新泰東南亞餐廳

营业中

休息中

嗰日同女朋友喺尖沙咀行街，行咗成日都好攰了，所以周圍搵嘢食。我哋剛剛行完河內道嘅K11 ，見到對面有間好有泰國風格嘅泰國餐廳所以就揀咗呢間.個門口啲裝飾好得意，尤其是係嗰個泰國的士，忍唔住都要影返幅相當去咗泰國🤣入到餐廳，個感覺好舒服同埋都裝修得幾豪華，如果帶朋友嚟食一啲都唔失禮. 行咗一日，真係好肚餓，馬上攞個餐牌叫嘢食. 食泰國嘢梗係唔少得冬陰功湯，生蝦，烏頭魚，馬拉盞炒通菜，炸春卷拼盤. 另外都試咗其他野，麵包焗咖喱軟殼蟹，燒西冷牛扒，馬拉肉骨茶. 首先講講個冬陰功，真係好好味，夠酸又夠辣，真係好正宗！生蝦 - 夠凍夠新鮮. 正！(叫左兩碟)烏頭魚 - 條魚新鮮，魚肉夠實，配埋啲汁一流炸春卷拼盤 - 夠趣，入邊啲料好足，一啲都唔油膩.麵包焗咖喱軟殼蟹 - 呢個真係正，必食，啲咖喱汁好得，用d麵包同埋軟殼蟹一齊食，正正正... 甜品 - 叫咗個拼盤，椰汁糕必食。食咗太多野，俾啲圖同大家分享下！同埋發覺到入邊啲員工大多數都係泰國人，真係比我感覺到去泰國食飯. 下次一定會再去.

位於加拿芬道既呢間泰國菜對正係K11商場對面，位置十分方便，而每次經過都唔知有間咁既泰國菜，係無意中先知，同埋今日見無咩人排隊，咁就入去試試啦～佢既餐廳係要落一層到地下先係食野既地方，而一落去先知佢既餐廳面積都幾大下，咁岩當日係比較早去到，所以都可以揀下位坐，但有啲枱就一早已經比人book左了～而餐牌都係以泰菜為主～椰青（$45）個人認為飲椰青最重要就係溫度要夠凍，而呢間都做得到，椰青既size都大，而椰汁亦好清甜，不過呢度mark up 椰青既價錢就比其他高左小小，不過都係可接受既範圍內～冬蔭海鮮炒飯（$88）整體份量正常，不過可能佢既炒法係將冬蔭功湯不斷收汁炒落啲炒飯度，炒飯就比較黏身，唔夠乾爽，感覺上比較係濕炒既做法。但炒飯既味道唔錯，飯粒係入哂冬蔭功湯既味道，味道酸辣皆有，而海鮮既配料都係蝦，魷魚同青口，配合埋炒飯食的確唔錯👍🏻泰式明爐魚（$188）今次就揀左鱸魚，味道個人認為比烏頭好，而佢都係原條連鍋上，而呢道菜坊間既泰國菜好多都有得食，而呢間都唔錯，魚肉都滲哂味，唯獨個人認為湯汁未夠青檸既酸，未必可以提出魚肉既鮮味～總結嚟講呢間泰國菜係屬於中上價位既餐廳黎，而味道都算正宗，

朋友推介咗我過嚟依家位於加拿大分道尖沙咀嘅新泰東南亞餐廳，第一次食，本身唔好有期望，但係點知嚟到之後發現依度嘅水準真係好高，而且價錢好平，餐廳地理位置亦都好方便，將會成為我以後同朋友聚會嘅地方💕泰式奶茶☕️首先一嚟就叫咗一杯泰式奶茶，同我去泰國飲到嘅味道一樣，超級正宗，同埋茶記比例啱啱好，好耐都未試過飲返泰國嘅味道👅串燒沙嗲（豬牛雞）雞肉超級高質！肉質好鮮嫩，而且一碟裏面有齊晒豬、牛、雞，所以好抵食，同埋有好香嘅沙嗲汁點住食，每一串都好入味🤩👍🏻串燒糯米飯🍚我真係超級鍾意食串燒，所以好多嗰啲全消糯米飯，同樣地依蝶嘅串燒好鮮嫩，好入味，而且值得推介係糯米飯，煮得好出色，煙煙unun，好有口感😛

