新泰東南亞餐廳

营业中

休息中

一入到門口已經聽到Sa -wa-dee ka，頓時覺得去咗泰國咁😍喺門內已經可以打卡了😍落到去呢有兩邊嘅，一邊呢地方大啲熱鬧啲，另外一邊呢地方冇咁大，但係都大約有三張大枱，幾張二人枱，另外有兩間VIP房我哋叫咗雜錦串燒：有豬牛雞😂香芒軟殼蟹米紙卷：呢個幾有驚喜，第一件你可以先咬一啖，然後點少少汁，跟住慢慢咀嚼，第二件可以整件放在口內，裏面簡直有種澎湃嘅感覺😂好豐富肉碎生菜包：一放枱已經聞到好香炒了的肉碎，用生菜包住食，非常好食，另外加分：個碗設計非常好，撈上肉碎好方便泰式炒金邊粉即係呢間餐廳嘅熱門菜式，我覺得係必點嘅，甜甜酸酸嘅金邊粉好開胃，上面有啲蛋絲，整得好靚最後壓軸出場嘅係芒果糯米飯，我幾乎去每一間泰國餐廳都會試佢哋嘅芒果糯米飯，呢個季節芒果竟然係好甜，每一啖糯米飯點上椰汁，軟硬適中，為呢餐飯畫上一個完美嘅句號

越式蝦米紙卷。這道菜以鮮嫩的蝦肉和香氣四溢的蝦米為主要材料，配上清爽的生菜和酸辣的蘸料。每一口都帶來了美味的口感和豐富的口味層次，令人回味無窮。馬沙文咖哩。這道咖哩以椰奶為基底，加入了新鮮的香料和馬沙文咖哩醬，營造出濃郁的味道和香氣。咖哩中的雞肉和蔬菜為整道菜增添了豐富的口感和層次感，讓我一口接一口地享受著這道美食。泰式炒什菜也給我留下了深刻的印象。這道菜以新鮮的蔬菜和香料炒製而成，每一口都充滿了蔬菜的鮮甜和香料的香氣。這道菜的烹飪技巧恰到好處，保持了蔬菜的脆嫩口感，同時讓香料的風味充分展現出來。糯米飯布甸和原個椰青大菜糕。糯米飯布甸是一道濕潤而綿密的甜點，每一口都散發著椰香和糯米的香甜味道。原個椰青大菜糕則是一道清爽的點心，椰青的清甜和大菜糕的柔軟口感完美結合，令人愉悅。

尖沙咀難得搵到抵食嘅泰國菜，環境都好闊落，食物質素都好唔錯，有傳統風味，但係價錢唔算貴，真係性價比之選！泰式生蝦 $118生蝦好新鮮好彈牙！同埋隻蝦都幾大隻~ 每一隻蝦上面都有一片蒜頭同埋一小節辣椒，辣椒都幾辣🤭再配合佢個酸汁，惹味得來又開胃。👍🏻冬蔭功 （小）$98有得嗌小size嘅冬陰功，啱晒一個人或者兩個人食，份量啱啱好，價錢合理，材料有蝦同菇，重點係個湯底比例啱啱好，酸得來又唔會太甜。泰武蝦炒金邊粉 $118有驚喜，賣相相當優雅吸引，用蛋絲皮包着金邊粉，金邊粉酸酸地，而且金邊粉麵質保持爽蛋，有鑊氣得來又唔會覺得太油膩，調味適中，係屬於高質嘅Pad Thai！👍🏻芒果糯米飯 $78分別有白色糯米飯同黑糯米飯，糯米飯仲暖笠笠，口感煙韌，配合大大啖椰漿同芒果食，好有滿足感😋環境：地下成層，面積好大，大枱坐10個人都得，亦都有好多細枱，適合各種聚餐服務：好多店員都係泰國人，佢哋都好nice，上菜速度好快！

原來除咗九龍城，尖沙咀都有好地道嘅泰國菜！ 環境服務同埋食物水準都好高🥰泰國菜來講我好少比咁高評價🤣🤣🤣🤣冬陰功湯 推介❤️好啱我個人口味，酸酸地辣辣地，但係唔會太辣，椰汁味唔會好濃郁！ 裏面仲有好多菇同埋大蝦！ 飲完一碗開晒胃！ 肉碎生菜包 推介❤️炒到濕度啱啱好，而且豬肉香味夠！ 青檸香茅味道豐富！ 生菜好細心咁切開，所以唔會太大片！ 泰式蝦炒金邊粉賣相好靚，味道亦都唔錯。 酸酸甜甜，配埋啲青檸花生。而且大蝦大隻兼新鮮。芒果糯米飯 推介❤️食過好多間嘅糯米飯，佢哋都會凍上，呢一間芒果係凍嘅，但係糯米飯就係熱。 熱嘅糯米飯會令到佢更加軟糯。而且佢一邊係白糯米一邊係紫糯米。 椰汁仲好香，可能唔係當造，所以芒果少少酸！ 不過亦都係咁，所以可以解椰汁嘅膩。泰式凍奶茶依間竟然可以嗌少甜，平時飲泰式奶茶都覺得佢有啲甜。 呢間嘅味道啱啱好。

