，就點了三樣菜，首先是卤水鵝， 份量十足，鵝肉滑，味道也不錯。再來豉椒炒蜆, 份量也多，蜆不算大，沒有沙，不是很香，味道OK. 但部分蜆肉中有炒碎了的殼，吃起來要小心。因為食，忘了拍照。再來就是薑䓤魚頭煲，上菜時很熱很新鮮，份量適中，比較多湯汁，不夠乾身，魚頭不很新鮮，味道可以，煲肉的䓤剛剛熟，好味。等了又等還不見最初點的乾炒牛河上枱，阿姐叫我追老闆娘，果然湊效，很快就上枱，可惜卻換來牛望，十然份量十足，但就是不合格，河粉炒得不夠乾身，有部分很是白色宋沾上豉油，牛肉太老，食了一點，決定打包。阿姐很快就拿來了外賣盒，本來我想自己動手，阿姐很手快地將整碟牛河倒進，外賣盒內，有幾條河粉吊係飯盒邊，這時阿姐用她那何其神聖的手指把河粉一了，河粉貼貼服服地落入飯盒中，很快地她就把飯盒包好了給我，她也無視我愕然的表情，走開了。最後埋單二百九，雖然大排檔預了衞生條件不會好，但寧可給我知也不

從友人口中得知原來這裏有間大排檔, 原來這間大排檔好旺場, 差不多擺了整整一條街. 當晚坐室外幸好不算太熱.先來幾碟醬汁細蠔餅都有3大塊, 肥肥的蠔仔加上蛋漿不算太粉, 味道不錯. 由於太飽結果剩了一整塊來一個細拼盤, 我喜歡這裏的滷氷因為不會太鹹, 種類都有很多種, 份量都不少.魚雲非常滑, 薑蔥爆得很香口, 這個煲雖然多但都給我們清掉了~味道不錯十分足料, 感覺像一座山丘, 吃極都吃不完的莧菜最終我們都放棄了~~~~~二人共點了四款菜, 初初還想我們都應該能吃清的, 但原來這裏的份量是那麼多, 我想四人才能吃得清, 當晚真是飽得很夜一夜都未能入睡, 我想下次要一大班人再來吃重量福星才得了~~~~~~~~

好久沒有與阿伯與伯娘同枱食飯了~妹子的生日，當然要一同食飯，才是一家人麻~難得今晚齊齊整整，問題又來了！去那裡食飯好呢？又將個波拋給妹子..-.-真的無言以對~唉！十萬個感嘆號..爸子不吃酸辣食物，媽子又不吃生冷食物，選擇少之又少，去酒樓又話貴，本來妹子不用想，來個打邊爐都是一個不錯的選擇，後來在網上找找，又比妹子見到這店子，一家便宜二家著，食評不錯呀~七點正到了，阿伯與伯娘真的非常地準時！其他的..沒有理由妹子的家人遲到耶，真的不夠比面。幸好內裡有一張大枱，是否上天為妹子而設呢？哈哈..外面真的有夠熱耶！涼涼冷氣看看餐牌。阿姐非常地熱情招待，猛地叫我們點他們的招牌菜，即是牆身貼上的頭幾號菜色，見她機關槍的說著，真的不好意思開口..sorry呀姐姐，我們人都未到齊耶！妳的原意是非常的好麻~不過妹子心裡都有食物想吃，就是黃金蝦呀~至愛的咸蛋黃醬，正！終於見到自家屋企人出現，還獨欠姐子呢，又遲大到！唔等喇，點菜最緊要~首先來個鹵水豆腐($25x2)，豆腐還冒著煙，嫩嫩的，非常好吃！鹵水入味得來又不過咸，不夠喉要encore一碟。福星小炒王($65)，阿姐花盡唇舌推介菜色之一，材料都幾豐富，

之前一直是潮豐FANS，手切肥牛、蠔餅、鹵水都好味而家跌WATT跌到無人有，一定不再去。那麼，去邊度打冷好？在OPENRICE看到新福星，於是去試下。鹵水鵝片($78)－達標的，不過男友說那鹵水不夠好，未跌WATT前的潮豐好D，鹵水始終老店好。薑蔥蠔($68)－不是潮菜，純是個人逢蠔必吃。男友說未見過咁認真洗蠔的店，不過出水出得大勁，少左D蠔味，D蠔幾新鮮，煮得剛好不太入味，份量很足，都是達標的。九菜豬紅－豬組個質感不錯，嫩，九菜較多，面有豬油，我和男友一致認為不錯的。烏頭魚飯($78)－有油的，好魚，好吃，不過男友說有少少肚痛，應與魚有關。是次求其叫，但水準不俗，看店裏的炒物應該不錯，會再來試的。總評：不是好吃到飛天，但價格好合理，份量好多，食物有HEART，不錯。

