新珊瑚堡餐廳 (已結業)

平日去食晚飯, walk in既...去到已經幾多人等緊, 我地拎位時, 嗰個人話5分鐘之內就有位....點知一等係幾個字囉...講真, 見到咁多人都已經諗住要等耐少少....冇位就唔好吹到咁快就有啦...唔誠實!裡面既環境冇出面見到既咁好, 坐得唔舒服!人手不足, 叫左好耐先有人行埋黎寫野, 而且好似唔係個個人都可以落單?!餐包真係好好食, 皮脆, 裡面軟, 而且幾白..餐湯太茄膏..salad...ok都幾新鮮個鐵板牛扒好唔得...唔得在個鐵板根本唔熱既, 淋汁落去完全冇聲既...omg!!!!但我見人地嗰d係熱架...個牛好un...條腸唔好食, 似熱狗腸...個pasta一般, 太油!

補回12-1-2009食評 之前只試過荃灣那間分店,那間都不錯~今晚我們一行十一人,去了淘大這間珊瑚堡,剛巧有折噃~盡管一試吧~焗飯類---->>都不錯,但~稱不上好食~扒餐的牛--->>完全唔掂~太嚡口了~總括 :　侍應生不是是否新來的,有點混亂，問甚麼都唔識答的．地方坐得都幾舒適,食物水準有待改善.

9-12-2008.....環境OK.食物OK.飲品好難飲.但要等好耐(起碼廿分鐘).最惨的是.有個侍應不大小心地倒瀉左柸奶茶.倒左落男朋友既皮婁同埋我個地圖袋道.件婁D皮已經渗透左要報銷.而我個地圖袋.唉.......起左好多泡泡......個SIU經理就好有禮貌講SORRY不好意思.仲話會賠償比我地.會唔會吹水????巳經等左第三日..........

當我去到門口時，覺得間餐廳冷氣好勁。我最愛就係勁冷氣食店，二話不說，即刻入去。誰不知就是惡夢之開始。入內坐定，叫野食。搞掂就開始四周圍望下喇，望下張枱用膠枱布，點解張枱布下面可以咁黑..........又望下張梳化......又係咁.....黑...........睇下四圍D枱布同牆壁又係黑色同好厚塵..............個心已經好怕，想走人。但又叫左野食.....咁食埋先喇都好似無得唔要喇。咁就同自己講唔好四圍望喇，向上望下個心沉晒，個天花咁黑嘅成間食店....有無一個位乾淨小小...........個心都唔知點算。但又見四周D人無咩問題，會唔會係我自己有問題呢? 但係真係頂唔順，野食黎到快食完即走。個人一直打冷震，以後都唔會再去，食一餐心都震埋。

9月28日, 去開九龍灣, 順個便行下德福呢邊, 再順個便黎珊瑚堡用咗呀比張$50 coupon食個西lunch先~::: 紐西蘭牛柳鐵版餐 ::: $60好似好吸引~ 餐湯要咗忌廉湯, 濃濃杰杰咁混咗d罐頭粟米羹在裡頭, 係我喜歡既舊式粟米忌廉湯~ 鐵版上台冇乜滋滋聲, 唔係好熱… 但雜豆配菜頗多, 顯得同小朋友拳頭差唔多大既牛柳更細少得可憐!! 不過食落牛柳肉質唔錯, 咬落都有肉味~ 要7成熟都唔太overcook, 牛柳中心更加係粉紅色的! 意粉份量都算多, 不過就煮得過淋. 黎呢d餐廳餐飲叫奶茶通常都會出事, 所以叫咗凍檸茶, 自己篤檸檬好難會出事~ 整體上都算合格, 而且食飽咗我!::: 馬來咖哩雞扒焗飯::: $42呢個跟羅宋湯, 比較稀, 要講既係餐包, 好鍾意食呢隻, 軟熟得黎好香牛油味~而個焗飯就唔係好馬來, 個咖哩完全唔係馬來式, 不過總算味道唔差~ 雞扒都幾香, 只係加咖哩唔太夾~ 薯仔有2大舊, 都幾淋架~ 加埋大量椰菜, 令到個飯好細… 好少可同呀菲飲同一樣野, 不過都係凍檸茶穩陣d…珊瑚堡同維苑餐廳都係惡評遠播既好朋友~ 論食物質素同服務態度可謂不相伯仲.