泰國野應該係泰國食，泰國嘢應該係九龍城食。我覺得泰國野應該係有泰國人主理既地方食，咁就已經足夠。呢間餐廳由入門口開始，基本上我地見到嘅都係泰國人為我地服務，淨係呢點，都比到我地好大信心。 🍖冬蔭公，酸辣嘅味道夠曬平衡，講來容易，其實好多其他嘅冬蔭公，好似就係落重左手，攪到偏重係其中一邊，又或者為左掩飾兩者過多嘅份量，而加重左咸嘅味道，或者加好多水，呢啲後天嘅補救，永遠都做唔反根據嚴謹程序所帶出黎既美味。 🍖馬沙文牛腩，係正宗嘅泰國南部咖哩，香料同埋椰奶配合得好好，喺度既煮法，係冇煮到咁乾身，微辣有多啲汁醬可以俾客人配飯或者好似我咁配蒜蓉包。牛肉亦都因此唔會咁粗鞋，而且佢採用左帶皮既牛腩，食落仲有啲似羊腩煲既肉，喺唔錯既新配搭。 🍖馬拉盞炒蒜芯，蒜芯夠嫩無渣，而馬拉盞真係蔬菜嘅好拍檔，初頭食左一兩條，覺得冇咩特別，於是將佢再撈匀d，蝦醬蝦米洋蔥辣味完全將味道昇華。 🍖黑白芒果糯米飯，熱辣辣既糯米飯，令到椰漿都變得溫暖，而且更加滲出佢嘅香氣同突顯佢既甜度，再配合埋新鮮芒果，永遠都係食泰國菜最好嘅結尾。 🍺食泰國野，飲正宗singha draught beer喺最合理不過，cheers。

在這家開業已久的泰國餐館晚飯，友人順道和我慶祝生日。它的接待處面積寛闊，擺放了一輛泰國的計程車，充滿特色。 用餐區位於地庫，閒日的晚上竟然幾乎滿座，十分熱鬧。 餐牌彩色印刷，加上插圖，顯得吸引。 我們點了四款美食: 串燒羊肉(4串) ($128) 起初以為是單純的燒羊肉，原來穿插了青椒、紅椒、洋蔥、車厘茄和菠蘿，鮮艷奪目的色彩，充滿視覺享受。羊肉燒得剛好熟透，仍鎖住了肉汁，亦煙韌有嚼勁。再配了蔬菜的酸甜味，令味道層次更豐富。如果在炎炎夏日吃這道菜，會更適合。 泰式蝦炒金邊粉 ($118) 表面的網紋蛋花，賣相精緻亦迷人，金邊粉嫰滑可口，配料有爽口彈牙的鮮蝦及芽菜絲。 泰式炒雜菜 ($98) 有芥蘭、紅蘿蔔、椰菜花及秀珍菇，顏色豐富，能引起食慾。夠鑊氣，各類蔬菜炒得腍身。 芒果黑白糯米飯 ($78) 選了這款泰式甜品，黑白色的糯米飯熱辣辣暖胃，配了白色的椰汁，更惹美。芒果新鮮，甜美動人。糯米飯和芒果一熱一冷，配搭新鮮。 各款食物味道不俗，服務亦不差。

火锅和烧肉吃多了？不如来尖沙咀试一试这家泰国餐厅～距离地铁尖沙咀站步行只有几百米，而且空间超大～～（来了香港以后很久没有见到这么宽敞的餐厅了！）他们家的装修风格也非常nice，泰式风味十足，有一种异域的那种神秘情调～服务员小哥哥和小姐姐很多都是泰国人，一家地道的泰国人主理餐厅无疑了～ 来之前被朋友安利过他们家的【去骨海南鸡】，味道的确相当可以，鸡肉相当嫩滑，沾着蒜蓉吃味道相当不错！顺带说一句，他们家的泰式甜辣酱也非常棒！ 然后便是来泰国餐厅必点的串烧集合了！一次性集合【猪牛鸡】，沙爹味口感吃起来特别棒，配上浓浓的酱汁，不要太满足！ 他们家的沙律、粉面和甜品也超棒，可惜这次已经吃饱了哈哈哈，下次来二刷！

