新泰東南亞餐廳

营业中

休息中

去過好多次新泰食晚飯，覺得乾淨企理價格吾貴，一直懵盛盛吾知佢有lunch set🤣某次食晏，佢俾兩個餐牌我(一個散叫，一個午餐) 我只揭左散叫menu，食食吓先發現人人都食緊lunch set😑超抵，自己豬左😭。。早兩日經過門口，竟然見到2：30-4:30有下午茶時段，全單8折，lunch set都有8折😱。。立即食左一次😋今日再去。。2：40 入座非常靜。。。2人仲坐到舒服卡位本身呢間店比 Isquare店闊落舒服好多，疫情期絕對係令您放心食既餐廳❤️有備而黎梗係食lunch set🤣🤣上次食過今次再encore既串燒豬肉🤤+青木瓜沙律+糯米飯 (75蚊，包飲品)糯米飯較硬，但係豬肉串同個汁好yummy🤤青木瓜沙律同泰國食差吾多，有埋白豆午餐可以加28蚊要小食，要左蒜蓉炒貴妃苗😋，個貴妃苗好嫩口👍🤣另一午餐set: 冬蔭功海鮮炒飯，多料辣辣地幾開胃😋，都係有埋飲品，杯咖啡仲幾ok加28蚊小食：越南絲網春卷😋脆卜卜❤️吾油膩，好想食多2件食飽飽送埋甜品俾您，斑蘭椰汁糕☺️下午茶時間埋單有8折，折完183蚊，抵食又好食😜新泰散叫既燒雞燒鱔都好好味，有機會去試下喇❤️

放工約咗好耐冇見嘅舊同事嚟尖沙咀食飯，之前經過呢間泰國餐廳見到佢充滿泰國特色嘅門面裝修已經好想試吓。佢哋連門口嘅接待都係講泰文！好似真係去咗泰國咁。馬拉肉骨茶（小）：有啲意外係泰國餐廳有肉骨茶，佢哋嘅肉骨茶落足料，充滿濃濃嘅藥材味，而佢哋嘅肉骨茶係冇添加辛辣嘅白胡椒，啱晒食唔到辣嘅人。冬陰功（小）：味道較重，偏酸同鹹，但唔算好辣。亦都正因為佢味道比較重，同正宗嘅冬陰功味道較相近。嗌咗細份量，都差唔多四個人一人一碗。大頭蝦夠晒新鮮又大隻，肉質仲好紮實。燒西冷牛扒：牛扒肉質非常鮮嫩，熟嘅程度啱啱好，性價比仲好高，平時出面食類似質素嘅牛扒起碼$300以上！鹽焗烏頭：我比較喜歡不沾任何醬汁，原汁原味食到烏頭嘅鮮甜，雖然係鹽焗，但一啲都唔咸，味道啱啱好。泰式生蝦：食泰國菜必點！醬汁好味！生蝦又夠新鮮。正！麵包焗咖喱軟殼蟹：咖喱汁好香，軟殼蟹啖啖肉，多咗嘅咖喱汁仲可以用嚟點麵包。椰青：佢哋有好少見到嘅椰青沙冰，不過怕凍所以最後都叫咗椰青，椰青水非常清甜。泰式甜品小拼盤：因為食得太飽但又好想食甜品，唯有叫個小拼盤。佢地嘅泰式糕點，超足料，香味濃郁。

新泰東南亞餐廳 (尖沙咀)尖沙咀加拿分道25-31號國際商業信貸銀行大廈地下1A舖及地庫推介菜式 ：泰式蝦炒金邊粉($108) 8/10🌟椰青沙冰 ($58) 8/10🌟椰奶味重雞肉串燒 9/10🌟肉厚Juicy 沙嗲汁調味一流😋LAM脷指數： 8.5/10🌟回頭率 ： 8.5/10🌟#尖沙咀美食 #尖沙咀 #泰國菜 #泰式生蝦 #椰青沙冰 #沙嗲串燒

