新泰東南亞餐廳

营业中

休息中

泰國野真係食極都唔會厭, 因為夠晒惹味, 今日就同朋友食呢間係尖沙咀既泰國餐廳食晚餐一去到餐廳估唔到有9成FULL, 好彩朋友有BOOK位, 仲可以坐梳化位, 坐得好舒服本Menu 都幾厚, 諗得到既泰菜都有, 價錢都OK我同朋友叫左無骨鳳爪沙律: 好有泰式風味, 有辣味後勁, 鳳爪都好爽口, 蒜蓉炒貴妃苗: 平時好少食到貴妃苗, 細細棵, 食落好有口感, 份量夠晒多, 中和下D濃味野, 有好清新既感覺鹽焗烏頭: 一上枱已經覺得好抵食, 因為條烏頭好大條仲好香添, 切開個魚皮入面好多泰式香料, 魚肉夠滑, 一定要沾佢個醬汁, 酸甜好味泰式蝦炒金邊粉: 金邊粉炒得好有鑊氣, 配料都好入味, 味道唔錯餐廳既環境同食物都好有水準, 難怪咁旺場

同朋友勁耐無見，講起對上次旅行就係泰國，咁一於今晚食新泰啦叫左勁多嘢食，呢間餐廳真係勁多選擇，又好氣氛👍🏻，播哂泰文歌，仲要坐得勁舒服😚侍應服務態度又專業😍兩個人大食怪上身叫左5樣嘢😂無骨鳳爪沙律：酸酸may may好開胃，仲有啲辣辣地，真係好啱我食😊鹽焗烏頭：香料十足勁惹味，而家條魚非常新鮮啖啖肉，我唔好食魚都食咗好多🙈沙嗲串燒：朋友唔食牛所以只叫雞同豬，兩款都好好味，尤其夾住佢哋特製嘅沙嗲醬一齊食😎蒜蓉炒貴妃苗：貴妃苗非常嫩滑，而且好大碗，感覺非常抵食😂泰式蝦炒金邊粉：賣相一流兼夾味道正宗👍🏻力推大家試吓❤️食完呢餐解一解我想念泰國嘅心情👻希望快啲可以去旅行啦🤩

之前食過灣仔分店，覺得幾好，所以同朋友黎開尖沙咀食飯，就試下佢分店啦！泰式烤豬手 $168豬手好大只！黎到時都擔心两個人食唔晒即叫即烤，所以票等耐啲，不過值得，好好食！佢呢只豬手真係做到外脆內軟！豬皮烤到好脆口，食落chok chok聲又香口！內裡既肉好稔，完全估唔到，唔智剛可以做到呢？成只豬手好好肉，又有筋，食落唔會得肉既鞋，好多骨膠原呀！好味！！泰式濕炒海鮮河 $88個人好中意食濕炒河，所以食親泰國野總會叫！呢個濕炒河材料豐富，有不同海鮮，如蝦、尤魚同青口等，再加大量既雜菜👍🏻👍🏻炒得夠火喉，菜唔會稔晒，爽口，味道剛好，個汁甜甜地，岩曬我口味，正！原個椰青大菜糕 $68呢個一定要嗌！尤其係炎熱既夏天！椰青有助消暑，雪凍左更正！佢用椰青做大菜糕，仲將肉起左，啖啖肉，好方便！好青甜好好味呀！每次黎必嗌！整體上好滿意，大部分職員係泰國人，好有禮貌，會推薦朋友食既一間餐廳！

呢間係佈置用心既小店,D燈同埋椰子樹好靚!叫左杯梳打,係泰國牌子,有LIME JUICE同埋新鮮青檸!好飲!小食叫左泰式豬仔骨,好岩一個人食,平日西式果D成個RACK上,太多食唔晒!呢個THAI SAUCE好惹味!另外我叫左GARLIC BREAD同埋越式牛油雞翼,好香口!黎得呢度當然唔少得原個椰青啦!係炎炎夏日飲椰青果然令人心曠神怡!呢度好岩同人傾計吹水,有氣氛!上菜都算快,價錢亦唔貴,同埋地利位置方便!

