新泰東南亞餐廳

营业中

休息中

今日喺尖沙咀行完街肚餓，終於扚起心肝試吓平時經過無數次嘅新泰。門口就喺正K11對面，非常就腳。地面係入口，座位就落樓下一層，裝修乾淨企理，坐得舒服，一啲都唔逼。兩個人食泰國菜唔係食到好多嘢，但係生蝦呢d基本野點都要叫。爽口，大隻，夠凍，甜，完！冬陰功又係另外一個基本，我哋得兩個人，所以就叫咗個細，份量都足夠，每人都可以分到兩碗。不過如果係四個人食就建議叫大。個湯d料都幾足，夠酸好開胃，唔太辣可以飲到個湯底味，滿意！由於得兩個人食，所以都唔想叫太多肉，係豬頸肉同牛展之間掙扎咗一下。最後都係想試個特別d所以就叫左個越南鮮胡椒炒牛展。呢個都有d驚喜，牛展自己本身唔辣，但係配埋個先胡椒一啖咬落去，啲辣味就會爆發出嚟，都幾惹味。連埋啲汁配個白飯都幾正。是日重點，咖喱焗軟殼蟹麵包 🤤🤤🤤之前係第二度中過伏，所以本身有少少保留。但係來到食左一啖就番唔到轉頭，唔只係個軟殼蟹，連個麵包都係脆口。黃咖喱基本上唔辣亦都岩哂唔係好食得辣嘅我。完美嘅組合結果就係成碟掃清光。估唔到一直有間咁就腳嘅泰國菜都經過錯過，遲下約齊屋企人返來再叫多d野食先得！

早幾日出咗尖沙咀行街+有啲嘢搞又想食泰國菜，之前都成日經過呢間泰國菜同埋都好似好多好評，一於去試吓 .門口都幾大幾靚，有幾張凳可以俾人等位樓梯都係泰式佈置～ 原來樓下別有洞天，餐廳超大晚飯時間人頭湧湧，未食就知唔會中伏😂.本人食泰國菜一定會叫兩樣嘢一試就知吓間泰國嘢嘅水平去到邊第一係生蝦🦐 ； 第二係冬陰功湯🍲.🧡生蝦 $118夠凍，蝦肉厚、爽、鮮甜；個汁酸酸辣辣～好味！.🧡冬陰功湯 $98 細因為兩個人食，所以我哋嗌咗細，但係每人都分到兩碗多啲，份量啱啱好～個湯好夠酸，但係唔會太辣，對面果個唔係好食得辣都話好味～🧡越南鮮胡椒炒牛展 $98喺餐牌上面見到呢個覺得好吸引，未見過點知真係超驚喜😳原先以為會好辣但原來都係酸酸地勁開胃嘅味道～🤤牛腱切咗大粒，但係都好淋建議咬開一半再繼續點嗰啲酸汁嚟食超好味🫨 勁想嗌多個白飯黎送飯仲有個份量都好多 兩個人每人都食咗五六粒牛驚喜指數：🌟🌟🌟🌟🌟（偷偷地試咗下啲鮮胡椒 ，好有趣咬落唔辣，食食下就滲啲胡椒辣味出黎）.🧡麵包焗咖喱軟殼蟹 $248唔食辣嘅朋友可以放心食呢個咖喱～本身對軟殼蟹都冇咩期望因為估佢比咖喱浸到淋晒點知又係勁驚喜～軟殼蟹仲係好脆個麵

星期五晚同朋友去食，見門口企滿曬人等位，但我地四人位等左十分鐘左右就入得！好快！入到去發現原來餐廳好大，座位很多，裝修非常泰國風情，很有feel👍🏻我地四人坐六人枱，座位又闊又舒服，環境亦都乾淨。服務員好忙，同我地下單嘅時候都不斷同其他同事交流🤣上菜速度好快，整體食物偏甜，餸菜都係微辣，真係好適合香港人口味，難怪咁多人幫襯！！泰奶都好好飲，推薦！茶、奶、糖味都有，叫少甜飲到尾味道都仲係到👍🏻食完都明點解咁多人幫襯，雖然價錢貴少少，份量亦偏少，但值得一試，有聚會我都會再去食👍🏻

泰式蝦炒金邊粉 - 蛋網包住金邊粉賣相都幾靚，味道甜甜幾好食，金邊粉又彈牙~*冬蔭功湯 - 食泰國嘢嗌冬蔭公呢個基本啦! 飲落酸酸辣辣，好開胃 入面仲有隻大蝦。*馬拉盞炒通菜 - 又係基本嘢冇咩可以挑剔，送飯應該一流📍新泰東南亞餐廳尖沙咀加拿分道25-31號國際商業信貸銀行大廈地下1A號舖及地庫

