新泰東南亞餐廳 (已結業)

同事午餐選擇到了新泰，三個人叫了一個二人餐再加一份生菜包生菜包吃了三件之後，同事拎起生菜發現有隻小小強附送叫店員過來，同時我影咗張相店員當然立即搶走生菜，同埋將肉碎一齊攞走然後店員攞menu過來問我哋想換咩嘢食，我話唔需要了，要求cancel佢話會送甜品，叫我哋揀另一食物我堅持唔需要更換食完其他食物之後無啦啦送了一個甜品拼盤好了，叫埋單，店員過來話今個午餐出現少少問題，我話係呀你啲食物有曱甴佢話，我哋唔打算收你錢，你可唔可以delete張相我問：你而家係咪想以免費午餐賄賂我去delete相店員答：係我話：我出得街食飯就預咗俾錢，唔係想呃你一個免費午餐相係屬於我嘅，我唔會delete，你一係收我錢，一係唔收店員行開同經理匯報之後就幫我埋單，當然沒有生菜包，仲有一個甜品拼盤冇收錢，打九折我如常俾錢走人去到門口，同一個經理過來，問我係咪食物有問題我話係呀你食物有曱甴佢再問有冇同事跟進，我話你同事想用免費午餐換我delete曱甴相，你知道架最後佢追問我貴姓，我話唔需要話俾你知，因為我應該唔會再來發表完畢。

一入門口就見到東南亞風的熱帶裝潢，豪華得來也很貼地。還有不少宗教擺設。就連經過洗手間時也見到一個很特別的壁燈，全間餐廳也看得出時經過悉心「打扮」。先來了泰式串燒，我個人只吃了雞，因為戒了紅肉，但朋友話返比我知原來雞串燒最好味，肉質嫩滑，有灰燒般既香氣，沙嗲醬更係錦上添花，十分惹味，充滿椰香。椰菜苗係我最中意叫既泰國菜色，呢度既椰菜苗都不負所望，清甜爽脆，好有咬口。大蝦柚子沙律，味道概清新又豐富的一道菜，柚子酸酸甜甜帶出了蝦的鮮味，大蝦爽脆厚肉，再加上乾蔥，花生，腰果等，是一流的開胃菜。之後就係未上枱都已經聞到芭蕉葉同香茅味的芭蕉葉烤鱸魚。一打開塊葉更是香氣四溢，食落魚的質地軟而滑，沾上泰式酸辣醬更是完美。外表平平無奇既蜜糖燒肋骨，原來才是壓軸！肉雖然唔係多，但勝在烤得夠香！肉質鮮美保留了肉質，而且不癡牙。肉既調味亦恰到好處，有BBQ嘅風味，而且更是甜蜜蜜，推介！

呢間食開lunch,今晚就試下食dinner~麵包焗咖哩軟殻蟹 $188唔想食飯但又想飽肚所以叫呢個，有埋麵包唔使再叫薄餅點咖哩。咖哩入面都有好多蔬菜，軟殻蟹亦炸得薄脆可口。酥炸香茅魚 $168呢個魚好食。魚肉已被起炸成條狀，食得方便，再點埋附隨既醬汁酸酸甜甜味道更佳。香芒腰果炒雞丁 $68呢個炒得好香，腰果亦多，但雞表面既粉太厚。越式蟹肉粉粉絲 $75食膩左飯同金邊粉，就試試呢個炒粉絲。粉絲既濕度控制得幾好，無癡埋，味道亦夠。椰絲綠豆糯米滋 $42呢個原來灑滿砂糖，以為會好甜但原本一d都唔甜，因為開邊綠豆同埋綠色糕點都係無味的，砂糖就是唯一調味。糕幾彈牙，可一試。（有加一）