夏日炎炎☀️,吾想煮飯,俩口子外出撐檯腳食好西。 Honey錫晒你😘, 搵到間咁grand嘅餐廳,仲book埋檯添！打開餐牌,嘩…嘩…嘩！我要食沙律、小食、炒菜、粉麵、湯、咖喱、海鮮……仲有仲有甜品。Honey知我有選擇困難症,叫我翹埋雙手等食就得啦！泰國椰青&珍多冰🌴先嚟一個原味道、無添加、清甜鮮椰青,同一杯充滿椰香味又有爽彈啫喱條嘅珍多冰。馬拉盞通菜🥙萬綠中襯點紅,一碟用咗馬拉盞醬、蝦米、蒜蓉等炒成嘅通菜香濃惹味！燒虎蝦🦐虎蝦好大隻喎,就蝦肉部份都差唔多有成隻手掌咁長。蝦身兩面燒到金黃,肉質十分厚實丶爽口、鮮甜、甘香！冬蔭功海鮮金邊粉🥘鮮橙色嘅冬蔭功湯粉,滿滿一大碗,數下有咩海鮮先,有鮮甜大蝦、爽口魷魚、彈牙魚片同肥美青口,仲有菇菇、芽菜等,豐富嘅食材加上多種香料獨有嘅香味,令湯底鮮味提升,金邊粉吸收湯汁精華,條條入味堅韌,酸酸辣辣,食到“雪雪”聲,非常開胃！芒果糯米飯🌺食泰菜,甜品必🈶,黑糯米飯有嚼勁、煙韌,而白糯米飯就黏軟糯香,椰漿淋面令糯米飯更香甜鮮味,再配上色澤澄黃、肉厚多汁、清香撲鼻嘅芒果,散發著濃甜誘惑,簡直係絕配！一個舒舒服服食飯嘅好地方,食物高質有水準,加優質嘅服務,

呢幾日熱辣辣，天氣熱到連胃口都麻麻，好想食啲惹味又開胃嘅嘢，刺激吓食慾！我諗…泰國菜絕對係其中一個好選擇！喺K11 ARTUS附近發現呢間新泰，見時間尚早，無人等位，就決定試吓！餐廳位於地庫，落到去，面積大而闊落，而且入座率已有8成，相信食物質素應該唔錯吧！睇返menu，都頗多選擇，小食、咖哩、海鮮、BBQ…樣樣齊。椰青沙冰椰青沙冰都幾有驚喜，椰青內沙冰滿溢，大啖大啖咁飲，飲極都仲有，清甜解渴，椰味香濃…而且佢加入咗椰青肉同椰奶，增加咗口感層次。泰國街邊豬肉串唔好睇佢個樣平平無奇，以為佢同普通串燒無乜分別，點知食落原來咁好食！肉質柔嫩鮮味，味道甜甜哋，配上附上嘅青檸辣醬汁，感覺好fresh！絕對比平時食開嘅串燒好食，必叫之選。馬拉盞通菜賣相吸引，而且炒得好有鑊氣，馬拉盞味濃帶鹹香，呢種誘人嘅味道加上爽脆通菜絕對係一絕，惹味又好食！椰汁木薯呢款甜品平時好少見，木薯口感煙韌，混合糖漿&椰漿，超級甜，啱曬嗜甜人士。總括嚟講，呢度嘅泰菜做得好出色，好地道，上菜速度亦快，價錢非常合理！環境相當闊落，座位寛躺，同三五知己食吓飯傾吓偈又坐得舒服，值得推介！

太耐無去泰國，好掛住泰國嘅食物，暫時冇得去，唯有搵間泰國餐廳止下癮。一入餐廳，環境令人有如置身泰國。餐廳擺放咗一架泰國嘅篤篤車，十分吸睛，啱哂拎嚟打卡。用餐區在地庫，全層裝修得好靚，環境舒適寬敞，佈置以綠色植物及木製傢俬為主，充滿泰式地道風情。打開餐牌，食物選擇種類好多，由小食、沙律、咖喱、燒烤、菜類、肉類、海鮮到甜品等等，太多選擇，樣樣都想試。咖哩蝦簡直令人食指大動。蝦有好多隻，開邊炸過十分彈牙。咖哩汁只有一點微辣，取而代之係香濃嘅味道，濃稠嘅咖喱汁充滿住椰子香，味道帶點清甜，里面有洋蔥、青椒同蛋花，啱哂撈白飯，兩者簡直係絕配。蒜蓉越南牛油雞翼熱辣辣，香噴噴，外表炸到金黃色，表面鋪滿香噴噴嘅炸蒜&洋蔥，令人垂涎欲滴，咬落去外脆內嫩，十分惹味。泰國街邊豬肉串豬肉串燒得啱啱好仲帶有少少燶邊，熱辣辣上枱，每串份量唔少，肉質有咬感，豬肉柔嫩入味，就咁食已經好好味& juicy! 點埋佢嗰秘製小辣醬汁，味道更加升華！食物味道好又充滿泰國風情，留意到職員係泰國人，感覺有如置身於泰國。難怪咁多人等位，經常都座無虛席。