由攞位已經一肚氣😡一早訂枱已經講好會5: 30入座，訂位時就話ok. 結果全家18個人5:45齊人，6: 15分先比枱. 遲比枱還要不停吹你快d 落單、7:15pm已經叫我地last order😡，7:30出埋我哋d甜品，7:45已經不停清枱同埋吹我地8點交枱，當我夾甜品時個待應一手叉埋黎收枱既碟。極之騷擾。🤬🤬真係忍唔主同佢講：未食完收咩枱呀？！個侍應仲係話8:00要交枱，然後我話：咁而家都未夠八點，你八點先嚟收啦. 但係個侍應唔理我繼續收枱.本來諗住過時過節同屋企人開開心心食餐飯，就變咗貼$買難受而家究竟係比$出去食飯？！定係俾錢人吹我返屋企？！

餐飲體驗非常不愉快。雖然食物的整體口味和氛圍還可以，但等待食物的時間過長，並且我們在其中一道菜中發現了體毛，這讓人非常不安。儘管我們要求重新製作了該道菜，但我們在第二天出現了胃部不適。食物的品質令人擔憂，我們不會推薦這家餐廳。The dining experience was rather unpleasant. While the overall taste of the food and the atmosphere were satisfactory, the wait for the food was excessively long, and we encountered the presence of body hair in one of the dishes, which was extremely unsettling. Despite requesting a replacement dish, members of our group experienced stomach discomfort the following day. The quality of

🦀麵包焗咖喱軟殼蟹 $248賣相好吸引，將麵包中間部份切出嚟，再將黃咖喱倒入去麵包中間，上面放上軟殼蟹。黃咖喱味道濃郁，椰奶中和左咖喱嘅辣味，食落偏甜唔太辣，麵包焗到脆身，配咖喱可以令麵包濕潤啲，食落部分脆部分軟，雙重口感！而軟殼蟹沾上炸粉炸到金黃色同脆身，配咖喱食都好好味！.🦐泰式蝦炒金邊粉 $118賣相好特別，用蛋液煎左塊網，再將炒金邊粉包住，好考師傅嘅廚藝！金邊粉炒到好夠鑊氣，條條分明，煙韌有咬口，配上大蝦、芽菜同花生碎粒，味道甜甜酸酸，好食！.🥗青木瓜沙律 $78青木瓜是木瓜的一個品種，食落口感脆爽，青木瓜刨絲，配上長豆角、番茄、紅蘿蔔、花生粒等，加入以辣椒、青檸、魚露、豉油、白醋及蒜蓉等調味料製成嘅酸辣汁，整體味道酸辣、開胃、清爽，作為前菜一流！食落都偏辣，唔食得太辣要注意～.🍲冬蔭功湯 $98（細）係泰國餐廳食嘢，當然要飲冬蔭功湯！湯底用香茅、洋蔥、檸檬、辣椒、魚露烹飪而成，又加入大蝦、香菇等材料，飲落酸酸辣辣，好開胃！

本人很喜歡泰國菜，今日難得和朋友一起放假一聚，就來了尖沙咀這間人氣泰國餐廳。餐廳門面好靚，就算要等候，都有位置可坐下！用餐區在地下一層，入面都裝修得精緻舒服！落單後大概5-10分鐘就開始上菜，不會等太久。而且店員態度很好，中間也會主動幫忙添水。最先來到是冬蔭功湯（$98），我們點了小份，但其實分量足夠每人兩碗仔，有一隻切邊的大蝦，和菇類，還有其他泰式香料，味道酸甜可口，層次豐富，勁快就被我們清了全部，是我人生吃過最好飲的冬蔭功湯之一，而且性價比極高！青木瓜沙律（$78）口感清新，青木瓜爽口，堅果類香脆，搭配甜酸辣的調味汁，提亮了整個沙律的味道，十分開胃。嗜酸辣人士會十分喜歡！麵包焗咖喱軟殼蟹（$248）。這裡的咖喱配上椰汁，香濃之餘辣度減低，就算插在咖喱汁一段時間，軟殼蟹表面仍是脆的！炸得剛剛好，配上咖喱汁味道更香！麵包也焗得剛好，表面少少脆，配上咖喱汁十分合拍。泰式蝦炒金邊粉賣相十分吸引，有層蛋網包着，裏面蝦的份量也不算少，金邊粉彈牙，整體偏甜不辣，能中和沙律和冬陰功湯的辣味，蛋網也帶有少少煙靭的味道，有驚喜！這間泰式餐廳無論裝修還是味道，都是高水準，價錢合理，難怪人氣一直高居不下！