今晚去完集成睇電腦野就近近地行去W Square食飯，大家選擇左二樓既泰菜。上到去地方幾寬敞，枱與枱之間都有足夠既空間。越式蟹肉炒粉絲 $75粉絲炒得唔乾唔會癡埋一舊舊，蟹肉唔多，但整體味道唔錯。但粉絲唔乾就會可能因為油多，所以怕油既可能不喜歡。香芒腰果炒雞丁 $68雞肉入味嫩口，但雞肉表面既粉略厚。腰果多，芒果既調味作用不大，但令整體熱氣感減少。酥炸香茅魚 $168第一次食，原來魚肉已起並炸成條狀，放回魚身上。魚炸得香脆，魚肉好滑鮮甜。伴碟有泰式酸辣醬&一碟帶酸味既汁，酸味十分開胃，而炸魚肉點上泰式酸辣醬亦十分惹味。麵包焗咖喱軟殻蟹 $188賣相好澎湃。咖哩唔辣偏甜，岩晒唔好辣既我地。軟殼蟹好香脆，帶蟹肉並且無炸乾。麵包點上咖喱食，未食完半個已經十分飽肚。椰絲綠豆糯米滋 $42都係第一次食呢個甜品，以為係普通綠色既甜點灑上椰絲，原來係灑滿砂糖椰絲並且有有好多開邊綠豆。糕本身無味，所以點上碟上既砂糖食就岩晒。開邊綠豆好香口，呢個甜品幾特別～*有加一*

泰國菜在香港都算是受歡迎菜式之一，而通常第一時間都會諗到九龍城，皆因那裡泰國人雲集，很多菜館都是泰國人自家主理，夠正宗地道，但其實在灣仔也有幾間由泰國人主理的泰國餐館，環境和出品也很有泰國風味的，而其中一間就在我家附近，問中泰菜癮起也會和屋企人一起去食晚飯。前一排也是和屋企人出去食晚飯，因媽咪想吃泰菜又不想去太遠，不期然又想起位於灣仔W square的這間泰國菜，皆因夠利便從屋企轉個灣便到。這泰式餐廳地方頗大，坐得寬敞舒服，店內以深啡色原木為主調，店主從東南亞搜羅的木製裝飾和擺設，每一件彷如藝術品一般，教人感覺珍貴。周遭裝飾佈置充滿著泰國色彩，其中更有一列泰式佈置的布幕卡位，配上播放著輕柔的東南亞風情樂韻，令人未嘗美味已感受到那股泰式風情，型格舒適，悠閒寫意，加上店員全都是泰國人，感覺就如置身於曼谷的餐店般，值得一提的是店員們的廣東話也頗純正的，予人一種親切的感覺。細閱餐牌後，發覺其實選擇款式也不少，而價錢也算合理。由於爸媽少吃生冷食物，筆者放棄了最愛的泰式生蝦刺身，而分別點了一些小食，咖喱和主食。筆者先是點了一杯芒果沙冰解渴，以鮮芒果打成的沙冰，充滿新鮮芒果氣息，而且沙冰磨得幼滑，並

餐廳環境算暗，見到入面算多圓枱同長大枱。我用膳時間係晚上七點，大約八點離開，門口已有一大堆人等候！上菜都算快，我叫左：牛油雞翼：唔知點解會變成蒜蓉雞翼味飛天通菜：店員有通知話好辣，我地話ok，但食落唔辣，無乜味，但唔油利冬陰公湯：耶奶味比較重，海鮮味唔夠，夠辣泰式鳳爪：酸辣味一般糯米雞翼：一碟得兩隻，雞翼上有兩隻醬汁味，一隻係耶汁味，但耶汁味唔夠濃，另一隻係秘製味（紅色），甜甜地又有少少花生鐵板蠔仔餅：雞蛋沒有調味下煮出的明爐烏頭：清湯煮魚一樣🙈

說到吃泰國菜，總是想到要到九龍城吃才夠滋味，但經同事的介紹，才知道原來灣仔也有一間很好味道的泰國菜。泰式生蝦。非常的爽甜，但像是一早已經剝好的蝦，包上了保鮮紙，賣相就略為差了一點點啦。食生蝦最重要的是蒜和辣椒，香濃之餘也帶點點的辣，再點上泰式辣醬，還真是有點辣呢，但酸酸辣辣的，十分開胃醒神。金邊粉。外面的一層蛋花十分考功夫，賣相十分吸引。金邊粉感覺不油膩，入口又是酸酸甜甜的，同樣是開胃菜，配料十分的多，蝦仁依然爽甜。麵軟加上乾豆腐又形成了對比，增加了口感。再加上了花生碎碎，脆脆的更是惹味。整晚最吸引我的卻是飲品，也是我從未飲過的。想到了炎炎夏日把椰青水改變成了椰青沙冰，更是消暑解渴。份量更是比一般椰青多，卻不失椰子特有的香甜，絕不變淡，非常抵讚。