今日喺尖沙咀行完街肚餓，終於扚起心肝試吓平時經過無數次嘅新泰。門口就喺正K11對面，非常就腳。地面係入口，座位就落樓下一層，裝修乾淨企理，坐得舒服，一啲都唔逼。兩個人食泰國菜唔係食到好多嘢，但係生蝦呢d基本野點都要叫。爽口，大隻，夠凍，甜，完！冬陰功又係另外一個基本，我哋得兩個人，所以就叫咗個細，份量都足夠，每人都可以分到兩碗。不過如果係四個人食就建議叫大。個湯d料都幾足，夠酸好開胃，唔太辣可以飲到個湯底味，滿意！由於得兩個人食，所以都唔想叫太多肉，係豬頸肉同牛展之間掙扎咗一下。最後都係想試個特別d所以就叫左個越南鮮胡椒炒牛展。呢個都有d驚喜，牛展自己本身唔辣，但係配埋個先胡椒一啖咬落去，啲辣味就會爆發出嚟，都幾惹味。連埋啲汁配個白飯都幾正。是日重點，咖喱焗軟殼蟹麵包 🤤🤤🤤之前係第二度中過伏，所以本身有少少保留。但係來到食左一啖就番唔到轉頭，唔只係個軟殼蟹，連個麵包都係脆口。黃咖喱基本上唔辣亦都岩哂唔係好食得辣嘅我。完美嘅組合結果就係成碟掃清光。估唔到一直有間咁就腳嘅泰國菜都經過錯過，遲下約齊屋企人返來再叫多d野食先得！

早幾日出咗尖沙咀行街+有啲嘢搞又想食泰國菜，之前都成日經過呢間泰國菜同埋都好似好多好評，一於去試吓 .門口都幾大幾靚，有幾張凳可以俾人等位樓梯都係泰式佈置～ 原來樓下別有洞天，餐廳超大晚飯時間人頭湧湧，未食就知唔會中伏😂.本人食泰國菜一定會叫兩樣嘢一試就知吓間泰國嘢嘅水平去到邊第一係生蝦🦐 ； 第二係冬陰功湯🍲.🧡生蝦 $118夠凍，蝦肉厚、爽、鮮甜；個汁酸酸辣辣～好味！.🧡冬陰功湯 $98 細因為兩個人食，所以我哋嗌咗細，但係每人都分到兩碗多啲，份量啱啱好～個湯好夠酸，但係唔會太辣，對面果個唔係好食得辣都話好味～🧡越南鮮胡椒炒牛展 $98喺餐牌上面見到呢個覺得好吸引，未見過點知真係超驚喜😳原先以為會好辣但原來都係酸酸地勁開胃嘅味道～🤤牛腱切咗大粒，但係都好淋建議咬開一半再繼續點嗰啲酸汁嚟食超好味🫨 勁想嗌多個白飯黎送飯仲有個份量都好多 兩個人每人都食咗五六粒牛驚喜指數：🌟🌟🌟🌟🌟（偷偷地試咗下啲鮮胡椒 ，好有趣咬落唔辣，食食下就滲啲胡椒辣味出黎）.🧡麵包焗咖喱軟殼蟹 $248唔食辣嘅朋友可以放心食呢個咖喱～本身對軟殼蟹都冇咩期望因為估佢比咖喱浸到淋晒點知又係勁驚喜～軟殼蟹仲係好脆個麵

星期五晚同朋友去食，見門口企滿曬人等位，但我地四人位等左十分鐘左右就入得！好快！入到去發現原來餐廳好大，座位很多，裝修非常泰國風情，很有feel👍🏻我地四人坐六人枱，座位又闊又舒服，環境亦都乾淨。服務員好忙，同我地下單嘅時候都不斷同其他同事交流🤣上菜速度好快，整體食物偏甜，餸菜都係微辣，真係好適合香港人口味，難怪咁多人幫襯！！泰奶都好好飲，推薦！茶、奶、糖味都有，叫少甜飲到尾味道都仲係到👍🏻食完都明點解咁多人幫襯，雖然價錢貴少少，份量亦偏少，但值得一試，有聚會我都會再去食👍🏻

泰式蝦炒金邊粉 - 蛋網包住金邊粉賣相都幾靚，味道甜甜幾好食，金邊粉又彈牙~*冬蔭功湯 - 食泰國嘢嗌冬蔭公呢個基本啦! 飲落酸酸辣辣，好開胃 入面仲有隻大蝦。*馬拉盞炒通菜 - 又係基本嘢冇咩可以挑剔，送飯應該一流📍新泰東南亞餐廳尖沙咀加拿分道25-31號國際商業信貸銀行大廈地下1A號舖及地庫