今晚farewell 同事仔三條冷去食個開心泰國野.雖然book 左三位745pm但去到門口爆多人然後都係等到8點鬆dd 先入到去坐底.成場係爆滿既關係佢地將2人台加張登變3人坐得有d 迫既感覺特別之後嗌得多野食好難zip 位🥲.首先我地嗌左1. 泰生蝦2. 軟殼蟹米卷3. 冬陰公湯（細）4. 泰炒粉絲5. 腐乳通菜6. 黃咖哩豬7. 薄餅8. 甜品併盤野飲就1. 椰汁冰2. 泰啤3. 沙冰.首先泰生蝦就正常發揮6隻黎到一人兩隻岩岩好.軟殼蟹米卷咬到好多香料雖然唔係我取向但都幾特別ge.冬陰公湯好好味推介必try有椰香又夠濃正啊.泰炒粉絲正常發揮有d 太濕炒得期望有落差既感覺.腐乳通菜正常發揮.黃咖哩豬尼個推介豬肉夠滑又嫩口份量都相當夠食到尼度其實有d 飽但都添左幾次😹.薄餅推推推推推推介！！！必須試好食到飛起有牛油香並唔係渣流灘加上小脆而薄既口感真心試過薄餅中最好食你地一定要試一定啊!!!.甜品併盤係度要講句sorry真係好q 飽食左少少就打包只知椰汁糕不錯.so far 我覺得野食係ok但侍應收碟速度極快明明見到一堆野仲係度都問你仲要唔要知道係多人排隊ge但對於食客黎講有d 太過騷

最近局長行過尖沙咀突然心癮一起 好想食泰國嘢就上OpenRice睇吓附近有啲咩見到有哩間新泰 就決定試吓間野真係勁多人局長都排咗一段時間先入到去食 仲要係平日嘅夜晚所以所以見到呢間舖頭真係好高人氣要食都要早啲嚟排都算係咗座無虛席由於篇幅有限影唔到餐牌 首先黎個椰青滋潤下先 清甜好味局長又叫咗蠔仔煎jerjer聲 好香口 好好食 😋哩個我一個人清哂清清地叫左個椰菜苖 要食菜！又叫左小食拼餅 咩都有 fit哂因為今日得兩個人食飯 叫唔到太多但哩個拼盤有齊蝦餅魚餅春卷同生菜包滿足哂局長所有願望 正呀最尾當然要食芒果糯米飯埋齋 爽呀總括依然今餐都係一餐幾好味泰國菜不過真係好多人排隊 呢間野仲有好多分店如果下次想食泰國嘢都會食佢 貪佢多分店又就腳質素又好最尾食完埋單 都差唔多10點疫情下真係好慘 10點就要關門 想翻枱都做唔到臨走有影下個門面比大家睇

為咗慶祝父親節 ，一行六人嚟到e間餐廳, 一入座發現餐廳地方好大，同埋裝修都好有東南亞風情。 由於有六個人所以可以試多d菜式。日本南瓜焗海鮮飯賣相好靚，會令人食慾大增。海鮮用料豐富，有蝦，魷魚，青口等等。南瓜汁加入了芝士令整個飯更加香濃。正飛天通菜抄得比較油，但通菜爽脆味道又不俗。泰式蝦炒金邊粉賣相又係好靚，用蛋絲網網住，份量都算多，但味道略淡。燒豬頸肉豬頸肉爽口彈牙又有肉汁 ，厚薄適中。但醬汁太過辣唔太適合我。泰式燒春雞釀香茅黃飯原隻春雞上枱，雞內釀有香茅黃飯，飯粒吸盡燒雞精華，令到每一啖飯都充滿香茅味和雞油香味非常好食。春雞燒得剛剛好，雞肉嫰滑又吾乾身。泰式柚子蝦沙律分量偏少，柚子加上辣醬汁這個組合非常夾。 柚子多汁食起來有爆汁的感覺， 辣醬汁加柚子汁感覺清新。肉碎生菜包雖然走辣，但仍然充滿香料味，配上生菜仍然美味。麵包焗咖哩軟殼蟹軟殼蟹酥脆，配上甜甜地又充滿椰香味的咖哩變得非常滋味。真係食過返尋味。香芒軟殼蟹米紙卷軟殼蟹依然酥脆，加上米紙卷令整體好清新，口感好有層次。三色冰好香嘅椰奶味，內裡材料軟滑爽口，好飲。椰青沙冰等候上菜期間，見到待應車上有幾個椰青，加上有又未叫嘢飲， 於是