去左銅鑼灣行街，突然想食泰國菜，上網搜尋發覺新泰東南亞人氣高企，價錢便宜，所以就同朋友行過去食店鋪裝飾及擺設都以木為主，同職員傾時得知大部分擺設在清邁運回來，難怪禁有泰北特色，職員態度非常親切，臨走時仲主動幫我地影相👍🏻芭蕉葉烤鱸魚上菜時整條魚被芭蕉葉包住，職員黎幫手打開，鱸魚加上大量泰式香料，勁重香茅味，魚肉香滑，食落非常新鮮，個人覺得比一般烤魚更好吃！大蝦柚子沙律非常清新既一道菜式，大蝦配合了酸酸甜甜既柚子，食落爽口鮮甜，再配合埋花生，洋蔥，腰果等配料，整個口感豐富！柚子味非常開胃，份量亦夠多，正！半打串燒沙爹（叫了豬牛雞各2枝）肉質嫩而多汁，炭香味濃，配合埋沙爹醬食非常惹味一流！我地最喜愛雞肉，所以我地最後叫多半打雞..全部都係雞....😆😆黎到泰國餐廳芒果糯米飯當然係必叫，呢到係配上黑白糯米，椰汁香甜口感煙韌，芒果份量適中，非常香甜！同行友人唔夠喉又叫多碟😑

2人在灣仔找泰菜,看到這間評價不錯.餐牌都沒有看就直接入座.大約8點多不用等位.點了4個菜:生菜包,咖哩牛,薄餅,冬蔭公生菜包肉碎粒滑滑的.幾辣下,岩我口味,生菜細細片,新鮮咖哩牛獨有的香料味,朋友說味道好像燒燋的味咖哩味被香料味搶,牛肉片嫩滑.薄餅軟硬適中.冬蔭公酸辣度適中,不會只偏辣或只偏酸,蝦的鮮味能淡淡的感受到

今日同屋企人出去食晚飯，打開open rice search 灣仔的泰國菜，見呢間排名幾好，一於去試下一坐低先叫兩個椰仔同媽咪一人一個，椰青夠大個清甜多汁，$40一個算幾抵炒秋葵爽甜清新，面頭舖左啲蒜片好香口，仲有炒洋蔥同蕃茄仔都好新鮮清甜炸春卷春卷皮太厚，扣分，勝在份量多同埋仲熱辣辣，甜酸汁夠特別有檸檬香味燒牛仔骨係我推介之一，牛肉軟淋，有啲香茅味道，難怪咁惹味，必定要點個辣燒汁，可以令到牛肉更香口香芋海鮮焗飯較為失色，飯太淋，無咬口，勝只得蠔，尤魚，同某芋口

星期日約左小學同學食晚飯,選了這間在公司附近的泰菜,之前已試過午飯!７點鐘準時到達已經全場爆滿,因為下午已經電話訂了位,但也等了20分鐘才可入座.而且要1個半小時交枱!一坐低,即刻點菜,選擇頗多,點左以下幾個,侍應是泰國人,要用英文點菜,大約15分鐘,菜分別送到,速度頗快因為太辣關係,點了一杯泰式奶茶,呢個唔得!超甜!總括黎講,環境舒適,價錢不貴,食物質素不錯,可以再嚟!

想找個藉口食好啲一於慶祝七夕情人節睇戲前先食個快靚正嘅晚餐朋友介紹先知原來新泰前身係泰屋裝修充滿泰式風情座位寬敞木製枱椅為主店內的燈光微黃撐枱腳都幾浪漫店內招呼我們的都是泰國姐姐果然是微笑之國她們通常都面帶笑容飲品我一定會飲三色冰 $32一試便知龍與鳳佢嘅椰汁好香滑夠晒濃郁紅六黃色嘅係亞塔子同埋大樹菠蘿喜歡傳統做法泰式 柚子蝦沙律 $88無論賣相定係用料都睇得出他們的用心製作滿滿的柚子又甜又多汁中間仲有香脆腰果酸酸甜甜的醬汁份量慷慨的大蝦爽口彈牙開胃到不得了冬陰公湯 $78很心痛華欣的爆炸事件確實會令我對泰國旅遊卻步冬陰公湯就唯有留返係香港飲啦這裏都做得出泰國風味香料味道濃郁小辣大頭蝦幾新鮮啖啖都是泰國味道蒜蓉包 $28飽肚就靠麵包啦上枱唔夠熱但就夠香脆💋💋💋💋💋💋💋泰式芒果糯米飯 $58最後又點少得甜品呢食泰國嘢首選芒果糯米飯芒果很甜多汁一啲都唔酸最特別係黑白糯米飯配埋甜美嘅杰身椰汁一起吃果然令人回味再回味