本人12月三日晚上6:10入座，入座通知我們只可以進食1小時30分鐘，當進晚餐到7:15 ，侍應已經開始拿走枱面碗碗碟碟，大約7:20要我們結帳， 7:25要求我們離開，其實佢講明係可以有1小時30分鐘晚膳時間，侍應態度惡劣，我們也在7:30離開，不會再光顧這間服務態度差的餐廳。，

喺呢度食有幾個目的，姐姐生日加上美國親戚要走了，所以就揀咗呢度諗住有啲氣氛亦都買咗個蛋糕喺嗰度切，知道呢間餐廳有啲人氣，所以亦都預早book咗七點回覆係個半鐘頭用餐亦都冇問題，如期七點去到，叫完嘢食食到一半已經開始問我哋有冇要加餸服務員不停係咁講你哋之後有一班10位嘅會喺你哋食完之後入座，咁即係點呀？嗰陣時係只不過係食咗半個鐘，差不多到7:45然後仲有兩樣餸都未嚟佢已經有走過來同我哋講你哋仲有冇last order冇嘅話我有一台客將會坐入嚟，我已經好唔老嚟同佢講吓我哋食咗45分鐘㗎咋喎，跟住佢就話咁我check吓張單先，你幾時入座，唔到10分鐘又走過嚟話你哋仲有冇嘢加咁我就加多一樣餸，然後又再一次走過來話你哋之後仲有人要入嚟嘅你哋冇嘢加嘅話就差唔多，我嗰陣時火都嚟埋仲有兩個餸都未到你吹咩吹啫，我哋只不過係食咗50分鐘你話剩返15分鐘我哋仲喺度慢慢嘅話你就喺度吹啫，好啦餸都未嚟齊到到8點10分，佢已經攞張單嚟話要我哋買咗張單先，我哋同佢講咁你幫我上埋個蛋糕，嗰陣時嗰個蒜蓉包都未到大家已經食到有啲火，抬個蛋糕上嚟佢仲想急急腳幫我哋點埋蠟燭想幫我哋吹埋添好似想叫我哋快啲走，我哋唱個生日歌唱到

平日夜小小都好多人排隊，預約咗就唔洗等位鍾意佢環境同店員都好泰式風格😂無得輸店員服務態度都好好，地方闊落坐得舒適Menu超多菜式選擇，仲有好多款想試🤤係我心目中排名第一的泰菜餐廳！🔎麵包焗咖哩軟殼蟹💰248絕對係今餐嘅主角！不敗的組合雖然將啲餸放入麵包度焗嘅菜式食過多次但每一次見到都好有衝動想食🤩咖哩好香，唔會太辣，微甜軟殼蟹唔會炸得好油 浸喺咖哩度亦唔會淋咗熱辣辣酥脆的麵包吸曬咖喱汁就緊喺超正～🔎泰式蝦炒金邊粉💰118蛋網整得好靚 金邊粉有嚼勁炒得幾香 份量又充足 偏甜🔎香芒軟殼蟹米紙卷💰98估唔到芒果🥭同軟殼蟹🦀又幾夾薄而彈牙的米紙包住炸得香脆的軟殼蟹配以蔬菜同埋類似粉絲嘅嘢點埋酸辣汁，開胃不油膩🔎泰國青芒果沙律💰88唔食得辣嘅我覺得偏辣🌶️但青芒爽脆嘅口感 加埋上癮的酸辣汁令我辣到飆眼水都想食😂🔎Sun Thai Smoothy💰55想飲杯無酒精嘅Cocktail🍹但見Menu冇就問店員，之後就整杯即將推出嘅俾我❤️外觀好靚～飲落似係芒果沙冰🥭🍧好濃芒果味！唔係香精組成的！

呢間位於尖沙咀K11 附近的泰國餐廳，口味好地道，餐廳有唔少泰國人員工，地方又夠大，裝修都好有泰國風味，座位舒適，價格不太貴，性價比高，又大大份，岩晒一大班人黎食。泰式春卷 $88炸得唔錯，入面有粉絲肉碎幾香口。泰國街邊豬肉串 $68推薦必點的豬肉串燒得很香，嫩滑多汁，肉質Juicy 😋，配埋開胃泰式醬汁一齊食，超級正。馬拉盞炒通菜 $88好地道的馬拉盞炒通菜，小小辣又有大量蝦乾仔，足料，炒得很香又惹味，好味道👅。越式蟹肉炒粉絲 $98粉絲炒得好有鑊氣，又大大碟，蟹肉份量都唔少，配埋小小辣的札肉，豆芽一齊食，真係好有泰國地道feel 的炒粉絲。菠蘿🍍同芒果🥭沙冰 $55/杯大大杯的菠蘿🍍同芒果🥭沙冰，味道唔錯唔太甜，飲完透心涼。

