新泰東南亞餐廳 (已搬遷) 新店位置

The restaurant looked really new and it is located on the 2/F. After a staircase, you may then enter a very spacious dining area full of Thai decorations. I particularly liked the lighting, the glowing objects on the walls and some wooden sculptures by the windows. Private dining room and separated dining area can also be found in the restaurant if you fancy more privacy. Sun Thai has operated in Hong Kong for more than twenty years. All dishes are prepared by famous Thai chef and the place is o

這個冬天特別冷，周六假期懶牀至近十二時，整週的累氣盡消，真是簡單的滿足！抬頭往窗外看，又竟然陽光普照，瞬間想到陽光與海灘的泰國，奈何未能外遊，決定出門找家泰菜取代，享受一下溫暖國家的食品。 想坐得舒適，又要環境有泰味，很快就想起新泰，原來在盧押道開了新店，馬上決定一試。如W Square 的店，這家新泰由門面至室內，裝潢皆是美侖美奐，金碧輝煌，泰意洋溢。地下只是接待處，主廳在一樓，但原來接待處後有一祕密貴賓房，甚有私隱，可容10人。 主廳寬敞，以木製家具為主，滕背椅子，亦有一大酒吧。午餐及套餐頗實惠我們一如既往，喜歡散點。先到的是 巴東牛肉 配 印度薄餅 加了咖哩及椰奶的巴東牛肉，是泰式的變秦，並非印尼版本那麼杰，褐色的湯頭，水份充足就如一般咖哩菜式的稀杰，香料豐富，味道醇厚；牛肉選材亦好，有筋有肉，切至小方粒方便進食，亦更能吸收多些醬汁，入口非常嫩腍入味，牛肉味亦香。美味指數：4.5/5 今日的運氣真好，這個印度薄餅是吃過中數一數二的出色，口感鬆軟如麵包，手感柔軟如手帕，香氣逼人惹食慾，眼不見油漬乾淨俐落，反有烤至焦香的顏色；咬一口，輕輕的鬆脆聲，近乎完美的製作。 拿起薄餅，柔軟

同兩老共聚晚飯，絕不可亂黎 朋友推介這間餐廳說餐廳寬敞，座位舒適，小菜美味果真不俗！父母亦大讚餐廳裝修別緻，之後才得知是剛搬遷 父親大人喜歡冬蔭公湯，所以先叫了一窩作孝敬 冬蔭公湯下有火挫熱，為免變冷 味道方面，是頗辣的，但也十分香口材料亦豐富，有著鮮甜的蝦 父親大人相當喜歡一窩大概能每人2-3碗 之後叫了個沙律，這是媽媽點的 泰式柚子蝦沙律味道不錯，只是覺得可以再辣些蝦也有數隻，絕不吝嗇柚子很甜，與醬料配合得不錯 是不錯的沙律 之後就叫了個麵包焗咖喱軟殼蟹這是朋友推介的 真的謝謝她的推介這個主菜真的十分美味 軟殼蟹香脆麵包硬度適中咖喱不太辣但非常可口 麵包點上咖喱真的很棒 連兩老都讚不絕口媽媽還叫了杯椰青沙冰平時泰國食店只是椰青都需50大元這個才55，絕對物超所值 沙冰採用真椰青汁，加上粒粒椰青果肉十分鮮甜絕對推介 最後我們叫了個dessert platters 椰汁味很重，真的是很傳統甜品冷熱2款各試了，還是喜歡冷的多點但每人2個還是多了點如果6人來聚會叫這個就一定合適