由攞位已經一肚氣😡一早訂枱已經講好會5: 30入座，訂位時就話ok. 結果全家18個人5:45齊人，6: 15分先比枱. 遲比枱還要不停吹你快d 落單、7:15pm已經叫我地last order😡，7:30出埋我哋d甜品，7:45已經不停清枱同埋吹我地8點交枱，當我夾甜品時個待應一手叉埋黎收枱既碟。極之騷擾。🤬🤬真係忍唔主同佢講：未食完收咩枱呀？！個侍應仲係話8:00要交枱，然後我話：咁而家都未夠八點，你八點先嚟收啦. 但係個侍應唔理我繼續收枱.本來諗住過時過節同屋企人開開心心食餐飯，就變咗貼$買難受而家究竟係比$出去食飯？！定係俾錢人吹我返屋企？！

餐飲體驗非常不愉快。雖然食物的整體口味和氛圍還可以，但等待食物的時間過長，並且我們在其中一道菜中發現了體毛，這讓人非常不安。儘管我們要求重新製作了該道菜，但我們在第二天出現了胃部不適。食物的品質令人擔憂，我們不會推薦這家餐廳。The dining experience was rather unpleasant. While the overall taste of the food and the atmosphere were satisfactory, the wait for the food was excessively long, and we encountered the presence of body hair in one of the dishes, which was extremely unsettling. Despite requesting a replacement dish, members of our group experienced stomach discomfort the following day. The quality of

🦀麵包焗咖喱軟殼蟹 $248賣相好吸引，將麵包中間部份切出嚟，再將黃咖喱倒入去麵包中間，上面放上軟殼蟹。黃咖喱味道濃郁，椰奶中和左咖喱嘅辣味，食落偏甜唔太辣，麵包焗到脆身，配咖喱可以令麵包濕潤啲，食落部分脆部分軟，雙重口感！而軟殼蟹沾上炸粉炸到金黃色同脆身，配咖喱食都好好味！.🦐泰式蝦炒金邊粉 $118賣相好特別，用蛋液煎左塊網，再將炒金邊粉包住，好考師傅嘅廚藝！金邊粉炒到好夠鑊氣，條條分明，煙韌有咬口，配上大蝦、芽菜同花生碎粒，味道甜甜酸酸，好食！.🥗青木瓜沙律 $78青木瓜是木瓜的一個品種，食落口感脆爽，青木瓜刨絲，配上長豆角、番茄、紅蘿蔔、花生粒等，加入以辣椒、青檸、魚露、豉油、白醋及蒜蓉等調味料製成嘅酸辣汁，整體味道酸辣、開胃、清爽，作為前菜一流！食落都偏辣，唔食得太辣要注意～.🍲冬蔭功湯 $98（細）係泰國餐廳食嘢，當然要飲冬蔭功湯！湯底用香茅、洋蔥、檸檬、辣椒、魚露烹飪而成，又加入大蝦、香菇等材料，飲落酸酸辣辣，好開胃！

本人很喜歡泰國菜，今日難得和朋友一起放假一聚，就來了尖沙咀這間人氣泰國餐廳。餐廳門面好靚，就算要等候，都有位置可坐下！用餐區在地下一層，入面都裝修得精緻舒服！落單後大概5-10分鐘就開始上菜，不會等太久。而且店員態度很好，中間也會主動幫忙添水。最先來到是冬蔭功湯（$98），我們點了小份，但其實分量足夠每人兩碗仔，有一隻切邊的大蝦，和菇類，還有其他泰式香料，味道酸甜可口，層次豐富，勁快就被我們清了全部，是我人生吃過最好飲的冬蔭功湯之一，而且性價比極高！青木瓜沙律（$78）口感清新，青木瓜爽口，堅果類香脆，搭配甜酸辣的調味汁，提亮了整個沙律的味道，十分開胃。嗜酸辣人士會十分喜歡！麵包焗咖喱軟殼蟹（$248）。這裡的咖喱配上椰汁，香濃之餘辣度減低，就算插在咖喱汁一段時間，軟殼蟹表面仍是脆的！炸得剛剛好，配上咖喱汁味道更香！麵包也焗得剛好，表面少少脆，配上咖喱汁十分合拍。泰式蝦炒金邊粉賣相十分吸引，有層蛋網包着，裏面蝦的份量也不算少，金邊粉彈牙，整體偏甜不辣，能中和沙律和冬陰功湯的辣味，蛋網也帶有少少煙靭的味道，有驚喜！這間泰式餐廳無論裝修還是味道，都是高水準，價錢合理，難怪人氣一直高居不下！