今日同朋友無意中行到過嚟尖沙咀，俾我哋見到一間東南亞菜，好耐未試過東南亞嘅菜式，於是過嚟試吓，又真係幾唔錯👅呢度嘅環境好闊落，而且職員嘅服務態度都唔錯，呢度嘅職員大部份都係泰國人，所以嘢食都好正宗，而且嘢食好多元化，我哋食到超飽泰式炒花恰我平時勁鍾意食花甲，依度嘅花甲啱晒我口味，又唔會太鹹，但係又整得好入味，而且花甲好多肉，唔會好似出邊街食嗰啲得個殼，而且食得出鮮味泰醬青口呢度嘅青口真係勁高質，用咗三色椒同埋唔同嘅醬料整成，口感一流，味道好夾，絕對高質喇沙蝦米線🍜係正宗嘅喇沙！平時出街食嗰啲好鹹同埋冇喇沙味，但係依度非常之正宗，又唔會太辣，重點係落咗超多料，店主一啲都唔吝嗇，湯底亦都好濃郁，值得推介👍🏻

住左尖沙咀甘耐....都未試過依邊既泰國菜...就今個晚上同一班老友記去食下依間泰國菜.....不得不讚依間餐廳既環境同食物質素都非常地意外同好食👍👍👍甘熱既天氣緊系第一時間叫左飲品先啦！依個椰子冰吾止可以打卡，仲系好睇好飲喎！岩哂一班女性朋友呀！之後叫左個冬陰功湯同肉骨茶...好香濃夠哂足料..冬陰功湯仲有連殼原隻大蝦...肉骨茶有好多排骨食...同時感受到泰國同馬拉兩種風味！一個字...正！跟住叫左泰國生蝦..新鮮、彈牙、爽口、鮮甜！咖喱軟殼蟹咖哩吾辣..有蛋香味...咖哩質感好滑！麵包有焗過...用黎點咖哩一流！軟殼蟹大細剛好...女士要分幾口食！青檸蒸烏頭...成條烏頭一擺上枱就嗅到好香既青檸味...果然d汁入哂成條魚到...食落一d都吾（鞋）口..肉質好juice！小食拼盤有蝦餅、魚餅、春卷....口感食落吾油膩！點埋醬岩岩好！依個拼盤仲有港人最愛既生菜豬肉包...豬肉味道咸道適中..用生菜包住黎食好夾呀...燒西冷牛扒...肉質睇相都知...口感入口即溶...岩哂我地一班牛魔....因為泰國菜好小有燒西冷牛食..仲要甘有質素..必點推介！馬拉盞通菜系食泰國菜必叫架啦...都

Back at my favourite Thai restaurant! And yes we still ended up ordering the same items😂🥘Red curry w/ roasted duck 紅咖哩鴨HKD 88Delicious with garlic bread! Though a tad on the salty side this time. 🍤Vietnamese barbecued shrimp paste on sugar cane 越南烤蔗蝦 HKD 78Love bouncy shrimp paste! Very similar to their prawn cake 蝦餅 in terms of flavour and texture👍🏻🥗Shrimp, squid and pomelo salad w/ dry fish and nuts 泰式柚子大蝦沙律 HKD 98My favourite salad!! Delicious seasoning and the pomelo is super sweet! Get you

九點多買外賣，濕炒海鮮河份量足，$88略貴但是很好吃😋！下次會試堂食門口的姐姐在跳舞還有一架taxi吸引小朋友進去玩。尖沙嘴很多好吃的，它能站穩這個價錢有道理。

今日有得早收工之餘，仲係我期待好耐嘅日子，可以去食之前book左枱嘅一間泰國菜😎😎之前朋友帶我黎食過一次，食都停唔到口🙊今次自己一個人訂枱，雖然有啲毒😂😂但約唔到人，美食當前，無計啦🤣🤣🤣講返啲野食先，今次得我一丁友叫野食，所以只係叫左個上次無食到嘅馬沙文咖哩，再配個印度薄餅，另外就叫香芒軟殼蟹米紙卷同埋一杯菠蘿沙冰，以下再逐一分享下啦😝首先佢個人氣香芒軟殼蟹米紙卷真係唔話得，作為小食真係好掂🙂軟殼蟹炸得剛剛好卜卜脆之餘，個味道唔會太濃，啱啱好食到香芒個種甜味😍再點力個泰式秘製汁，又酸又甜，真係幾開胃架😊另外，個馬沙文咖喱牛腩，份量大份唔洗講啦，味道有別於平時食開嘅咖喱，係少少辣，特色係佢嘅八角味比較重🤔食落幾得宜好食😋而且咖喱當中仲有好多花生係度，脆脆地，好有口感👍牛腩都整到好腍，再配埋佢個酥脆印度薄餅，點左個咖喱汁去食，真係食極停唔到口🙈🙈🙈除左野食之外，今日咁鬼熱，我都額外叫左杯菠蘿沙冰去飲，菠蘿汁味道好足，而且仲食得到小小菠蘿肉粒，真係無得彈，係一個好好嘅收尾😃總括而言，哩間餐廳水準真係一流，炸野又得，咖喱薄餅都掂，無得彈😀好彩有朋友介紹咋，唔係真係少左一個食好西嘅地方🙂