食都係離不開同我男朋友仔，泰菜一向係我心頭好，平時一諗起就實會去九龍城食。但男朋友話近排翻工經過灣仔見到間新開裝修又唔錯嘅泰菜館，話要帶我去試試佢。新泰其實本身就有一間原店，我地今次去嘅係最近先開嘅分店嚟。可能因為係後街而且樓上鋪，環境比較靜，我地就可以一路食飯一路談下心喇餐廳都幾大，有好多卡位都，座位又夠哂闊。四周放咗好多特別擺設，充滿泰國風情xd睇下餐牌，我地就叫咗：冬陰公湯用料豐富，有一隻大蝦，好多嘅草茹同大量嘅香料。蝦吸咗湯嘅味道好入味，亦同時令湯更鮮甜。湯味道正宗，夠哂濃郁。酸酸甜甜好好飲，飯前開胃首選。泰式生蝦刺身廚師好細心，將冰同生蝦之間有保鮮紙隔住，避免生蝦沾到水。蝦肉新鮮，而且大隻，肉質爽口又夠鮮甜。側邊有泰式辣汁，另外亦有檸檬同蒜片比客人自行配搭。飛天通菜聽個名都知夠哂鑊氣！通菜用咗豆瓣，辣椒同蒜容等一齊炒。通菜唔老夠哂嫩，炒得好入味，帶陣陣香味，又唔會油淋淋 燒西冷牛扒本身想叫豬頸肉，但睇餐牌見到呢個幾吸引就轉叫呢個。牛扒切好一片片方便食，燒得表面有少許焦香，內裏肉質粉嫩。咬落有肉汁，而且肉味濃郁。配咗兩個汁點，都係酸酸辣辣嘅。三色冰未試過飲三色冰，原來三色係指落

哈哈又同女友去搵野食佢今次話想食泰國野咁就係openrice搵到呢間啦入到去都幾靜可能因為搬左新址，d客仲未知掛但d座位真係好舒服仲安排我地係sofa度坐咁女友話好想食咖喱所以我地就點左一個Baked Bread Stuffed with Curry Paste and Soft Crab賣相相當好而麵包好軟熟咖喱辣度岩岩好 唔會太辣亦都唔會太多椰汁味d麵包點左d咖喱真係好好食個Soft Crab亦都整得好脆口同個咖喱好夾之後我地就meet開裝住咖喱ge麵包黎食啦呢樣真係令我比五粒星呢味菜佢d麵包唔會索曬個汁架所以唔會好霖咁係因為佢個咖喱汁調得岩岩好哈哈 咁我男人老狗食個包又點會夠飽所以叫左碗白飯無諗過都幾大碗而飯的濕度都調得唔錯亦有濃濃的飯香溝個咖喱同Soft Crab食真係幾大碗都食得曬咁之後我地就兩個人再share呢杯野飲佢杯野係溝左好多料包括荔枝，薄荷葉，青檸汁，ginger ale個層次好多，感覺好特別最特出係青檸，之後淡淡的ginger和荔枝味先出黎最後先感覺到薄荷味而我覺得杯野調得好好飲女友仲話呢d無酒精好岩女仔飲絕對推介鍾意食泰國野ge人黎試

天氣凍冰冰，想食啲辣嘢，但又怕熱氣，放棄左麻辣火鍋，揀左食泰國菜。上次朋友提過灣仔有間泰國菜唔錯，帶埋朋友仔去試下。因為臨時決定，趕唔切訂位，但好彩我地早去到咋，好快可以安排入座。接待既侍應好好笑容，餐牌既選擇好多，咩都想試。我地兩個人點左3個菜，再加個甜品。泰式生蝦生蝦夠爽口大隻，入口啖啖肉。平時生蝦上面多數都只係放指天椒同蒜片，呢度另外配上檸檬。生蝦汁既味道非常重要，呢個酸甜辣既味道比例我鐘意，我唔鐘意得個辣果種。泰式拼盤為左想試多啲唔同種類，拼盤就好岩我地兩個。拼盤有生菜肉碎包，生菜新鮮，卜卜脆，肉碎份量夠，辣味夠，咸多少少會更惹味。泰式蝦餅熱辣辣夠彈牙，有酸甜醬，好味。魚餅香料味夠晒，一啲都唔San。春卷炸到卜卜脆，配上一種黃色既醬汁，酸酸甜甜，好味。又可以包生菜食，清新啲，另一番風味。泰式炒金邊粉上枱已經好吸引，一層網狀雞蛋包住金邊粉。金邊粉炒得岩岩好，夠煙un。乾身又唔會炒到一舊舊。好味道，推介！最後點了千層糕和椰汁糕做甜品，我鐘意椰汁糕，椰香濃郁。今晚實在太豐富啦。