今晚和家人三個人去左淘大商場的珊瑚堡這間分店不是評級寫得咁差～也是第二次來食。家人未黎過～今次佢地第一次來1.西冷牛扒（六成熟，煎得不夠乾身，有點濕，味道好食）2.羊骨飯餐（好食，鍾意佢夠show喎）3.吉列蝦配雞扒餐(好食，吉列好脆口，雞扒同第一次食一樣入味不鞋口）雜菜湯一般，都包是小小外皮脆的法包～呢個熱烘的。服務：不是太好，有個別的男侍應，經常遊魂，好像未訓醒，幾枱落單，等左２０分鐘以上食物還未到，落左單的餐飲，結果原來冇落單,白等了超過十五分鐘，要再追問先知～不會自動加水，叫左幾次都應左唔埋人，食食下野叫人埋單，但埋單的枱不是我地那張，真係烏龍百出，看來全部都是後生仔新手，沒有一個有經驗的侍應在支援。環境：裝修好靚，好滿意它的梳化椅座，軟身好舒服，位子不迫，有空間。地下不濕。整体上都可以再去ga..　埋單有匯豐50元cash coupon今次好抵～

補祝兄弟生日! 先講多聲生日快樂先~入到去 門面同裝修都好grand 令人感覺舒服坐底左 睇左陣menu之後唔見門口set dinner既menu原來要問先有 咁點解唔另外整1張set dinner既menu呢??最後我地5個人叫左1個set dinner 4個鐵板牛柳叫完野食 等左半個鐘左右 個湯同麵包先到 耐左少少喎...不過個包真係唔錯 外面脆入面鬆化 而且幾香口再等多3個字 4個餐終於黎到 真係等到頸都長埋但係仲差1個餐...因為頭先有個fd叫左set dinner之後改鐵板餐所以落單果個姐姐就漏左單...好喇我地問返佢喇...佢仲好惡咁答我地"我知呀, 轉左餐丫嘛"...之後佢應該見到張單仲係自己手上於是癲左咁係度笑...大佬...好好笑咩...你要我地等多幾個字呀而家...結果等左成個餐先可以開餐 好講返個餐 牛柳的確好林 好有肉味食落口唔似有用鬆肉粉"拿"過 不過份量好少 但薄既兩片 唔夠飽囉...朋友個雞扒拼朧脷都唔差 overall黎講野食係ok架...但服務真係...... 最好笑都係見到拎鐵板餐果個哥哥 佢好似好趕咁 兩隻手拎6塊鐵板結果就唔小心地打中左個食客既頭

今晚再一次去淘大睇戲，板長、鐵匠都好多人排隊，抬頭一望見到裝修唔錯的珊瑚堡，見門口寫住特價晚餐*7:30p.m, 前，於是就入左去一坐底，問一問靚仔經理特價晚餐有咩揀... 佢講得好快..."牛扒帶子、雞扒帶子、焗飯...." 講到一半，佢又叫左個 waitress 招呼我地，"牛扒帶子、雞扒帶子、焗飯...(打喊路~~~~)、鐵板牛扒...." 我當堂笑左特價晚餐價錢都算街坊價，點了兩客牛扒帶子跟意粉 ($46)，包湯、餐飲，再加了一個 d 字名牌雪榚做飯後甜品 (+$12)。食物水準方面，都只屬街坊水準，帶子當然唔係新鮮貨，牛扒亦唔知有幾成熟，連伴汁也沒有選擇權利，這些還可勉強接受，始終食物質素不是引致劣評的主因問題根源係來自餐廳差劣的服務水準，唔止 waitress 打喊路，一直只做"指揮"的靚仔經理都有響門口打喊路，而傳菜速度之慢也是數一數二的；餐廳門面裝修不錯，但內裏又是另一回事，殘殘舊舊的天花板麻煩執一執....這次給個喊臉吧，希望餐廳可以正視服務態度問題.... 至於食物，快餐店還比它們好一點點吧

本來就唔打算食呢間... 見門面裝修幾四正, menu入面d野食好似唔錯, 又唔想搵第2間餐廳, 神推鬼撞之下就入左去喇結果貼錢買難受...坐低既時候, 張檯都未set好, 唔緊要waitress掛住埋單, 唔記得幫我轉order, 唔緊要飲緊湯既時候, 無端端上左隔離檯既甜品比我, 話去跟單既waiter一去不返, 都唔緊要最慘係...d野食真係麻麻... 叫5成熟既西冷扒, 變左3成熟; 叫焗海鮮飯, 入面d墨魚又未熟好彩唔係叫貴價野... 否則真係食左都背脊骨落...餐廳環境睇落好光鮮... 但其實暗藏邋遢, d 檯布邊好多黑色污漬成間餐廳完全唔夠人做野, 應該話除左個高級waitress之外, 無乜幾個人做得野侍應做野真係好多甩漏... 傳菜出錯, 無人加水 / set檯 / 執檯, 一張2人檯, 放滿 餐湯碗, 餐飽籃, 主菜, 水杯, 餐飲... 哇.. 逼到呢...埋單果陣, 個waiter夠膽死落錯單, 將先前放錯既甜品入我數!!!好彩我睇下張單je... 否則真係冤枉喇(諗諗下... 可能無計到落隔離檯張單度...)平日遇到類似事件, 一定火滾黑面...但為免令本身已