同朋友開心行完加連威老道,打算去食泰式美食,佢突然記起有要事做,唯有自己一個人去食啦！餐廳華麗裝潢,充滿泰國高尚風格,有種特別舒適自在放鬆感！厚厚餐牌,選擇非常多,一個人點兩個輕營小食加杯飲品就最好不過啦！珍多冰🍸印度薄餅🍕香芒軟殼蟹米紙卷🦀炎炎夏日嘆上一杯啖啖冰涼、香濃椰汁味又吾太甜,配上黃綠相襯、口感軟滑又Q彈Jelly條嘅珍多冰,真令人透心涼。C❄️❄️l😎一籃子薄餅,溫度控制剛到位,每一塊被烘烤至兩面金黃微微膨脹,氣泡爆開,令內裏柔軟嘅薄餅，帶來外層更加鬆脆口感！就咁食都一塊接一塊,口不停！下次多俩三個人,可以加個用咖喱做嘅菜式,點上咖喱汁,又另一番滋味！略帶煙韌嘅米紙卷同脆嫩生菜包住香甜芒果、 爽脆青瓜絲、芽菜仔、鮮甜甘筍絲、脂香牛油果片、爽口檬粉……當然仲有主角香脆炸軟殼蟹啦, 驚喜炸軟殼蟹仲有熱度, 食落唔會油膩, 一卷包住多種味道、清新口感。若喜歡可點上酸酸醬汁增添味道。環境、食物同服務都有保證嘅餐廳,難怪晚飯剛開始已食客不少！朋友你幾時有空,陪我再來試其他美食呀?！

疫情間在家煮得多，每日放工返歸仲要洗洗切切，實在有d攰，咁岩今日男友放假，決定一齊外出晚膳，當係chill下。係OpenRice上碌碌碌，搵左兩間泰菜睇落唔錯，最後揀左呢間新泰。店舖位置好易搵到就係地鐵站附近，搭車時順便網上預約埋，去到唔洗等即刻有位。大門口有兩排坐椅就算要等都唔怕有得坐，另外仲有架篤篤做擺設可以比人影下相打下卡都幾特別，樓梯間又有棵椰子樹，夠曬泰國特式呀！🤩🛺🌴好啦泰國之旅正式出發🙌🏻 沿住樓梯落去地庫就係餐廳座位，侍應帶我地去到最入邊既大廂房內就座，沿途不禁驚訝原來餐廳都好大下，四周既裝潢或燈光都富有泰國味道之餘又非常雅緻。由於空間大唔會同其他食客坐得太近，冷氣又夠，所以坐落好舒服😌 睇睇menu菜式好多選擇，唔驚會食到悶，野飲方面照顧到唔同食客既需要，特飲、椰青、draught beer、cocktail、whisky、紅白酒...一應俱備，岩曬好杯中物既人係度開餐，真係泰正本來諗住開枝酒飲既，點左6樣野但係食完兩三道已經有d飽啦，份量果然好足最後仲要叫多兩款甜品，飽到食唔曬要打包d走唯有下次先再開酒啦等我呀我地一定會再離嫁水準之作👍🏻除左泰式醬仲有個杧果醬好好味

媽媽節食泰國菜媽媽節，餐廳真的非常多人，連原本很少人的餐廳今晚都非常多人。今晚選擇了一間位於尖沙咀k11 art Mall附近，一間食過幾次的泰國菜。在沒有訂位的情況下，足足等了一小時。菜式價錢並沒有因節日提升。總數千多元，三位，叫了六道菜加兩個椰青。當中炸拼盤($218)是今晚最貴，也是最唔好食的菜式，乏善可陳。明爐烏頭，是第二貴的菜式，肉質較實，具魚味，少少腥，配一碗湯，邊食邊淋。還有金邊粉，鑊氣不足，徒具外型。南瓜咖哩焗海鮮($148)，有青口，蝦，魷魚，魚塊，咖哩偏甜，叫了一份烤餅，跟咖哩一起食。最後，係媽媽最愛的冬蔭公湯，很夠味。新泰東南亞餐廳 (尖沙咀)尖沙咀加拿分道25-31號國際商業信貸銀行大廈地下1A舖及地庫人均消費:$330-$350阿肥推介指數:65/100

恰逢今日去尖沙咀接朋友收工，我地順便去附近食野。幾經挑選，終於揀左間東南亞野食，叫新泰，位於加拿芬道，非常就腳。前菜係蒜蓉炒貴妃苗、同小拼盤。先黎個清菜墊墊肚，貴妃苗炒得翠綠鮮艷，入口有質感，爽爽地有咬口，順便清一清胃，打定個底。至於小拼盤有蝦餅等唔同口味，帶黎新鮮感，唔會單調。椒鹽軟殼蟹。軟殼蟹酥炸後外脆內嫩，口感鬆軟，椒鹽香味伴隨蟹汁流連舌尖，令人樂而忘返。青檸蒸魚。做法係明爐魚，淺淺湯鍋滾起，湯蓋過魚，令魚肉入味，每一口都充滿配料同青檸清香，食落非常清新，一啲都唔膩。蝦醬炒飯。份量好足夠，調味剛剛好，每顆飯都均勻著色，顆粒分明。味道唔錯！最後以芒果糯米飯做完美終結，芒果清甜、椰汁同糯米口感煙韌，幾項元素變出美味。今次去新泰整體非常滿意，座位舒適，燈光恰當，食物水準唔錯，下次會再黎！