男朋友生日想食泰國菜，做足功課的女朋友知道這間「新泰」在總店都幾出色，最近開了這間分店，裝修環境更適合食生日飯，所以帶男朋友來試一試。 見到menu有好多好多都想食，但又怕叫太多吃不消，所以主食只叫一款，其他都是小食甜品。 香芒牛油果軟殼蟹卷: 用米紙包住曚粉、牛油果、芒果、軟殼蟹、青瓜及生菜⋯⋯配合個酸甜汁，感覺好清新，芒果味道再突出一點會更好，好味的開胃菜！ 燒豬頸肉: 去食泰國菜必點的小食一定是燒豬頸肉，外脆內軟，加上一個有少少辣嘅汁，簡直一流！ 蒜茸越南牛油雞翼: 雖然覺得好邪惡好熱氣，但還是抵擋不住它的魅力，點了一客！生蒜加熟蒜再配合牛油雞翼，非常惹味！加上蒜粒一同食味道更好！ 冬蔭功海鮮粉絲: 原本的金邊粉可以轉粉絲，起初以為粉絲會吸晒所有湯發脹，但這個沒有，濃濃的冬蔭公湯加上海鮮，酸辣度剛剛好，冬天凍冰冰食，真的暖入心喔！ 芒果糯米飯: 泰國菜的甜品點少得芒果糯米飯。但這裡的糯米飯竟然是熱到出煙的@o@"但味道還是不錯，雖然芒果酸少少，但椰漿和我在泰國食那個差不多水準！不錯不錯！ 菠蘿沙冰: 一入口就知道是用新鮮菠

哩間泰國餐廳的環境同食物都非常不錯。裝修好有泰國feel，侍應睇黎都係泰國人，好有禮貌，反應又快，加上播埋泰文歌，氣氛一流。印象最深係冬陰功，冬蔭功有層次，酸酸辣辣，非常開胃。連爐上檯，夠哂新鮮滾熱辣加上香茅味超香，聞到都食慾大開。入口酸酸的，帶點椰香，之後慢慢滲出辣味另外燒春雞香茅釀飯都好特別，應該係將油飯填滿雞，再將成只雞烤熟。香得來又唔會油，只有薄薄地一層脆皮，而且雞肉好嫩，唔晒怕肥，食到停唔到口。如果可以切細件d，分埋碟就好啦！

是日下午先同一班好姐妹到銅鑼灣上手工堂, 之後老公到灣仔探朋友完成行程之後就相約灣仔晚飯. 因為天氣太凍, 想食D暖笠笠食物, 所以老公提議食泰菜.臨時臨急決定, 怕熱門餐廳BOOK唔到位, 所以就揀左呢間新開的泰國餐廳.餐廳位於樓上鋪, 我地大概7:30PM去到, 客人不算多.環境超好, 裝飾得好有泰國風味因為是新開的原因, 整間餐廳超光鮮的. 而座位間有一定的距離, 所以感覺不會太侷促.餐廳有一張可以容納12人的圓枱, 如果家庭聚餐或一大班朋友食飯都可以選擇這裡.打開餐牌看看, 有圖片及文字. 好方便查看.而價錢不算太貴, 就是正常泰國菜價錢呀.(細)冬陰公湯 HK$ 48.00這個冬陰公不算辣, 個人覺得再辛辣一點會更好.而湯內材料都好充足, 有開邊鮮蝦、草菇、蕃茄、莞荽等等. …蝦肉是食得出的鮮味, 整體不錯泰式炸蝦餅 HK$ 68.00炸蝦餅肉質彈牙,而且食到內里有一粒粒蝦肉, 很有口感.而剛炸起的蝦餅外脆而肉彈牙, 真係很好味.馬沙文牛腩 HK$ 78.00這個咖哩一點都不辣, 椰奶味相當重. 比較適合不愛辣的朋友這個牛腩是超級稔, 一咬下去就可以咬開, 而且沒有渣也不嚡口