好耐冇打冷, 自知和男友兩人吃得不多, 但見樣樣都想食, 結果...出事啫啫芥蘭煲: 唔知佢用咩炒, 超夠鑊氣超好味卥水鵝片: 大大碟好多鵝片, 卥得好入味又唔會太肥卥水大腸併墨魚: 又係打冷必食之選, 墨魚唔勒, 大腸入味蠔餅(細): 真係唔知叫個細的都有成三大塊, 塊塊大過我塊面ga.....兩個人見到碟蠔餅嚟到都呆咗, 諗住卅幾蚊應該唔多啦....不過食食下又食得晒喎(肥c.....), 因為佢唔係好'粉', 蛋多啲又炸得脆, 必食!叫埋支啤酒(仲飲得落!), 兩個人around$200

今晚一行三大一B入元朗食晚飯, 平時我哋會去正記嘅, 但見到食評寫呢間都唔錯, 就去試下呢間潮州菜館喇我哋18:30去到, 好在行得快, 行慢啲都要坐門口. 入面比正記迫, 地下又滑, 成日要周圍行嘅百厭仔都跌咗兩次.我哋叫咗: 蠔仔粥 (大) $48.00-- 足料, 味道鮮, 唔太咸, 好味! 蠔餅 (小) $38.00--外脆內嫩, 味道唔錯, 可惜太多油, 啲油多到可以倒返出嚟 鹵水什拼 $60.00--種類較正記多, 有紅腸, 豬腸, 豬耳, 豬脷, 墨魚, 粉腸, 豬腩肉, 豆腐, 味道唔錯, 但份量比較少, $60.00就唔太抵. 啫啫白菜煲 $40.00--好冶味, 唔錯. 比起平時蒜蓉炒更香更冶味埋單$186.00

我們一直都想去打冷店食飯,但又怕不衛生,在開飯搵食時,無意搵到一間零喊面的打冷店,重點的是價錢經濟得很!!今晚膽粗粗就去該店一試究竟.差不多六點而已,室內已有4,5枱客人在進餐,看來此店絕對受街坊歡迎.我們應該無信錯開飯食評了吧拿拿聲坐在二人枱,地方非常乾淨,環境相當光鮮,碗碟枱布又清潔,比我想像中的打冷店差別很大啊.什麼都好,對我來說最緊要要價位是如何?看看菜牌,除了打冷食品外,什麼小炒,海鮮連火窩也有.實在豐富非常.而價錢一樣實在公道,打冷食品廿五元起,小炒三四十元,海鮮也是八十元等.先來一碟大豆芽豆腐,不過實際是豆卜沒有豆腐.大豆芽用油爆香過,去除了青草味,入口爽脆兼帶清甜,作為前菜很不錯.另外一道是幾位食家讚賞的韭菜豬紅,份量超大不在話下,豬紅非常幼滑,沒怪味,墊底的韭菜油潤可口來打冷當然要來碟鹵水鵝,鵝肉好肥,穿著厚脂肪,但出來的鵝肉都是韌韌的,鹵水汁味道好香甜,遮蓋鵝肉那陣'酥味'.最愛的是墊底的一大件鹵水豆腐!!深得我心!!超滑滑滑滑滑師傅細心地將豆腐層炸面皮切走,大家食少一層不健康野,滑嘟嘟的豆腐肉再沾鹵水汁,一絕也.好似未夠喉,加多一碟咸菜魚我以為咸菜就等於酸菜,原來

聖誕節期間, 連續兩晚來食打冷, 真係超誇呀12月25日, 環島一日遊之後, 走來宵夜5個人叫了生腸墨魚, 好味蠔仔粥, 好味, 好多蠔仔, 又有紫菜和肉碎, 唔使加胡椒粉都唔會腥九菜豬紅, 好味, 唔太咸 炒聖子, 又話係聖子王, 但出來一睇, 比平時的都唔大得幾多 $78煎蠔餅, 細的都好大份, 但油了一點以上五樣野, 埋單大約係300蚊左右, 叫做抵食特別係碟蠔餅, 細碟的都好大份, 5個人都有食淨而且每碟菜一出來, 我地每人都拎手機相機出來影其中一個貌似太子女的靚女就問我地, 是否影完會放上開飯的我地梗係話係啦, 聽完佢都不知幾開心12月26日, 晚飯 6個人,花生鳳爪, 炆得好, 鳳爪有味又唔會爛九菜豬紅, 因為前一晚食了好味, 又再encore羊腩煲, 大煲的好似168, 但份量超多, 6個人都食唔晒, 要打包, 味道good (附有生菜一籃)蠔仔粥兩窩, 因為好味, 所以追加一窩生腸墨魚, 又係因為前一晚食過好味, 所以encore6個人埋單約400, 都叫做超抵食的 環境 : 一般潮州打冷檔格局, 去得呢d地方, 都唔係追求靚裝修啦