行開灣仔188買玩具，朋友推介了一個不錯嘅選擇，就係轉個灣落去嘅W Square 2樓嘅泰式餐廳，餐廳地方又大，座得舒服，重好有泰色佈置嘅座位，食物選擇都多！望望餐牌先叫了杯芒果沙冰$38止渴先用鮮芒果磨成嘅沙冰，帶鮮芒味道，而且沙冰磨得好幼滑，並不太甜，真係啱啱好！叫了兩個小吃蒜蓉越南牛油雞翼$65超多蒜蓉炒，d 蒜蓉嘅分量好似吃緊避風塘炒蟹嘅感覺，雞翼就炒得剛剛好，皮滑肉香，而且肉質嫩滑重好入味！串燒沙嗲$78有三種選擇豬牛雞，我就每樣點了兩串，沙嗲汁分開上，就個人喜好多少自己選擇！整體串燒不會太乾，而牛肉串燒較彈牙，豬肉同雞肉串燒則較軟熟加埋越式蟹肉炒粉絲$75粉絲上鋪滿了一層蟹肉，大大碟，粉絲入口彈牙爽口，好煙韌，配料重有切條嘅窄肉，入口彈牙今天行街有斬獲！雖然荷包出血，但買到心頭好，同吃到美食確實非常愉快！以餐廳價錢同食物質素同所在位，已經超值！

回憶起5月份嘅時候u，真系超級無事停吖，不停咁去無同嘅地方玩樂，希望可以逃離一下自己熟悉而又厭倦嘅環境，藉此來忘記一啲無開心嘅記憶。新泰東南亞嘅香茅豬扒（$68），價錢方面唔錯，元茜味一直都系咁獨特嘅存在，可以更有效咁祛除腥味，豬扒塊塊都咁大塊，食咗一啖之後，味道清淡咗小小，不過正系因為味道清淡先至無會掩蓋咗豬扒嘅色香味吖嘛，泰珍珠椰菜苗炒香菇（$78）,哩個系見隔離台嘅食起身唔錯，我先至追加咗一份，完全系清淡綠色健康類嘅食物，不過做法好精緻咁，香菇好滑口，椰菜都好嫩啫，食量攝入綠色菜品有益於身體。重頭戲拼盤(蝦餅,魚餅,春捲,生菜包)，價值$188，裡面有我最終以嘅春捲，一直都系我嘅必點品之一，非常推薦，香濃脆，不過食完之後真系有小小上火嘅徵兆。串燒沙爹 (雞,牛,豬)，$88,即使有小小肥膩，不過依然口感正到爆。

收工過後同友人想搵d酸酸辣辣既泰國菜食，但又唔想入到九龍城咁遠，所以就去左唔太就腳(位旅銅鑼灣同灣仔中間嘛)既新泰食喇! 好彩時間尚早，店鋪都比較多位，一去到就有得入座喇! 事不宜遲，先講講點左既食物先! 首先既係泰式生蝦。一向鍾意食生食既我當然唔可以錯過泰式生蝦，生蝦都係基本泰國餐廳必有既菜式吧！一碟有五隻，每隻生蝦都好肥美，蝦肉好厚身，完全有juicy既感覺! 中間既醬汁酸酸辣辣，入口後要等一陣先感受果陣辣味，十分過癮！小妹絕對推薦! 跟住就係南瓜咖喱焗海鮮。咖喱汁好“杰”身，絕對唔係加咗好多水溝出黎。海鮮方面就有青口，尤魚，蝦等等。比較奇怪既係有炸魚柳? 感覺有點似粟米斑塊不過轉左做咖喱汁! 但個咖喱汁絕對係勝出。最後就係甜品，斑蘭糯米布甸。我一向都鍾意食斑蘭蛋糕，所以就試試個布甸。上面黃色既係斑蘭布甸，下面係有點椰汁味既糯米。布甸較甜，配上下面淡味既糯米都可以。不過略嫌糯米太大舊，建議把布甸切一半成條狀，再搭上少少糯米一口一口咁食吧，話晒布甸應該先係主角，而且賣相應該可以更好吧總結，泰式菜的確不錯，每款都達到基本要求之餘甚至做得更出色值得一食!