係灣仔有咩好去處呢?發現有一間新開的泰國餐廳，店內的環境好有格調，坐位內仲有咕臣，坐得好舒服。點左個小食拼盤，蝦餅，春卷，魚餅圍住中間嘅肉碎，賣相好靚，蝦餅同魚餅外層炸左好脆口，內層好彈牙，春卷外層都好脆，內裏包嘅材料好爽口，再加醬汁，味道更加鮮甜。南瓜焗海鮮飯用一個大南瓜載住，頂層放滿海鮮，內層係南瓜飯，飯內混和左南瓜粒，南瓜內邊還有南瓜肉，混合飯一起食特別美味。食野唔少得嘅當然是飲品，去食泰國菜會想飲下椰汁，椰青看似好大，內裏不是好深底，這不是椰王，所以椰汁佔整個椰青一半份量，椰汁好鮮甜，椰子肉好容易整出黎，用黎解喝一流。

前幾個星期啱啱去左泰國渡假，番黎一陣已經有d懷念泰國菜，公司附近有間食泰國菜幾好食，咁啱食開o個間fully booked ，而近黎喺附近開左間分店，就搭多兩個電車站過去食啦~ 呢間分店同正店裝修差唔多，可能新開張既關係，呢間少人d，可以靜靜地食，仲好! 而且新店有好多卡位，坐得仲舒服! 識食緊係食咖哩同明爐烏頭，明爐烏頭有好多香料，有薑蔥，香茅，莞茜，香料更能特出成條魚鮮味，魚肉鮮甜，而且肉質軟滑，煮既時間係剛剛好，令條魚食落完全唔會覺得老，不俗不俗~仲有個酸辣醬汁，用黎點烏頭魚真係無得輸呀，酸酸地又易入口又惹味，Wu^^另外有個咖哩唔錯，就係麵包焗咖哩軟殼蟹，我喺馬來西亞食過一次呢個菜，既然咁啱見到，就試下，一望個菜就知好正，咖哩味香，賣相非常吸引。成個包熱辣辣，個軟殼蟹好酥脆，一咬，索索聲，加埋咖哩汁，冇得頂，而且咖哩味好濃好香，帶少少椰香，椰奶令到個咖哩好滑，個包焗得外脆內軟，軟既部分索哂d咖哩汁，非常入味，開頭有d擔心好飽會食唔哂，點知最後好味到連包都食哂! 店員服務質素幾好，基本上食淨既魚骨，見我地一停手，唔夠十秒已經換新碟，好細心~

天氣跌至59年嘅低溫，係咁嘅天氣梗係要搵班朋友出嚟聚下舊，幾經辛苦終於諗到食咩，一於即刻book枱食飯先！原來朋友已經我食過一次，佢就大讚上次嘅冬陰公湯好味，咁今次就試過其他新野啦！餐廳設於兩樓，有樓梯轉上就到， 地方都幾大，有卡位圓枱，另一邊有玻璃門做阻隔，我諗可以book嚟適合比一大班朋友聚會。餐廳有好多佛像嘅擺設， 一啲具民族色彩嘅布藝，餐廳格調悠閑，店員都好熱情招待，人手充足上菜速度都好快，小食價錢由$62-188，燒烤肉類及海鮮由$68-138，冬陰功及肉骨茶有分一位用或可以多人分享，價錢由$48-158！沙嗲串燒 $88 /6串多數一嚟到泰式餐廳，都係點沙嗲串燒，分別有雞、羊、豬各兩串，份量大大串，烤完唔會好乾，調味適中，而花生沙嗲醬點埋一齊食就凍咗啲，如果可以整暖一啲相信香味更突出。Chang $43 /支我哋出嚟食飯都會啤返幾杯，沒有不飮象啤的理由啦！不過43蚊先得支細size都幾貴。酥炸香茅魚配青芒果沙律 $168店家推介呢道酥炸香茅魚配青芒果沙律，名稱賣相同樣吸引，原來廚師先將魚肉起件，連同魚骨炸好，上菜時魚骨放係底，一件件嘅魚肉放上面方便食用，再放已經炸透嘅香茅絲