今晚老婆話系慶祝pre-birthday，搵來搵去，最後去左之前搵的新泰，最後覺得正確。好的方面-近地鐵站出口，走路兩分鐘-裝修算有d泰國味-所有員工都系泰國（起碼系亞洲），對食物有信心-疫症期間，其他鋪都無乜生意，坐系度一個鐘都見到第二輪，客戶的眼光就是證明改善方面-冷氣太大，人同菜都凍得快-一早就擺定幾杯水系檯面，好多45分鐘都未有客。燒黃鱔4串（$128）4分- 餐牌只寫燒鱔，無話黃定白，最後睇單至知道系黃鱔，有小小失望。黃鱔燒得皮脆帶焦香，吾用醬料就有D鮮味，用醬料就酸酸辣辣，另一種風味。雖然只系黃鱔，都已經做得比果間名代宇X好好多。越式燒春雞壤香茅黃飯（$188）3分- 只雞當然細啦！然後肉質真系好鞋好鞋，摟翻d分系因為個沙拉同黃飯真系幾正，連平時吾食的朋友都食。椰汁木薯（$58）4分-估吾到原來系熱的，椰汁好香，木薯質感比蕃薯滑，但無乜味道。椒鹽軟売蟹（$78）4分-只蟹都算幾多肉，殼亦炸的幾香脆，喜歡吾辣就OK，吾系就可能會失望。

突然想食泰菜，身邊朋友強推呢間餐廳，一星期前訂好位，用餐時間90分鐘。餐廳地點好方邊，係正K11隔離，當晚7:00去到暫時都未有人等位。門口仲有部tuk tuk係到，一入到去已經好有泰國Feel我地一行5人，先叫左5道菜加1碟金邊粉。先講講野飲，我地叫左椰青沙冰，超級有驚喜！椰青沙冰 $58椰青沙冰我真係要比100分！超濃椰汁味，又唔會太甜，份量都好足！呢個真係必叫！我覺得佢D上菜次序有D奇怪，咁多樣野竟然最先黎既係金邊粉。泰式蝦炒金邊粉 $108賣相好靚，味道都算可以既，但同正宗係泰國既相比真係仲有好大段距離。不過大蝦比得好足，而且大大隻。其實暫時我都無係香港食過一碟真係好好食既金邊粉，所以無期望都無失望。馬拉盞通菜 $75微辣，正常發揮。麵包焗咖喱軟殼蟹 $208呢個真係要激讚呀！咖哩唔算辣但好香口，軟殼蟹熱辣辣，就算用咖哩浸住都仲Keep到係脆口！再配埋面包真係完美既配搭，我真係諗唔到有咩理由唔叫佢！呢味真係必試呀！小拼盤 $108兩樣都唔錯，蝦餅都足料彈牙。魚餅有少少偏咸。燒原隻魷魚 $98全晚相對地比較差既一道。燒魷魚唔夠火候，唔香口。$98既魷魚黎講偏比較細條，好普通。鐵板

兩個人冇得訂位，只可以walk in，星期五嘅夜晚你都勁多人，我哋7:00開始攞位，等咗半個鐘左右就有位㗎。依間餐廳嘅嘢食全部都好正，價錢又唔算係好貴。我哋叫咗個生蝦刺身，燒豬頸肉，泰式鳳爪沙律，軟殼蟹，青咖喱雞再加蒜蓉包仲有一個青菜苗。真係食得好飽，所有嘢都好好食特別係個蒜蓉包好香脆，不過個軟殼蟹就爭少少，因為比較油。整體來講都算係OK嘅，我哋兩個人每人大概$300左右落樓，都唔算好貴，最緊要係性價比高。