夜晚勁多人等位～就算book左時間，都不能準時入座！但都體諒亦都明白，因為真係好高質！！！成個要環境格局都好靚，好有氣氛，地面嗰層係等位，下面地牢先係餐廳，食緊嘅食客係唔會有任何壓力，因為見唔到等位嘅客人係有幾多🤣呢個設計都幾好！食客可以慢慢食，慢慢享受😎啲菜式全部都超濃味！彷彿好似真係去咗泰國食泰國餐廳咁樣，味道亦都超地道！！所有嘢食都係好大份👍🏻👍🏻👍🏻出餐時間都算快，而且賣相都十分之好！！-特別要點評嘅係冬陰功湯🥰🥰🥰啲料極之豐富！同埋真係好足料，啲湯好濃！好鮮味👍🏻👍🏻👍🏻-另外喺金邊粉🤤送到黎嘅時候個樣係超級靚！係有層蛋包住金邊粉，要切開先見到入邊，啲粉亦都好林好入味！再撈埋側邊嘅花生碎！超級勁好食！！完全唔覺得膩👍🏻🥰😎-最出色嘅係椰青沙冰😌佢係連埋果肉一齊打碎晒，勁濃郁嘅椰青味配上有咬口嘅椰青肉！超級有驚喜🥰🥰-豬頸肉燒得啱啱好🤤🤤入口勁有咬口，側邊燒到脆邊，入口又唔會有成啖油嘅感覺，配埋佢特製嘅酸辣汁，完全係地道菜式之一！-咖喱軟殼蟹包😋上到枱嘅時候勁巨型🤣完全係有食唔晒嘅感覺，我覺得咖喱可以再辣少少，咁就會更加惹味，就算啲軟殼蟹插晒入去咖哩入邊，拎出黎食嘅時候都仲係好

今日放工同朋友黎左尖沙咀依間非常具泰國風格，而且環境好靚好大既餐廳食飯，食物真係好好味😋😋😋青木瓜沙律：青木瓜口感非常清爽，配上特製既酸辣醬料，口感一流，越食越開胃，好正😋馬沙拉咖哩雞：咖哩味十分香濃，還有好豐富既配菜係入面，例如：薯仔，食落去雞肉和薯仔完全索嗮咖哩既醬汁。印度薄餅：好好味😋，外酥內軟，而且還有好香既牛奶味，超鍾意食👍👍👍泰式蝦炒金邊粉：賣相一流，金邊粉口感一流，好香滑入味，大蝦非常新鮮，超鍾意食，超好食，還有泰國風味😋❤️❤️❤️5. 芒果雪糕配糯米飯：結合芒果、椰肉同糯米飯，搭配非常香甜既椰漿同冰涼既椰子雪糕，芒果非常香甜，超好味😋，椰子雪糕味道好香濃，整體上非常出色既一個甜品😍椰青：每次食泰國餐廳必定會飲既椰青😁椰子非常新鮮，令椰青水飲落去好清甜，椰肉食落去都香嫩😋😋😋

新泰東南亞餐廳📍尖沙咀加拿分道25-31號國際商業信貸銀行大廈地下1A號舖及地庫今日放工收得早，就同朋友去尖沙咀一齊行下街食下飯，夜晚搵左一間尖沙咀好出名嘅泰國餐廳～「SUN THAI 」，今日係平日我地夜晚大約6點到餐廳，好彩黎得早咋，因為入座無幾耐，其他客人陸續入黎，接近七點已經全間full啦🤣好誇張，而且餐廳侍應好多都係正宗泰國人，聽到佢地溝通都係講泰文架🤭食物種類都好多，好多選擇😋😋我地order左👇251 青木瓜沙律 $78🥗份量都算多，青木瓜爽脆，重有紅蘿蔔絲、蕃茄仔同花生粒，味道酸酸辣辣好開胃，做前菜一流👍推薦指數：8/10557 泰式蝦炒金邊粉 $118金邊粉份量好足，有咬口，炒得好香，賣相好靚📸，味道酸酸甜甜好開胃，重有幾隻大蝦，爽口彈牙，好好食👍值得推薦😆😆推薦指數：9/10353 馬沙拉咖喱（雞）🐔361 印度薄餅 $42有豬牛雞三款可以選擇，今次同朋友選擇左食雞🐔， 咖哩大大碗，配菜有三色椒、薯仔，味道唔會太辣， 印度薄餅有8件，好酥脆，點埋咖哩食好滿足😍😍推薦指數： 8.5/10602 芒果雪糕配糯米飯 $68芒果好香甜🥭，雪糕味道係椰子味，唔會好甜，糯米飯係