門口有架篤篤車比你打卡，未食已經幻想自己去咗泰國! 泰國菜不嬲係我至愛之一，好耐之前經過新泰見到架篤篤已經想食，今次朋友約食泰菜，二話不說就一齊去嘆下～一打開Menu樣樣都想食，選擇何其多，唔怕揀唔到想食，只怕揀得太多食唔哂。先嚟泰式柚子蝦沙律，其實我好小食沙律，但柚子配搭大蝦，酸酸甜甜，好開胃，為之後食辣做好準備。然後就是小食拼盤，4款小食各有風味，我至愛肉碎生菜包，味道香辣又惹味，包埋生菜，必點! 食泰菜必食菠蘿炒飯，半個大菠蘿裝住，未食已相當吸引，炒飯好足料，酸甜當中又好有咬口，好味道～食埋個芒果糯米飯埋尾，芒果新鮮鮮甜好味，糯米飯沾滿椰汁超正，加埋個杯真材實料菠蘿沙冰為呢餐劃上完美句號！總結滿意之選，下次再嚟試埋其他野!

日日放8點 想同朋友食晚餐真係要搵間近近哋嘅 所以最後揀咗間近近哋嘅泰國菜 唔係嘅話真係好唔夠時間食 入到餐廳都好爆場 坐無虛席一樣 好彩一早訂咗位 咪都唔會有得坐卡位 不過啲座位都算好寬敞 泰式生蝦 都還好每次食泰菜都係必食嘅 冬陰功湯點咗細size 3個人都夠飲呢！泰式拼盤 係食過之中最有驚喜嘅 因為第一次會拼埋生菜包 咁樣就可以更多元化 如果唔係一般都好少點呢個泰式咖哩蝦 呢個汁就普通 可以我對呢個餸特別有要求啦！ 同埋啲大頭蝦炸過反而無咁好味 因為啲汁會少咗蝦味 不過每次點呢個菜都一定會配埋蒜蓉包或薄餅 咁啱呢度有薄餅嗌添食泰餐又點少得椰青呢！或者芒果沙冰都係我至愛 不過今日想解渴啲就當時點咗椰青 呢度啲椰青仲要好大個好多水 椰肉仲好多添 正正整體嚟講 呢間餐廳都係值得一試 啲朋友仲不停大讚 因為坐得舒服 味道又ok傾計一流 如果唔係限聚令都唔使食得咁趕添因為今次仲有朋友生日要切埋蛋糕

今日同朋友們一起去吃左泰國餐，因為無得去泰國玩，所以已經有地想念泰國酸甜辣味，係同事介紹下去左這家餐廳。泰式䄂子蝦沙律一開始就點左招牌開胃菜，味道上是偏酸辣少少。口感上是屬於脆因為他們有加腰果，所以就有左少少的堅果味。在水果上是屬於偏酸甜的袖子配上彈牙大蝦，醬汁是偏味濃同香甜。所以綜合上是非常適合當開胃菜。推薦朋友們可以點。青咖喱配雞肉第二道上的菜是青咖喱再另叫烤餅一齊食。分量上是適合三個人吃，味道上是偏甜加上奶油食落creamy 。同泰國的青咖喱有點分別，這間店的有特別的調過，所以不會太辣。芒果果汁飲品上我點左芒果果汁，裡面還有濃濃芒果肉。味道上不會太甜，所以非常適合解膩。大部份員工都是泰國人，而且好有禮貌仲會主動為顧客添水。係一間好有泰味既餐廳十分推薦。

越色蝦米紙捲店員特別介紹左紙捲，於是我們就點左。同其他菜對比，大致上味道是屬於偏淡同清新，米紙捲食落去很煙韌，食材材料包得好實不會散開。唔夠味可以點泰式酸辣醬，整個春捲的味道來至於酸甜醬。奶油大蝦這道菜的椰漿味同奶油味會偏重少少。調味上都是屬於偏甜，可以同燒餅一起吃，口感上加左好多分。如果燒餅不夠，推薦朋友們可以加點。因為沾奶油汁真是好正。大蝦開邊炸過十分彈牙蝦肉又夠厚實。印度薄餅印度薄餅有好多好大片，最啱就係一齊分享而且我哋又有點左奶油醬，味道好夾，印度薄餅好脆口又可以中和油膩感。芒果糯米飯食泰國嘢點少得叫芒果糯米飯，糯米飯配有紫米飯同埋普通白糯米飯配上椰汁，食落去甜甜蜜蜜椰汁未夠香，仲有半個芒果慢慢嘆，而且仲好甜。