以前試過食軒尼斯道果間，今次想起泰菜，便來這間新開的分店。呢間裝潢都係沿用傳統泰國特色，店員全部泰國人，令人更像身處曼谷。先來試試這貴妃苗，未食已經聞到陣香味，用上熟蒜粒炒，除左辟去貴妃苗本身的菜青味，更吊出它的鮮甜味道，材料本身也頗新鮮，清炒不會太多油利感覺，令胃口增強。由於兩個人食，所以唔會叫太多食物怕做大嘥鬼，主菜就點了這咖喱麵包軟殻蟹。份量足，你睇下舊麵包大過塊面就知啦。軟殻蟹一定要趁熱食，否則會腥，正因為咁，個咖喱汁係好熱既，軟殻蟹點上這咖喱，出奇地配合，小辣不特只，咖喱汁溶化在蟹既殻裡面。另外個農夫包點呢個咖喱醬實在係不得了，因為麵包皮本身係脆既，咖喱醬係麵包索到入晒味，仲有少少椰香添。

天寒地凍 要去灣仔做野 吹左成日風 老公話搵間舒服d坐下。之前去過新泰幾次 諗住再去 發現新開左間分店在盧押道 湊巧係附近 索性試下新呢間。門口好泰國feel 好想做spa 哈哈 唯有食泰菜懷緬下泰國風味。餐廳幾大 柔和燈光 與之間空間頗大 好適合傾計。侍應好窩心 一坐低 就俾兩杯暖水我們 即刻暖曬 冬蔭功湯 食泰菜必飲。橙色紅卜卜 賣相好吸引 叫左細細碗 一隻蝦 香茅 菇菇 材料十足 辣味適中帶微酸 香料味撲鼻 果然色香味俱全！肉碎生菜包 肉碎 香茅碎 蒜蓉 香葉 辣椒 全部齊全 肉碎唔會炒得過老 不過我個人覺得如果可以濃味一點 咸一點會更好。辣味後勁強勁 在口裡面迴盪好內。鐘意辣既朋友會鐘意。生菜洗得乾淨 新鮮脆口。泰式蝦炒金邊粉。上 嘩一聲。賣相好得。蛋絲包住金邊粉 好靚。加上花生碎 青檸汁 金邊粉每一條都有均勻橙色 熱辣辣 酸酸地 好開胃 菜芽菜豆腐乾 配上爽口蝦碌 水準高 讚！泰式椰菜苗炒香菇 味道幾balance 份量十足。蒜蓉碎帶起了香味 椰菜苗爽脆 新鮮冬菇滑溜 都不錯。老公最鐘意食泰式千層糕 嘩 真是非常好味。微暖 好軟熟 椰汁香味好濃 和香葉味好配搭。我鐘

小妹住在九龍，愛吃泰國菜，常去九龍城覓食。今天因為遷就朋友上班地區，到了灣仔一間泰國菜館，估唔到有意外的驚喜。首先餐廳門口，已有泰國口音的待應接待我們（唔通是泰國人開的？）。她非常友善的，帶我們上樓上一層，上到去裝修各方面都非常精緻。上到去有很多梳化卡位，還有cushion 添，真舒服。打開餐牌，太多食物想試，想選最愛吃的菜式：咖喱蟹、生蝦刺身、椰青及甜品拼盤。可惜待應告訴我沒有蟹，因為太涷蟹唔夠靚。我雖然有些失望，因為很愛吃蟹，但心想如果唔新鮮的蟹我寧願不哂錢。所以轉了咖喱蝦。加上一份印度簿餅。先來的是泰式生蝦 （＄98），很肥美哦。下面很細心地有保鮮紙包著冰塊，既可保涷又可保持生蝦乾身。生蝦上配上一點辣椒及䓤花，吊起生蝦的鮮味。於入口裡，好厚肉，而且彈牙很有張力，是我的大愛哦﹗我先試不沾生蝦汁，試真原味。再試一隻是沾生蝦汁，感覺很不同，這種生蝦汁酸酸辣辣，讓生蝦鮮上加鮮，想encore﹗主菜咖喱蝦 （＄188）小妹不吃大辣食品，所以預先查詢辣的程度，確保自己接受得來。不過見到餐牌個英文是yellow curry，知道應該不太辣。咖喱蝦與薄餅一起上菜，蝦咬上去，放進咖喱前是先炸至香脆