天氣咁熱，想食啲酸微微嘅嘢，今晚就約咗個朋友喺尖沙嘴食泰菜。其實呢間泰菜係佢介紹，話幾好坐，嘢食唔錯，所以就聽咗佢推介過嚟「新泰」！餐牌選擇好多，有泰菜越菜同印尼菜，選擇困難症嘅我哋就跟曬餐牌上嘅推薦菜式嚟揀香芒軟殼蟹米紙卷 $88食得出啲軟殼蟹係即叫即炸，所以就算包咗喺米紙卷入面都好酥脆。平時食米紙卷最唔鍾意啲皮太厚，呢度個米紙煙韌得嚟又唔會太厚，唔錯。芒果米紙卷酸酸甜甜，係好清爽嘅開胃菜蒜蓉越南牛油雞翼 $78啲蒜粒脆脆多到遮住咗啲雞翼，一份有六隻，食落勁香口同好重牛油味，撈埋啲炸蒜粒一齊食，好邪惡好好味！泰式燒春雞釀香茅黃飯 $188賣相好吸引，成隻春雞包住啲薑黃飯，脹卜卜咁春雞燒得啱啱好，唔鞋口，雞皮香脆。薑黃飯真係精華，充滿雞肉嘅肉汁、香茅同薑黃，唔單止賣相吸引，食落仲每一啖都係濃濃嘅風味。整體上呢餐我哋食得好滿足，值得下次再嚟支持。

我們一行2人，好耐冇食過泰國嘢，因就朋友方便，所以無去九龍城，而選了尖沙咀，隣近K11方便。我一睇餐牌就覺得好期待的甜品（原個椰青大菜糕😋，因為之前係九龍城某一間泰國餐廳食過之後，之後都唔多餐廳有得食，值得推介👍🏻）；order 一個併盤：有蝦餅、魚餅、春卷、碎肉生菜包，成個併盤除了魚餅，本人全部都好喜歡，新鮮炸起、蝦餅夠彈牙，春卷夠脆，磅碎肉生菜包有些辣😋）,另外order 一碗細冬陰公 - 起初飲唔辣好香椰奶味，後來飲到一半就開始覺得辣）；最後order要酥炸香茅魚配青木瓜沙律- 條魚炸得太乾身，而沙律有些辣，這款一般）。由於2人而7點前入座，所以不用book位和等位，但有限時1個鐘30分鐘，一夠鐘就好似走難咁，收晒抬面的嘢，係Lee 樣有些趕，而其他方面：環境都舒服，整體而言：食物都好味，價錢合理。 值得一試😊

今晚約到fd去尖沙咀食泰國菜😆😆依間泰國菜吾止環境靚..好多坐位座..一d都吾逼呀...而且依d野有賣相之外仲好有驚喜😋😋下次一定再約埋班fd黎食呀😍😍 疫情之後冇得去泰國真系好掛住冬陰功湯既味道呀...所以黎到食泰菜，首先要叫個冬陰功湯🥣先呀...依個湯系好正宗既味道呀😍愛了愛了😍 之後必點泰式生蝦❤生蝦口感爽脆鮮甜好新鮮呀...點埋個生蝦醬真系好好味呀😋😋😋 再黎個麵包焗咖喱軟殼蟹❤軟殼蟹size適中，麵包加埋泰式咖喱估吾到甘好食😋😋😋 馬拉盞通菜❤好夠味...食泰菜一定要搭配依款菜呀...好惹味😋😋😋 拼盤❤一次過食哂甘多款炸野，仲要配埋個生菜包，超正😋😋😋 馬拉肉骨茶❤排骨好多...吾系骨黎肉都好多😍好耐冇飲啦...同冬陰功湯一樣...必點推介😋😋😋 鹽焗烏頭❤魚肉好滑...d青檸汁滲透哂成條魚到...吾點汁都好好食😋😋😋 燒西冷牛扒❤牛扒燒得岩岩好..入口即溶..好有驚喜😍😍😍 菠蘿沙冰❤鐘意菠蘿既你地一定要嗌依杯野飲呀😋😋😋 泰式甜品小拼盤❤最後依個真系驚喜萬分呀...超好食...千層糕同芋頭糕仲暖暖地...煙煙un un甘..食過甘多間泰菜..都未食過甘好食架😚😚😚