細佬話想食...兩個人再加老豆食...食物(只係我食的野):羅宋湯加餐飽洋蔥汁鮮嫩雞扒伴漢堡扒配薯菜凍檸茶羅宋湯加餐飽:羅宋湯好"杰", 一o的肉味都無, 好似飲緊加左菜既味精水, 個包得小小暖, 仲有o的硬...洋蔥汁鮮嫩雞扒伴漢堡扒配薯菜:老實說, 真的一般到唔知點講,話就係鮮嫩雞扒, 但係一睇就知佢同o的街邊小食店既炸雞扒一o的分別都無, 仲有o的老, 漢堡扒又係, 一睇就知係o個o的一大包雪藏貨色, 薯菜又係一般到唔一般...凍檸茶:一向都係叫開走甜, 一上到都冇晒冰, 因為用晒泥融茶, 一飲, 茶味真係好淡, 好一杯君子之交的凍檸茶...服務:可能係坐得好入...舉手叫野都冇咩人睇到...舉左好耐先有人行入泥睇到...服務又係好一般...上菜真係好慢下...都等左好耐...再者又要無咩冷氣...有o的熱...=_="e個lunch就真係一般一般一般...

本來都見到好多劣評o家喇不過有50蚊coupon廢事o徙o左佢就去試下...比想像中更唔得................我叫o左個西冷扒餐，先來個餐飽好硬................ 我想「meet」細舊用o黎點湯都唔得...然後我覺得個羅宋湯係我咁耐以來飲過最難飲的...得個甜字... 少少辣都冇... 好奇怪的味道...之後個扒就一般啦，反而我男友個鐵板牛柳 ok 喎，幾「林」，不過o的意粉都一樣幾「林」囉...凍飲要o左凍奶茶，我同男友一致認為個味好怪....又係得個甜字... 冇奶味又冇茶味...我好好奇佢用咩沖到o的色出來.............不過可能我o地平日去，o的 waiter 都好快應我o地...快到一食完佢即刻o黎收碟... 其實我唔係太鍾意... 因為總覺得好似好趕咁...總括o黎講我覺得咁o既價錢真係去椰林閣仲好食o的囉...用o左 50蚊 coupon 每人都要 60蚊~~~ 我唔會再去 lu~

雖然住九龍灣附近, 但開左咁耐都未試過, 抱住一試冇妨既態度同朋友去試試開始已不對頭, 間舖俾我地直行直入, 冇人黎帶位.好, 算啦. 叫左個洋葱雞扒配天婦羅大蝦鐵板餐, 食落同茶餐廳既洋葱汁雞扒飯冇乜大分別, 天婦羅大蝦亦不見得好好味.另外, 想上埋飲品時, 舉極手都冇人應, 係lunch hour太忙定我坐既位置較僻?總結, 連鎖店式的效應發揮著, 同樣價錢係陶大有更多選擇

上星期六又係長命工作天,所以又係去淘大食野既時候.好早已經知道2樓開左間裝潢唔錯既餐廳又請左好耐都未去試,所以決定上星期六就去試吓啦點知去到門口先知原來又係d連鎖店~珊瑚堡...進退2難既時間,老闆都已經來到我都費時再花心機去想另一間就一於入去試每人叫左個lunch set: 一個粟米火腿意粉同埋印尼炒貴勺包湯同野飲..價錢都好抵不過味道就麻麻.首先個湯就真係飲左幾啖都飲唔落...唔知點解覺得佢地d羅宋湯好似打左d生粉水好"杰"呀味道真係唔得.至於個意粉可取之處就係有多菜味道一般,炒貴勺都算ok起碼唔油啦不過都係無咩味道..平時係下面睇上去此餐廳真係好靚,點知入去坐又覺得麻麻.不過算啦下次我都唔會再來.

8/6/2008 Sunday一直知道有呢間餐廳存在見有露天位好似好正今晚第一次試,冇坐露台食物有D令人失望!大蝦雞扒意粉 :隻蝦好難食 ! 有點臭! 意粉唔夠熱!雞扒味道尚可茄汁豬扒焗飯:味道不過不失!豬扒唔會太un個汁都幾好味餐廳好嘈雜 + dirty完全同我想像唔同環境已經唔得!地下好dirty !!!

佢個下午茶有d野都幾抵食既佢d焗飯都ok,不過多汁左少少最唔抵食係個蝦餅2x蚊得一舊同小小野(勁唔抵食)去大成街市仲好食過佢