尋晚食咗好有驚喜嘅泰國菜餐廳😋1. 金邊粉金邊粉上面包咗層蛋皮十分精緻，調味方面金邊粉應該有嘅酸味甜味辣味比例調校得恰到好處，但鑊氣欠缺，對比起其他泰國菜餐廳所少的金邊粉比較順口就算一個人食都唔會太重口味😚2. 沙嗲串燒（牛雞豬）串燒一放上枱就聞到香味，感覺到係啱啱燒完就放上枱，但食咗第一串牛肉有少許失望，因為牛肉燒嘅時間過熟，變咗牛肉乾咁樣😕。但豬肉就比較出色，燒嘅時間恰到好處，有足夠嘅燒烤香味之餘亦都唔會過熟保持到豬肉嘅肉汁，整體來講沙嗲全消來講都算有心機，因為串燒十分足夠味道就算唔點醬都食到串燒嘅東南亞風味醃料嘅味道，但沙嗲汁方便略為遜色，我認為沙嗲汁欠缺花生香味而且過甜🧐3. 巴東牛展一放上枱就俾個份量嚇親，足足又成10大嚿牛展🤩性價比已經滿分！試到個巴東牛展汁感到震驚，香氣十足，令到會想配飯食嘅衝動，好惹味！但如果兩個人食唔太適宜叫，因為算重口味。4. 芒果糯米飯呢個甜品我好滿意🤤佢同平時嗰啲糯米飯相比，顯得去誠意十足，佢啲糯米飯分咗兩細個，顯得好精緻，而且糯米飯係熱嘅！令到成件事會順口啲而且有啲糯米飯係比較乾爽同冇咁甜，所以配合得好好～個芒果雖然唔係好甜嘅種類，但香氣十卜而

之前番pt跟同事試過佢灣仔嘅分店😊小編今次機緣巧合係尖沙咀覓食就即興試咗呢間分店啦(本來諗住食印度嘢🤫)。餐廳裝修風格統一亦頗有氣派😎無論餐具定檯凳都算精緻。如果你係好睇重餐廳環境氣氛嘅話 可以試下呢間😉不過唔知係咪因為人多🤔上菜速度唔算快 趕時間嘅未必係最佳之選。🌟香芒軟殼蟹米紙卷 ($88)唔知點解食親泰國菜總會係茫茫菜單入面揀中米紙卷🤣彷彿呢道菜已經成為東南亞菜嘅一個指標。米紙卷皮非常薄！！👍🏻軟殼蟹都好脆口而且食到蟹膏😳咬落會食到淡淡嘅芒果味，口感爽脆 酸酸甜甜好開胃😋🌟巴東牛展 ($88)有驚喜🤩本來諗住叫青咖喱，但無意間𥅈到呢個巴東牛展就好奇點咗🤣一search發覺原來係印尼菜黎。味道似偏甜嘅咖喱 一啲都唔辣，唔食得辣或者細路仔都可以試😙。值得讚嘅係佢個牛展煮得好淋好入味👍🏻而且有好多舊 堅係啖啖肉~🌟印度酥餅 ($32)特登嗌咗個酥餅黎配牛展，一上枱就散發出好香嘅牛油味🧈酥皮表面唔會油淋淋，同咖喱絕配啊🥰🌟泰國椰青 ($45)個椰青揀得幾靚 水多肉嫩，一上枱已經開好同埋開咗個窿俾人挖椰子肉食。*另收加一服務費味道：🌕🌕🌕🌕🌘環境：🌕🌕🌕🌕🌘價錢：🌕🌕🌕🌗🌑

星期五街头大排长龙，等10桌才落座，桌面上一只活跳跳蟑螂迎接我们。急忙叫打掃阿姨重新清理桌面換掉餐具餐盤。表面装潢好看其实真的乾净嘛？朋友喜软壳蟹，点单油炸软壳蟹，差评，如果不是自己点单的话，完全吃不出是什麽，只有好重的油的味道。四个菜吃了六百几，两人都觉得一般般而且唔舒服，不知道是蟑螂带来的心理作用还是菜品一般导致。

前排同朋友食過呢間覺得唔錯，今日又同老婆嚟撐檯腳。裝修都幾用心，座位寬落，閒日晚上嚟到都幾多人，但熱鬧得嚟又唔會好嘈。燒鱔 必食！！鱔魚皮燒得香脆，肉質彈牙兼帶油香，肥美嫩滑本身啲燒汁係甜甜地嘅，再蘸啲酸辣汁，好味到食唔停口！！泰式燒春雞釀香茅黃飯熱辣辣新「燒」出爐，皮脆肉嫩，醃得非常惹味；雞油融入黃薑飯，滋味濃郁。呢個飯嘅份量好多，我哋兩個人食半隻燒春雞同半份飯已經好夠飽，多幾個人一齊share都夠食，好抵沙律菜新鮮清爽，撈埋啲酸酸地嘅汁食，開胃解膩。芒果糯米飯本來想叫芒果雪糕糯米飯，但冇曬雪糕，就點咗份芒果糯米飯～呢份芒果糯米飯算係我喺香港食過最好食嘅！糯米飯熱辣辣，紫糯米煙煙韌韌，白糯米軟軟黏黏，我鍾意前者，老婆鍾意後者，一份甜品滿足曬我哋兩個嘅口味。椰香濃郁得嚟唔會過甜，同啲新鮮芒果一齊食，真係非常滿足