今晚約左男朋友食晚飯，佢話天氣熱好想食d 比較濃味香口菜式。 今晚選擇左尖沙咀加拿分道依間「新泰」泰國菜館。 上網睇介紹，餐廳評價幾高，環境及食物相片都好吸引。平日晚上大約七點鐘黎到，差不多全場爆滿，可見其人氣呢！-食物亦很有水準⭐️泰式燒春雞釀香茅黃飯 這是一道絕對有驚喜的招牌菜，難怪那麼多食客都點。 燒春雞火喉控制到位，外皮脆口，雞肉嫩滑不乾身；蘊藏其中是香茅黃飯。 而黃薑飯更吸收雞汁鮮味，飯粒飽滿，惹味非常。還奉上爽脆沙律菜，一解膩滯。-⭐️酥炸香茅魚配青芒果沙律 除了燒春雞，這道炸魚亦是十分考功夫的招牌佳餚。將原條魚以高溫油炸至金黃色，上面鋪了幼幼的香茅脆條；配上青芒果沙律和泰式醬汁。師傳將魚肉起骨炸成一塊塊，油澀得夠乾身，不覺膩滯；粉漿亦夠薄。 酥脆內軟，肉質嫩口無幼骨。點醮特調酸辣醬汁提昇口味，更添惹味。青芒果沙律味道很清新。 芒果絲很爽脆，配上微酸微辣醬汁，刺激味蕾。-⭐️芒果糯米飯 若要數泰國獨特美食，不得不提「芒果糯米飯」。這道泰式甜點料理讓我魂牽夢縈。現在正值芒果季，芒果夠甜又多汁，香甜軟熟的黑白糯米，配上帶一點點鹹味的香濃椰漿，念念不忘！

今晚去左間好值得再去同推薦大家食既東南亞菜餐廳！位於尖東，好近地鐵站，約朋友食飯都好方便！蜜糖燒肋骨 $88即叫即燒，上枱時熱辣辣，好香！燒骨燒到個邊焦焦地，好香口。燒骨肉質好林，有少少肥肉，多肉汁，燒到剛剛好離骨。面頭既蜜糖係精髓，甜甜地，好好味！叻沙蝦米線 $68好大碗！材料都好豐富！有好多只蝦，蝦新鮮又大只，好爽口！湯底濃，好香椰奶味，米線軟硬適合！中意食叻沙既唔好放過！芒果糯米飯 $68黎到一定要食！黑白糯米各一舊，糯米已加椰漿撈埋，面頭仲有大量甜甜地既椰漿，好香。夾埋芒果去食一流！！一間非常好食既餐廳！會再去！

前排同朋友係尖沙咀K11對面食飯吹水，我食過好多不同泰國菜館，但惟獨呢間，我食完之後，覺得真係CP值超高，不得不寫食評，表揚一下。首先，價錢公道，而且份量超足夠。要俾個讚佢我同朋友叫左4樣野食，講真真係食唔晒。青咖哩羊架～一嚟到，見到賣相就吸引我。仲有3件大大件厚肉羊架，兼且有配菜伴碟。青咖哩一點不辣，而且夠滑，羊架入味，真係超級美味，4款中係Number One之選。肉碎生菜包～東南亞美食之選。對我呢個食唔到辣嘅人嚟講，確有點兒辣。但配上青菜包住食，辣味減退不少。我要講一下肉碎淹得非常入味到位，檸檬香味酸味將肉碎提升得更為鮮味。而且香葉香草味濃，充滿泰國正宗風味。香葉肉碎抄飯～ 如果你唔想太辣，你可以落單時，告知服務員。飯抄得干身，不會太淋。飯粒煙煙韌韌，抄得不錯。味道更是頂呱呱。芒果糯米飯～兩種不同米飯，軟軟的，椰醬也十分惹味。不會像其他食飯，提供椰醬都是稀稀的，嚴重影響口感味道。芒果同樣也十分新鮮，超好味。除食物外，店舖裝修充滿泰國風，座位寬闊舒適，當天享受左一餐美味豐富晚餐。