又來與但以理團的聚會，因煮飯花時，為留時間與大家傾偈，這次決定找個價廉物美地方出外用餐。早前試過新福星印象不錯，即鎖定為目標；當晚約定餐廳先到先等，然而店名剛好被簷篷遮了，後來要出去店內「執」大家進場! 每次聚會都少不了酒精，這晚也帶了兩支酒一起分享，結果似乎還可以加點，哈! 兩杯下肚，縱然人還未齊，不過也先點著一些菜式，邊吃邊等吧! 上菜以先，照例先奉上辣油及醬油，當晚不知是自已不妥還是別的，突然覺得辣油不如上香辣，其他的菜式也變淡了... 滷水鵝片-終於吃到這裡的鵝片，出品肥瘦均勻、肉質鬆化甘香，味道不錯；墊底的豆腐比上次的質感要細滑，也幾得我歡心。　滷水什錦拼盤-與上回一樣，我只是專心啄著魷魚、紅腸、豆腐、豬腩肉來吃，豬耳、粉腸等就留給大家吧。滷水肥腸拼鵝腸-大家都說肥腸不錯，不過我沒試只吃了鵝腸，後者口感幾爽脆又沒異味，OK，另外幫襯了不少拌碟的韮菜。大蠔仔粥-相比上次盛得滿滿的細粥，這煲大粥的空位仍多，份量沒有預期中的大堆頭，只約了九碗左右。而且當晚的粥比上回少了菜甫及紫菜，味道也沒上次豐富討喜了。椒鹽豆腐-金黃的豆腐小磚炸得香脆不油，外脆內嫩，點上少量喼汁味道不錯，一吃就是

蠔餅好得星期天，本來一家三口開開心心去劉星花園BBQ，點知已結業餘老公建議去元朗打冷眼見雖然半條西裕街只是坐街位也坐滿，但要亞太我坐街十萬個no老公話真係ok 架，便免強扁面坐下坐位好迫，台與台d人會背貼背還有一些大漢煲煙。my god老公知我唔多鐘意立刻叫了數個我至愛菜式嘩! 好好味WOW食完LAM LAM 脷走 (因為後面個細路成日僮倒我張凳)胃痛到想師小小D 蠔雖然唔係好大，但好鮮味紅拼大腸老公最愛亞女食唔停的鵝片蠔餅好得

早前於大坑的豐富午餐，在虎豹別墅排隊影相、以及事後到天水圍打波中，全數消化盡殆。餓腸轆轆的三女子，來到這間友人推介的新開打冷店中，甚麼都想吞進肚去!　然而週六晚近八點的新福星，無論店內店外都座無虛席，幸而一向粗心的我難得一次眼利，瞄到一張二人檯剛離開，旋即飛身坐下。三位女生坐二人檯，逼是逼些，不過感覺也更親密，沒所謂啦。得知這裡菜式份量特大，加上檯面位置有限，是晚很忍手點了四項食物，結果都要吃剩!落單後上餐前，爽朗大聲的店員先奉上辣椒油及滷水調味醬；個人非常欣賞香辣帶勁、味道純正的辣椒油，幾乎配搭甚麼菜式都很惹味，令人胃口大開。最先上檯是蠔仔粥，可選大的一窩或小的一碗，大的價錢忘記，總之是晚點的碗裝只需$28，便直得十分誇張；但其實份量也不少，當晚我們每人都分到兩碗有多的!令人很窩心的，是店方並未將貨就價，如圖可見粥中有大量蠔仔及菜甫，足料而鮮美；再加上額外的紫菜，份外清鮮美味。在一個微寒的夜吃著這樣一碗熱粥，真幸福!吃腩仔除了剛出爐的脆卜卜口感，以豆腐枝竹炆稔也是我很喜愛的吃法，趁微有寒意是晚也點了豆腐枝竹火腩煲來分享。熱辣辣的煲仔上檯，原來豆腐與火腩的比例較高，而且腩肉肉質較實，只

環境只是一般大排檔.可以坐舖裏面.不過位同位間仲係好迫...叫左3個菜都係食品質不是食功夫.打冷本來最好飲酒..但本人身體一般.一早就放棄左呢個嗜好.大眼雞.如果新鮮.肉質係滑.味道係鮮甜.奈何呢條大眼雞肉質係梅.味道食落感覺似食煲湯魚渣.你們話呢條大眼雞新鮮嗎??豬紅.大大碗.吃落口都彈牙...唔錯而鵝腸都好乾淨.太乾淨又無味...也有少少肥膏.食落很香口服務店員好似好忙...無時間理會人客....價錢160元二個人合理