父親節gathering，同行人訂左呢間餐廳環境，以泰菜黎講係乾淨既野食呢，我只係覺得個炒椰菜苗好食相我無野晒，因為多數先俾同行既老人家夾左先小食拼盤，魚餅無魚味，只得檸檬葉味。蝦餅無蝦味，只係香口。春卷同肉碎生菜包我無食，no comment。菠蘿炒飯，淡，無炒過既香味。串燒牛，Un左d，無牛味，甜既。仲有個串燒鱔，呢個就係好在一d都唔腥，都可以。咖哩蝦，額外叫左兩份薄餅，咖哩好香椰汁味，甜，無蝦味。蝦炸過既，都係無蝦味。冬陰公大蝦湯，係辣得黎甜既。蟹肉炒粉絲，完全無味，有札肉既，青椒洋蔥。蟹肉無味，粉絲無味，我係想問人攞鹽，魚露，辣椒粉。好可惜，好難叫到個侍應呢餐飯，係唔飽，食左一啖你就會唔想再食多啖。

老實說要搵比較正宗的泰國菜個個都會話去九龍城食咁岩有位路痴朋友🐒要搵返鐵路沿線的 最方便就油尖旺區搵下搵下 見到有間位處K11 隔離 而網上睇大家的評價都不錯( ˶ ̇ᵕ​ ̇˶)價錢亦相當合理🤩三個女子叫左啲乜¨̮ ¨̮ ¨̮ 眼闊肚窄朋友揮手區🙋🏻 我地點左個四至五人份量 ⸜̗  ̻́ ̻ ̻̀⚑⚐゛︎︎︎雞牛豬串燒肉質較實 唔知係咪食物烘太耐舊肉比較難脫離竹簽(*´﹃｀)醬汁則較甜⚑⚐゛︎︎︎香芒軟殼蟹米紙卷米紙卷身較厚 不過有芒果🥭好fresh 仲有脆脆既軟殼蟹 整體好味既⚑⚐゛︎︎︎肉碎生菜包(雞肉)雖然全部菜都點左少辣 不過肉碎仍然都幾辣 但味道都係不錯的⚑⚐゛︎︎︎南瓜焗咖喱海鮮賣相100 分✩°̥࿐**咖哩係屬偏甜既 海鮮料都好足原個南瓜🎃上 連肉都可以刮埋食只可惜我地太飽喇( •᷄ὤ•᷅)我盡能力食左啲 連南瓜都好甜⚑⚐゛印度薄餅 用以點咖哩用 正常發揮⚑⚐゛冬陰公海鮮金邊粉 貪心的我們 又想飲冬陰公 但又想食Pad Thai呢款就岩哂到今日都仲回味緊果個酸味味不過點左少辣都仲係幾辣而個粉既份量好大✰ 雖然餐廳位於地庫 但由於空間很闊落 都坐得好舒服(´▽｀)‧✧̣̥̇‧✰ 以呢個地理位置黎講 價錢好合理

同友人星期日夜晚嚟到呢間餐廳食飯，好彩有book定位，因為門口已經大排長龍。餐廳入口喺地下，要行條樓梯落去餐廳所在嘅地庫，餐廳內籠闊落，有濃濃東南亞嘅裝修風格， 坐落都幾舒服。食物嘅選擇有好多， 有泰式，越式同埋馬來西亞，應有盡有蝦肉米紙卷：米紙卷嘅蝦肉同包住嘅香料好夾，加上彈牙嘅米紙捲皮，唔錯青木瓜沙律🥗： 食過好多地方唔同嘅青木瓜沙律，呢度嘅青木瓜沙律 係比較濃郁嗰種 ，酸酸甜甜亦都有好香嘅花生襯托鹽焗烏頭魚： 魚大條新鮮， 表層嘅鹽將魚嘅肉汁鎖曬喺裏面， 非常好味泰式燒雞： 喺落單嘅時候店員提醒我哋因為係即叫即燒，所以要等比較耐。 上枱嘅時候已經畀佢龍龍嘅香氣吸引住表皮燒得十分之香脆煙韌，入面有滿滿嘅泰式香料同香茅味， 係本餐嘅mvp雞肉生菜包: 呢個正正常常同其他地方食到嘅味道差唔多，生菜都尚算新鮮芒果糯米飯：芒果非常之甜，紫米同白糯米飯軟林香甜， 重要上碟嗰陣係熱嘅， 再配上椰汁將所有材料融為一體，令人食到一啖接一啖成餐飯我同友人都非常之滿意，啲食物質素非常之好，唔怪得知咁多人排隊，值得推介畀想食東南亞菜嘅朋友，但係記得要訂咗枱先係呀